波記 (已結業)

依間要到夜晚時間至開GE...有次同朋友飲完酒見肚餓....原本打算係7-11叮野食就算...點知行行下見到波記....比朋友叫左一齊TRY下...咁就入左去TRY下...我D朋友有D食過...佢地向我推薦鴨脾瀨...SO我就食下啦....發現又幾好味...鴨脾好正...D湯都好濃味....正....大家都可以TRY下呀=]

這間於不顯眼地方的食店令我有點兒奇怪它於西環食店榜位竟然排行第3位??本人和一眾為食朋友帶著不防一試的心情行入此店,一坐下就首先點了個最出名的鴨脾瀨再加一個雲吞水餃雙拼,繼而再點了最近新出的鮮牛肉面..豬潤面..一碟牛腩同豬手淨食..我們眼見一大堆美食當前即胃口上升..首先是品嘗湯底..好鮮甜呀!!令我想起細個時所食的雲吞面的味道呢!!跟著到食鴨脾時..皮脆肉嫩..再嘗一口雲吞..好味呢..當大家食得興起時..突然聽到老闆講"波記"會於11月15號正式結業..我們滿腦子疑問..於是本著閒話家常和香港人八掛的心態問原由..聽說是租約和二房東(波記遺孀)的問題,原來波記原本是2兄弟一齊努力的成果..但由於哥哥於早前因病過世,後來就由弟弟打理,可惜因年紀大了,好多事都已力不從心,唯有將波記交予嫂嫂繼而隱退回鄉..而現在和我們閒談的老闆已是第3位接管人,聽老闆講之前第一位接管人是波嫂的姨甥女,亦因種種問題寧願另起爐灶,有人說是姨甥女不滿這位親姨姨的錯亦有人說是姨甥女的錯..唉!!!..姑勿論誰是誰非..我只知在短短期間內可轉換這麼多次接管人不是一件好事,當中什麼人出了問題我們明眼人亦心中有數,

哈~小妹初黎步到, 希望寫到好既食評啦~上個月, 我去左西環做野, 去完分公司放低完野就唸住係西環食飯, 我就搵左間粉麵檔食野~間野叫波記佢既門面寫住牛腩雲吞, 但原來最正既野都唔係牛腩雲吞, 而係鴨~KAKA我一坐底就叫左個燒鴨全脾麵32$嘩...一黎..嚇左一跳..未見過咁大隻鴨批好彩個大姐落單問我駛唔駛切,大家記住唔好切~成隻食先有風味~@@隻脾又唔肥又唔硬, 好好食呀, 我用紙巾包住後面羅黎食~正~!!!!!個呀姐講完來燒脾唔係佢地自己整架~係西環某間燒味店正架, 之後送黎~所以早D食會好食D佢又唔肯講俾我知邊間=.=~哈哈~大家經開可以去試下~

小小的一家波記，何來要在標題寫著踏破鐵鞋才吃到呢？記得第一次看到波記的大名，是2004年的飲食男女。那時候，西打還沒有踏上覓食之路，還是個在學院裏渾渾發呆的小子。在飲食男女讀到波記的故事，看到那隻泛著油光閃閃的燒鴨腿，讀著文字描述的美味，心早暗念著，一定要吃這家店。看了一下地址，石塘咀....當時連港島區也不常去的西打，真的在想..石塘咀在哪裏。斷斷續續的過了幾年，在飲食網站偶爾還會看到波記的蹤影。有時候，是一眾食家組團到波記一遊，有時候，是讀到波記易手的消息。易手....連易手了都還沒有動力前往。早陣子，第一次出發，是自己笨，沒查清楚禮拜天不開店，撲了個空。第二次，約了朋友，到了波記，看到門外貼著關店數天的啟示。第三次，是夜，終於吃到。不過，感覺好像是第二次易手了，店裏又換了一批人。是真是假，難以定奪。大家就當成看看波記現在變了個甚麼模樣的文章吧！座落在西環山道的波記，位置真的偏僻到讓人卻步。第三次造訪，還是很怕又撲空。在市政大廈下車後，直走轉左，差不多到店門口，還在唸唸的說，不會又吃閉門羮吧。終於有開店，但...好像有點不同比想像中少的店，只有四五張木桌。最大不同是...好像又易手

剛於金興吃完七成飽打冷,立刻再來吃碗香噴噴瀨粉,二話不説就兩碗鴨脾瀨免切!!雖刖晚上八時多,鴨灘涼了,但無損皮脆肉香肥油足,成隻拿起左一口脾肉,右一啖瀨粉................真享受也!

終於試過了重開於舊店的波記, 心情相當沉重。聽說, 波記的其中一位老闆過了身, 其女在石塘咀市街市開了新店, 算是繼承了衣缽, 增添了燒鵝(以前只有燒鴨)、切雞及飯等食物, 但由以前來貨變成了自製燒味。燒鴨還好, 叉燒是失去了以前的特色。不久, 山道這間老店又神奇地重開, 但掌店人士包括一位紋身男士, 而掌廚的四眼叔叔倒是有點面熟。不知是不是以前的合伙人, 拆夥了, 卻又在舊店重開, 跟世侄女打對台呢? (這是不是「不合理的推測」, 見仁見智吧?)不過, 舊店間格擺設完全保留了舊貌, 食物也如以往般, 如只賣燒鴨, 不賣燒鵝。我吃的是我當年第一次去波記時吃的叉燒瀨加腩汁。叉燒, 跟從前有七八分相像, 表面不肥, 但軟熟 ------- 一邊吃, 一邊想起一個問題: 小時候在香港仔避風塘岸邊吃的所謂「艇仔粉」, 叉燒也跟這種十分相似, 而西環又是近海的, 叉燒的製法是不是出自同一個祖宗呢? 這種叉燒跟「蜜汁叉燒」不太相同, 沒有反光一般的表面, 但偏偏很軟, 很爽口。這個問題, 真的要叉燒專家才能解答得到了。湯, 淡了, 瀨粉煮到斷, 碎碎地, 一邊吃, 一邊嘆息。無論是舊店還是新店,

網上得知崖上波記裝完修開番la, 今晚特意一試。店內冇咩大改動, 但好明顯乾淨同光猛左, 野食同以前都差唔多, 係多左一兩樣新野, 本人至愛既燒鵝仍然係咁正 !!!!順帶一堤, 波記老板娘出番黎做, 之前有謠言話做到年底原來係假既, 佢地而家開埋星期日呀, 實左太好了重有呀, 佢地只此一間, 並無為店ga !!!

閒時掀開《飲食男女》，見到「少年食神」話石塘咀波記只會做到今年底，心感可惜，反正人在中環，一於搭程丁丁入去食番碗鴨脾瀨。夜晚七點來到位於斜路上的波記，店內坐滿了人，唯有站在門外稍等，阿姐見狀立即開檯給我們，服務真好。不用看餐牌，就來一碗鴨脾瀨 ($32)，女友則要了鴨脾撈粗 ($37)，再加碟腐乳通菜 ($10) 就行了。波記的鴨脾雖然是來貨，但勝在入口皮脆肉嫩，以此價錢確是幾吸引的，可惜當晚的瀨粉煮得比較碎，湯底亦略嫌太淡，無乜味道，只得一股來自蔥粒的香，如跟上趟吃到的水準比較，無疑是差了一點點。女友的撈粗比湯瀨貴五蚊，麵條是爽口的，但梘水味卻很明顯，睇在那隻美味的鴨脾份上，勉強拉成合格分數。少油的腐乳通菜幾爽嫩，可惜腐乳味道實在太鹹，最後唯有將菜放入湯底內「過冷河」，下次還是將腐乳另上會好一些。吃得飽飽，最後來一口雪得夠冰凍的可樂，感覺市井，但的確很滿足！埋單時順便問問阿姐係咪年尾執笠，答案係「搵緊舖位」，那就好了，希望這風味十足的鴨脾瀨不會就此消失吧！

Heard about the famous or signature duck leg noodle. Came here on the rainly evening and ordered their signature noodle. It was charged HKD32 and the texture was okay. However, the taste was not outstanding - it was not tasty as the other barbecue or grilled duck like Yung Kee's. The noodle was cooked in poor texture/quality. Hence we found this one was over-rated by the other mates. We also ordered the won-ton and dumplings noodle. This one was good. The dumplings got bamboo shoots inside. T

波 記 其 實 只係 一 間 普 通 粉 麵 店 ，但 因 為 一 隻 燒 鴨 脾 ，而 令 佢 街 知 巷 聞。佢 哋 無 自 設 工 場 ，燒 鴨 其 實係 嚟 自 西 環 某 間 老 字 號 燒 臘 店 ，每 日 黃 昏 波 記 臨 開 舖 前 2 個 鐘 頭 開 始 燒 ，到 波 記 一 開舖 就 交 貨。所 以 要 食 最 皮 脆 肉 香 嘅 燒 鴨 脾 就 要 早 啲 去 ，越 夜 鴨 越 凍 ，鴨 油 鴨 汁 自 然 流 失在 所 難 免。

今晚上課後回家，途經波記，心血來潮入去試試。入門見到「少年食神」Michael進餐後和老闆傾談。身體有點不適，不能試招牌燒鴨瀨，改牛腩粗麵。想不到十一時許牛筋腩已售罄，只好轉試久違的水餃麵。看見夥計手拿數隻生水餃入內，心中一樂，呵呵，水餃不是翻熱，是即叫即煮的。等了約十分鐘，一碗熱黱黱的麵端上。水餃是傳統作法，有黑木耳，蝦，豬肉和筍粒，材料新鮮很美味。細麵沒有"梘水"味，但麵質不夠爽口糼滑。湯底略咸，但喝到是店方自已煲的味道。

2月5日, 晏晝餐大野仲未好落格! 夜晚同呀比食番d細野~ 一於就去食呀比恨食好耐, 但佢只開夜晚嘅波記!::: 燒鴨脾瀨 x2 ::: $18 x2呀比話以前佢d燒鵝真係好正, 而且真係用燒鵝! 但今日再去佢已經講到明話唔係燒鵝, 只有燒鴨. 如果想要脾, 就一定要講明, 我同呀比都要咗燒鵝脾~ 即係燒鴨脾啦! 優點係燒鴨唔會太肥, d皮夠薄燒得夠脆~ 但缺點係肉質太乾… 唔係好嫩. 鴨肉味道亦唔太濃. 瀨粉好碎~ 湯底都唔係好夠味…可能太大期望, 食第一啖已經覺得有d失望… 呀比都話以前好食d. 當燒鵝唔再係燒鵝… 波記就只是一間普通燒味舖了…

唔知係我耐冇食呀, 定係佢d 質素真係唔同左.而家隻燒鴨脾冇以前咁內香外脆, 有少少似快餐店下午茶餐o既質素冇左以前食客來往不絕的情景, 但都不失為消夜的好去處.

我一心去西環的鴨脾瀨.但5點就去到西環.波記末開就去碼頭看海.....看完回波記途中目賭交通意外..一名大約7歲的小朋友俾的士撞到..左腳血流如注......該名的士司機想衝黃燈....當知道撞到人.毫無悔意.仲黑口黑面....我希望小女孩早日康復,的士司機得到懲罰.......說回食評啦....我心情一定有影響....我好不安,去到波記一碗鴨脾瀨.的食家話轉左手.唔好食我唔覺...心情差都覺得好食...湯甘甜....無味精...鴨脾的皮脆.肉質都好滑,而店員十分有禮,成日都講多謝....這樣的鴨脾瀨都叫做難吃?我們做客人是出錢的.但心中都要給別人一個改進空間.....可能剛接手末有摸熟前人技巧...人是應該有為別人設想之心....每人都是有自己難處的...

位於石塘咀既山道波記一個鴨髀瀨都只係$18蚊湯底用傳統大地魚配韮黃新鮮鴨髀不但皮色晶瑩剔透夾層中既膽固醇更是香氣四溢加上爽滑瀨粉答案：再黎一碗另外、各類燒味均極為出色想食鴨肉較多既可以選擇上庄而水餃亦同樣出眾配粉麵雖只三粒但裡面材料豐富賣既唔係鬥大粒而係內裡既料彈牙新鮮煮出誠意營業時間大約係下晝六點到凌晨兩點