汀汀烤活魚 (已結業)

來到荃灣的二、三坡坊，火鍋店、烤魚店及雞煲店林立，沒甚麼目標，慢慢在道上逛逛，見到「汀汀烤活魚」這個門牌，感覺蠻可愛的，加上一直以為烤魚只有麻辣口味所以未曾試過，看到這裹竟有多款湯底供選舉，終於可以一試了店內環境不算太大，加上沒有太多裝修，感覺簡約，而椅桌就用上了木製的，蠻有中國特色想不到食物款式還真不少，除了有三款烤魚外，還有羔蟹雞煲、花甲雞煲、胡椒海鮮蟹煲、清遠雞併田雞煲等...跟一般煲類冇異，可再另加火鍋配料，有肉類、海鮮類、丸類、蔬菜及粉麵類，當中海鮮類還有蠻多選擇呢鬼馬雙拼 $72還在等烤魚滾熱時，先來個鬼馬雙拼，一碟12件，分別有6件油炸鬼釀墨魚滑及6件油炸鬼釀蝦膠。打邊爐最愛就是這款小吃了，口感鬆脆香口，墨魚滑/蝦滑又帶點口感，由於經滾油炸過，已完全熟透，所以餓了可即食。或者想換個食法放到鍋內滾一滾，吸收了湯底後口感淋一點，香口仍然，但膩感會相對減少，食法跟嚮鈴有點相近，是款必叫小吃烤沙巴龍𧄌（雜菌湯） $348沙巴龍𧄌有分兩個價錢$348（大）$278(小），而湯底選擇就有8款之多，香辣湯底有4款，分別是麻辣、香辣、泡椒及剁椒。不辣的同樣有4款，酸菜、野菌、蕃茄薯仔，而

今日同朋友一行三人去到荃灣三坡坊既汀汀烤活魚，因朋友想當年小學既時候係附近讀，所以相當熟路。汀汀烤活魚呢個名有一排好似間唔中會聽講過，但印象唔系太深刻。魚缸海鮮唔多，唔系太夠派頭。雖然如其名應該系主打食魚，但系同行友人怕多骨，而且唔太喜歡魚類，所以選擇左花甲雞煲。火鍋配菜餐牌有兩頁，部份仲可以選擇半份/一份，整體價錢合理。點左個麻辣(小辣)花甲雞煲($198/半隻)，除了麻辣醬、花甲和雞之外，還有大量芹菜、芫茜、紅洋蔥、蒜頭等等。整體味道好香濃，醬汁味道亦辣得有層次；雞肉好入味，麻辣醬汁令到雞肉非常juicy，做得幾好；花甲新鮮，幾清甜。單睇呢個雞煲確實唔錯。鬼馬雙拼包括墨魚膠&蝦膠，脆卜卜就甘沾泰式辣醬食又得，放落雞煲煮幾秒亦得，幾香口幾好食。豚肉賣相唔錯，但味道冇咩突出既地方，特別系肉味唔夠香濃，一般般吧。當食完雞煲後加湯煮其他材料既時候，我地發覺湯底已經變到冇咩味(呢個系店方需要主動探討下既地方)，然而我地要求店方加返d醬汁增加味道，店方亦非常樂意，服務態度都唔錯。冰豆腐唔錯，煮完一段時間都冇散開，仲非常嫩滑，質感一流，仲幾香豆腐味添，可以一試。

今晚約左媽媽係荃灣食飯, 都好耐冇黎呢頭啦, 嘩! 乜原來呢條街已經變成食街. 今日我地選擇呢間汀汀烤活魚, 好似都有好幾間分店, 咁不如就是試下啦.入到店內地方都唔大, 裝修有點殘舊, 不過就夠哂地道啦, 咁先有大排擋風味. 小妹係海鮮精, 呢度岩哂我. 我地先叫左一個花甲雞煲, 一上菜, 嘩, 都好大煲喎, 花甲又大隻多汁, 都幾惹味, 雞肉應該唔係新鮮雞, 不過肉質都算鬆化, 食落無雪味. 再黎一個胡椒海鮮蟹煲, 都好大個, 而且好足料, 呢度菜用左膏蟹, 仲有好多花甲, 賣相吸引.一打開個殼, 嘩! 好多膏呀! 可以媲美大閘蟹喎! 味道都唔錯, 胡椒湯能將海鮮鮮味帶出. 不過呢到都唔平咖, 兩個買單都要差唔多六百蚊, 如果大排擋既價錢黎講都算幾貴, 但係佢呢度既海鮮又算係幾新鮮啦, 相對雞煲就無海鮮做得出色 .

三坡坊一帶有好多大排檔，住係荃灣既朋友介紹話尼間烤魚好味無親自黎都唔知原來三坡坊係小巷尼間個招牌好顯眼，所以都幾易搵到門口有大大個海鮮玻璃柜，有各類海鮮，仲大只字寫住桑拿海鮮原來汀汀烤活魚唔單止烤魚仲有好多不同煲，雞煲、羊肉煲、蟹雞煲睇menu個海鮮拼盤相當吸引，但見個價錢又令我打消念頭最後叫左個烤沙巴龍躉同細既海鮮拼盤條魚好大條，都唔係好多骨，面上好多配料，大蔥、豆卜、豆芽等由於朋友唔係好食得辣，所以我地就揀左小辣，但其實小辣都唔係辣肉質好嫩滑，特別喜歡肚腩位D肉質海鮮拼盤-一眼就望到3只大蝦，仲有蠔、花甲、桂花蚌海中蝦放落一陣好快就熟左，挺鮮嫩的雖然大排檔的環境就不太好，不過好在味道夠好又服務親切

小姐鐘意海鮮，尤其係魚，平時屋企食飯一個人可食晒成條黃花，唔是說笑。同個住荃灣既大同gathering,佢帶路去三坡坊條街食烤魚。見到個招待就有印象係旺角東果邊見過，次次行過都聞到好香。除左魚，門口有一大個海鮮櫃，睇落都好新鮮。今次目標好明確，先黎原條烤魚搭酸菜湯底，揀左多寶魚，一定夠滑。omg好大條，而且魚既面頭鋪滿孜然粉好香，熱辣辣滾滾下。多寶魚比較薄身，滾一陣已經食得，肉質嫩滑到不得了，而且入晒湯底既味道，旁邊一大堆配菜夾埋一齊食好好味。食烤魚識飲一定飲Wilson!配料唔叫太多，因為條魚本身都大條，叫左醉雞件，桂花蚌同埋我最愛既烏冬…醉雞，又香又滑！桂花蚌，又爽又鮮！烏冬，又彈又煙韌！秋冬食烤魚真係岩晒mood!

又到入秋時候, 又到食雞煲時間了原來汀汀烤洞魚不只有烤魚食, 還有雞煲呢它們有不同的雞煲, 蟹煲及魚鍋, 種類好多另外還可以叫配料打邊爐, 不錯呢我地叫咗花甲雞煲, 花甲好大隻, 好肥美, 鮮味十足安格斯肥牛, 雪花分佈非常多, 肉質爽口, 彷如吃黑毛豬般的口感, 一問之下原來店家選用牛頸脊部位,所以特別爽口

呢晚約咗啲好耐無見嘅同學聚舊，原本打算搵間類似放題嘅野食, 可以慢慢食再坐低吹下水咁點知行下行下原來呢頭真係無咩放題, 路過一個籃球場見到個廣告賣緊關於烤魚嘅廣告, 於是我地就決定去試一試。我地去到人唔算太多, 所以唔使等就有位，坐低之後, 先慢慢揀野食, 我地幾個人咁耐無見緊係要揀啲正野食，所以我地就叫左條沙巴龍躉，另外仲 order 咗一系烈嘅配菜，等食完條魚之後拎黎煮。跟我地就食住店鋪提供嘅花生，一邊吹水, 一邊等，大概等左 5至10 分鐘, 條魚就黎啦!!條魚真係好好肉地，餐廳灑左一大把孜然粉係個表面上，對於我呢啲孜然粉愛好者真係正到飛起喇，店員話龍躉要係我地個枱繼續加熱，等完全加熱之後先可以食架，所以我地再等左一陣先得。等多左一陣，終於滾左喇，一滾左之後，大家就即刻瘋狂咁搶果啲魚肉，龍躉真係超好食，好有鮮味之餘，連魚皮都非常之咁有咬口，絕對正呀喂，當大家瘋狂咁食完條魚之後，我地就開始落配料。百福豆腐，呢個豆腐真係要叫一叫，煮完之後入口超滑，不過有樣野比較麻煩，佢比較易爛，夾嘅時候要小心喇。竹笙，呢個竹笙又係要叫嘅，因為佢會吸收魚湯，煮完之後佢就會充滿魚湯嘅味道。超鮮甜。牛肉粒

好啦,又繼續我既劣食系列.今次中伏既地點為荃灣既汀汀烤活魚....呢間係香港存在左好耐既烤魚店,仲要有4間分店.睇起黎好似好勁咁~~呢度提供烤魚同火鍋外,仲有雞煲同埋串燒.由於同行不太食辣,所以叫左個酸菜湯底既招牌烤魽魚$238,姐係又係無咩骨既品種.睇落好似幾認真既,烤過既魚皮上面仲有落好多孜然粉.先試試個湯就知伏左,淡而無味,就真係得酸味,毫不惹味,得個酸字,又唔夠咸,那堆酸菜好無誠意,好唔豐富.條魚係幾有鮮味,魚肉幾滑烤得無過火,但就又係因為連湯底都唔夠咸味既情況下,味道好唔平衡.但惡夢係個o的配料.完全唔新鮮,所有蔬菜都係好似放左幾個月既感覺,那堆生菜勁DIRTY,又有沙.頂係咪玩野先.鬼馬油炸鬼好鬼硬,而且面頭既釀蝦滑和墨魚滑既份量好少.城中烤魚店唔算多,但呢間絕對不值一試.唔記得提醒大家,我見到對面既客人有女士無啦啦彈起尖叫,相信有高速爬行生物上左張台度

有時候，想父親節母親節吃什麼都好頭痛。最例牌的中菜又一定十分爆滿，而且有機會被迫著吃套餐，未必能吃到想吃的。西餐呢？又突然之間想不到特別的。有一天突然想起烤魚。爸媽都一定未試過，而且爸爸愛吃魚，所以就特別點，在父親節吃烤魚雞煲去！位於荃灣三坡坊的汀汀烤活魚，由西鐵站走十分鐘就到，也算容易找的。每次到二坡坊工坡坊都會把我拖特別緊，因為他說這邊比較龍蛇混集，而且好多色情場所，所以大家去的時候也要小心點呀，不過沒有他說的那樣可怕啦。到達後便先點鍋。平常跟大少吃，都要好好的想清楚想吃雞煲還是烤魚，但４個人就不用糾結，每樣點一鍋就好！有些小型的烤魚點只有鯇魚，但汀汀烤活魚除提供鯇魚外，還有魽魚，桂花魚和沙巴躉，大家都可以根據大家的喜好去挑。小時候跟爸爸上大陸旅遊，他都愛點魽魚，所以今天也點了魽魚。口味方面選了香辣。不愛吃辣的也有其他不辣的湯底可選呀。我共吃過四次烤魚，其實一直都不明白為什麼烤魚叫烤魚，明明就是煎魚火鍋呀。今天在汀汀再吃，突然如夢初醒，因為汀汀的烤魚都會有一陣濃濃的燒烤味，這一下才發現烤魚是真的有被烤過，太丢臉了。愛燒烤的我真的很愛這個晚上的烤魽魚，除了少骨、好香口以外，魚肉還是滑

同朋友去慶祝生日食雞煲～８點鐘，一入去都有位，唔洗等！花甲雞煲個味幾香口，我地嗌咗少辣隻雞得半隻，４個女仔唔夠食… 個煲可以期後加湯時，再加辣，keep 住濃味！啲配料好新鮮，廣島生蠔夠肥美～青口都好新鮮，嚮鈴未夠脆，烏冬係讚歧烏冬配雞煲會食唔停口！好正！之後嗌咗串燒拼盤好抵食，個羊肉串好正！必食！燒茄子都不錯！其實我都食過好多間雞煲，一x雞煲真心得個辣字，又唔香，又唔好味！相比之下呢間都唔錯！值得推介！服務態度幾好～落完單食物好快到！Thank you

趁而家仲未完全係勁熱既時候就打多次邊爐啦今次去左荃灣呢個汀汀烤活魚呢間既打邊爐同我平時去既唔同爐比平時個D長熱度方面亦都唔似平時個D咁滾 而係比較暖似乎係專FOR夏天打邊爐先講下湯底啦 本身係清湯黎既入面有D魚 係燒烤沙巴龍躉 D魚汁燒下燒下流出黎 成碗湯就有魚味啦另外仲有番茄 粟米 另外我地再叫左薯仔同埋冬瓜成碗湯都幾香架叫既送方面就叫左水餃,雲吞,炸魚片頭,墨魚丸,肥牛粒,滷水鴨舌水餃唔錯 餡足 配上湯就好香 咬落好有口感其他都一般啦 無乜特色 普通水準比較後悔叫左肥牛粒 太硬 嚼好耐都未吞到早知叫普通肥牛而唔係肥牛粒一大班人食左600幾蚊 個爐既特別帶到D新奇感既不過唔似平時打邊爐D水咁滾 覺得有D唔過癮搞到野食好似唔夠熱

第一次食烤魚,幾得意,所以到來之前好期待.一上枱大家都嘩一聲,半條都好大條下~食落都唔錯,佢d湯都幾正~打邊壚配料款式唔算多,而且價錢幾貴下.......佢仲有熟食賣,反而更有驚喜!!冷盤既牛展,蒜泥白肉,都好味,我地好快清哂,不過如果唔食得辣唔好叫啦,都幾辣下.埋單個下嚇親,食左少少野就咁貴既.......咁既價錢出邊有好多選擇囉.....

呢晚約咗位好耐無見既老友聚舊!! 原本打算搵間類似 café 既物體, 可以慢慢坐吹下水…點知原來呢頭真係無咩得揀, 路過見到有個烤魚廣告, 所以就決定去一試~人流唔算多, 所以唔使等就有位, 因為地下係無門既, 所以冷氣唔太勁..我地驚會愈食愈熱, 所以就上一樓…坐低之後, 先揀主食, 我地 2 粒人, 揀咗要半條最平既魚魚 (唔係好記得咩魚)… 湯底要少酸辣…另外仲 order 咗: 口水雞, 廣島蠔, 黃帝菜一邊吹水, 一邊等咗大約 5-10 分鐘, 條魚就黎啦!!半條 – 上半身 (頭到半身)盤入面有大量既配菜: 酸菜, 豬皮, 豆卜, 大豆茅…etc湯底唔多酸, 亦唔多辣… 不過味道都唔錯~魚肉嫩滑鮮味, 無咩骨… 食咗一陣魚魚之後, 等配菜都淋晒入晒味先好味~湯底係真係加湯既, 所以唔會愈食愈淡味!!口水雞: 雞肉好滑, 不過雞味唔特出, 口水汁愈食愈覺得辣, 正!!廣島蠔: 大大隻, 送上枱既時間仲係硬冰冰既, 不過夏天既關係… 轉個頭就已經溶晒雪~ 放落湯底卓一卓… 鮮甜蠔肉, 正!!黃帝菜: 鮮嫩脆綠, 用黎清一清味雷, 正!!原本仲打算食少少串燒, 可惜… 已經飽死

A food fad in HK that has risen to popularity in the past two years is Chicken Hot Pot (雞煲) which originated from various parts of China and has become some sort of social gathering event amongst young people. The idea is to stir fry a half/whole chicken in a hotpot-pot with very a heavy tasting, aromatic sauce and after the chicken pieces are eaten, broth is added to the pot and guests can continue to enjoy hotpot with the remaining sauce/soup. Basically, it’s a very salty hot pot. I’m fairly l

跟笑口常開的舊同事聚舊,選了她愛吃的雞煲,地點由她選,原來就是三坡坊的汀汀烤活魚。時間尚早的晚飯時段,球場側的活魚店裡沒有太多人客,桌椅任選的選了最近門口的位置,只因這裡空氣最流動的,有著天然涼風的果然比店內涼快一點,只是當外出有煙民時又是首當其衝,真正有幸有不幸也。初次正式吃雞煲,點菜重任交由老主顧擔任好了,為食搞事人今晚只用乖乖等吃就成,多幸福!看她在點菜紙上剔剔剔不久,店員拿來手提石油氣爐後不久,雞煲晚餐可以開始了。半隻深圳雞煲($138)似乎好多材料似的,加熱後醬汁愈濃稠香氣也愈濃烈,以花椒八角等香料炒成的雞件不住地散發香氣,加上大量蔥段芫茜紫洋蔥等的香菜齊齊發功,香料味重的香味的確吸引。有著香料味的雞件每件也不算太肥,雞皮薄薄的雞肉被香料爆炒後,雞件仍保持一定肉汁而不會太乾,醬汁惹味可以來碗白飯;個人獨喜煮至變軟的紫洋蔥,又甜又軟真好吃。辣味分為麻辣、香辣及蒜香,辣度則有大辣、中辣、小辣及微辣可之分,今次小試牛刀只選的香辣味的小辣,這種可令嘴唇熱熱的刺激辣度對我來說可以接受,再辣的話可能要再受訓練才成。醬汁愈煮愈少,店員會加湯稀釋以免黏鍋,吃得七七八八時再加上湯開始火鍋,只是