武士拉麵 (已結業)

揾左幾間拉麵鋪, 最後決定黎武士試一試兩個人夜晚黎左呢間拉麵鋪, 鋪頭細間, 全部bar 台位叫左德川將軍拉麵 同埋 唯一既武士沾麵, 加多溏心蛋, 餃子寫紙有麵粗幼度, 湯底濃度. 諗唔到既建議圈店長推薦, 由佢幫你諗點配德川將軍拉麵 - 配左幼麵比我, 湯底唔太特別, 屬一般水平, 幼身麵質感覺上都無驚喜, 武士沾麵 - 本身想食沾麵, 佢只有呢款. 個湯底都幾特別, 有柚子味, 但同魚介有d 互蓋既感覺, wasabi 就唔覺, 沾麵湯底偏濃, 試落都幾得意. 麵質無過硬都還好, 掛湯中等溏心蛋 - 太熟, 無咩蛋味, 唔需要特別叫餃子 - 都算皮薄, 煎底唔會太窿, 食落質感都ok總結一下, 沾麵可以一試, 拉麵比較普通, 唔順路既都唔洗突登黎食

是日經過尖沙咀，想食拉麵，便來這間作嘗試。點了一個番茄豬骨拉麵。嘗試了第一口湯，湯底完全無豬骨湯味，被茄膏酸味搶曬。 麵的口感彈牙，但掛汁能力一般😓值得讚的是糖心蛋不錯，可以追加。入口即溶✨

打開餐牌，見到有很多款拉麵！叫了拉麵再加$8有熱飲。我們選了柚子蜜飲和生薑蜜飲。好足料，好有柚子味和生薑味！豊臣將軍拉麵-四國香蔥油湯底 $98。好香好濃的香蔥油湯底配上軟硬粗幼適中的拉麵，麵條沾上了湯，好好味！豚肉有陣陣的香蔥油味，喜歡食蔥的朋友值得一試！👍🏻我朋友叫呢個柚子魚介武士沾麵 $118呢個柚子魚介沾麵湯，除了好有柚子味之外，有許多肉粒，帶有陣陣魚介的鮮味！聽聞這是鹿兒島的黑豚叉燒。好入味油份和肉好香！我們加了$10叫了一隻溏心蛋。我們分了一半，隻蛋好有溏心，蛋汁和麵一起食，正！😋😋好有柚子味！😋

諗住近近地LUNCH 去試下好耐之前食過登龍街果間都無乜野點知呢次中伏尖咀食拉麵可以唔洗等位已經覺得奇怪碗麵黎到餸又少, 麵底一陣鹼水味真係貪佢人少唔洗等埋單過百蚊我真心覺得唔值唔會再試囉不可一...不可再

今日去開尖沙咀行街，無意中發現呢間拉麵，見到門外有好多雜誌的報導，就決定一試。店舖只有吧枱位置8個，好有日本小店的感覺。叫了德川將軍拉麵+真田將軍拉麵+餃子+蜂蜜柑桔+蜂蜜柚子+牛乳布甸。德川將軍拉麵:醬油魚介豬骨湯底，選了推薦的軟硬，濃度。湯底不會過鹹過油，飲多了都不會口渴，飲了一口，再加魚油，個湯味就更突出，麵唔會過硬。叉燒雖然係薄切，但肥瘦適中，誠意之作，不會過淋。真田將軍拉麵：蕃茄豬骨湯底，全用新鮮蕃茄再加豬骨湯再煮，蕃茄的甜中和了豬骨本身的油膩，唔似係靠用茄膏煮的，流心蛋落本之作，係用日本蛋。餃子：皮薄，餡多，唔會過鹹，加埋餃子汁，味道剛好。蜂蜜柑桔+蜂蜜柚子：好有驚喜，加上蜂蜜，令到杯飲品好清新，唔係用糖水溝，有潤喉的感覺。牛乳布甸：日本直送，好有誠意，入口溶化。本來好有去了日本的感覺，如果背景音樂唔係廣東歌，就應該更有feel

最近都好尖沙咀找吃的~~發現TST有很多美食，除了這樣，就是美食都很多人在外排隊，哈哈！BOOK位是我的恩物~~~武士拉麵 Samurai Ramen在網上評價不錯，book了4位！去到才發現店子小小，應該只有7個位至8個位~~門外很有特色，似日本居酒屋的。主打麵類，我選了德川將軍拉麵(醬油豬骨湯底)，加了一個温泉蛋！ 朋友都叫了不同的，有辣有黑蒜！ 小M我把紙都畫花了~~哈哈！ 這裡還有推介特製魚油！ 飲品都是因為想飲~~但其實店內是有茶水的。 朋友的辛辣地獄湯底拉麵！朋友不似我吃得辣，但明顯是愛吃辣，他說但湯好好味~~但建議不太吃得辣的不要叫！ 這個就是小M的德川將軍拉麵(醬油豬骨湯底)！ 好好味~~個湯底濃味而不是死鹹！加上有點點清香。 叉燒和平時的一樣~~但我驚訝個醬油豬骨湯底....真係好令人回味~~ 黑蒜油豬骨湯底是另一我推介！個黑蒜味好香，而且入口好香濃~~值得一吃。 以下有温泉蛋和糖心蛋~~ 我個人覺得糖心蛋好味！有咬口又入味~~ 温泉蛋則對我來說口感不足，但其實都好好味~~呵呵！ 小店麻雀雖少，五臟俱全，不錯！

去到佐敦食lunch，媽媽想食日式拉麵又唔想行咁遠去尖沙咀，咁我就openrice 下🤔。俾我搵到呢間武士拉麵😍！雖然唔係咩大街，但都幾容易搵到。入面雖然唔係好大，可以容納到8個人左右，但坐得好舒服嘅👍🏼，好有我係東京食拉麵嘅感覺。☺️佢有好多武士湯底俾人揀，種類比起其他拉麵店算多。👍🏼👍🏼⭐️我就叫左個足利將軍（黑蒜油豬骨）拉麵❤️我好鐘意啊😍！首先，我鐘意佢可以俾人揀粗、普通、幼麵。因為我本人係比較喜歡食幼麵。👍🏼之後我好欣賞佢個湯底，好味就基本啦。濃郁嘅豬骨味又會有少少甜嘅黑蒜❤️，飲左一啖，我知肥架，但係好好飲。之後我就係每一啖麵都沉住湯底先再食😋，因為我揀左濃度最濃，所以唔洗話飲埋個湯先有味。除左湯底之外，佢個麵嘅配料都好足，爽口木耳，大紫菜，糖心蛋，日式叉燒。🤤平時我都會睇下枱面有咩調味料，但係今次呢碗麵已經好好食，完全唔需要都加d 咩❤️。我見到之前有魚介湯底，好想試下，希望佢會再出啦❤️媽媽叫左醬油豬骨湯底，我試左啖，都好好食。👍🏼

朋友生日話想食拉麵，所以其他朋友透過openrice就揀咗呢間食，距離佐敦都幾遠下，原來係醉胡爐附近😂我們一行五人，平排咁坐，傾計都無難度，只要中間三個坐後少少唔好block住視線就得，又唔算好窄。同埋啲顧客好似車輪咁轉，有幾次坐滿晒，過咗二三十分鐘又會走咗/換新一批人加咗餃子餐牌可以睇下相，之後在點餐紙上畫其中兩個朋友加咗溏心蛋，都話好食！我自己就叫咗足利將軍拉麵，即係黑蒜油豬骨拉麵，湯底麵條麵質都係普通。$98，都算幾好食，湯底濃郁，豬肉都夠大塊，紫菜實淨，食完係夠飽既PS: 個廁所好乾淨

估唔到咁好食香港做到咁嘅質素寥寥可數...我已經好大食，唔需要加底，鍾意食葱嘅都幾好，只係位置坐得好衰...中午食飯可以一星期去一次,支持下小店希望質素唔會變🤔

係 openrice 見到咁多好評，對沾麵全心全意既我緊係唔會錯過，點知又一次中大伏!入到黎一間播住普通話歌既拉麵店，唔緊要，啲伏係慢慢地黎料。綠茶完全冇茶味，飲得出用好劣下既綠茶粉加大量既水放左好耐，一對都唔熱既又唔凍，完全室溫。調味全部都係油，辣椒油，黑椒油，魚油，以為好特別咩？唔係丫，係第二個伏黎。魚油加落拉麵既味道同蒸咸魚既油一樣味既？！叫左最貴既武士沾麵，以為實冇死啦，加上本人沾麵控。個湯一啲所謂既芥末同柚子味都冇，係得個咸字囉，又油。麵質叫左普通，但勁硬，未食過咁硬以為唔熟既沾麵，要硬着頭皮先繼續食落去! 最後叫左個溫泉蛋。當晚半夜肚痛係咁屙，唔知係咪食錯野呢？！絕對大伏! 俾錢買難受!

呢間武士拉麵食咗好幾年, 好多款都食過, 拉麵鋪位面積不大, 只有一張 bar 檯, 坐到8-10人左右, 快閃之選。記得放少許店長自家制提香的魚油九州地獄拉麵 ($118加配糖心蛋+$10) 及凍柚子蜜 (加配$10) 齋睇色相, 嚇得吓人, 先呷一口湯, 唔太辣, 湯底洒上大量蔥花, 勁濃杰, 香香辣辣非常惹味, 食火辣辣拉麵當然要配杯冷凍柚子蜜下下火啦。 帶淡淡滷水香的流心蛋也是滑溜溜的, 簡單美味。四大片半肥瘦相隔的日式叉燒, 油香滑溜, 瘦的部分也不覺嚡口今次叫了硬幼拉麵試,  個人食麵比較喜歡吃硬的, 最怕腍, 這裡的拉麵非常出色, 拉麵爽口彈牙, 完全沒有皂水味及雜味, 但都係覺得硬粗拉麵入口質感比硬幼正啲, 下次要食番硬粗。

星期六下午要去柯士甸那邊找朋友, 不過OT中未走得, 自己一個先逛逛, 見到在轉角位有間小小的拉麵店, 正好有點餓, 就找它醫醫五臟廟吧!店子小小, 很有日本小店風味黑蒜油似乎是這裡的招牌食品當然還有其他的選擇, 看來也很吸引黑蒜油豬骨湯底的足利將軍拉麵,  除了日本叉燒, 溏心蛋, 紫菜還有木耳, 材料非常足 ;  叉燒略帶肥, 加上黑椒的調味, 很香口; 溏心蛋, 紫菜及木耳都各自各精彩, 很夠味道,  蛋亦很 creamy, 所有材料都有一定品質, 很不錯最重要的還是那個湯底, 上枱時見有薄薄一層黑蒜油在湯上, 心裡在嘀咕不會太油膩吧?  喝下去, 豬骨味道很濃, 沒有被黑蒜味蓋過, 喝下去味蕾仍嚐到濃郁的豬骨香味; 而且黑蒜油味道有少少的甜, 兩樣味道放在一起, 令湯底很豐富, 而且一點兒也不油, ;  喝了幾口後, 再跟枱面上的介紹加入店裡特製的魚油, 又是另一種滋味, 初時還在猶豫湯底會不會太油, 最後還將大半個湯喝掉

昨晚和同事吃飯，商量後想試一下拉麵專門店，openrice搜到武士拉麵，九龍灣展貿中心也有分店，我們選了柯士甸大廈這家比較近公司的。一走進門店一陣陣濃湯的香味飄進鼻子，因為師傅就在客戶面前煮給大家吃，那一刻感覺很餓，環境雖然小，但是五臟俱全，還備有洗手間，所有東西擺放也很整齊。肚子餓了，趕緊點餐，餐牌設計簡單而細心，中英日文對照，餐食的選擇精而簡，然後還可以自選配搭湯底的淡濃，麵條的粗幼，麵質的軟硬，全部因應個人口味來調配，所以說這家店很貼心。我們三個選了德川將軍拉麵，九州地獄，和豐臣將軍拉麵，至於湯底有選濃的，也有選淡的，麵條粗幼也有選，麵質軟硬都有選，人多去吃飯就是好，不同的口味都可以試到，別以為九州地獄辛辣口味就很辣，不太會吃辣的我，都可以接受，然後就是無論是粗或幼的拉麵，吃起來都很爽口，而溫泉蛋生熟程度剛剛好，吃起來很嫩滑，紫菜要第一時間吃了，否則會變軟不太好吃。濃濃的湯底很好喝，所以我把湯都喝光了，哈哈～

好耐冇同男朋友去食拉麵所以唔打唔撞就入左依間武士拉麵。因為我比較鍾意食較硬身嘅拉麵,而依度嘅麵質有得選擇軟硬度。依碗個名咁英明神武嘅豐巨將軍拉麵其實係一碗四國香蔥油湯底嘅拉麵。面頭佈左吾少香蔥,飲落又有香濃蔥油香氣。日式叉燒香肥瘦比例適中,而且經過火槍燒烤過所以帶有微微碳烤味,味道更有層次。糖心蛋嘅流心效果亦啱啱好。相對豐臣將軍拉麵,依碗沾面嘅湯底就比較冇甘出色,完全食吾出柚子味,Wasabi味道亦吾太突出,相反如果我吾知依個沾面湯底有柚子wasabi,只係魚介的話,就相對出色。魚介味道濃郁,不過如果濃稠返少少就更好,掛麵效果會更好。

當日在附近上堂，行經這間拉麵店，突然很想吃拉麵🍜。雖然店不大，但裝修就很日式風格。店員推薦德川將軍拉麵和武士沾麵。我怕沾麵太多吃不完，就點了德川將軍拉麵。它另外還有其他小吃，但我就没有追加。湯底，麵條，麵質還可以選擇你喜歡的口感。我就全部選普通。豬骨湯的濃度對我來說剛好，拉麵的軟硬度也剛剛好。店員教我魚油（上圖右面）搭配一齊吃。真的加了魚油，湯底的味道挺升了，令湯底帶點魚鮮味。👍🏻👍🏻我自己另外又試了另外2種醬油，還是覺得加魚油最搭。没想到有藍梅味的波子氣水，那當然要喝啊。