武士拉麵 (已結業)

日本菜黎講，最常食既都係壽司刺身等，唔知點解對拉麵有種偏見，總覺得個湯底好濃好咸食完會好口乾，所以係香港真係好少會食拉麵，今次跟隨熱愛吃拉麵既朋友到尖沙咀覓食，由佢拍板食啲咩，結果黎左呢間地方細細既日本拉麵店，又幾唔錯喎呢到拉麵大約十款左右，沾面冷面都有，對於有選擇困難症既我，店員主動幫我手揀（可能驚我到收鋪都未揀到haha!) 最後揀左個冷面食，又可以試佢既面質素，又唔怕太heavy!北條將軍拉麵 $108麵條分別可以揀幼、中、粗，我揀左幼，本身一個麵只包左兩片叉燒，而我就加左溏心蛋同加洲蟹棒同粟米，配埋四大片紫菜，非常豐富冷麵麻醬另上，一大碗任您想落幾多就幾多，面仲灑左大量魚介粉，倒既時候有種山泥傾瀉既感覺 首先，麵既彈牙程度令人好滿意，雖然係幼麵，但估唔到一樣咁有咬口，麻醬既濃稠度成功沾滿每條麵，每啖味道十足，溏心蛋甜中帶香，蛋白唔太濃味，蟹棒亦新鮮肉爽，粟米半碗上，甜甜地同冷麵好夾我呢個貪心鬼食食下又想食北海道帶子，膽粗粗咁問店員可唔可以再加，店員就即刻係我面前煮帶子因爲即叫即煮，仲熱辣辣用濃湯烹住鮮味十足，重點係夠爽我就好大方咁分左粒比朋友食北海道牛乳布甸$28甜品控去到邊

今日去睇演唱會, 所以就去左TST 食埋野先去, 哈哈, 又唔想食得太耐, 於是就搵到間拉麵店, 店子少少, 只可以坐10個位左右, 我地等左一陣就可以入去啦, 係等既其間, 店員很好, 預先幫我們落定單, 哈哈, 咁所以一坐低好快就有得食啦.我叫左個真田將軍拉麵(豬軟骨拉麵$118), 呢到好好架, 可以比你選麵既粗幼度&軟硬度. 2款我都選左普通(即正常), 而湯底都夠厚身, 唔會過咸, 另外仲有店長推介自家制既魚油, 我飲完頭啖湯之後立即倒左幾滴試下, 我怕落得太多會蓋左原本個D湯既味, 飲落都幾得意, 有D魚香味. 豬軟骨炆得好夠淋, 好入味, 正! 配菜有木耳絲, 唐心蛋, 紫菜&粟米.而朋友就叫左個武田將軍(北海道牛乳拉麵$118), 麵就選左粗身, 而軟硬度就選左普通, 真係好有牛乳既香味, 叉燒入口即溶, 再配上2條帝皇蟹柳&牛油, 令到口感更豐富.值得一讚大廚能控制到麵既軟硬度, 不是求其的.

特別肚餓的晚上，很想吃碗熱騰騰的麵。港式雲吞麵太清，不足以此刻對食物的渴求，吃碗濃郁重味的拉麵就最好不過，然後再去吃碗糖水，清一清，就是簡單而完美的晚餐。友人提議武士拉麵，反正未試過，甚麼也好。最好不過，只有一排大概十個位的小店竟然不用等位。八款拉麵，一個沾麵，一個冷麵。不同味道的豬骨湯底，有醬油魚介、黑蒜、鹽味和蕃茄。 湯底濃度、麵條粗幼和麵質硬度都可以選擇。點兩碗麵，加一隻溏心蛋每人一半。德川將軍拉麵醬油豬骨湯底麵上得很快，等數分鐘便可以開動了。湯傳來香濃的氣味，有紫菜、木耳、叉燒和追加的半隻溏心蛋。先喝口湯，濃郁、厚稠，豬骨香而重，加上醬油，濃重卻不過份。紫菜吸了少少湯的濕和香，仍然夠脆。半肥瘦的叉燒嫩腍，沾滿胡椒，平衡叉燒的油香，又不蓋過肉香。胡椒很重，跟湯底很夾。武士將軍拉麵北海道牛乳湯底較少見的牛乳湯底，是店員的淡味推介。果然沒介紹錯，的確偏淡。較稀的湯底，不及濃厚的豬骨湯般掛麵，加強淡味的效果。加上一少塊牛油，使牛乳湯底更香。粟米稍韌，不夠脆，不夠多汁，不夠甜，但說明了它不是罐頭粟米。溏心蛋蛋黃夠濕潤，在口裡黏黏的，不過味道驚喜不大。沒有胡椒的叉燒較清淡，自然的肉香和油香

姐為了身體健康都會盡量食得清淡點，但間中都會想食下D重口味的，吊頸都要透氣嘛！如果，我好想食重口味的拉麵，一定係會去武士拉麵，因為佢個湯底不得了，集齊極其重口味的元素，只要影相影超過一分鐘都會見到一層湯衣！今晚同Mr.K 去完足浴就行去食拉麵，在八款湯底中揀了 豐臣將軍拉麵（四國香蔥湯底），麵條揀左粗同硬麵，湯底揀超濃。不消一會就見到我的拉麵，蔥花切得細碎伴以半隻溏心蛋。湯底好與壞直接影響拉麵的味道，這家的湯底濃郁到可以起衣的，不容置疑的濃厚。雖然可以起衣，但湯底又不是想像中的過份油膩。半隻溏心蛋，蛋白香軟蛋味帶甜，入口有如糖漿般。日式叉燒薄薄的兩片，以黑椒柚子簡單調味，淡淡的柚子香帶有一份清新感。粗身麵條有相當的掛湯能力，選擇硬麵更有咬口，每口都吃到濃厚油潤感。熱辣辣超滿足的一餐！

香港人一向都較為喜歡吃日式食品。。。今晚我便跟朋友到尖沙咀吃日式拉麵這家拉麵店門外裝修十分美觀，而且紅紅的遠遠都能夠看到店舖的位置。。。拉麵店內位置不算太多，但能夠感覺像bar枱一樣可以清晰看到店員為你烹煮拉麵。。。而且由於餐廳位置不算太多及太大。。。所以店員更會很清楚留意每位乘客的一舉一動。。。所以當想點餐的時候，店員會即時看到及跟你下單服務一流這裏有多款拉麵可供選擇。。。由於這間餐廳是叫武士拉麵。。。所以每款拉麵的名稱也以武士名稱來 命名。。。所以整個感覺都較為有趣除了拉麵外，更有一般的小吃和飲品也可供點選。。。枱上更放置了幾款調味料可以加在拉麵當中。。使湯底變得更為有特色及更配合個人口味我跟朋友都很喜歡這支特製魚油因為當加到拉麵湯底之中會令味道變得更濃郁。。。所以令整個湯底都認為惹味這個將軍其實是豬軟骨拉麵。。。我們能夠清楚看到有很多豬軟骨肉鋪在拉麵上，更有糖心蛋首先說一說湯底。。。這個湯底較為重豬骨味十分香濃不知不覺也會飲了很多啖湯。。。當我們食了幾口。。之後再加上了特製魚油。。。這時味道變得較為有層次和有點點魚味拉麵份量也是可以的。。。而且拉麵麵質都不錯。。。這裏的拉麵有幼麵

好朋友對食的挑剔程度總是要我頭痛，每次來香港，我都想盡辦法搵些match佢口味的餐廳。本身就想去韓國街覓食，成條街行落黎都無邊間特別想入的。後來一直行下去，遠遠地見到有間鋪門口企咗唔少人，我們也跟風企過去。老板熱情又好客，會同食客傾幾句。客人在外等待的同時，就介紹返店內的特色，根據個客的喜好向我們推薦，唔會要啲客齋等。由門口望入去，裡面好細，大概十個位到，食客坐成一排。即使客人好快食完好快走，我們都要等足半個鐘先入到去。本身想要個北海道牛乳拉麵，可惜sold out，所以改為黑蒜油豬骨拉麵，乾身的武士沾麵也是一大特色。兩個人，兩種風味，啱好一次過試晒。朋友對黑蒜油拉麵讚不絕口，湯底濃而不膩，層次豐富，更有真實蒜粒，乃口味稍重人士不二之選。三下五除二，我先食到一半，佢果碗已經見底。沾麵會比湯麵遲些上。認真，我未試過乾身拉麵，麵質偏硬，需要在湯内浸軟，所以同湯麵相比會更彈牙。開始仲擔心wasabi味會不會太重，其實唔會，少許味道已是點睛之筆。由於麵本身無味，湯底就重味些，但底下好有料到，肉粒都吸飽湯汁的精華。沾麵和湯麵的風味各異，兩碗拉麵的湯都濃而不黏，因此食起來無咁容易滯，平時一碗麵都食

去開尖沙咀覓食ge朋友都應該知邊度係韓國街啦! 餐廳價格有平有貴, 身邊好多朋友唔想俾大商場入面d連鎖店賺到盡, 都會行多兩步去個邊食。今日同朋友行到附近見到想食個幾間韓國餐廳都有人排隊, 大家都唔想等, 所以就繼續行睇下有咩食。朋友望過對面見到有間的的骰骰ge拉麵店, 就諗住試下。入到去都幾鍾意個格局, 其實座位唔多, 而且係日式一排過個d居酒屋形式, 行出行入都要借一借過, 不過有晒地道日本feel, 又未至於好逼。我地兩個叫左個足利將軍拉麵, 同埋真田將軍拉麵。同一蘭一樣, 有得揀濃/淡, 粗/幼, 軟/硬。真田將軍拉麵即係豬軟骨, 店主話係鹽味湯底, 同朋友個個黑蒜油湯底相比, 鹽味冇咁重口味, 但兩個湯都係偏「杰」身同濃郁, 唔似得連鎖式豬骨清湯。叉燒脂肪同肉比例都幾平均, 唔膩, 不過個人黎講比較鍾意豬軟骨, 大大舊而且煮得好腍, 唔係汁煮, 醃到好入味。枱面擺左好多調味料, 第一次食, 同朋友都跟足店主介紹ge食法。魚油真係有條魚係入面… 朋友食得津津有味咁, 但我的確有少少嚇親, 所以全程都加隔離個款胡椒油食, 初頭唔識野諗住好似辣椒油咁成羹倒入湯調味, 店主見到即刻過

搵日行過尖東 見到間武士拉麵武士拉麵 成個腦都浮現日本d武士個樣開開心心咁入去試食拉麵 睇埋menu先 又真係全部都係同武士有關個啵唔同既將軍名配唔同既湯底 好有新意😁😁一見到四國香蔥湯底 即時心心眼因為係出面好少見到架🙈拉麵有分粗、幼 普通 湯底濃度都有 今次選擇左普通先普通麵 配普通 濃度 但好岩我口味上台個樣好吸引 蔥花切得好好 一隻溫泉蛋拉麵既湯底係靈魂 即時飲一啖湯底先甜而不油 仲有魚既鮮味 店內仲有特製魚油 俾你試完頭啖湯後再提升魚介味而加左魚油之後又真係鮮左好多既🙈冇介紹錯！食到最尾 湯都清埋✌🏼️✌🏼️

「武士拉麵」對我來說不陌生了, 是一間可以一再光顧的拉麵店, 拉麵店多如繁星, 總覺得拉麵店是否好吃是很個人很主觀的, 而我就覺得這間很對味了。北海道牛乳拉麵那奶黃色的湯實在誘人, 用料是北海道牛乳帶出日式風味, 每一口也感到牛奶香滑，湯底有著鮮濃的奶香, 有別一般鮮奶，北海道牛奶帶出引領的鮮甜。曾在東京吃過人氣拉麵, 總覺得湯底太濃稠太咸太油, 吃幾口已很膩, 不合我口味, 我卻很喜歡武士拉麵, 味道到位又不會膩, 雖然是奶味湯底，每一口都覺得很清新, 味道吸引人吃下去。麵條爽嫩彈牙不在話下，特別一讚附上的幾片叉燒, 厚度適中, 肥瘦均衡, 肉質鮮嫩, 烹調得宜, 吃得多不同的拉麵, 會發覺叉燒很難做得這麼軟熟, 實在難得。另外, 我也喜歡爽甜的栗米, 令營養均衡, 半熟蛋質素也很好, 柔滑得像bb的肌膚, 蛋黃有流油狀態, 滋味無窮。武士是在尖沙咀的人氣拉麵店, 幾次來吃也是人頭湧湧, 今天真是好幸運不須等多久就可品嚐這拉麵！

行經柯士甸路, 呢間拉麵店好熟面孔, 喔! 好久前食過一次, 佢啲拉麵做得幾出色, 相請不如偶遇, 再來一碗吧。鋪位面積不大, 只有 bar 檯, 坐到8-10人。今次來個極級挑戰>>>>>>>地獄拉麵店長自家制提鮮魚油九州地獄拉麵 ($118加配長崎蟹捧+$12)齋睇真係嚇得吓人…..看似巧辣地獄拉麵除拉麵外還有3片日式叉燒, 一隻溏心蛋及少許爽口木耳。地獄湯底也沒有想像中般辣, 只係香辣那種, 不是辛辣,  味雷還渴得出豬骨湯底的濃香。溏心蛋做到流心質感, 蛋黃軟滑, 淡淡鹵水清香。長崎蟹捧有長腳蟹肉的鮮爽。半肥瘦叉燒, 一層肥一層肥, 腍滑美味。師父問麵要腍/硬? 我叫了硬拉麵, 其實腍/硬關鍵在於煮麵時間長短, 個人麵食比較喜歡吃硬, 這裡的拉麵非常出色, 拉麵爽口彈牙, 完全沒有皂水味及雜味。

午後下班，一時想不到吃什麼，而且還要到尖沙咀取回維修過的相機鏡頭，於是再次來到此拉麵店，回味一下獨特的拉麵。是次到來，有著其他客人，於是找個離門口較遠的座位。在座位前仍舊擺放各種的調味，以及餐牌。感覺依舊沒變，仍是覺得近門前的日本武士木偶很特別。這次卻選了織田將軍拉麵﹝鹽味豬骨湯底﹞，一嚐另一個味道，停了不多久就已經送上。先試一下湯的味道，除了豬骨湯的味道香濃味沒變，而且還帶著鹹香，因是鹽味豬骨湯底。一隻糖心雞蛋，分成兩半，大大的日式叉燒，黑實的木耳，再配兩塊紫菜。木耳爽脆，沾著豬骨湯，帶點鹹味，反覺口感特別。糖心蛋，香軟蛋味濃，入口有如糖漿在口中的感覺。日式叉燒帶著黑椒似的調味，變得更香的肉味及咬感。是次選擇幼麵及普通的硬度，雖沒粗麵的咬感，卻沾著湯的鹹香，變得更可口美味，湯是鹹，若不太習慣太鹹的話，可能變得難以接受。味道的水準要保持，的確是很困難，可見店主對味道的要求，做到不馬虎，要求水準一致，的確難得。

其實係附近食晏已經留意到呢間拉麵店，見都幾多學生哥幫襯。所以收左工就決定過黎會一會佢。雖然呢度鋪仔細細，但選擇都算多，有成十款拉麵可以揀，味道淡至濃逐級上。但因為晏晝嗰餐嘅關係，所以揀左個師傅仔都推薦，清新口味啲嘅，蕃茄豬骨拉麵$98，配多條蟹捧+$12。個拉麵一上枱，必定係試左個湯先。湯頭好決定拉麵嘅好壞，呢度做得幾好。我點嘅係偏淡嘅蕃茄湯底，咁樣唔會搶左豬骨湯同埋叉燒嘅味道。微微酸甜味，幾醒胃。呢度嘅蟹棒係有誠意嘅貨色，一梳梳嘅效果同味道都唔錯而麵就同師傅仔講嘅一樣，粗麵會有少少偏硬。配合啖湯底出黎嘅效果就啱啱好，可以吸多啲湯汁。溏心蛋就老左啲，蛋黃熟左少少。反而叉燒就啱啱好了，軟熟得黎仍有咬口。雖然唔算入味，但保留到少少肉香。之後見佢個特製魚油咁有信心推薦，就攞左啲黎試雖然寫係俾魚介麵用嘅，但我覺得淡味嘅湯底都可以試下，因為佢呢個胡椒溝芝麻油嘅組合真係幾香，有刺激味蕾嘅效果。最後追加左個薑蜜，再暖一暖身先離開以便抵抗今晚呢個氣溫急降嘅日子。

叫左個蔥拉麵同牛乳拉麵介紹就講到天花亂墜食個陣就無咩驚喜店員好煩，交完張紙又問加唔加A加唔加B咪就系一碗拉麵囉食食下又走埋黎問好唔好食，唔系一次喎問完又問，阻住晒真心唔覺有咩咁特別，你兜口兜面問我又真系唔好意思講你好煩 阻住人食野 我唔想同你傾

放工後到美容做facial前, 一人到美容院附近來食簡單晚飯 ~ 武士拉麵。 拉麵小店是長形雖細,但十分簡潔舒服。 落單只面寫上所需就可以, 我最欣賞有湯底濃度選擇。點了好濃好辣的【九州地獄拉麵】 $118 約有兩片薄身日式叉燒,肥瘦剛剛好,咬起來柔順鬆化。溏心蛋略熟了點, 沒太多半流心口感。 拉麵沒梘水味,彈牙十足 。 好紅勁濃的湯, 是豬骨湯,帶中辣味,好岩我胃, 令人開胃大開。 店長建議試完頭啖湯之後,加上特製魚油, 即時提升魚介及湯味。確實加了後,湯更鮮甜呢!

我只可以 簡單講 價錢唔值，湯唔熱又唔夠味，拉麵唔滑又硬， 溫泉蛋又凍，我從未食過咁樣架拉麵，我同我女友食完都媽媽聲！佢仲話開分店，真係請我都唔會再去！ ps. 順帶一提，作晚坐我哋 隔離有一對情人，食果時都 擰擰頭，食完就埋單走人！