民園麵家 (已結業)

在同事帶路下，第一次來此店。牛腩麵($20)：要求較瘦的牛腩，果然給了三件瘦牛腩，另有一件牛筋。每件都非常大件，而且夠焾。麵的份量不多，但爽口。吃完不覺得太口渴，所以估計味精應該不多。豬手撈麵($24)： 兩大件豬手，但主要是皮，沒有什麼肉。朋友說味道一般。灼菜心($10)：很大碟，份量多又爽甜。食物味道OK，價錢合理。不過最出名的豬手撈麵，似乎又不是想像中那麼好。反而同事說這裡的水餃菜麵很不錯，下次可以試試。

不知道這麵家原來是頗有名的，來到門前才看見有不少名人都光顧過。當年由街上大排檔的舖頭搬進室內都有周梁淑怡議員剪彩，都咪話唔勁。聞說這裡最出名的是豬手，所以就叫了一個豬手麵來試試。都真的不錯，豬手夠軟，入口又有一層層的膠質感覺，最重要是豬皮的表面夠乾淨，麵又彈牙。怪不得會有不少人都喜歡它。

七月下旬‧晴吃飯的時候半醉，菜色吃過記得味道，卻不記得菜名，唯有回頭再看。走的時候，要吃點東西，吃麵吧。論味道，該是對面玉葉阿黃的好一點，但是日太熱，來這邊，至少有空調。要了碟薑蔥撈麵，扣底。麵很快送來，碟頭不少。薑絲多，蔥多，麵也多。薑夾起蔥再加麵一起吃，就算麵是用醬油撈成很深色，但竟然是沒有什麼味道，只有一股鹼水味，搞咩？最大問題就是碟撈麵是只有醬油，真的油也不下多一滴的，而吃完發現，碟底一大攤醬油，下得太多了。只有碗上湯，才有點味道。如只談這碟麵，真的不夠水準。

三年沒有來過民園,路過見還有一點胃口,便入來吃個豬手撈.有傳本來民園的師傅,被撬過去對面玉葉,更說豬手撈比民園的好,經這一役之後,我不得不信.面前的豬手撈,色水較淡,顯然未夠入味.但是豬手尚算好嚼頭,咬落的膠質極為豐富.最致命傷的是麵條,鹼水味很重,當醬汁混上鹼水味,即刻產生一陣化學氣味.到最後,這碟撈面,豬手吃光,但麵條就有剩.唉,想起昔日鐵皮屋年代的民園,臨結業前更惹來社會上不少迴響,甚麼大牌檔是香港文化之一,不應取締,值得保留.差不多五年後的今天,對面玉葉繼續"人間廢葉",當年話題主角,上了岸的民園,已成為"失樂園"了.

這所位於近半山荷里活道的麵店，原來是非常有名的，所以找了一個晚上，拉了女友來試試。甫進店，在店內貼清多位明星來吃過的照片，究竟明星們是否真的咁識食呢？為求試麵試得徹底一點，和女友點了一個湯的，一個撈的，湯那碗要了雲吞麵，撈那碗放了豬手牛腩撈。先來是細蓉，但這細蓉絕對不細，麵餅的大小足有麥氏的兩倍，當然也是先喝口湯，湯有蝦籽味，但大地魚的味道不濃，而且其濃濃的味道很明顯是來自味精，喝起來很不自然，當然最後沒有喝光其湯，平常在何洪記及麥氏吃的，這是拍定動作；麵有點點的鹼水味，不太行，但也算爽口彈身，可是吃起來沒什麼鴨蛋香，莫非這又是奢求？最後的雲吞也算挺大粒，比麥氏的大很多，但又當然不能跟沾仔記的比，沒有散尾的雲吞，雲吞皮不夠滑，其餡的豬肉香嚴重不足，蝦勉強合格，與豬肉成球的餡沒有咬口，跟在深水埗祥記吃到的，完全是兩回事。撈麵伴來的當然有一碗清湯，其湯放有大量的蔥花，吃起來比剛才細蓉的湯更濃，更多師傅，也是少喝為妙，撈麵的鹼水味比剛才放湯的更強，幸好有腩汁的遮掩，要不然真的要撈醋吃，但腩汁也好不了到哪兒，鹹度很足，但原來只不過是香味不強的水貨，什麼花椒八角味鹵水香，又是一種奢求，牛腩夠哂鹹

牛腩麵 - 牛肉乾咁, D 麵超梘水味 豬手米 - 豬手硬過石又唔入味 都唔知點解咁多人採訪!! 旺角十蚊碗仲正

o係中環兜左大半個圈, 最後都係決定食麵.揀左民園麵家, 叫得"麵家"即係主打都係麵. 應有一定水準本身睇佢間鋪頭咁細未必有位, 原來有潛建既後巷.睇餐牌有"原汁豬手撈麵" $22, 即刻唔駛諗, 就要了哩個.我平時唔會食豬手, 但見佢原汁咁, 就試下佢點原汁法碗麵等左好耐先到, 得一個人淥麵, 等10分鐘左右. 對叫一個麵黎講算耐.豬手有兩隻. 好有膠質, 但注定冇乜肉. 同埋最後食淨勁大舊骨, o係我既立場黎睇豬手唔係好抵食, 又唔覺係好入味.撈麵既原汁應該係南乳汁黎. 我自己本身唔係好鍾意南乳汁. 但叫o個時又冇考慮咁多開頭以為d 汁會好似蠔油咁杰身. 但係只係一堆水咁. 有d 失望. 撈起麵上黎唔上色麵質唔錯, 好彈牙, 彈到咬唔開咁.我出街食飯唔鍾意食有骨既野, 但今次就來個例外了. 就咁中招了.睇住隔離d 人食牛腩撈麵同水餃撈麵反而覺得唔錯. 看來自己叫錯野了.

3-11-2009早幾年呢度講咩「結業」搞到滿城風雨, 又聽聞呢度 d 雲吞豬手不錯, 呢日 lunch 上嚟試試.本來想叫豬手撈, 但見隔嚟位一邊食佢碗牛根麵一邊狂落醋, 莫非鹼水好勁? 唔冒險了, 試試雲吞豬手米 (雙併 $28) 吧 -- 湯底係大地魚湯 (?), 都幾清, 不過味道較單調, 還是麥奀好; 雲吞係傳統的「一啖一粒」size, 蝦 vs 豬肉比例 50:50, 不過餡料一般鮮美, 最失敗係包得鬆散, 其中一隻係一夾即跌晒 d 餡出來 柱侯豬手有一大舊, 皮帶爽口, 但唔入味又唔香, 幾掃興 米粉就淥得太生, 太硬又黐埋一團團, 真係 店內衛生不錯, 地方細坐得幾迫, 食完快閃好了.放低 $28, 唔滿意, 印象只有「得個名」3 個字, 應該唔會再嚟了.

今天一个人吃午饭，想了半天，在openrice看了很久，终于选了民园面家。两点钟到人已不多了，点了牛根腩粗面再加碟油菜菜心。 卖相不错，汤汁（腩汁）好深色！先吃牛腩，哗！好鞋好硬， 好像在吃牛肉干！很不行！很失望！幸好牛根好入味已经好稔。 菜心挺新鲜，蚝油足，又大大碟，加上一碗面就够饱了！ 小店里面可以坐十几个人，外面也有两三张桌子。 价钱也算便宜$28

lunch 去左食民園麵家, 唔係第一次食..但點解今日既經歷係咁差呢?? 我地叫左兩碗牛腩撈麵, 賣相確實呃到下人. . . 點知一入口..d麵好硬並不是爽口..再食第二啖開始唔對路...好重梘水味ar..樓下位食家講得岩, 係重到澀的地步....果碟麵已經比我放棄左..再試下d牛腩同牛根..牛根好入味已經好稔, 但果d牛腩真係唔掂..好鞋..完全咬唔開..好似食柴皮咁..好失望!!!.好失望!!!.好失望!!! 整碗麵只有食左5份1都冇..真係好浪費..不過我真係食唔落苦澀既麵同鞋到咬唔開既牛腩...你叫我下次再唔再比次機會你呢...民園??

似乎在中環特別多舊式又評語不錯的老牌麵家,這次機緣巧合之下來到咐近,當然要來這裡試一試!多口向阿姐發問有咩好介紹?阿姐老實回答牛丸同鱼蛋就麻麻,因為係交貨嚟嘅!牛腩同雲吞就最多人叫!嘅然問得就當然聽阿姐話啦.牛腩麵多青----本來見到那碗看來像湯渣般的牛腩,立即心想咁都叫出名?唔係呀嘛!姑且先試一件,原來眼見跟食落口完全是兩回事!炆得非常入味,一點也不靭食落完全無渣!麵條是屬於有彈性那種爽的鹼水麵,反而喜歡吃這種麵多過蛋麵!湯底顏色比其它店來得較深色而且清澈,味道很濃!友人的雲吞麵走青----雲吞是正常的大小,試食一粒,蝦與豬肉大概是4:6,似在吃一粒雲吞而不是一隻蝦餃!,吃麵時八卦地偷聽到淥麵師傅與坐在後面檯的熟客對話,內容大概是說食麵落辣椒油會無咁好食!應該用淅醋同辣椒醬溝勻,再用嚟點麵食就正喇!嘿嘿嘿!一於下次試吓先!

成朝都冇人搵我，老細卻大整蠱臨放lunch前十分鍾就來捉住我...畀人釋放後大家已經走晒，唯有自己一個去搵食。平時一大班人一定唔會走太遠，見今日自己一個就去遠啲，走到上去民園食野，被安排坐出面，好彩有個大風扇吹住。叫了一個牛腩雲吞撈麵，要腩汁（另有豉油可以揀）。牛腩夠腍，而且好入味，食左第一啖立即對整碟麵的期待提高。雲吞就細細粒的，有三四粒。入面的蝦肉同豬肉比例大概一半一半，味道不錯，但啲肉就稍為實左啲。牛腩同雲吞都不錯，真係諗唔到出事的竟然係個麵。麵質方面當然唔係靚麵，唔夠爽口，不過都預左係咁所以冇所謂。問題在於梘水味重得過份，重到苦澀的地步，腩汁又好少唔夠蓋過啲味，食到成個口澀晒，最後即使唔飽都食淨...。走的時候先發現冇現金係身，問老闆娘邊度有櫃員機即刻去攞錢畀佢。佢就話︰「唔緊要啦，你聽日來過先畀錢都冇問題。」雖然係咁，小弟唔想再來過食梘水，即刻去左攞錢畀佢。個麵有點兒過份本應畀個喊臉，不過見所有伙計的服務都好親切，就畀個OK你。

昨晚到民園食咗一碟雲吞撈，雲吞一般，麵質OK彈牙，整碟麵原本中規中矩，可惜問題出在所用蠔油，味道怪怪的，好難食，幸好落在碟邊，不致影響整碟麵。相較之下，好友所叫的牛腩撈，用腩汁，味道好多了，牛腩肉質都OK。

跑友恩物「骨膠原」有分「高級版」及「平民版」，吃不起「高級版」花膠魚肚的我，當然是要在坊間尋找「平民版」來進補。多次在「玉葉甜品」與「民園麵家」之間作決擇，最後也因同行友人的關係而傾向了前者，今天自己一個人來，終可來個自己話事。時間不早不晏，剛好在午市高峰時段前半小時，其實店內已坐滿了人，但又不想在天氣開始又熱又濕又曬的中午在後巷進餐。幸運地有位顧客離開，位置正好在冷氣風口位下的風水位，認真好彩。店員正在忙著招呼近大門的一整檯食客，我趁此空檔環顧一下四周。店子確實是細小，如不計室外坐位，只能容納十五人左右。但在盛夏的日子，相信不會有太多人喜歡在露天地方吃一碗滾熱辣的麵食。經過對店子的一輪打量後，店員將目標轉向我，點了「豉油豬手牛筋撈麵」($34.00)，等了數分鐘，清湯跟主菜同時送到。湯底夠清澈，有數十顆蔥花在湯中浮沉，先呷一口湯，夠清甜，是沒有特別但正宗的湯底，而剛巧在旁的那位男食客向店員要求多添一碗。「骨膠孖寶」中先試牛筋，味道濃郁，膠口腍身，咀巴有點被黏著。豬手瘦了點，皮有嚼勁而沒香，還好關節位的膠質夠厚兼彈牙。碟上的牛筋數量頗多，原來我這碟是最後一碟，所以才毫不留情地奉獻給我，

Tried the 牛筋麵. 老闆asked if ok to include some 牛腩. I said no problem la. The 牛腩 is very 'lum'. Out of expectationally good. To me it's comparable with the Law Fu Kee. But seems like the MSG is quite strong and makes me so thirsty. Anyway, still recommended, at least we don't need to queue for so long for similar quality of food.