武士拉麵 (已結業)

係10號風球嘅前夕，我哋親聽日放假可以玩夜少少，就嚟到呢一間係尖沙咀非常出名嘅拉麵- 武士拉麵。一坐低睇餐牌，已經見到有好多唔同款式嘅拉麵，而且最特別嘅就係呢度有牛奶味嘅拉麵同埋有沾面！沾面真係唔係間間鋪頭都有，自從兩年前我哋喺日本食完返嚟之後已經好耐冇食過啦今次就過足呢個沾面癮！首先嚟到嘅就係呢一個地獄武士拉麵，一開始驚一個地獄拉麵會好辣，所以我同左師傅講小辣，但師傅同我講唔使擔心一定唔會好辣，包你食到！一嚟到就聞到陣陣嘅辛辣香味，我習慣先飲下啲湯，十分之正！！！帶動左成個面嘅口感同味道出晒嚟，鍾意食辣嘅朋友一定唔可以錯過。之後就黎到呢一個武士沾面，沾面嘅食法好唔同，係將啲面夾落個濃湯度再食，呢一個食法會令到啲面更加彈牙，亦都啱女仔，因為女仔食嘢唔係太快，可以慢慢享受個面，唔好俾個面吸晒啲湯。我覺得今次沾面反而係個面比個湯更出色，因為個面係轉咗做粗麵，令到個面更富口感，而將個面放落個湯嘅時候，湯仲係熱辣辣！超級濃嘅魚介味，我呢啲鍾意食濃味嘢人真係連個湯都飲埋！餐廳內亦都有唔同嘅調味品可以配合返自己嘅口味，更有無限嘅綠茶添飲，師傅嘅禮貌同服務亦都十分之好！

日式正宗拉麵！？————————————————————#足利將軍拉麵(HKD)✔️👅：4.5/10✏️ 呢款（圖上）黑蒜蓉豬湯湯底 黑蒜味唔算突出 飲落去少少偏鹹 而麵身都夠硬 個人更喜歡粗身少少既麵😋 但最大問題係食完之後好！好！好！口渴💩 另外一款（圖下）四國香蒜油湯底反而相反 湯底偏淡 令到麵鹼水味出曬黎🌚 豚肉唔夠嫩滑 都唔算好鞋 可以做得更好 整體而言有進步空間另外 溏心蛋係加左錢先有既 都做得唔係太夠入味🙁⭐️ 環境一般 要改善下

都係果句，食拉麵，真係唔一定食大牌子既就係等於好食🙈呢個就係一個好例子，呢間武士拉麵都可以講係一間小店，暫時得兩間分店嘅佢，佢嘅拉麵真係可以食得出日本嘅味道，依家就同大家介紹下😀店內嘅位置唔多，一眼睇曬，大約得10個位置左右，唔好見到而家冇客係入邊，過咗15分鐘左右，大約晚上七點半，就已經坐滿晒啦🙈餐牌方面，顏色以深色為主，所以要比少少眼力去睇睇，不過每個拉麵嘅款式都有圖輔助，所以都好容易揀到你心儀嘅選擇👍🏿除咗有平時比較傳統同普通嘅拉麵款式，另外都有啲特色嘅拉麵架，例如番茄湯底嘅拉麵，Wasabi沾麵 等等🤓呢啲都係比較少見嘅！除咗拉麵之外，客人仲可以追加一啲小食或者配料，另外亦都有飲品提供比客人選舉既🤓如果唔想額外加飲品，其實餐廳都有冰水提供🤗上面呢啲嘅飲品係餐廳另外特別提供嘅飲品優惠，都可以參考吓架😉呢張就係落單紙啦，除咗有中文提供之外，仲有日，英語言提供，完全照顧到其他國家嘅食客添👍🏿值得加分啦😀喺落完order之後，再睇睇餐廳入面嘅環境，每位食客嘅前面，都會有一張禁既memo，睇睇啲文字，原來係呢間餐廳嘅店長特製左一啲魚油，佢表示，飲完頭啖湯之後加少少呢一啲嘅魚油，就可以提升

今日好有目標食乜，雖然天氣熱但都好想大啖飲豬骨濃湯！老老實實，連所集團果d拉麵食到悶～而且又一般般～都係覺得細細鋪仔嘅風味好D～今次去嘅係呢問紅當當嘅武士拉麵～雖然地段入dd，但據聞呢間野唔錯，行遠dd都去試下～呢間鋪鋪仔細細，坐位大約八個～坐得又唔算迫嘅～湯底種類唔算多，可能貴精不實多啦～有醬油，黑蒜油，地獄，蕃茄，香䓤等湯底～其實仲有沾麵～不過我對柚子呢d小清新味興趣唔大，食拉麵，我始終都係鍾情於重口味，同埋heavy得黎又香濃嘅豚骨湯～$10就可以加溫泉/半熟玉子一隻了可自選湯底面條及麪質呢～枱上的調味料～有店主自家制魚油～可以提升魚介嘅鮮味～仲有辣油同黑椒油～今次點左足利將軍，即係黑蒜油湯底～麵一黎到，除左相機食先，當然係大啖飲湯底～嘩，豚油香味好濃厚！口感十分香滑～飲後不覺得口渴，相信應該係足料煲成冇落味精～半肥瘦叉燒口感軟熟，一D都唔難，呢樣野係日式叉燒好重要嘅野～熟度控制非常精準～流心蛋黃令呢個麪更滋味！另外，仲叫左個魚介豬骨，（係我手殘唔小心delete左張相～嗚）呢個味道我喺其他地方好少食到，據聞魚介做湯底，武士拉麵係先鋒～係第一間做，歷史同經驗不少，味道比起普通豬骨

有番小小歷史認知既朋友應該都知道前身係agura，係當年無乜拉麵舖既情況下佢都算係聞名好多人去，至於話佢擺脫係件好事壞事，見人見智啦呢Ｄ野。未食之前望落去好濃，呢樣野有復刻到番黎的，而蛋流心度唔錯，但可以入味Ｄ；叉燒偏肥油脂多，香港拉麵叉燒我覺得用肥身既切穩陣，燒香佢令到豬質素普遍低既問題隱藏；而加左Ｄ木耳絲落去成件事亦變得較為居酒風，清淡小小既路線。麵呢個問題係我最擔心既，因為唔係戴有色眼鏡去評論人，好多時見到年輕人係廚房會擔心左先，因為好多時鹼水留係麵度破壞哂個湯，好在今次都隔水隔得好。但係個湯就咸左小小，魚介味雖重，但係調味部分相信落重手左，如果輕手番我相信會係碗常encore既拉麵，因為以尖沙嘴計(唔計佐敦)霸嗎同一蘭我唔鐘意，而一風堂更加唔會揀，尖沙嘴就應該得番呢度可以揀了。

尋找日本拉麵味道，每次到訪一間店都會期望食到係日本品嚐過的味道，自知是需要很多方面配合，但每次希望可以感受到一些日本風味。今次來到尖沙咀武士拉麵，充滿著期待，因為朋友們都說：「一定要試！試過就會明白。」首先，一到店內感受好似去到日本食拉麵的感覺，坐低係吧枱，先用點餐紙寫低自己想食什麼，我點了一碗《豬軟骨拉麵》，平時多是於日本食的都配搭日本叉燒，所以特意一試，我選了硬身幼麵，偏好硬身拉麵是我認為最能表現到師傅手勢，硬身要煮到熟，而不會食到麵粉味，是很有難度的。師傅煮好碗拉麵親手送到我面前，感覺很親切，湯底好熱，遠遠已經聞到濃湯味，先品嚐第一口湯，非常香濃，並不是咸味，而是鮮味。豬軟骨好軟，好入味，食完一件會想再食。麵質很好，硬身得嚟好有彈性。份量充足，最後只剩得少少湯。非常推介，很有水準，另有一番風味。

星期日午時1205到了尖沙咀搵食，這次我有兩手準備，本身預定了食某間日本地方名既食堂食飯但去到原來開1230，不怕還有另一手準備，食間泰國食店，去到要1630先開，當然已十分肚餓，就去OpenRice找一找附近食店，結果搵到間武士拉麵，超多人like，二話不說就去入到店內有一陣燶味，好難聞A，餐牌睇圖片得兩頁，還有點貴，我沒錢的還是點了1,足利將軍拉面實在是冇咩得講，份量較少，湯，拉麵，兩片肉，都是好一般，不難食，但又沒什麼好說，可能我貪平點錯麵，感覺就像自已在數字商店買的拉麵差不多個人認為多like的原因是不難食，如果這碗麵買45元我會比4星

今日忽然間好想食拉麵，所以就去左呢間之前聽朋友推介既拉麵店。門面比較細，一時無留意，行過咗都唔知😂入左舖之後，餐牌都有好多款選擇，全部都好似好吸引，揀唔落手🙈店主見我猶豫左好耐，就叫我試下呢個德川將軍拉麵🤤呢個係魚湯底，啱晒鍾意魚味既我。拉麵可以按個人喜好揀軟硬同粗幼，非常體貼👍🏻拉麵湯底有濃郁既魚味，魚油味好濃，但又一啲都唔腥😝件叉燒索哂魚湯味，食落唔會覺得油膩，如果啲叉燒可以肥返少少就更好啦。成碗麵既口感十分豐富，湯底濃得嚟之餘唔會太嗆，麵質亦非常爽口彈牙～溏心蛋好好味，下次一定要叫埋朋友黎一齊食！

呢排成日落雨，搞到咩心情都無，難得約咗好耐無見嘅朋友食飯，梗係唔可以甩底啦。我地係尖沙咀嘅韓國街，決定食日本拉麵😂😂鋪頭仔，位置唔多，可以見到廚師嘅一舉一動～好貼心，有衣架比你掛起啲衫✨話明武士拉麵，啲拉麵名都取自唔同嘅將軍😂各種調味料～最特別嘅係有店長特製嘅魚油✨我揀咗足利將軍拉麵，即係黑蒜油豬骨湯（$98+$10溏心蛋🤤）未食已經聞到好濃郁嘅黑蒜油味，食落比我想像中濃味好多，唔係鹹，而係濃。黑蒜油比麻油更香，配埋豬骨湯，係絕配！不過如果黑蒜油味淡啲，豬骨味重返啲會比較平均～拉麵係幼身，麵質普通，可以再爽口啲。溏心蛋有好多蛋漿，正😋超多精華嘅湯底👍🏻朋友叫咗板試將軍拉麵，即係番茄豬骨湯（$98+$10溏心蛋😍）呢個係店長推薦佢試下嘅，雖然個湯得兩三嚿番茄係入面，但番茄味就幾濃下！🍅溏心蛋會流心，而唔係硬掘掘。今次叫咗普通麵質，下次可以試下偏硬身嘅麵，相信會更有口感😛下次嚟食決定叫個清淡啲嘅湯底，試下店長特製嘅魚油🤗

Lunch同事提議食拉麵，但我地又唔想去連鎖店。諗起柯士甸路有間武士拉麵，的起心肝一試。門前掛上紅燈籠，係傳統拉麵店的格局。入內座位唔多，但就可以近距離觀賞師傳的手藝。同日本的拉麵店一樣，單單只做拉麵，所以menu只有一張拉麵紙。客人只須簡單點選湯底、麵條同麵質。我點左最typical的德川將軍拉麵，一試武士的龍與鳳。上檯相頭不錯，基本的配料如紫菜、木耳絲樣樣齊。溏心蛋做到真溏心，微甜的蛋醬湲湲流出，好睇又好食。麵條火候剛好，有一定咬口。湯底夠味但又無味精的感覺，唔涸喉。麵條同湯底的質感配合得唔錯，有掛湯效果。整體而言，拉麵質素不俗，唔遜色於出名的兩間連鎖店。想食好拉麵又想轉換一下感覺的話，不彷一試。

今天約了朋友一起到尖沙咀約會，但不經不覺地便走到了佐敦，佐敦也是一個有很多美食的地方，所以就在佐敦尋找美食最後我們都被一間特別的拉麵店吸引了，這餐廳就是武士拉麵。餐廳的拉麵都是以戰國的將軍命名，非常特別且富有日本戰國的色彩，所以便和朋友一起試一試餐廳位置不太起眼，門面不大所以很容易會走過，幸好門口掛著紅色小燈籠以便記認。餐廳環境餐廳環境面積不大，可坐的位置只有一張吧檯，坐位比較逼，吧檯對著廚房，方便把剛煮好的拉麵送上供顧客享用。店主向我們介紹了德川將軍拉麵及坂上將軍拉麵，既然店主親自介紹，便決定了點這兩種拉麵了德川將軍拉麵湯底是拉麵的靈魂，一碗拉麵的美味程度很多時候都取決於湯底。德川將軍拉麵就是醬油魚介豬骨湯底拉麵，湯底豬骨味濃厚，同時能發揮魚介的鮮味，湯底能令豬骨味和鮮魚味發揮得如此香，同時亦能打醬油豬骨魚介的味道互相平衡，真的是一個學問。半肥瘦的叉燒很嫩，灑滿胡椒，再以火槍輕輕燒過，使其香味更濃郁，味道更上一層樓。幼身的拉麵質感偏硬，我都比較愛好偏硬的拉麵，配合濃郁的湯底，真是美味萬分！坂上將軍拉麵店長特別推介的坂上將軍搵麵，是蕃茄豬骨湯底拉麵， 蕃茄湯的湯底也不比醬油豬骨魚介湯差

今日出開嚟尖沙咀有啲嘢做，自己一個人最好就係食拉麵，經過呢間武士拉麵，望下menu 幾正，就入去試下啦~Menu 樣樣都想試，最後揀咗比較特色嘅沾麵武士沾麵 - 柚子魚介wasabi 沾麵 $118 另加半熟玉子 $10沾麵係咩黎？ 佢係湯還湯，麵還麵咁上既。食既時候先將麵放入湯黎食~麵一上場，個presentation 好靚，先試一啖湯，湯底好濃，好有魚味，少少微辣。飲完一啖之後，我再加咗少少師傅特製魚油，又真係再令到個湯增加魚香，正！ 面係粗麵，堅度適中，作為沾麵配湯啱啱好~ 叉燒煮得好淋，麵上有啲唐辛子，即係辣椒絲，點綴下又幾靚~ 半熟玉子，糖心好滑好香蛋味~ 整體黎講，份量好足，味道好，下次要再黎試其他款式~ 

朋友愛拉麵 佢成日想尋找香港的好味拉麵，今次佢話想試下位於尖東的武士拉麵餐廳自己寫由柯士甸站行約10分鐘，由於位於玫瑰堂附近，其實從尖東站行過去會方便啲餐廳開業時間係下午六點，我地唔想同人迫，六點鐘到達佢地剛開門，我地係第一客人店內不大，約八個座位，對住開放式廚房，可以睇住師傅煮拉麵拉麵以日本多個古代將軍明名，我點咗四國香䓤油湯底的豐臣將軍，朋友就選擇醬油魚介豬骨湯底的德川將軍豐臣將軍就如其名，好濃郁同好重口味的湯底，飲完第一啖滾熱濃厚豬骨湯底後再食第一注幼拉麵，麵條已經吸收晒湯底的濃郁味道，好惹味但配上䓤花後中和咗好多叉燒有火炙過再加上黑椒調味，脆邊口感一流唔膩；温泉蛋生熟情度剛剛好，好甜好滑濃烈的口味唔需要加魚油，因為加咗都食唔出特別反而加於朋友個碗德川拉麵後，魚介豬骨湯底多咗甜味，更加好味第一次又唔想太重口味的話，可以試試德川將軍拉麵，厚實但有淡淡魚味中和咗濃厚豬骨湯頭的油膩感，可以食到最底。睇住師傅渾身是勁地用力搞住個湯頭，一碗拉麵咁好食係有原因嘅整體來說：地點係遠咗啲，店內細咗啲，但最緊要係食物質素甚好，回頭指數

沾麵其實好少地方有， 自從試過之後，每逢麵店有沾麵供應， 都會指定動作。中午好在早到， 12點左右我係頭幾位客， 15分鐘後， 出面已經排隊😜。 店內一貫傳統坐吧枱。 大約12個位左右， 好快就爆滿。 Lunch 有做指定拉麵優惠， $58-$68 ，超抵。 其他麵款價錢由$88-118武士沾麵（柚子魚介wasabi 沾麵） 魚介湯味濃郁， 略帶略wasabi 味， 唔會「工鼻」。仲落足料。店主推介魚油， 真係有魚仔，加埋入湯， 更香魚介味。麵底彈牙， 份量十足， 仲可按個人喜好選擇軟/硬麵。 $118

今次同朋友一行兩人約咗去尖沙咀聽講座,當我同朋友見咗面之後,大家都異口同聲話有啲肚餓,但我哋又唔想食得太飽因為聽講座嘅時候需要用腦唔想飯氣攻導致到無心裝載,所以我哋就諗到去食啲light啲嘅嘢, 例如食碗麵就恰到好處啦! 我哋沿著柯士甸道行下行下,就搵到呢一間武士拉麵,我朋友好鍾意日本嘢,就叫咗我一齊入去試下!  餐廳門面餐廳內在環境餐廳環境唔係好大,可以坐到十幾人左右. 感覺好有日劇裏面嗰啲日式拉麵小店!每隔兩個位就有一set醬料, 而呢一set嘅醬料裏面有黑椒油,辣椒油,辣椒粉,同埋店長推介嘅特製魚油! 喺醬料嘅旁邊有一壺綠茶係畀食客自行添飲!每隔兩個位就有一set醬料, 而呢一set嘅醬料裏面有黑椒油,辣椒油,辣椒粉,同埋店長推介嘅特製魚油! 喺醬料嘅旁邊有一壺綠茶係畀食客自行添飲!呢間餐廳嘅餐牌我哋今次點咗嘅嘢食!今次我同我朋友分別揀咗德川將軍拉麵加一隻糖心蛋, 同埋一份坂上將軍拉麵改烏冬!德川將軍拉麵 (醬油魚芥豬骨湯底)德川將軍拉麵嘅內容有:叉燒,木耳,紫菜配合埋醬油魚芥豬骨湯底. 而我亦都額外叫咗一個溏心蛋,叉燒既味道十分之香口,味道主要來自黑椒, 肉嘅質地爽口,有少少脂