正宗蘭州牛肉拉麵 (已結業)

餐廳：正宗蘭州牛肉拉麵 (尖沙咀)地址：尖沙咀漆咸道南61-65號香港百樂酒店地下5-8號舖今晚去左尖沙咀漆咸道南嘅正宗蘭州牛肉拉麵食晚餐🥣，見係新開嘅餐廳🍴，又好近教會⛪️，有機會會成為常客緊係要試一試佢地嘅野食啦仲記得之前去過蘭州，果到食牛肉麵真係好平又好食🤤，而呢到嘅套餐唔算貴，一個麵加一個小食/飲品都係五十幾六十蚊牛肉刀削麵套餐 $55牛肉有六至七片🐂，相比起平時食開嘅牛肉麵薄啲，不過一樣好腍👍🏾，筋肉分明，湯底有味而唔會太鹹，整體都幾好食西紅柿雞蛋拉麵套餐 $60蕃茄唔酸🍅，雞蛋足料🥚，兩樣食材令拉麵都變得入味☺️，拉麵都好腍🍜，一咬就碎，份量仲要唔少另外叫左羊肉串($20/串)同涼拌土豆絲($35)，羊肉色香味俱全😍，燒烤完再加上調味粉增添左羊肉嘅香，伴隨住少少嘅羶味，的確可以食返三五七串；土豆絲唔會整得好濕，配上少少燈籠椒令賣相更出色，加埋少少辣油去食就更加滋味

喺尖沙咀行完街搵食，見到佢入面有人食緊土豆絲(心心眼), my favourites. 唸都唔唸就入左去啦。原來呢度出名食拉麵，我地兩個人叫左一個酸菜牛肉麵餐開心share，配上我好想食嘅酸辣土豆絲。見隔離枱炒到勁香嘅京蔥牛肉，決定叫一碟試下。兩個人食，share 一個麵又怕吾飽，所以又叫多蔥油餅。酸菜牛肉拉麵：好快上菜，先試啖湯，好夠味，牛肉砌簿片，牛肉味好濃，好啱我口味，麵質有彈牙。酸辣土豆絲：薯仔絲砌得好平均，粗幼剛好。酸酸辣辣，夠爽口👍京蔥爆牛肉：未坐低，隔離枱陣陣香味傳過嚟，真係香到爆啊，牛肉味好濃郁，京蔥爆炒過之後，超惹未，送飯絕對一流，最後成碟清晒。蔥油餅：同平時食上海餐廳嗰啲有啲唔同，佢比較酥脆，我比較鍾意呢種口感，好香。平時出街食飯，好少會特登約朋友去食東北菜，今次嘅偶遇，都有少少驚喜。

今日中午同同事去左尖沙咀一間餐廳食正宗既蘭洲拉麵，呢間餐廳既裝飾同埋野食既味道都好正宗！呢度有好多傳統菜式，仲有套餐，價錢唔貴，好抵食！我地叫左兩個套餐，分別係牛肉拉麵套餐同埋羊肉拉麵套餐。呢度既麵有刀削麵同埋拉麵，我地兩碗都揀左拉麵，拉麵好幼細，好感岩岩好，加埋又香又熱既湯底，冬天食好岩啊！跟餐既配菜分別揀左土豆絲同埋腐皮，仲另外加左兩碟牛肉，好豐富啊！另外，大食既我地仲點左兩串羊肉串，羊肉串既羶香好正，加埋啲香料一齊燒，好惹味！最後，仲有呢個肉夾膜！

睇落好似好少牛肉  佢既牛肉六至七塊薄而香牛肉味 肥部份多少肉  平時係香港食麵 我唔會飲湯既呢間我飲左幾啖 湯底唔會太過味精 幾香青瓜唔錯 好爽少咸唔辣見到廚係外省大叔樣 感覺都幾正宗啩😄

羊肉串好好吃喔!油亮，不膩不羶，外酥里嫩，肉質鮮美!!$20/串，$98/半打💕蔥油餅很酥脆，不會很油，只是不夠熱！夾烤羊肉一起吃口感更好！羊肉麵套餐配了青瓜，青瓜不太入味，不過很爽口！麵的份量大，但是味道一般般，湯底有點淡，小小胡椒味，羊肉很薄，沒有口感，沒有肉味，想不要蔥多莞茜，可是服務員說一早就混在一起，不能只不要蔥⋯⋯只能蔥和莞茜都不要⋯⋯很無奈！整碗麵很單調，完全沒有綠色的菜，就一點點酸菜在裡面。位置很寬敞，不用排隊，燈光明亮，很乾淨。尖沙咀站、尖東站、紅磡站都近，而且漆咸道南有很多去各區的巴士小巴。

平時放工經過e間餐廳都無咩人，所以都打動唔到我入去試下，但係自己之前上親大陸都會食碗蘭州拉麵，因為我就真係好鍾意食手拉麵。咁今日玩完健身之後就去試下啦！咁今日入到去，望下個menu 之後，好明顯價錢係下調左，之前要成70幾蚊一碗呀！而家就60蚊重包一個小食。我就選擇左羊肉拉麵再加手拍青瓜。坐係度等果陣，望下佢地d裝飾都係同大陸餐廳果d差不多。咁個麵黎啦，羊肉都多唔算孤寒，而麵質一樣都係咁彈牙，湯都可以，有少少胡椒味，幾好入口，但係就淡左少少，整體黎講都有之前上大陸食感覺。青瓜都可以啦，整體都唔錯，會再幫襯。

正宗蘭州牛肉拉麵 #尖沙咀嗰日落大雨，咁啱喺尖沙咀見到有間好大食蘭州牛肉拉麵嘅鋪頭，於是就入咗去，嗰陣仲係下午茶時間，所以就試咗佢哋嘅下午茶餐，全部下午茶餐都大約係$60左右，唔算太平但係呢個份量來講又唔係好貴嘅。蘭州牛肉拉麵+涼拌土豆絲 ~$60店員講到明下午茶餐嘅份量係午餐嘅一半，不過其實成個面底份量都唔少，不過啲牛肉就淨係得三塊，而且仲要係非常薄切。湯底: 清清地，帶少少牛肉味麵: 其實類似刀削麵，煮得仲有少少咬口牛肉: 講真咁薄都好難韌得去邊，不過份量同埋個口感就真係爭咁啲整體嚟講，正正常常，唔需要特登去試。另外下午茶會加送一個配菜，今次就揀咗涼拌土豆絲，就係一般嘅土豆絲，冇乜特別。肉夾饃+烤羊肉 ~$60雖然冇真係食過大陸嘅肉夾饃，但係都係香港好多唔同嘅陝西餐廳食過(eg 西香記)，呢個要咁我同平時食開嗰啲好唔同，佢入面啲肉唔係手撕肉，而係一粒粒肉碎，而且個味道有少少似咖喱味，唔係話唔好食純粹係覺得唔太正宗。至於個外皮其實都考得幾香脆嘅，不過成個都幾油膩。反而個烤羊肉嘅味道同埋質感又做得幾好，孜然味香，肉質淋，帶有少少羊蘇味，幾正。烤雞翼 $18味道同烤羊肉係同一個味，所以同

好似冇味咁 去到好似包場咁 加埋我得6個 叫左個麵餐加煎旦 隻旦係旦到穿左 所有野都係淡嘅 d 牛肉都係冇咩味 整體黎講 我用70蚊食左一個冇咩味道既晚餐 注意 去食飯只收現金 老實講 我唔會再去😅😅

🥢尖沙咀蘭州牛肉拉麵刀削麵🥢請支持即刻俾心👍🏻🥢尖沙咀食lunch 成日諗唔到食咩，熱辣辣唔想食飯，粉麵類最啱啦，經過有一間寫正宗蘭州牛肉拉麵，我未去過蘭州，唔個牛肉拉麵係點嘅，所以就試下好無食🥢午市牛肉刀削麵 $55 +$6 汽水套餐本身包一個小食或汽水 , 小食選了土豆絲，口感咬落爽到索索聲， 味道較酸小小辣，但係無咩味道🥢牛肉刀削麵套餐 刀削麵質煙韌大小剛剛好，湯底清清的無咩味道，有帶點羶味，牛肉薄薄的有4片，食完後空腹感上升🥢因為不知道正宗係咪咁樣，但個人覺得味道不是太喜歡，湯底和土豆絲都是比較淡，牛肉配料很少，飲品只有汽水提供，除左地方大比較好坐，味道唔係好啱我所以自己未必回頭再食正宗蘭州牛肉拉麵地址: 尖沙咀漆咸道南61-65號香港百樂酒店地下5-8號舖

尖沙咀隔一 d 時候就會有新食肆! 呢間平日經過見到 menu 唔吸引, 一個字 “好貴”! 近日再經過見佢轉左 menu 價錢又 ok, 決定試試! 1點幾入到去得3枱, 我哋係唔會驚既! 麵餐一款涼菜或汽水 $59, 要羊肉就 $60, 都 ok丫! 涼菜我哋選青瓜同腐竹! 青瓜唔入味, 腐竹有點太硬! 小妹妹食牛肉麵! 麵質爽口 (做冷麵應該更可口), 牛肉唔算細片不過比較薄, 湯頭好清甜! 我食羊肉刀削麵! 羊肉羶香夠淋, 份量亦多! 刀削麵比較短而薄, 煮得太淋, 湯好清甜, 食完成身汗! 老闆食羊肉餃子, 粒粒飽滿, 不過比韮菜搶晒羊肉味! 值得一提係個辣椒油, 好香好香不過完全唔辣! 註: 我無去過蘭州食正宗既拉麵, 不過呢間唔差! 我老闆仲話比起喺蘭州食, 呢碗簡直係超級豪華版! 

星期日中午到尖沙咀上堂，諗住上堂前先食少少嘢，就走咗入呢間位於漆咸道南嘅《正宗蘭州牛肉拉麵》。餐廳面積都幾大，不過就算係星期日下晝一點幾，客人都係得幾個，不過既然入到嚟，都點個餐嚟試下。午市套餐由$59開始到$79，點咗個午市套餐A，牛肉面+青瓜+可樂，盛惠$59。本來想將青瓜轉為海帶絲，不過見到要加$10，感覺好唔抵，所以無轉到。主角出場，成碗牛肉麵得五“小” “薄”片，切得比燈影牛肉仲要薄，而且size仲要超細片，五片攤開平鋪都唔夠半邊碗咁大，另外半邊鋪滿蔥花，可能等碗麵望落豐富D。牛肉量少得過份！非常佩服廚師可以將面積咁細嘅牛肉切得咁薄，廚師刀功非常了得，亦定必有雙非常靈巧的手！湯底望落幾清澈，因為完全無牛味，只係鹹鹹地，飲完好頸渴。青瓜都幾脆不過唔入味！今餐叫咗碗牛肉麵，畀咗$59，但食完完全唔覺自己食過牛肉，以為自己食完陽春麵，感覺超揾笨！以後唔會再幫襯！

没错，是幸福的味道，是旅居他乡会想念的味道。汤底、牛肉、面条，连醋和辣油都是地道的兰州拉面用料。分量上也是实实在在的北方大海碗。建议大家先点个套餐或者一个面试试。懂的人才懂。一定要经常来帮衬。我基本上就是狼吞虎咽状。全香港找遍了，其他家都是本地化的调味，迎合受众，这家保留了原汁原味，安慰浪迹天涯滴游子。本来已经打算去深圳找了，居然在逛历史博物馆口干舌燥、饥肠辘辘的时候一拐弯遇到了，真是“踏破铁鞋无觅处，得来全不费功夫”呀。第一篇食评等灯灯。

得知公司附近有家清真餐廳要抽空來試試看跟老闆一起一人點一個麵煮法真的很道地勾起了以前到邊界旅遊的回憶那種氣味和感覺麵條不會很入味但汁醬調理花不少心思而在下就點了湯麵牛肉刀削麵湯底看下去很清卻帶著濃濃羊肉味道這可是不簡單份量十足另外還點了兩串燒羊調味不會很重同時品嘗到羊肉的味道這就有點不夠道地了可能是怕在香港的人們吃不習慣吧還有這個在下第一次嘗試的蔥油餅跟想像中和經驗完全不同的炸了的蔥油餅好香好Q吃了兩塊後因為本人怕長痘痘所以泡著麵湯吃沒想到又是另一番美味午餐每人付上青瓜一碟讓味蕾可以新鮮一下店員招待熱情但在落單前就會有點被吹落單的感覺師傅間中會出來看看客人看得出大家的用心和努力如閣下想試到道地的中國食物來這裡是個新認識和嘗試但如真的吃不習慣絕不是這家店的問題

10年以來在香港吃過最正宗的蘭州拉麵。上個月偶爾路過發現這家新開的麵館，抱著試一試的心態進來，結果非常驚喜。之前在香港吃過的蘭州拉麵都不夠正宗，這一家算是非常地道。陸陸續續來過不下10次。試過牛肉拉麵，牛肉炒拉麵，孜然羊肉拌面和烤串，暫時還沒失望。唯一有點不爽就是牛肉改成了牛展，可能是為了適應本地人口味吧。羊肉串第一次來的時候還沒有，後來試過之後味道不輸一般的燒烤店，缺點就是價格略貴，98半打。服務方面就比較一般，從第一次來到現在看到服務員換了很多次，明顯培訓不到位。有時候點炒拉麵配湯，有時候又沒有。也不是每次進來都有杯水奉上。總結就是這家新開業的蘭州拉麵店是拉麵愛好者的好去處，味道正，價格略貴。

從來未食過咁差嘅午餐！諗住午餐嚟試吓新野，餐廳裏面冇乜人，老闆娘見到我哋入嚟，非常開心，我都估到有啲蠱惑㗎啦。選擇少，價錢貴。食物與餐牌名字不相符。辣椒油冇辣椒味只係得芝麻味。餐牌內話套餐裏面有雞蛋，英文寫steamed eggs, 相片裏邊有一碟滿滿的蛋，原來都只係得一隻荷包蛋。加一碟涼菜一隻荷包蛋要加$15 ，非常之唔抵。真係有生以來最爛嘅一餐。牛肉勁博片拉麵一定不是人手拉，軟到喊！白蘿蔔有異味！師傅刀工非常好！個湯完全係味精湯！真係不知所謂！