正斗粥麵專家 (國際金融中心商場)

營業中

休息中

機場快線裏面嘅正斗雲吞麵店，雲吞麵真係好正斗。 麵身幼細有口感， 雲吞用料新鮮， 蝦肉彈牙。 個湯清甜。至於個薑汁炒芥蘭不會太老，而且薑味非常濃烈，正! 坦白講食芥蘭必須要爽口而脆身，唔係要過熟， 又淋又冇味。 呢度整得真係薑味同菜味啱啱好。蜆蚧鯪魚球的蜆蚧肉又大又肥美。 鯪魚球又彈牙同好味。 我見到啲蜆介就諗起以前細個時見過的蜆肉又腥 又臭，但係依度啲蜆蚧好鮮甜好好味。個鮮蝦腸粉皮薄餡靚， 可惜的是豉油喺調製時可能過了火，帶一點苦味。大致上嚟講這一間真係可以重覆再嚟。

今日又和同事出街 Happy Lunch。想飲茶食點心就要訂酒樓位？唔一定嘅。。。今次我地就選擇左去♡正斗粥麵專家♡。我預早在Apps遙距取票，節省輪候入座嘅時間，真係好方便！我地四人被安排坐一張五人圓枱，非常之闊落！以我所見，全場沒有搭枱，枱面比較高，並沒有枱布，佈局似高級茶餐廳 ( I F C 地段嘛！裝修唔會差啦！)。我地叫在四樣野食 :♡瑤柱真料裹蒸粽♡ ♡銀芽肉絲炒麵♡○蝦餃○ ☆羅漢齋春卷☆他們的上菜速度快得驚人可能這就是 傳統酒樓 和 高級茶記 (分別)？傳統酒樓未必有裹蒸粽食？但這裡就有得食，仲好好味㖭噃！如其名有大大粒瑤柱，鹹蛋黃，蓮子，五香肉🐷，冬茹等等，非常之足料呀！味道較清，適合不同口味去自由添加豉油來吃。話明粥麵專家，佢係麵真係零捨好食兼且與別不同脆靚麵質配上合味道嘅肉絲芽菜 Very Good 美味。蝦餃入面嘅配料只得少量蝦肉，細隻，味道極之平凡，索價42元一籠，真係覺得佢地有點玩野囉！羅漢齋春卷，大小正常，味道正常，不過不失。補充 : 這裡六元一位茶，係咪好便宜呢？但只有一款茶供應。像我喝茶不講究，只求吃炒粉麵飯粥點心等等，這裡都是一個好選擇。

今個星期六陪媽媽去診所覆診。看完醫生後，媽媽説想吃雲吞麵，即時想起正斗。早上11時半左右，不用排隊，還有卡座位坐😻🙏🏻雲吞麵：雲吞麵送來，廚師將麵放在上而雲吞放在下（這樣擺放可避免麵浸得過荏），這是一間不折不扣的雲吞麵專家！上湯充滿煎香了的大地魚香味，香濃味清；麵是銀絲細麵，麵質柔韌且爽滑彈牙；雲吞皮薄餡靚，餡料內的豬肉與鲜蝦比例恰當，蝦肉很彈牙，沒有梳打粉味。好味到令我將整碗麵連湯都喝光😋水餃麵：廚師仍是很專業地將麵放在上而水餃放在下，但為了拍照讓大家看到水餃，我特別將水餃放在上😻，水餃麵和雲吞麵一樣很好味出色👍🏻蘿蔔糕：啖啖蘿蔔，而且煎得很香，好吃😋蝦餃：皮薄餡靚，吃得出選用新鮮靚蝦仁，蝦肉爽滑彈牙😋金菇牛肉腸粉：腸粉很滑，滑到不用吞，腸粉就已經滑入去食道，牛肉新鮮好味！遺憾是金菇很少，吃不到金菇，只看到幾條金菇！離開時大約中午12:30 ，已經很多人在等位😅之前試過食晏時過來，等位起碼一個鐘，自此之後，我選擇非繁忙時段光顧。

中環搵間粥店食下 最後揀左ifc見佢唔多人 茶位6蚊 服務一般 價錢偏貴 睇完menu 個朋友已經有d想走 試試佢個綾魚粥先 粥夠綿 綾魚球好味 真係球黎嫁 哈哈 同圖片唔一樣 開頭以為hea煮 偏濃味 味精會唔會太勁😂 希望今晚唔洗係咁飲水 不過都唔算太失望 再食佢個紅燒豬首面 一般 簡水味比較重 個薑汁炒芥蘭唔錯算叫做有驚起 不過服務一般 唔好要求好服務 因為香港飲食業係咁上下😂😂完 400蚊埋單 如果粥店連粥都唔好食 可以摺埋 幫襯一次算 下次都係食返大排檔😂😂😂

又打風，心情真係麻麻地，朋友話悶悶地不如出街食個宵夜，提議去佢嘅大愛正斗。一坐底，餐牌都唔睇，即刻點咗义燒飽，春卷，粉果，炸兩，星州粉米同乾炒牛河。先離星州炒米，炒得好香又乾身，而且又多义燒同蝦，加埋D五柳配料，酸酸地辣辣地，真係好惹味。乾炒牛河，D牛肉好多，條條河粉都上晒色，又夠味，唔會油淋淋，好食。义燒飽，一定要趁熱食，個餡好Juicy，好多义燒，甜甜地，係朋友至愛嘅點心。我就鍾意粉果，個皮好薄又通透，又有少少煙韌，加埋D好有口感嘅餡，真心覺得唔錯。春卷，熱辣辣，好脆，又有大大粒嘅蝦肉，點埋個喼汁，仲惹味，話噤快食晒。炸兩，腸粉個皮好薄，個油炸鬼仲脆卜卜，加埋甜豉油，味道同口感都一流，每次都一定要食。其實正斗除咗雲吞麵好食外，佢地嘅點心同炒粉麵都好好食，而且佢地嘅水準都好穩定，就算好耐無食，再食都覺得佢嘅味道keep 得住，所以朋友食極都唔厭。

如果想快快在ifc 簡單食一餐， 又唔想等咁耐位， 正斗係一個好選擇， 因為大家都知正正樓下嗰間有時要等上一小時才有位。這裡如果想再快d 有位， 更可考慮搭枱。大約8點來到， 等了約5分鐘，不搭枱。炸兩 - 油條比較硬及多油， 始終唔係即叫即整， 下次可以唔叫。灼芥蘭 - 軟硬度剛好， 就是份量少d艇仔粥 - 粥夠綿，食到最後都唔會水汪汪， 料亦很多，就是魚片幾多骨，要小心食。豬潤雲吞麵 - 朋友食的， 賣想都不錯。細雲吞麵 - 記得好似都有4粒雲吞， 麵夠爽， 雲吞細細粒，啱啱好size, 好食。

琴日去食飯 叫野食既時候d服務員好似啞既咁 完全唔講野 黑口黑面好似我殺左佢老豆咁 食完買單$250 諗住問佢攞張停車單 佢話要$300先有 但其實香港好多餐廳都唔介意俾張單俾d客 佢態度超差吵串咁 真係火都黎埋 做埋損人不利己既野 d單係咪都當垃圾咁丟 都唔會方便下d客 野食都唔係特別好食 麥奀記 左麟右李 都好食過佢 價錢平過佢又好食d

一碟蘿蔔糕都城40蚊 但係佢哋嘅雲吞麵係好好食嘅 麵質彈牙可口，食完之後非常滿足， 但係我想叫佢哋落多啲蔥 佢哋唔肯😕， 好多餸都四十幾蚊 ，其實四十幾蚊已經可以喺第間鋪頭食到好多嘢， 當然呢度嘅裝修相比出面更加輝煌， 而且幫襯得嘅都係遊客多

今晚嚟返碗魚翅雲吞麵！平時食開沾仔記，今日試下另一間雲吞麵店。一碗$60，唔算平，等我試下係咪真係有魚翅先！有三粒雲吞，都幾足料，但食唔到魚翅😂😂麵就非常彈牙！推薦！我鍾意落好多醋同辣椒油一齊食，正！

上星期有兩位外籍好友訪港，一心諗住帶佢地試吓D好食既中餐，沒想到會搞到如此不愉快地離開。本身入到去坐低都無乜野，但我打算先去洗個手，問D服務員廁所係邊，語氣極差話餐廳裏面無㗎喎！要去出面，但又吾話我知邊面，結果我出到去行左好耐都揾吾到，返黎後問另一個服務員要濕紙巾，又係語氣好差話我地無㗎喎！同佢講廁所好似好遠，仲俾佢鬧話：「係咁㗎啦！冇辦法㗎啦！」到埋單先搞笑，我地係3位但收左4位茶錢，走到收銀機前問，佢居然答我：「都已經收左錢囉，咁你想我點吖？」聽到呢句真係火都黎埋，雖然只係6蚊，但係明明佢地出錯，連道歉都冇句，仲要咁惡！後尾女經理過黎不斷道歉，個收銀同事立即態度180度轉變話我係咪誤會左佢既意思，佢其實係想問我想用咩方式退錢！真係o嘴！講真，間餐又吾係平，用3倍價錢食茶餐廳同茶樓野，仲加上服務態度咁差，真係有錢都吾想俾佢賺！香港大把好野食，以後再有外籍客都吾介紹呢間，免得得失個客！

本來打算到長洲一天遊但因落雨, 就改為去中環行街盡快搵個唔洗淋雨既地方食飯, 就當然係IFC啦!黎到3樓, 發現有十數個人係正斗排緊隊, 難得係IFC, 價錢又夠「貼地」, 我地一於加入等叫籌行列!2人入坐竟然剛好分配到卡位, 坐得非常非常舒適! 喜出望外!亦唔洗介意附近檯食客既目光, 哈哈~一早已知道正斗出名雲吞麵, 所以叫左一個細既雲吞麵俗稱細蓉, 麵就唔會太多, 但叫埋3個點心, 2個人分剛剛好1.湯底清2.麵爽口, 坊間好多食店既麵難以咬斷, 所以一食實在喜出望外3.雲吞蝦爽口彈牙, 可能係我食過最爽既雲吞!蜜汁叉燒腸粉, 稍稍令人失望好食既腸粉應該皮薄餡靚, 但同其他食評意見一樣, 呢度腸粉皮極厚, 亦唔滑黃金流沙飽, 包皮鬆軟, 流沙部份做得唔錯, 食到細粒既蛋黃好食!牛肉球原來係即叫即蒸, 上菜雖然稍慢, 但值得等待其他點心可以一早蒸定, 但牛肉蒸過火就會老所以一上檯會見到表面係紅紅地, 肉質幼滑, 唔似普通食店咁已經蒸老晒但似乎呢度用醋代替喼汁, 本人喜好食喼汁既酸

間唔中都會收工過嚟食個quick dinner，一般夜晚七點前都冇位架喇，因為呢度冇搭枱，坐得鬆動啲但要等下囉。今晚嗌左個齋腸，呢度腸粉個皮好厚，口感粗糙左啲，唔夠滑。薑汁炒芥蘭，夠火侯，炒出嚟都仲係好脆綠，芥蘭好嫩食落唔會有渣👍🏻揚州炒飯，好似好耐冇食過... 炒得乾身，米飯粒粒分明，但又唔會油淋淋，炒飯炒到呢個樣已經係功架盡現啦😎平時唔多嗌揚州炒飯因爲好怕茶記落嗰啲細細隻嘅急凍蝦，呢個收你百幾蚊先叫做俾返啲似樣啲嘅材料你... 配料唔係特別好味，但無可否認飯係炒得靚嘅。幾次食嘅野水準都唔差，無論食粥食麵炒菜點心，未必樣樣都超班，但so far未試過有一樣野係好難食，所以會繼續支持😬

係食過最硬的豬手，又乾又咬唔開。侍應同我落單，問僅我點咩，我開口講野時，佢已經轉過頭同其他同事講野，非常不專業。加上價錢非常貴，2碗細蓉,1個炒反,1碟菜,半份豬手，埋單$560一定唔會再來。

I usually eat Shrimp wan tan noodle as I believe here is the best in HK for wan tan noodle. I tried another one with beef (原汁柱侯牛腩麵) but actually it was really nice!! Taste is lil bit stronger comparing with wan tan noodle of course. Portion is good for woman I guess. I additionally ordered egg yolk bun. Custard in inside was lil dried and less than I though. I prefer BBQ pork bun!! Around 9 p.m. No need to wait to have a seat. A woman alone can take dinner comfortably.

今日係中環收工，趁時間早，喺IFC行街，睇吓有無收獲，行行吓覺得有D肚餓，唯有搵咗嘢食咗先，如果唔係真係無力血拼，諗起依度有間正斗，趁而家都仲早，可以避開食飯時間，嗱嗱聲走去食咗先。食正斗我一定會叫炸兩，佢D腸粉好薄又滑，最出色梗係油炸鬼，包住咗腸粉都Keep住好脆，唔會似出面過D，又淋又靭，又唔新鮮，但係正斗就唔同，幾時食都又脆又新鮮，真係貴少少好值得。再叫咗個皮蛋魚片粥，粥底夠晒綿，魚片又新鮮，無腥味，成碗粥都幾多料，不過我就唔係太鍾意佢地D粥都係比較杰，如果可以稀返少少我就覺得仲好味。雖然依度D嘢食比較貴少少，不過佢地係真材實料，而且水準好穩定，所以我覺得比多少少錢都值得，尤其是想食炸兩一定會去正斗。