泰屋 (已搬遷) 新店位置

返工前約左朋友食晏，我地決定去食泰國野。泰屋以前都食過，食晏真係第一次。晏晝冇理由叫大野嗎！所以我地就叫set lunch，其實佢d set lunch都幾唔泰國野！set lunch: 湯（無影到，因為冇咩特別o既味精湯)、main dish、dessert同drink。Set H 印度咖哩牛腩可以配烤包/飯，我就揀左烤包。因為諗住會冇咁飽，但其實都係好多，食完之後我連晚飯都食唔落，唔知係唔係太油。牛腩係幾淋，都有好多下，因為我食極都仲有，之後我係咁"不"比我朋友，同埋d薯仔都好入味。我開頭以為烤包最多咪2、3件仔，點知有一大個可以分到6件，我比左一塊朋友，最後自己都食唔哂。朋友o既唔知咩烤雞扒飯，港式？定泰式？我冇去試佢o個個，因為我自己o個個都食唔哂。係食左佢小小菜，都唔錯o既。我見佢食哂應該係好食o既。餐飲，出奇地係最好味o既!甜品冇影度，因為一d都唔好食，其實都預左。又湯又main dish又drink，個dessert都唔會好食得去邊。甜品係一個芒果椰汁糕，口感似大茶糕。:s

我們二人約晚上八時到餐廳，不需要等位。叫了一杯熱飲和兩碗湯河。飲品好快到，不過湯河一等便等了半句鐘，其間詢問職員，第一次那位職員沒有反應，第二位職員則回答說今天人多，廚房太忙。到了我們設下的死線，最後終於到了，我們足足等了35分鐘！鄰坐的二人也等了很久，他們比我們遲來，但炒河比我們早些送到。不幸的他們也叫了湯河，詢問職員幾次也沒有結果，最後有一位相信是較高級的職員到來說，河粉已沒有了，客人想轉金邊粉，職員回答金邊粉都沒有了。最後這兩位客人都立即結賬離開。食物味道是不差，但這樣的速度實在難以接受。之前一次到這間餐廳光顧都也曾遇到這個問題，不過今次實在不能接受，可見將來都不會再光顧這餐廳。

朋友說光顧過說不錯. 所以經朋友介紹特來此店訂了位.不用等. 不過看店內四週都不足10 個客人. 可能是太早吧坐下來大家就開始點菜了, 冬陰公湯. 泰式鳳爪. 炸蝦餅, 咖喱雞, 泰式肉碎生菜, 泰式炒金邊粉, 馬拉棧炒通菜冬陰公湯. 不少材料. 味道偏啖.泰式鳳爪-酸酸甜甜不錯. 只是鳳爪太少炸蝦餅-味道偏啖, 沒有蝦味可言.咖喱雞, 味道太啖. 沒有特別泰式肉碎生菜, 這個是最好味道. 味道濃. 好好味泰式炒金邊粉, 有點太酸. 這個也不錯.馬拉棧炒通菜, 沒特別, 一般味道不知道為什麼整晚吃下去都是啖啖味道.泰國菜不是味道重一點. 還是我要求太高其實環境真是不錯. 坐了一整晚都是靜靜的. 坐位不滿.服務還可以吧. 人總會有時會雞手鴨腳. 洗手間還算清潔.

依日約左好友夜晚一齊食飯..慶祝佢2月生日+順便又聚下咁呢原本話去九龍城食泰菜~不過我又唔記得問佢果間坐唔坐得耐~只係心急諗到去過2次既"泰屋"環境好唔錯+可以坐得好耐~所以就叫左佢去囉由於食店既檯好細~所以我地叫住1,2個慢食諗住邊傾邊食..食完先再叫~先黎"青木瓜沙律"醬汁味道帶微辣而酸甜~木瓜絲口感好清爽之前未試過青木瓜沙律~其實味道都好ok不過相比之下~我較為鐘意柚子沙律..果甜更開胃"黃咖喱雞"咖喱汁比較帶水狀~味道唔辣..有淡淡咖喱香但淨食個汁會偏鹹左少少~點烤包就剛剛好雞肉份量都好多~不過部份過熟..帶少少鞋口感"蒜茸烤包" & "原味烤包"我計算錯誤左..烤包應該先叫一份~因為份量好巨攪到食完2份烤包之後~已經再叫唔到其他鹹點食物食店聘請由印度人煮理~依個"原味烤包"..好鬆軟綿綿口感"蒜茸烤包"..依個比原味更香~如果蒜茸料再多d就更好甜品.."椰汁木薯"其實我好少食泰式甜品~因為普遍都好甜依個熱辣辣木薯~椰漿調得夠杰身..但超甜@_@"整體食物+服務都ok..坐得算舒服同埋唔趕客

今日有個朋友約左我去1間我未去過嘅泰國餐廳食Lunch,我o地大約1:15咗友去到,個環境比我想像中好,因為座位寛濶仲有街景睇,裝修好靚好光猛,我o叫咗個$32蚊嘅冬蔭功蝦炒飯,味道唔太辣d蝦都幾彈牙,我個朋友就叫咗個印度咖喱牛腩,有白飯或者烤飽揀仲有埋湯送都系$50蚊!個咖喱我就覺得辣咗少少,可能因為我本身唔食得辣,如果食得辣嘅朋友不防試吓!食完飯仲有餐飲同甜品!原來都幾多OL嚟食Lunch,差唔多2點d人可能開始要開工所以陸續離開,而我o地就坐到4點幾都冇人趕我o地走,埋單都係$90.2 認真底食,仲有係d侍應仲幫我o地加水,又唔會趕我o地走,唔會好似有d泰國餐廳下午3點收市6點再開,原來2點半仲有下午茶時間,都係$28-$38仲有埋嘢飲,睇見都想再食,但係太飽食唔落,下次再嚟試吓下午茶先得

第一次光顧這間餐廳食晚飯，可以話它真的不得了，不得了的差！差！差！從不食評都忍不住要發洩一下！兩人只叫了原個菠蘿炒飯加半打沙爹牛串燒，結果碟菠蘿炒飯唔夠熱，d飯又硬實實。好明顯用冷飯炒，但都唔係硬成咁，好似冇炒過一樣！最嬲係那半打沙爹牛串燒等左足足有35--40分鐘，催佢多次竟話整緊，但個廚房係open kitchen，見到哂d廚師在傾計，甚至傾到跳跳紥。其實認走單say 句sorry都冇咁嬲，結果係一句唔好意思都冇，好無禮貌！催左3次仲話整緊，35--40分鐘整沙爹牛串燒？有冇搞錯！！結果沙爹牛串燒終於出現，發現串燒竟不是燒，牛是炸的，只係用竹簽串起來。牛肉又老又"鞋"口，碟沙爹醬冇沙爹味又唔香，好難食！一碟飯+半打沙爹要$200，但食d咁差質素的食物，真係要俾10個"差"佢，從未食過如此難食的泰菜！

上次公司係呢度搞左個聯歡晚餐 , 我覺得環境唔錯 , 地方大而且唔嘈 , 食物都幾好味 , 雖然價錢略高 , 但今天和朋友慶祝生 , 決定來呢度食午餐為了避開午市的人潮 , 我們特意早 20 分鐘到達 , 侍應生馬上帶我們入座 看看餐牌 , 好抵啊 ! 竟然有些午餐 30 元都唔洗 , 不過今天是特別日子 ,我們叫了一個二人份量的商務午餐 , 包括有 : 1 ) 冬蔭公蝦湯 : 味道比我想像中普通 , 覺得酸味太重 , 而且蝦亦很細隻和不新鮮 2 ) 泰式拚盤 : 呢個唔錯 , 炸得剛剛好 3 ) 海南雞 : 麻麻地 , 冇咩雞味 4 ) 泰式炒雜菜 : 不過不失 5 ) 干炒金邊粉 : 味道一般般 6 ) 泰式甜品 : ok 喇 如果相比個次晚餐 , 我覺得今次整體味道麻麻地 , 無咩驚喜 , 份量亦屬於小 , 價錢連加一差不多二百元 , 我覺得物超唔值囉 , 雖然個餐都有包兩杯飲品 , 或者都係下次都一班人來晚餐我先會考慮咯 ~

依日約左媽媽去"泰屋"食野..先點個"泰國金柚沙律"個沙律好新鮮又夠凍~而且好多柚肉..味道好fresh好開胃另外叫2個tea set.."乾炒泰國金邊粉"金邊粉入晒味~味道本身帶酸甜~再伴上青檸汁..好惹味又開胃仲有花生碎粒拌勻同食..多份鹹鹹地脆口既感覺"星洲炒貴刁伴雞肉沙嗲"雞肉夠腍身..燒得好香又入味~沙嗲醬都唔錯但炒貴刁就淡而無味~明顯調味用得唔足料餐飲..大家都點左"青檸梳打"依間之前食過dinner~整體環境同食物都好好今次再食係個"貴刁"差d之外~其他食物都好ok~服務都ok呢

同友人係旺角做完Facial就行過黎食晏嘩！原來都有一段距離架喎有下次的話都係搭車好一上到去，咁空既？係咪去錯餐廳呀？冷靜過後，先發完原來已經過左兩點啦唔理啦，搵個窗口位坐低睇下食咩好一黎到就拎張Coupon出黎跟住個(疑似）經理就埋黎話呢一欄你地都可以揀架P.S.係我寫呢篇食評既時候，再上番去個團購網睇發覺係睇四款俾我地揀架咋包括：黃咖喱羊肉配白飯、青咖喱鴨配白飯、海南雞飯、印度咖喱牛腩配烤飽既然有得揀，就梗係揀個特別啲架啦不過最「特別」既都係海南雞飯其他個啲出面餐廳都有所以同友人一齊揀左海南雞飯一黎就係例湯唔知乜野瘦肉煲蓮耦湯（飲完之發覺唔記得影相）好少好少肉，再加幾舊蓮耦個湯唔太油，都幾住家Feel蓮耦唔太硬，但係又未去到粉都Okay既係我飲哂碗湯既同時，海南雞飯都黎啦賣相都幾得架個飯唔會話勁油，好怕食到成口油雞肉係雞脾位，都幾滑再蘸上酸辣汁調一調味（同我上次係另一間餐廳食果隻幾唔同，呢間啲味道淡好多）我同友人都食得一件不剩正當我跟友人係到諗緊有無餐飲既時間侍應就係呢個時候問我地飲咩，哈！我叫左凍奶茶，友人叫左凍檸茶（我地行到身水身汁，叫番杯凍飲下火）過左一陣，餐茶連埋甜品就黎左

本身訂左位唔洗等, 13個人叫左2個咖哩煲,4塊原味薄餅, 1個牛尾, 茄汁雞, 菠蘿抄飯, 泰式金邊粉抄雜菜, 2個大拼盤小食~最緊要冬陰公, 我至愛必食.另外追加左一個炸虾餅, 真係虾餅又彈牙又好食,GOOD~今次食物水準好滿意.

一年多前也曾想到這裡嘗試, 但因有早的時間有時段限制, 和常常滿坐, 預訂也要提早一個星期, 所以最終等到今晚才由朋友預訂了晚一點的時段才可一試!餐廳內環境一般, 很嘈雜, 像快餐店, 想和朋友說說話也要大大聲的,服務亦未見得好, 可能人多的關係吧, 每次也要呼換多次才有人理會我們,衛生也一般, 檯沒有抹得乾剩, 就連椅子有飯粒亦不理會, 照樣地招待我們坐下!食物賣相不錯, 味道一般, 沒有甚麼特別. 極為一般!雜錦小食小拼盤有炸南瓜, 蝦餅, 魚餅, 春卷, 串燒,熱辣辣上檯的, 油而不膩, 不錯!這個沙律是暖暖的, 不夠開胃之餘還怕它放置了很久才給我們呢!生菜肉鬆味道剛剛好, 肉碎不鹹, 不過太多汁, 不夠乾身, 生菜爽口!薄餅一般.青咖哩雞是最差的, 沒有青咖哩的味道, 還"杰韃韃"的, 雞也少得很.菜也沒有特別, 沒有泰式的味道.魚說是可以, 但始終沒有泰國菜的味道.

見Openrice有coupon...於是今日下晝嚟呢度試o下lunch...哦~ 估唔到都幾大wor~ 坐o係望街o個邊o既四人檯~ 環境幾ok~ 睇到餐牌先知有無openrice coupon都有呢個 "$28蚊" 單點優惠...大家可以慳返張紙...叫o左三個餐同一個單點o既炒金邊粉~ 1) 餐湯: 普通中湯, 都有d料...但係味道都幾味精...2) 單點乾炒金邊粉: 都真係幾乾身, 味道都幾好, 不過份量就細碟o左d...3) 印尼炒貴刁: 好唔ok...完全搵唔到一條完整o既貴刁...好散又好淋...又無乜味...4) 咖哩牛腩配烤包: 牛腩好淋好好味~ 不過都幾辣o下~ 烤包好乾身同好脆~ 非常正~5) 泰式燒雞扒配白飯: 香茅味o既雞扒燒得幾好味~ 配埋泰式雞醬更醒胃~ 6) 青檸梳打: 跟餐唔駛加錢...不過得好細片青檸...如果單點要加10蚊就唔抵lu...7) 椰汁大菜糕: 跟餐點品幾好食wor~ 應該係椰皇o既汁做ge...仲有d椰肉...唔太甜幾好食~ 以呢個價錢食個lunch都幾好~ 下次除o左炒貴刁都會試o下第二d ge...不過佢呢度d筷子o既木質有d古

蒜蓉包很腍，完全不脆 馬拉盞通菜咸左D，好炒得好老 黃咖哩雞個咖哩唔辣，咖哩味唔夠香，但用黎點烤餅食，撈飯都唔錯 烤餅用來點咖喱汁食，好好味 香芧燒魚魚燒得香，肉質嫩滑，但香芧味欠奉 總結 :-裝修唔錯，坐得算幾舒服!食物就有改善空間!

當日係星期二閒日去呢間野到食飯,我同兩個Friend去6點3左右開始食,我地都係食左一個鍾到,食完諗住傾陣計先走,但係啲侍應就好快咁收晒野同埋俾眼色我地睇,個feel好差囉,果陣間野係冇乜人,啲客都坐唔夠一半,大把吉位,而且門口出面又冇人等位,洗唔洗趕客咁款呀我地覺得啲野食唔錯o既,都OK,但係食都食得唔開心囉

一向都對泰屋印象良好,唔係話超好食,但都唔會太失望...今次唔係星期五六日食,咁就唔使分兩輪,唔使趕住交台我地6個女仔,叫左個"開心餐",其實都預左未必食得晒,但見個餐d野都係我地想食o既,我地仲要加多兩個薄餅,最後都叫食得晒...海蝦柚子沙津,少少辣,又酸酸地,都幾開胃,但係d蝦就好細隻,唔夠爽口,d柚子都幾juicy,ok的...椰汁雞湯,本來想飲冬陰公,但朋友唔食得辣,所以揀左椰汁雞,我都未試過o既,原來又幾好飲喎,幾香椰味,酸酸地,其實都近似冬陰公o既酸味,我都幾鍾意椰汁雞湯個味,仲帶d香芽味,不過d雞肉就好雪櫃味...星洲咖哩蟹,好大隻蟹,個咖哩唔辣,咖哩味唔夠香,蟹都算好肉,好大隻鉗,個咖哩用黎點薄餅食,撈飯都唔錯泰式兩點黃,其實就好似平時中底炒面咁,我就冇興趣食喇...炸左個面再撈d汁係面,d雞肉又係好雪櫃...no good...香茅蒜蓉爆中蝦,都炸到過左火咁,蝦就幾大隻,不過就咸左d,好熱氣,一入口已經整損左....麻麻地...特式節日拼盤,多數都係必食o既野,叫拼盤,咩都有得食一件,有春卷,有蝦餅魚餅,串燒雞牛豬,炸南瓜條,蝦餅魚餅就麻麻地,好細件唔夠彈口,串燒都唔