江浙滬 (京華大樓)

營業中

休息中

扒龍舟前當然要醫肚，但又怕食得太飽...好隨意咁見到咩就食咩...喺軒尼詩道穿過後巷行到去渣甸街，一望過對面馬路就見到有間鋪頭寫住江浙滬江南美食，唔想諗食咩嘅情況底下就一枝箭咁衝左入去。睇咗張點餐紙後發現無咩啱食，就求其點咗個泡菜牛肉麵。等咗十分鐘都未有，其實我無催佢地，不過個侍應主動幫我催廚房，起碼無嫌我叫得少野而當我透明😆再等多5分鐘左右，個麵終於送到。雖然點嘅時候知道叫做泡菜牛肉麵，但我以為係中式嘅泡菜，但原來我諗多咗，原來係韓式泡菜...不過而家咩都要Crossover，而且對我黎講泡菜不是重點...試完個湯底（毫無驚喜）就咬咗啖牛肉，好普通，而麵亦都係好普通...個心有一刻怪自己點解唔去食墨丸麵...其實碗麵唔難食，但佢普通到咁嘅程度，我覺得唔值呢個價錢之餘仲要收加一

同 朋友去完 美妝品牌啲港女event鬼咁肚餓 想拿拿林搵地方坐低填飽個肚見呢間上海菜睇落好似都幾唔錯咁就一於中入嚟試下坐低之後發覺四方八面都係自由行大陸人唔知點解佢哋係畀玄米茶上海菜單提供玄米茶anyway 自己都另外叫做過凍豆漿同朋友兩個女仔share怕眼闊肚窄都唔敢叫太多嗌咗個小籠包 香蔥薄餅 同埋xo醬炒年糕其實嘢食又唔錯不過跟單就差啲叫三樣嘢都可以漏咗單埋單最後連埋加一205人均都係100蚊到其實都幾抵

本人是上海人，自己當然愛吃自己家鄉的食物。今日下午茶時段，點了卥肉麵和小籠包，以下是本人的評價:食物質素: 卥肉麵的湯底很鮮甜，配上糖心蛋，賣相很好。略嫌卥肉有點鞋口。小籠包的皮很薄，肉汁較少，但味道不俗。服務: 我十分欣賞這裡的服務，首先上菜有次序，侍應等我吃完麵後才上點心。而且每當我飲完茶後，就馬上過來幫忙添茶，還會主動執拾吃完的碗碟。所以十分印象深刻。價錢: $58免加一。整體很抵食!

好耐無食過令我感到滿足嘅上海菜，特地約喜歡食上海嘢嘅朋友黎試一試。晚上8:45到完全無需等位一入店內就聞到好香嘅味，見食客枱上嘅餸菜顏色一流。餐牌內容唔算多，但絕對足夠，重點菜式都有，因為正常都係食某幾款唔洗煩睇咁多仲好。以銅鑼灣地舖，佢價錢算唔貴。因人少不能叫太多嘢食重點試酸菜魚、朋友必要食上海炒年糕同小籠包。menu酸菜魚有一隻辣椒，朋友唔食辣，但我實在想試，話晒酸應該唔太辣卦博一博第一啖真係好酸，第二啖有點辣，第三口就覺得so HOT好正，點解係胡椒湯味？😁朋友一試就咳一吓，死火，佢係咪覺太辣呢跟住佢話接受到，之後第二啖第三啖就話好味，佢鍾意，好在，因為呢碗湯比我想像中大大大碗，可分8-9碗，魚肉好多，仲有寬紅薯粉。熱湯魚肉好難會有蒸魚嘅滑嘟嘟，至少食到尾都唔會過火鞋，又無腥味，真讚，薯粉初食第一條較韌，浸一陣就剛好個辣味喺個湯到，只會覺得好興HOT，易出汗嘅人必要多帶紙巾黎抹汗上海炒年糕上枱好香，正是一入店聞到炒嘢嘅香味，急不及待一試，味道帶甜，同以前食過嘅上海粗咸味唔同，我個人較喜歡呢個少少甜味，肉絲唔多，但佢有菇片，其實有汁味嘅炒嘢無肉我都會好鍾意食（我太簡單易滿足）😁，呢

有一陣冇黎cwb, 想同朋友食個飯,2個人食左Tea又唔係好餓🧐點了 擔擔麵$42,特色煎餃$48覺得 擔擔麵同煎餃都幾好! 😋小籠包$42,同朋友都覺得皮就厚左d..下次唔知食咩都可以再黎試下食物👏🏻

與媽媽行街後，來到位於渣甸街的上海店食晚餐，是銅鑼灣少有的平價上海菜。店員態度很親切，為我們安排較寧靜的位置，見我們大包小包，更奉上籃子讓我們放物品。其中熏魚味道與別不同，少了酸味，換來的是咸香，魚塊啖啖肉，份量很多。不過魚刺較多，進食時要小心。另外，嫩雞偎麵也十分可口。高湯清甜鮮味，伴上菜，雞粒及麵，不算太清淡。上海麵很滑身，吸收了高湯，十分入味。特別一提，店內的茶獨特，似是炒茶/玄米菜的味道，忍不住喝上幾杯。

上海肉操麵：整體味道不錯，肉操味道香濃但不會過鹹。最緊要平得黎，份量夠，係銅鑼灣黎講，係好抵食又飽既午餐。餐廳環境：餐廳環境乾淨，坐位間都較為寬闊，即係在繁忙時段，都不會出現同隔離枱身貼身既情況。同埋餐廳員工服務都值得一讚，即使在繁忙時段，都保持到服務水準，例如，都會keep住加熱茶。整體黎講，都好推介，因為餐廳係銅鑼灣黎講，都屬於平價選擇。而且食物質素都幾好。但要留意番，餐廳入面既餐牌味道唔係傳統正宗味道，給果想食得正宗，依間可能就未必適合啦。

店鋪位於銅鑼灣幸福堂、老虎堂競爭激烈嘅個條街。本來以為一定好貴，因為該街遊客絡繹不絕，而且睇落食物水準有番咁上下。當日就打算入內一試。餐廳內環境唔算迫，OK好坐。店內幾多伙計，服務幾好，幾快手，又會Keep住浸水。食物方面，雖然滬式點心、炒飯、湯麵等，但食落味道就番香港人口味，不過濃。湯麵份量一般，大食嘅人未必夠。可再額外叫多一點心會較好。整體黎講係好抵食，人均50一定夠飽，而且食物幾有特色。比較同區的上海食店絕對係平價之選。

之前已經嚟過食佢嘅小黃魚，實在太好味，忍唔住隔咗兩星期又要嚟幫襯。今次試咗其他菜式，醉雞~不過不失，酒味濃，咸味唔夠，勝在有雞味。而小黃魚，依舊炸得出色，又不至於太乾，加埋啲炸蒜，口味非常不錯。賽螃蟹~性價比高，足料，蛋白唔會炒得過老，價錢比出面抵食，沾啲醋，味道又有不同層次。服務方面，人手充足。填完點單紙就直接入單，唔駛逐樣落單，省卻麻煩。座位都乾淨舒適，繁忙時間，人多要搭枱，但唔會趕你走，算係咁啦！

想食上海小籠包,朋友提議哩間唔係連鎖式既食店, 睇開飯地址, 話在京華中心地下, 原來要再行前少少先係。店內坐落銅鑼灣渣甸坊, 哩條街食市林立, 要站穩陣腳, 一D都唔易。閒日晚飯時間都有7成滿,裝潢雅致。2個人心大心細下選在6樣野。小籠包 (HK 38)皮唔算太薄,所以容易夾起唔怕穿, 湯肉都算多, 而且內里既肉唔算肥, 合格!蒜茸拍小黃瓜(HK 32)清爽夠涷。魚湯蒜子津白(HK 48), 份量算多, 夠味而且唔覺重味精, 食完唔口渴。上海醬鴨(HK 58), 又唔算好肥, 味道偏濃, 肉質結實, 建議多人分享。雪菜肉絲炒年糕(HK 56), 味道清清地, 年糕份量多,值得推介! 上海糯米燒賣(HK 38), 糯米硬度適中, 鍾意食酒樓糯米包既食客可以一試, 因為唔係好多地方有得食, 推介! 整體黎講, 哩間食店坐得舒服, 野食唔錯, 價錢相宜, 以銅鑼灣區黎講, 都算超值!

今日午餐與同事到附近的食飯, 在銅鑼灣區很多店舖都大排長龍, 見到店外食物的賣相都幾吸引就打算搵位。我地一行五人, 我見沒有位便打算有排等，但原來樓上有幾張大檯開俾我地。一上到去有幾隻蒼蠅飛來飛去，以為中了大伏，但職員開了燈及冷氣後便再沒有，環境都算唔錯，坐得都舒服。(下次佢地早D開燈同冷氣預備午市可能好D, 哈哈)食物方面，食物質素都唔錯。兩個麵個麵質都幾好，彈牙雪菜肉絲炒年糕就好一般味道好淡生煎包同小籠包都ok, 皮唔薄，但餡靚, 幾好食, 尤其是小籠包餡內有肉汁乾蔥煎餅都幾好, 脆身總括食物質素, 服務, 環境都ok, 可以再去

估唔到夜晚十點半去幫襯，佢都仲做我生意，好耐未試過咁夜食宵夜啦。呢間鋪頭越夜越旺場，坐無虛席。我同朋友都要搭枱，坐低後望望菜單，全部都係正宗上海菜，宵夜食重口味野，哈哈。酸辣湯酸辣適中，叫一碗小的，兩個人每人試小小剛剛好。小黃魚炸得好脆，內裡魚肉質又有汁，好食。上海粗炒落足料，冬菇絲椰菜絲肉絲，味道好。醃篤鮮夠咸香，又係細細碗可以一齊分享。賽螃蟹嘅蛋白就炒得比較散，沒有蛋黃。小籠包皮比較厚，味道一般。

又到Monday Mood🤦🏻‍♀️ ，放左工都無心揾食，係銅鑼灣隨街走走，見到呢間上海菜，my飛弗😍😍 仲坐無虛席，剛好有2個位，就衝入去試一試先😋花雕醉香雞 - 香濃花雕味，但無咩雞味，價錢合理招牌鮮肉小籠包 - 皮厚了點，但好多肉汁👌🏻👌🏻鮮菌炒鱔糊 - 個汁唔知咩味，個人鍾意食韭黃炒鱔糊多點🙈🙈魚湯蒜子津白 - 魚湯清甜，帶有蒜香味👍🏻👍🏻店內員工服務良好有禮，值得一讚👍🏻😊

同Mr. C今晚唔想食太多，行過呢樹，就決定試下呢度既小籠包！招牌鮮肉小籠包 (4隻) $38小籠包味道唔錯，雖然唔係話好正，但都算多汁，肉饀分量亦算大份。只不過味道好似差少少，同個皮稍微厚咗啲。樟茶鴨 (1/4隻) $68$68我覺得好抵食。肉當然唔可以要求啖啖肉咁啦，但覺得都可以接受。肉質一點都唔乾，有四大塊麵包用黎夾肉，麵包好新鮮鬆軟。特色煎餃 $42呢個我比較欣賞。同我想象既煎餃唔同。煎餃外皮煎到金黃色，脆脆的；裏面饀料係白菜蝦仁，饀料好豐滿。上枱時熱辣辣，外脆內軟，好正！魚湯蒜子菜心 $48魚湯菜心正常。味道清清地，幾好。呢條街原來都有好幾間餐廳，呢間都係一個不錯既選擇。

江蘇菜，中國傳統八大菜系之一，簡稱蘇菜。由於蘇菜和浙菜相近，因此和浙菜統稱江浙菜系。主要以金陵菜、淮揚菜、蘇錫菜、徐海菜等地方菜組成。1. 金陵鹽水鴨: 鹽水鴨是中國南京特產的一種傳統滷菜鴨饌，是一種低溫肉製品，應是進口，不是自制。肉色平均，口味清淡而略帶鹹味，肥而不膩、肉质做到鮮嫩味美。2. 招牌鮮肉小籠包：饀料夠新鲜，味道不错，湯汁充足；略廉包皮略厚。3. 特色煎餃：外皮煎到金黃色，白菜饀料加蝦仁，外脆內軟。4.擔擔麵：這𥚃湯底以花生味為主，微濃中带点辣，麵上餔上肉碎，简单青新。