江湖小棧

營業中

休息中

呢間餐廳主打即叫即整煲仔飯，任意配搭20款配料🍲仲有煲仔粥、串燒同粵式小炒等🤤💗潤腸臘腸牛肉煲仔飯 ($88)煲仔飯熱辣辣帶米香，容易整到成片脆卜卜嘅飯焦，淋埋自家煉製豬油同豉油撈埋一齊食🍚潤腸臘腸嘅油香滲哂入飯到，再加埋新鮮滑牛，夠哂豐富🐮💗鹹蛋土魷肉餅煲仔飯 ($88)肉餅淋滑，飯面放上大量土魷增加鮮味🦑再加埋鹹蛋令味道更香🥚💗白鱔蝦醬肉片煲仔飯($88)蝦醬肉片軟腍惹味，飯底索哂蝦醬嘅鹹香味特別好餸飯🐷白鱔肉爽肥美，放咗薑絲所以食唔到腥味同泥味🪱💗啫啫通菜煲 ($88)通菜翠綠脆嫩，用上炸豬油、蝦米、蒜頭爆炒好有鑊氣🥬

6點幾黎到排隊.90號左右，個陣叫緊3x 都唔緊要，等下囉~ 但本身唔知道原來號碼過左廿幾四十張都可以不斷叫返轉頭比人入先，只要返轉頭，嗌到你又要比返前面廿幾號先。到你落左野食，等入位，都可以又返轉頭比四十幾號入先。不斷輪迴🥲好處係可以一早攞飛,肚餓先返嚟攞位.都一定有位俾你食.否則如果遲咗少少又唔介意等嘅，等兩個幾三個鐘都得食物係唔係好食啲就見仁見智，煲仔飯嚟講，我覺得一般，同出邊嘅差唔多，冇話特別好食啲，食物質素唔值嗰個時間成本。

依間煲仔飯每晚上都有排隊人龍，今次揀咗自選煲仔飯包括滑雞件、窩蛋和白鱔。滑雞件肉質滑嫩不柴口，淋上醬油更增添香味。白鱔新鮮滑嫩，具有魚味。煲仔飯可以自行淋上秘製豉油和自家提煉的豬油，食後齒頰留香。煲仔飯的米粒分明，口感適中，飯焦香脆，非常美味。蟶子：鮮甜有味、肉質鮮嫩且口感彈牙，並且還加上炸蒜，香蔥作為配料，增添了風味。另外，粉絲吸收咗蟶子嘅精華，令到粉絲鮮甜多汁👍🏻非常惹味砵仔焗魚腸: 近砵仔既蛋皮微微焦脆，蛋內有豐富而肥美既魚腸，入口帶有濃郁魚香味，並且加入了薑絲、香菇等配料，令味道更豐富而口感軟嫩。如果你擔心腥味，店家還提供胡椒粉來去腥。總括而言，這家店的自家提煉豬油煲仔飯和其他菜式都非常好味😋無論係煲仔飯定係聖子同砵仔焗魚腸，都超正。如果你喜歡煲仔飯這家店絕對值得一試！

應該係全港數一數二嘅煲仔飯。荃灣區的話一定係第一👍🏻👍🏻👍🏻因為經常夜晚收工，大約10點左右黎食都會好快有位，如果正常晚飯時間都需要等兩個鐘先有位。不過真係值得等待一下。本人經常食臘味飯（臘肉臘腸）超級足料，每一啖都真心好食😋除左煲仔飯之外，串燒都不得了。特別燒羊架，香氣撲鼻。外表焦香，肉質嫩滑👍🏻另外其他串燒都好有特色，燒鱔，牛舌。間中食下海鮮蟹粥都正，夠鮮粥夠綿 小菜都好食，惹味之餘份量充足。每次食親都好滿意離開😆非常適合三五成群咁黎食，或者夜晚放工一個人黎食都啱晒，一個煲仔飯加一份串燒都好足夠👍🏻☺️

之前一直路過見到好多人排隊、今日眼見好似冇咁多、即管去拎飛排下隊、點知一様要排左45 分鐘😅因為有好多號碼人未到齊、未可以入座、到人齊店員再叫號碼。店舖並不大，而且仲有點迫迫夾夾、大班人聚餐的話並不適合、Menu 上其實還有串燒、小菜、粥等等⋯⋯⋯⋯的選擇。終於到我哋了、未入店已經落單、所以一坐低就有得食、今日叫左2個煲仔飯及焗魚腸，先落豬油、之後豉油、等一陣就可以吃、而且仲有飯焦另外焗魚腸也非常出色👍

天氣凍凍地自然會想食d暖或者熱辣辣嘅野聽講呢間係十大煲仔飯之一咁就一定要試下假日夜晚大約7點黎到巳經排滿人我地都等咗起碼個半鐘先入到我地order咗兩個煲仔飯一個係鱲咪煲仔飯煲仔飯上枱果下出曬煙店員教話1圈豬油3圈鼓油再蓋等一陣煲仔飯真心好足料食到底時仲有好多餸而且真係好香另一款我地試咗3餸有咸蛋、鮮肉片同鱲腸肉片好好味而且煲仔飯做到應該有嘅飯焦香脆口感好滿足總括黎講係會想幫襯不過真係人多而且舖頭好細唔想等可能要早d到

唔好食都排到懵，真係冇天理如果係有實力就唔會搞咁多花臣嘢啦搞咁多花臣不如煮好啲菜先講啦嗌咗個滑雞臘味煲仔飯，蒜蓉燒通菜，錫紙花甲粉落咗啲豬油落去，搞到成個飯都好油佢話落完等兩分鐘就食得，最後啲飯焦仲多個飯成個飯又油又硬，落咗好多蔥但一啲都唔香落埋臘味都一樣係唔香啲雞碎濕濕勁細粒花甲有沙，有陣臭豬味嘅，粉絲有多呀成個底都係粉絲蒜蓉燒通菜菜還菜燒，蒜蓉還蒜蓉，啲菜係冇味嘅六點去到都排成個鐘，嗌咗no.之後仲要喺門口嗌埋餸再等多四個字先有得入

天氣寒冷同朋友一齊到荃灣出名嘅煲仔飯店，今年第一餐煲仔飯梗係要食好啲😝，下午6:30到門口排隊足足等咗兩小時才可入座🥹，雖然等好耐但係食到好開心😀，我哋叫咗 ～章魚肉餅煲仔飯 🔺超級正😘 🔺自己落油再落豉油冚蓋焗幾分鐘就食👍🏻 ～自選配搭鳳爪/蒜蓉排骨/臘腸煲仔飯 🔺凍冰冰，食咗暖笠笠🫣 ～啫啫通菜煲 🔺開頭食可以，食到底下好鹹😲

煲仔飯，蒸氣朦朧，豉油淋下去滋滋作響，簡直係人間煙火味滿溢嘅時刻😋！驚喜地選到咗白鱔雙拼煲仔飯，另一半揀嘅係臘味拼排骨，每啖嘴嚼得滋味滿溢，白鱔滑溜，臘味帶嚟股鹹香，而排骨嘅肉質腍身，配飯正！食完滑溜嘅白鱔煲仔飯後，夠晒飽足，飯底嘅焦香薄脆，啱晒鍾意飯薄嗜好嘅你。燒通菜用咗生熟雙蒜，獨特香氣喺口腔裏頭盪漾，加埋馬拉盞嘅帶勁咸香，正宗得黎又引人入勝，令人一啖再一啖！通菜煮得又青又脆，完美配合。雖然間店坐得有啲諗，不過竟然喺這種人來人往嘅地方，都能夠嚐到這麼地道滿口滿心嘅美味，實在係一種小確幸。無論係打工仔，定係尋味觀光，都應該嚟試吓這裏嘅傳統味道！🍃👨‍🍳🎉

今晚我哋嚟到一家嘅煲仔飯攤頭🥢，真係搞到我食指大動得嚟！佢哋個錫紙花蛤粉，睇落普通，但嗱嗱聲嗑落去，花蛤啖啖肉，又新鮮冇沙，佢哋辣椒仔同蒜蓉汁，勁惹味，經已辣到我流晒口水😋！跟住試咗自選煲仔飯，眞係一絕！加咗豬油豉油，拌勻哩啲飯，喂，個香味飄出嚟真係撲鼻！牛肉窩蛋嗰款，啲牛肉嫩滑過水，窩蛋流心，攪勻飯，啲飯粒好似按摩過咁舒服，即刻口齒留香🤤。臘肉豐富油香，滿足晒我對飯焦嘅所有幻想—卜卜脆，簡直讓人停唔到口！啲座位總係咁迫，要等位都算啦，食完呢d食物，真心覺得抵食！下次再黎，一定要帶埋多啲朋友一齊嚟試吓，大快朵頤啲其他款式嘅煲仔飯🍚！

-{荃灣人氣煲仔飯🙆‍♀️}🤤窩蛋牛肉飯🤤 ($88)試左幾片牛有啲沙爹味咁 啲牛多到好似唔洗錢咁😂😍但牛肉食到一半好膩🧐整個飯都好多飯焦 飯亦有啲咬口😁👖褲評: 7/10🤤土魷魚餅飯🤤($88)重味啲😍😍魷魚片好足超香口！又係份量勁多 好啱撈飯😋👖褲評: 8/10冇想像中咁驚艷 唔知係質素冇之前咁好定自己麻麻地煲仔飯😳同埋要加一服務費的 但姨姨們開到音樂好大聲唱k咁🤨性價比: 7/10服務: 8/10環境: 8.3/10🚩 江湖小棧 🚩地址: 荃灣鱟地坊30號寶成大廈1號地舖 #fuudjai #fuudjai中菜 #fuudjai荃灣

入秋就係食煲仔飯既時間🤭我地週末六點左右去攞飛，都等左一個鐘先入座🫠▪️ 窩蛋 牛肉 白鱔 煲仔飯（8/10）💲88自己倒豉油同埋豬油，之後焗兩分鐘到就食得😎呢度唔係坊間常用既免治牛肉，而係鮮牛肉片，又幾嫩滑喎🐮白鱔夠肥美，難怪八點就已經話賣曬🤓底下有大大塊飯焦，係略嫌唔夠乾脆，會有少少癡牙🦷▪️ 錫紙花甲粉（8/10）💲118本身睇相唔算大份，但上檯嗰下有啲嚇親😱唔知係咪呢日咁啱無曬花甲，變左係半個手掌心既貴妃蚌，仲要有八大隻，全部都超級新鮮爽口，絕對係驚喜加分位😍已經叫左少辣，一開始仲可以接受，不過金菇同粉絲好索汁，越黎越香辣同濃味，尾段真係喊住都要食😂▪️ 招牌燒通菜（蒜蓉）（7.5/10）💲52比較少見既燒通菜，都唔會話燒得太乾，鋪上左大量蒜蓉同埋炸蒜，好香口惹味，口臭就預左架喇🤪🔎 整體評分（8/10）

排咗廿分鐘 等開門4粒臘腸幾粒滑雞 大半係肥膏 雞皮 兼送二條毛收八十八仲要加一盛惠$93睇電視介紹 伏味濃同店員反影 佢話執碼出錯 話可以加返D雞 飯係可以服務都可以 食過算唔會有下次

父親大人提議想試江湖小棧的關係，於國慶補假紅日的晚上大約18:30到訪，碰巧可以坐到最後一張四人桌🥳回想起早前收工大約17:15左右經過，已見人龍等開門吃頭輪的情境，實在覺得我們太有口福(✌︎˙˘˙✌︎)🌟臘腸滑雞煲仔飯 $88一場來到當然要試試招牌的煲仔飯！上枱同時提供豉油及豬油，按個人喜好倒入合適的份量，再冚蓋焗兩分鐘便可開動(σ´³`)σ〜♪由於老公為左比我影相，倒左好多豬油，所以飯粒好有油份好滑🫣幸好本身飯粒夠乾身，粒粒分明；滑雞彈牙啖啖肉，和臘腸等配料也相當豐富，十分足料ჱ̒⸝⸝•̀֊•́⸝⸝)好戲在後頭！飯焦更是精髓所在，唔怕燶又香又脆💯🌟砵仔焗魚腸 $122這款是不吃魚的老公叫的，我們都很驚訝，抱著捨命陪君子的心態試試看，卻意外地好！吃！( ⁰̷̴͈࿁⁰̷̴͈ )外層的蛋皮微焦、香脆；內裡軟嫩，混和大量肥美的魚腸，魚腸洗得好乾淨，入口好香，不怕腥也不怕苦澀😍並且加入了薑絲、蒜子、冬菇片等配料，令香氣味道層次更豐富，就連怕腥唔食魚嘅老公都食咗好多，亦都唔需要用胡椒粉癖腥，誠意推介🫶🏻🌟招牌燒通菜 $52起初我們都很好奇，菜可以怎樣燒🤔雖然吃完也不了解，不過真係好好食，而且唔怕乾！加入了大量新鮮蒜

煲仔飯$88一個，勁多款式，睇唔岩既，仲可以自己選1-4款配菜自己搭配每個等約15分鐘，份量都幾多，豉油豬油自己落窩蛋牛肉飯 :牛肉片滑嫩，唔係免治牛l鱆魚肉餅飯 ： 好大舊肉餅，鱆魚都算多，不過味道就唔係太突出呢度仲有其他串燒小菜都唔錯豬頸肉串燒$27：好大串（不過價錢都反映左），豬頸肉燒到焦脆但肉超級爽，佢係用厚切既方式，超好食燒燶骨$128 ：都幾大碟，啖啖肉，好似食緊差燒味既燒肉咁，都幾好食辣子大盤雞$148：主角係雞但雞係一般，份量看似好多但肉就好少，反而佢既配角薯仔係超好食，薄薄一片，微焦又軟糯，佢既辣度都可以接受，冇睇落咁辣呢度D 員工都好NICE架，係坐得逼左少少同多人等位～