武士拉麵 (已結業)

今日中午同媽咪忽然間好想食拉麵，去咗一間位於尖沙咀金巴利道嘅武士拉麵，一入到門口，充滿日本感覺，地方整潔，還有獨立廁所，望吓餐牌，真心平到震，只係$58，平常差唔多要接近$100一碗，仲要係尖沙咀區，好啦，就試吓佢哋嘅始祖將軍拉麵，唔使幾分鐘熱辣辣嘅拉麵已經出場，先講下湯底，豬骨味道超級濃郁，上面有好薄嘅豬油，但完全唔覺得油膩，反而好香，麵既質地爽口彈牙，聽老闆講佢哋特登去日本訂咗一個拉麵爐返嚟，一邊開水，一邊放水，令到麵全冇鹼水味豬肉用咗日本五花腩，先將去慢煮，隨後加上火槍，豬肉有少少焦味，入口即溶，開頭以為叉燒燒焦了，原來唔係，係黑椒碎，非常特別，令到個叉燒冇咁油膩，不得不讚佢嘅糖心蛋，中間仲係流心，富有豐富蛋味，食得出係日本蛋，仲加咗拉麵店舖少有嘅蟹柳，雖然好普通，但浸左豬骨濃湯之後，味道提升到非常好，食咗一半，老板提醒我哋要加特製魚油，加咗之後成個拉麵嘅靈魂出現了，每一口都食到好香嘅魚味道，完全係兩個湯底，用＄58元可以食到兩個味道超級讚，媽咪話想試吓佢嘅餃子，$30有五粒，煎到個底好脆囗，肉汁非常多，個汁都唔錯Ps老闆非常健談，從佢言語上面，知道佢對食物好有要求，誠意推介大家

晚上和媽媽到尖沙咀逛逛，去了附近韓國街，媽媽說比較想起日式的，我們便找了一間拉麵小店。這裡推介的是醬油豬骨魚介湯底，那麼我便德川將軍拉麵，湯底不油膩，很香濃的豬骨魚介香味，外面比較難吃到多重湯底，醬油、豬骨、魚介合起來也出奇地配合～配菜有紫菜、雲耳，溏心蛋很幼滑，拉麵質感很爽身，不會過軟，掛湯力好，叉燒肥瘦適中、很腍滑入味。媽媽就選了豐臣將軍拉麵，即四國香蔥油湯底，上面舖滿香蔥，十分香口，媽媽吃了也大讚，店員也推介我們用它們特製的魚介汁，下一些到湯底，吃拉麵時沾一些能提一提鮮，另外的餃子，我們也沾上不同的醬汁吃，辣油夠惹味、沾上醋吃也很美味。

柯士甸道餐廳眾多🤔能夠突為而出，當然係有別與附近一帶既日本拉麵啦🍜武士拉麵門口兩個大燈籠🏮睇餐牌多款拉麵都係以「將軍」取名，就點左足利將軍拉麵同九州地獄拉麵！足利將軍拉麵（黑蒜油豬骨湯底）🐷湯熱辣辣😋好香黑蒜味而唔油膩，後期加埋少許辣椒油更加惹味！叉燒唔韌而且拉麵口感適中九州地獄拉麵（辛辣地獄湯底）🔥辣度適中，加入武士店長推介的特製魚味道更出！大量蔥花同半肥瘦叉燒，食唔停口🥰溏心蛋！流心蛋黃，同拉麵絕配餐廳座位大約十至十一個。枱面具備紙巾，筷子，牙籤及綠茶。店員都相當有禮貌，睇得出有心經營😊

喺openrice 見到好多人推介武士拉麵，好有興趣黎試吓。佐敦地鐵站一出行大約8分鐘就到。店面細細地，可能大約坐10個人，但係waiter好好人，一入嚟就招呼我哋。店內嘅拉麵都係以日本武士命名，我叫咗德川將軍拉面，友人叫咗坂上將軍拉麵，再叫左餃子。德川將軍拉麵 - 醬油豬骨湯底，首先試咗佢個湯底先，湯底濃郁，加點武士店長推介的特製魚油，味道更出。拉麵口感適中，唔會太硬又唔會太霖。叉燒入口即溶，肥瘦適中，加送煮到啱啱好嘅溏心蛋10分好味。坂上將軍拉麵- 蕃茄豬骨湯底，先飲湯底有好濃郁嘅蕃茄，濃郁之餘唔會太過酸或者係太過甜，感覺到係煮咗好耐的湯底，用心之作。半肥瘦嘅叉燒加上温泉蛋，再配上軟硬適中的麵條，不禁令人食指大動，難怪友人幾乎飲晒成個湯。餃子 - 餃子煎到啱啱好，啖咪肉。最好味係個豉油，甜甜的，配上餃子味道更出。總括而言，温柔的侍應配上令人大快朵頤的拉面，人生一大享受。

是日等到星期四一個星期最辛苦嗰一日梗係要慰勞下自己啦。今日好想食拉麵彈左我搵食嘅拍檔去到佐敦/尖沙咀中間嘅一間拉麵鋪。之前都聽過人講起呢一間拉麵店但係就未有時間你光臨。當日嘅晚上7:45到達望入去好似日本嘅拉麵店，只有七八個位度。入到去有一位先生好好笑容地招呼我哋到座位上再介紹餐牌上嘅拉麵亦推介了幾款拉麵。最後我哋選取了黑醬油拉麵和本店特有嘅Wasabi柚子Jim面。在等待同時就欣賞下周圍啦，店主好細心前面放了一瓶茶，係暖的，仲發現左一瓶透明樽裝住一款好特別嘅醬油原來係自家製嘅魚介油，同埋自家製嘅黑椒同埋辣椒醬。拉麵🍜來了，黑拉麵同我平時係其他店舖食嘅好唔同一啲都唔油膩但係好濃郁嘅豬骨湯味，並夾雜咗魚介味（當時我影相放上ig我嘅caption係寫住”在日本似的”之後我朋友睇到之後去試過都話好正”)另外個Wasabi柚子Jim面，諗唔到兩隻味係可以咁夾同埋好有驚喜，值得一讚嘅係Jim麵嘅湯夠晒熱同埋真係湯而唔係杰撻撻嘅一啲醬汁，出面食到嘅好多都係諗去加水水構成，食到最底都有啲粉末，好憎呢種感覺。呢一間嘅師傅係真係淆湯去做一個濃郁嘅湯底。最後就係個餃子你會覺得平平無奇但係煎出來的火候啱啱好

最近日本風潮興食拉麵找到大街小巷搵到呢間叫武士拉麵雖然地方唔算大但勝在五臟俱全仲有日本嘅風味裝修👍🏻👍🏻店舖裏面有拉麵同沾麵選擇....但甘啱今天沾麵都賣完了🙈所以我選擇咗黑蒜油豬軟骨拉麵拉麵配料都比較多兩塊大嘅叉燒紫菜..叉燒好軟熟容易入口（再加上店舖自製嘅醬油）湯加了自製醬油味道好濃郁非常之出色😋之後叫咗個日式煎餃子配合店舖自製醬料簡直冇得頂好好好味👍🏻👍🏻呢間拉麵店都會有自己整嘅綠茶俾你自己飲幾多都有非常之細心🤗🤗（其實都可以選擇其他飲品㗎😎）下次再嚟我一定要食沾麵先👏🏻👏🏻👏🏻

以往都寫過日式拉麵店的食評, 但今天寫的這間拉麵店, 實在算是近多個月來最接近日本拉麵店格局的一間, 其 bar 枱式坐位可看到廚師預備拉麵, 吃完後亦可把碗交回廚房. 各款拉麵都預設叉燒, 半熟玉子及紫菜, 其他配料就視付湯底. 叉燒是半肥瘦那種, 有咬口同時, 豬油香夾在其中. 半熟玉子嫩滑. 紫菜香脆. 足利將軍拉麵, 即黑蒜油豬骨湯底除預設配料外, 就加上蟹柳及木耳. 全蛋拉麵幼身, 筷子夾上去已感結實, 入口濃厚蛋香之餘亦彈牙.  黑蒜油豬骨湯底肯定是蒜奴的寵愛, 蒜香極強, 湯亦甜. 武士沾麵, 即柚子魚介 Wasabi 沾麵除預設配料外, 就加上蟹柳及青蔥. 麵是全蛋粗麵. 這款麵特別之處是其撈麵設定, 湯底另上, 可確保全蛋麵不會浸軟, 保持一致的口感. 湯底很香濃, 清甜魚味十足. 微柚子清香令魚味異常突出. 日式煎餃子下次再來時要試試. 喜歡玉子的朋友可以追加.   

這天放假跟朋友到尖沙咀辦點事 完事後在附近閒逛 經過這間小小的拉麵店 天氣冷冷的 大家都想吃點暖身的東西 就進去了朋友點了鹽味豬骨拉麵 湯底濃香 咸味適中 朋友覺得不錯 說以後可以再來這家店我想試點特別點的 在柚子魚介wasabi沾麵和北海道牛乳拉麵中掙扎了很久 最後老闆幫我決定了沾麵 湯底比較濃和重口味 咸咸的 帶點辣味 沒在其他店吃過這種口味的沾麵 我覺得很新鮮 而且個人亦喜歡wasabi的嗆辣 配料方面亦處理到位 從圖片就能看出糖心蛋的糖心效果 叉燒加上燒過的芝麻 更添香味 值得一讚的是湯底還有叉燒粒 非常足料還有特製魚油 加進湯底後更能引出湯底味道最後還點了一份煎餃和牛乳布丁 布丁是日本直送 奶味重 質感滑溜

較偏遠的尖沙咀柯士甸路一向多隱世美食，今天和男朋友就找到了武士拉麵。雖然香港的拉麵店現在已經開得成巷成市，不過相對大型連鎖拉麵店，我們較喜歡在小店吃拉麵，或許食物種類不多，但質素一般更有保證。武士拉麵亦不失我們所望，尤其豬骨湯底更顯心思。武士拉麵的豬骨湯底每日以新鮮豬骨熬製，味道非常濃郁。我最愛食沾麵，既能熱辣辣品嚐到最原始鮮甜的味道，而且拉麵亦更容易保持爽口彈牙的質感，因此我點了武士沾麵(柚子魚介wasabi)一嚐究竟。沾麵粗厚的麵質果然爽口彈牙，軟硬適中，濃郁的豬骨魚介湯底中帶有柚子清香，令沾麵提升了多一份層次感。唯若果以石碗代替膠碗，則能更好保持湯底的溫度，不過由於湯汁端出來時夠熱，食到尾也不會太差。好客的店長亦向我們推薦豐臣將軍拉麵(四國香蔥油)，而剛好男朋友也十分喜愛香蔥，中正下懷。拉麵湯底少柚子味道，而且味道淡一點，男朋友反而更加喜歡。拉麵上舖滿香蔥，但亦不會搶走湯底的味道，喜歡香蔥的朋友確實不容錯失。兩款拉麵均有配上日式叉燒及溏心蛋等配料。叉燒厚薄適中，比一般拉麵大片，醬油味不會太咸，且帶有黑椒香氣，肉嫩不膩。溏心蛋用料好且非常入味，頗具心思。煎餃子更是出色，讓大部分日式

我同朋友2:30pm先去食，唔洗排隊，直接可以入座。叫左個德川將軍拉麵（醬油豬骨湯底），麵嘅配搭係店長推薦，加多左隻溏心蛋。好快就有得食。第一時間就飲下個湯底，咦？唔係豬骨湯咩？點解飲到禁濃郁嘅魚介味嘅？ Mindblown 😂😂個湯底真係好好飲🤤🤤，魚介同豬骨原來可以禁match。麵質微硬有咬口，溏心蛋啱啱好。服務好，而且有午市優惠，真心覺得喱間拉麵好食又抵食👍🏻👍🏻下次再黎過，試其他湯底。

📍尖沙咀📍特色柚子魚介wasabi沾麵🍜其實本身入到去都無咩idea叫邊個拉麵好，但師傅好有心機去介紹翻每個拉麵既特色👏🏻所以就叫咗呢個同辛辣地獄拉麵😹不過我嫌唔算好辣稱唔上地獄🙈講翻呢個沾麵先，本身唔太鐘意柚子，所以師傅話可以全走或者減半，咁就減半試下，結果真係得少少柚子既清香，可能因為湯底比較濃郁，所以加柚子食落無咁漏😍但如果全部落哂我諗柚子味會太濃搶哂🙈不過沾麵配埋溫泉蛋食真係幾正💗因爲其他地方多數只係得溏心蛋😹

叫咗一個四國香蔥油湯底拉麵， 一個辛辣地獄拉麵。 再加一隻溫泉蛋，一隻半熟蛋。但幾好味， 兩個湯底都好香！ 實在比想像中好！！大家不要忘記面前的調味料， 尤其是漁油推薦大家都試一次！

認真，如果你係拉麵控，你無可能唔黎食～佢拉麵既湯底係香港拉麵店中數一數二正~個湯係無一間做到，獨有味道～🥇🥇🎖🎖推介德川將軍拉麵（醬油魚介豬骨湯底）個湯底濃而不膩，啖啖魚香，豬骨既味，配合得超好，塊豚肉係燒過，飲完頭啖湯，加上佢地特製既魚油落湯，湯味再進一步提升😌😌😌$88up

以前行過尖沙咀都好多舊舖新舖換來換去~某日經過有間拉麵店吸引到我興趣兩個大燈籠 ，有日本風味招牌~集日本各國武士於一身既拉麵我就選左德川將軍拉麵(醬油拉麵）拉麵一到，首先飲啖湯先啦，一碗拉麵好與壞最緊要就係湯底，依碗拉麵湯底好濃郁，唔算淡，有用心去煲~半熟蛋 要加10蚊先有一隻，但可以睇得出有3層蛋黃清晰分明，真正做出的半熟蛋~最後講下個主角《叉燒肉》，外層有少少脂肪，表層有燒過既痕跡，中間偏瘦，好完美既一塊叉燒肉，一個字 正總括來講: 價錢非常合理~100蚊以下，有一碗高質拉麵，有一分錢一分貨不過附近開始不少拉麵店加入戰團，希望武士拉麵可以一直維持水準

味道一流!真係好好味，食既係黑蒜拉麵見到有人俾負評，覺得有啲唔抵，因為覺得拉麵點都唔會差甘遠，最多咪俾中評……我要為佢澄清!尼間真係我食過最好食既拉麵之一!!!!!對我而言，黑蒜口味一般分為三種:一，比普通濃少少，沒有蒜味二，非常濃郁，蒜頭味較輕三，味道中度，蒜頭味較重尼間拉麵既黑蒜係第二種，係我最鍾意既味!因為我比較重口味，所以鹹啲既濃湯最岩我(原味通常冇甘鹹)。而且重點係，食完唔會口臭。所以，尼碗拉麵真係好值得推薦比鍾意重口味既朋友，如果唔鍾意甘鹹，可能就要試下問下師傅了。另外，肉係拉麵重要既原素之一，肉有兩片，一片好柴，一片肥瘦適中，表現唔穩定，真係睇你運氣。不過都算好食。此外，配菜有一片大紫菜同一啲木耳，如果溏心蛋就要另外加錢，不過個人覺得唔係碗碗拉麵都岩加溏心蛋。佐料有魚介油(唔知係咪甘叫?)同其他醬油，我覺得原料原味已經好食到停唔到口，下次食先會試下加魚介油。最最最後，師傅好好人，好傾得，好有禮貌，下次會再黎食!p.s.依家有午市特價，平左30蚊真係好抵($98>$68)，平時都冇加一。