武士拉麵 (已結業)

今次同朋友分別叫左蕃茄豬骨湯底既坂上將軍拉麵同鹽味豬骨湯底既織田將軍拉麵。顧客可按個人喜好去揀湯底既濃度，拉麵嘅麵質同粗幼度。我地2碗都係全部野揀哂普通，但略嫌麵質都係有少少偏硬，下次可以叫軟身。而且成碗麵份量都好多，正常食量既女仔應該食唔哂。湯底方面，豬骨湯底味道唔算太濃，唔算好特別，一般拉麵湯底既味道。反而蕃茄湯底好濃郁，好開胃，食落冇咁漏。枱上有建議加特製魚油，但其實冇乜魚味，又增加成碗麵既油膩感，唔加都冇損失。用火槍燒過既叉燒係大驚喜，有一陣焦香味，肥瘦都適中，好正！但加錢加既溏心蛋就有d失望，唔算好入味又唔算好溏心。拉麵店細細間，用左傳統日式拉麵店設計，老闆好talkative會主動同你打牙骹，就算自己一個去食都唔會悶，會下次去試埋其他將軍拉麵。

睇過啲食評見呢間評價都唔錯，附近好多人食個間拉麵又超多人排隊，所以就黎左呢間武士拉麵。夜晚唔算多人掛，前面係得兩個人，大約十分鐘就可以入座，算好快就可以入到。環境比較細，但格局同日本嘅拉麵小店相似，都係一排座位，背後有衣架可以掛外套。點左個德川將軍拉麵，本身中意淋啲嘅拉麵，但佢嘅麵唔夠淋。湯底濃郁，後尾有加少少魚介，味道幾特別，但加太多好易搶左本身湯底嘅味。對比其他出名嘅拉麵，算係尚可，但未到一定要推界不可嘅程度。

自己同fd去左日本成個星期，留低寶寶一個人喺香港。一返來就決定帶佢食拉麵補返數，又睇下香港拉麵水準比唔比得上日本。武士拉麵嘅味道無令我地失望。見之前d 食評都有話鋪頭細，但我又覺得還好，可能因為佢d 位一排過，唔會撞到人，無壓迫感，枱下面又有勾俾我掛背包。店員都好關心照顧d 客。我叫左九洲地獄：辛辣口味湯底頗濃郁，不過對於我lee d 食慣辣嘅人來講，其實只係微辣，但相信對大部人來講都已經夠刺激。佢嘅麵可以自選粗中幼/硬中軟，話就話好多間都有，但武士值得一讚係我叫軟佢真係會俾到軟我。武士嘅配料都唔係cheap 野紫菜我個人都好欣賞，係有紫菜味嘅，唔係一片霉菜，叉燒好鬆化，唔會咬都咬唔入。我地追加左半熟玉子同蟹棒，玉子確係做到個半熟程度，但味道如果再濃d 就更好。蟹棒真係棒，唔係頹蟹柳。寶寶就叫左坂上將軍拉麵：蕃茄豬骨湯底Lee 個湯底仲正，好清晰咁食到濃香嘅蕃茄味，但又唔會搶到好似食緊一大pat 蕃茄醬嘅感覺，睇佢飲晒成個湯底就知。P.S. 佢枝魚油都幾有趣，好有魚香，大家可以試下滴幾滴一碗麵$118，喺而家香港拉麵愈來愈貴嘅情況下，都交得出水準啦。

我家老爺喜歡吃拉麵，去東京要吃拉麵，去大阪要吃拉麵，在香港久不久都要去吃一吃拉麵😂！港九新界好多間拉麵店我地都試過，今日拉麵癮又發作，近近地來呢間拉麵小店試下先！呢間拉麵店不同的湯底會以不同的日本將軍作為稱號，好特別啊！麵條可選幼、普通及粗。喜歡清淡口味的我，選擇了這款坂上將軍拉麵（蕃茄豬骨湯底）。師傅用心烹調後，雙手把拉麵捧到我面前，蕃茄味很香呢！先試試湯底，蕃茄味適中，不會搶去豬骨湯底的味道。這個湯底我真的大愛啊！有蕃茄香味，同時有豬骨湯的香濃，比一般的豬骨湯底少了一份油膩。叉燒都很好吃，很嫩很香。糖心蛋亦煮得不錯。喜歡濃味的老公，點了這款九州地獄（辛辣地獄拉麵）。我試了一口湯底，有辣椒的香味同時有豬骨湯的香濃，這款湯底的口味亦配搭得非常好！老公都說很好味，很快就把整碗拉麵送到胃中！

當沾麵控遇上拉麵控, 這次來到必食名單中的武士拉麵店內佈置得跟日本地道小店沒異樣拉開趟門, 揭開掛布, 眼見八至十位食客bar枱式面向半開放式廚房店員表示剛好滿座了, 要先至門口等一等等候期間看到店外掛著的電視播放著拉麵及湯底介紹, 光看已垂涎欲滴店員先遞上點餐紙, 讓我們先挑好食物, 節省時間之外亦為顧客解悶不久便可進去就坐, 很快師傅將我們點的拉麵及沾麵都兩手呈到我們面前拉麵控之選 - 柚子魚芥wasabi沾麵全店唯一一款沾麵, 以大碟裝著的沾麵, 賣相相當吸引店舖選用偏幼身的麵底, 但比正常拉麵粗身少許, 約160克熱騰騰的沾湯魚介味濃, 帶點清新柚子味沾湯內還有叉燒粒, 肉味濃, 肉質腍👍🏼👍🏼以慢食速度進食, 湯底都可以食至尾升才變微暖另外配麵的兩片薄身叉燒則半肥瘦, 放上黑椒碎粒, 叉燒有肉香甜味之餘還有少少胡椒辣最不得不提的還有溏心蛋蛋白軟熟非常, 蛋心蛋黃杰身又深色, 蛋味極重, 做得很出色食飽了再讓眼睛四處溜走, 看到原來所有人都在食拉麵, 只有我一位沾麵啊還看到背後牆上有衣架可掛外套, 枱底亦有小鈎掛袋店員更主動提醒客人某些食物要等耐一點, 服務貼心以質素及服務留住

剛在大阪回來一星期，實在不太想吃日本菜，但又想吃碗拉麵，結果上網便找到這間，拉麵命名都是日本戰時將軍，店鋪坐位不多，在門外和老闆寒暄了幾句，他推薦了好幾個濃味的拉麵，最後我點了德川將軍，因在大阪吃到拉麵也是較濃味，所以我聽了老闆推薦，我點了中麵，軟到適中，湯要了濃的，再加蛋。先喝湯，非常有驚喜，麵在濃湯裡很有味道，口感很好，正正不太硬也不軟，流心蛋也很有味道，不像平時的雞蛋，整體來說在香港吃到這樣的拉麵，以經是很像日本的了。

佐敦向來食市臨立,赫然發現一間只有約十數座位的拉麵店。店舖雖細,但座無虛席。武田將軍拉麵原來是以牛乳作為湯底的拉麵,湯底牛乳味濃郁,質感有點像半凝固的牛奶布了,口感柔滑。 還有一磚牛油,令湯底味道更加馥郁, 令人一喝再喝。 配料有叉燒,蟹柳,粟米等,份量豐富。讚！

回憶上一次享受日本地道拉麵風味已經是兩數前的事了，很懷念那種日本拉麵文化，專注，熱誠。夜幕已臨，很想簡單吃一口令人放輕的拉麵，這裡是一個很好的選擇，很熱情的老闆 ，貼心的拉麵師傅，店鋪細小但滿有家的溫暖感覺。牆上精細地放置日本小裝飾和擺設。很有心思的預備了特色衣架為客人掛外衣，枱下底下配備鈎子給客人排手袋，讓每位客人食得舒暢。拉麵師傅勻穿上店鋪T-shirt，更顯team spirit同專業。枱上所有配料和餐桌用具齊備，更有小貼士教大家如果食用魚油提升美食感!豐巨將軍拉麵(四國香蔥油湯底)，很香濃的豬骨湯，頭啖湯已令我迷住了片刻，配個軟身幼麵，陣陣香蔥油味，每口拉麵跟湯底一拼送進口裡，完滿。豚肉腍身得像五香腩般香滑，滿足原來可以好簡單。友人愛有咬口，聽取拉麵師傅意見，嘗試了武士沾麵(柚子魚介Wasabi沾麵)，很特別的拉麵。粗身拉麵和豚肉跟流心蛋和紫菜凍上，另上熱辣辣的重點濃湯底。一口拉麵沾上香濃湯底再放進口腔，味道香濃帶點柚子酸甜味，配合Wasabi令味蕾進入另一境界，麵身極富口感，甚為彈牙，很好的推介，友人很喜歡。店鋪免費提供熱綠茶，小妹好奇試了熱蜜糖柑桔，飲品不過不失，拉麵尤其出

今日同朋友去食武士拉麵，餐廳雖然細小，但不焗促，而且充滿日式風格，客人仲可以望住廚師煮拉麵，增加客人同廚師之間的互動，感覺相當親切。店員為客人細心介紹麵食，我就選擇了較濃味的德川將軍拉麵，是醬油豬骨湯底，再追加溏心蛋，拉麵一上，濃濃豬骨湯味，我先飲啖湯底，很濃的豬骨味，湯底味濃但不油脷，它的濃郁不會係好咸完全蓋過食其他食物的味道，呢點不是很多間拉麵店能做到。佢地的拉麵比出面較幼身小小，但麵質唔錯，煮得軟硬適中，拉麵內的叉燒入口即溶，相當有水準，而蟹柳味正常，木耳仲可以令人有口感清新的感覺，而紫菜更是脆的，絕對不是淋身。食食下店員叫我拎起檯面的自家制魚油，滴兩滴，個湯底完全提升，充滿魚味，估唔到一個湯底有兩種味道，令我印象難忘。而追加的溏心蛋非常溏心，我一啖食晒。我另外叫了杯凍柑桔，這杯飲品好有驚喜，很有柑桔味，而且不是出面用糖精沖，好像是家中沖咸柑桔的味道，真材實料。朋友叫了坂上將軍拉麵，是番茄豬骨湯底，番茄味濃而且有少少番茄肉粒，朋友的叉燒是煎過少少加上黑椒食，少少香脆，好好食，佢碗拉麵是加上蔥花，配上拉麵同湯底，味道好夾，既清新又有番茄味，唔錯。總括而言，這間餐廳用的食材相當真材實

睇開我嘅朋友都知我比較鍾情港式中餐湯粉麵，因為我比較鍾意啲湯濃郁帶稀身，好怕結到漿哂口，所以好少食拉麵，但朋友推介話呢間一定得我歡心入到此店侍應安排好坐位後，會問你喜歡的味道，本人喜歡重口味，店員就做推介黑蒜油豬骨湯底 $98先飲一口頭湯，味濃蒜香，但唔會膩口漿結，因為本人最怕濃結好快飽肚的湯底可加魚油提鮮味麵質選了適中，軟中帶爽彈最合我心叉燒半肥瘦夠肉嫩糖心蛋剛好，但蛋黃唔夠甘香蟹柳條厚身夠味，但略微凍了一點

今日經過尖沙咀見到一間掛燈籠拉麵店，外面有介紹烹調豬骨湯底過程。就入左去試下。一看感覺像日本拉麵檔，只有一張Bar 枱，服務員會細心問你喜愛口味，然後推介合你拉麵。真是體貼你可以看到廚師用真誠服務去煮出一碗味美拉麵。第一時間送到你面前。我叫左個武士沾麵，沾麵汁和拉麵是分開上的，麵質彈牙，沾麵汁濃未十足，加上幾粒叉燒，入口即溶，溫泉蛋特別好味。當麵配上沾麵汁一起食時，特別清爽。鹹味適中，適合我慢慢食嘅人，不會食到尾麵身會變軟。當沾麵汁就快凍時，服務員會問你需要加熱D湯嗎？真是另一番體貼服務。我朋友叫左個德川將軍拉麵，係豬骨湯底加叉燒，溫泉蛋。麵質爽口彈牙，有濃味豬骨湯，冇油膩嘅感覺食完後，口腔內還有豬骨湯嘅味道，真是真材實料去烹調。直得下次再試。

是日與女友在尖沙咀覓食，思索良久仍未有idea但我想吃麵。中式、西式、日式？最後決定了吃拉麵。記得上一次吃拉麵是在油麻地那間老字號的橫綱，我不喜歡光顧連鎖式餐廳，因為不會好吃。所以最後尋得這間武士拉麵。到步時店裡剛好滿座，負責接待的店員讓我們在門口稍等一會並主動詢問我們是否需要介紹一下餐牌，我示意不用，並順便下單。我點了一碗黑蒜油豬骨湯拉麵加味玉，女友點了蕃茄豬骨湯拉麵加味玉及走蔥。順帶一提，負責接待的這位點員貌似較為資深，而負責煮麵的另外兩位店員則明顯較為稚氣，此刻我已經心感不妙...甫進門，便是惡夢的開始。我聽到煮麵的其中一位店員問下單的那位"依碗全走呀？"。起初我不以為然，麵剛遞上，便發現店員將我和女友的兩碗對調了。女友那碗湯面有一大撮蔥，而我的那碗自然是"全走"。女友不悅，我只好稍加安慰再將蔥盡量舀起。言歸正傳，我先喝口湯，湯底確實不錯，是足料的豬骨湯，入口濃而不膩，湯面亦不見厚厚的油脂，證明店家在處理湯底的油份方面是有下工夫的。吃罷嘴唇還像吃完花膠一樣黏黏的，雖然我喜歡多一層油的湯底，因為這樣湯會更香更熱，但這是個人喜好，店家的這碗黑蒜豬骨湯底，我滿意。正當我想跟女友讚美這湯

試過咁多間拉麵，仲未試過有間好味過日本大阪食過嗰間咁正咁濃，呢間都算比得上有80分啦！佢個湯底好濃郁，豬軟骨好淋，好難得可以食得曬成碗，真係好好味😋另外叫咗隻溫泉蛋，佢哋加咗啲唔知咩汁，一齊食超正👍🏻

#尖沙咀 #武士拉麵 個湯頭真係好正！#織田將軍拉麵 加 #糖心蛋 織田將軍拉麵即係用鹽味豬骨湯底，聽講湯頭係豬骨同三款魚乾熬製而成既，我從未試過食拉麵會飲曬d湯，只有呢款我忍唔住飲曬囉！！！最重要係飲完湯我都冇覺得口渴！如果大家鍾意比較濃嘅魚香味可以再加， 佢放喺枱度嘅秘製魚油不過塊叉燒真係好細好薄，真係如佢所講「入口即溶」！😂 湯頭我揀普通濃度， 麵我就揀普通粗度同硬度，其實年真係唔算好出色，不過配呢個湯已經足夠❤️

一直喜歡吃日本拉麵沾麵，喜歡走訪各區尋找地道風味。 這間位於柯士甸路的武士拉麵，之前也有光顧過，味道的確好，所以今天再次到訪。 柚子魚介wasabi沾麵（$118） 沾麵汁和拉麵是另上的，沾麵汁以魚介作主調，加入了柚子，清新又不會搶過魚介味道。沾麵汁配上幾粒叉燒，嫩滑又好吃。 沾麵用上粗身麵條，比一般的拉麵質感較粗且富彈性，食落口感不錯，而且掛汁力甚高，絕對是必試之選。 北海道牛乳拉麵（$118） 湯底用上牛乳味道加入牛油，雖然邪惡，但很美味啊！ 湯底富濃郁的牛奶香，濃郁可口，掛湯力高。麵條用了幼麵，容易吸收湯底味道。 配料有蟹棒、溏心蛋、豚肉、粟米和紫菜等，非常滿足！ 士多啤梨/藍莓波子汽水（$18）