泰金國 (已搬遷) 新店位置

有日特登落九龍城，就為左潮聖泰金國。泰金國係好出名的黄店，我六點到未駛等位，但就一定要齊人先入得。入到去講明只可以落一次order，目測所有人一個鐘內都食完。兩個人叫了燒牛肉、燒雞翼、炒咖喱蜆、蒜蓉包及炒通菜，重有椰汁沙冰。首先一定要介紹杯嘅椰汁沙冰，我覺得真係好好好飲，凍冰冰加椰汁香，我地追加多一杯，好味程度係我哋寧願飲多杯，都唔想試其他味道。食物方面， 每一碟都好好食，係高質嘅泰國菜。尤其燒牛肉真係好出色，牛肉本身質量幾好，加埋個汁真係好正。燒雞翼燒得好香，我同意係必食。其餘炒咖喱蜆加蒜蓉包及炒通菜，我都好推介。環境就係一般地道泰國餐廳環境，唔好咁高要求就得。服務就好一般，不過不失。不過為咗食好嘢下次都會嚟。

🇭🇰Hong KongAverage expense per person: HKD$150+呢間泰國菜算性價比好高（當然一定有更高價錢更好食嘅泰國菜啦），我同我朋友點左7道菜，埋單唔洗$500😆不過去到可能要等一陣，因為幾多人排隊食，我朋友當時排左半個鐘！雖然個環境唔係好靚，有少少似大排檔，不過食物嘅味道先係最重要。如果去到可以點下蒜蓉包（$28），冬蔭功湯（$78），馬拉盞炒通菜（$60），紅咖喱炒飯（$65），小食拼盤（$98）同埋生菜包肉（唔記得咗幾多錢）。呢度既菜式偏多油，但都幾有泰國菜個種地道惹味，好似番番去泰國咁！推介佢哋嘅椰汁沙冰，食完咁多野飲下冰冰涼涼幾舒服😋椰子味幾濃I will recommend this Thai restaurant to you if you want to have a cheap and local taste of Thai food! Although the environment is not that decent and it may take some time to queue for a seat but it abs

晚餐約咗朋友試下泰國茶，間店唔大，要係門口排隊。我哋點嘅燒雞翼大大隻好juice，碳燒豬頸肉夠惹味，而主食炒金邊粉同蝦醬炒飯夠鑊氣又唔油，怪唔得要排隊都咁多人去食👍🏻

今日午後時份行經九龍城特意去泰金國試下～～平時午市晚市都大排長龍 今日下午茶時間直接入得 包場🥳叫了一碗冬蔭公河嘩 一擺低睇個外表都知掂🌶🌶🔥聞落好香！ 食落都好正 好正宗嘅泰國風味😋😋而且辣度好重 辣到我流曬鼻水利申都算食得辣🙊🙊如果閣下係食唔到辣 建議直接點其他菜式因為呢種冬蔭公泰菜唔辣真係唔惹味叫無辣就會扣分 個河粉係偏寬身同薄索到更多嘅湯 埋單只係$58 九龍城區好多泰國餐廳$58 真係唔貴下次會黎試其他炒野～

九龍城咁多泰國餐廳可以揀，呢間環境又細又迫，但都成日排晒長龍，你就知佢有啲料到😏～全部食物都大碟兼好食，排幾個字都值得嘅！溫馨提示💡排隊時要諗好食咩、飲咩，因為入座前要一次過叫晒冇得補單！
.
<#皮蛋炸蝦餅 $78>推薦❗皮蛋同蝦餅嘅愛好者要試！外脆嘅蝦餅夾住皮蛋係出奇地好食😱，不過兩個人食咁大碟真係幾膩，多啲人一齊share就正！<#燒牛肉 $78>推薦❗5成熟嘅牛肉好有炭燒香味，加埋佢地自家製嘅醬汁真係一流，仲要係好大碟好多牛🤤，必食！<#泰式燒雞翼 $18/隻>推薦❗燒雞翼我自細鍾意食🤪，雞全翼好大隻，但都燒得好均勻，咬落去仲要有肉汁，同埋都有好香炭燒味！<#泰式生蝦 $98>推薦❗泰菜必叫嘅生蝦就正正常常，但加埋炸蝦頭就第一次見，食落好香口🤤！<#泰式蝦醬炒飯 $65>超～大～碟！炒飯有鑊氣仲好香蝦醬味，配埋蛋絲同臘腸令成個飯冇咁單調～<#泰式菠蘿沙冰 $28>飲品嘅選擇以沙冰為主，又解渴又大杯，飲極都未飲完咁😆.👫：食完會想翻兜！菜式比一般泰菜餐廳特別，店員都係泰國人感覺較正宗～

九龍城有一間泰國菜非常出名，原因係好正宗又好食，經常都要排很耐，所以一定要早啲去排隊，如果唔係就會變左食宵夜架啦🤣今次我地叫左燒牛肉($78)，其實依度既燒牛肉同埋燒豬頸肉都非常出名，牛肉有炭燒香味，亦都唔會過韌，加埋佢地既秘製醬汁，非常惹味。跟住落黎就係炸蝦餅($68)，非常出色，蝦肉彈牙，粉漿做得好薄身，唔會話係好厚嗰隻，好香脆好好食，真材實料。跟住就叫左泰式炒粉絲($65)，粉絲非常入味，炒得好有鑊氣，亦好夠料，未試過既不妨一試。我地仲叫左個泰式酸辣鳳爪 ($75)，份量驚人，兩個人都未必食得曬，如果鍾意食涼拌，又鍾意食泰國酸酸辣辣既味道就一定要試下依一道泰式涼拌啦。到最後我地仲叫左芒果沙冰($32)同埋青檸梳打($28)，都一樣咁出色，未黎食過既快啲黎試下啦🤤

👧🏻Wodafoodie in Kowloon City唔知有無人同我一樣勁鍾意食辣 又鍾意食泰國菜 如果有 你一定要試呢間！！！😋🌶泰式醉貓炒粉絲 一睇佢上碟個顏色已經好吸引🤤d香味係撲鼻而來 粉絲炒得勁入味！仲要加左辣椒去炒 鍾意食辣既我簡直停唔到口😋仲要落左好多海鮮去炒 勁大碟！我地2個人每人叫一碟粉絲食到捧住個肚走🤣🤣 真係又抵又好食😍 可能係我暫時係香港食過最好食既炒粉絲☺️☺️☺️🐽泰式燒豬頸肉好厚身 份量都幾多 不過可以再燒得入味d.店員好nice 多得佢介紹我食呢個炒粉絲 如果唔係就會食左友人個碟普通泰式海鮮炒粉絲 都香都好食 但我呢碟真係好食好多 feel到我一定會成日返黎encore😋🤤😝.📍泰金國 (九龍城)九龍城衙前圍道36號A地舖

🇭🇰Hong KongThere are a lot of great food in Kowloon. This one is a great one as well! However, it took us around 30 minutes to get a seat, so be aware if you are hungry!We ordered the garlic bread which is served when it was hot!!!Also, we ordered the red curry fried rice, some veggies, the snack plate and also the Thai Minced Pork with Lettuce! Just like it sooo much🤣For the drinks, you must try their coconut ice drink😚😚 It is cheap and worth the waiting time!!

昨晚一行3人食完本身無乜野到第二日中午 發覺有唔舒服 想嘔但嘔嘔出再問同枱朋友 有無唔舒服 三個都唔會服 有一個左去左急症室 打針懷疑食咗生蝦唔乾淨依家又發燒 又肚屙 屙水 十分失望

實在太耐無出來食飯啦﹗好想食泰國菜，就同朋友一齊去左九龍城泰金國，去到已經見到長長人龍，鋪頭座位唔多，加上要排隊人數好多，我地足足等近兩小時，才可以入座，燒雞全翼，燒得剛剛好唔乾身同時保留肉汁，好味，生蝦刺身加蝦頭，生蝦好新鮮，配上醬汁，好正，泰式側魚沙律，份量勁多，魚塊勁多，仲有青芒果絲，青木瓜絲，花生粒，香茅等香科撈埋一齊，香口唔油膩，好好味，馬拉盞炒芥蘭，味道有少許偏咸，椰青唔涷，唔好飲。

都有一排冇黎九龍城食泰菜，呢間勁出名，所以。。。排隊排十世呀大佬。鋪頭細細，所以座位唔多，加上要排隊就起碼等一個鐘。。。7點黎到排，8點半先入得座。大熱天時大家真係要諗諗啦燒豬頸肉勁出色，好香。必叫。蝦醬炒通菜，好好食，炒得好香口。仲叫咗個炒飯，金邊粉，細size小食拼盤呢三樣就正正常常啦 冇特別好味大熱天時好推薦大家叫個芒果沙冰🥰🥰即刻解暑清涼！其實九龍城咁多間泰菜大家睇返想支持邊間囉，要排隊真係要諗下先啦遲啲天氣冇咁熱，大家可以趁晚市開鋪就黎食咁就冇咁辛苦喇。總結都真係抵食既，有時間不妨黎返轉。如果好怕熱要等位，又怕唔乾淨既咁就未必好適合你黎食喇。

夏天好想食開胃嘅泰國菜，九龍城嘅呢間泰金國次次見到個埸都爆，所以我地一早去定排隊。 😃首先最推介嘅係燒牛柳，🐂食得出牛柳嘅肉係靚料，內裡肉質鮮嫩配上泰式醬汁 微辣清新 冬陰功有好香既泰式香料味道，酸酸辣辣 湯嘅配菜🍅同大蝦🦐好足料 金邊粉條條分明不油膩 👍🏻炒得好香夠哂獲氣 加花生碎一齊食 🥜增添口感 而且份量超級多 🥘黃咖喱適合食小小辣嘅朋友 雞肉肉質嫩滑食落一啲都唔鞋之餘 仲係香中帶微辣 建議多點一碗白飯 🍧芒果冰用真芒果肉打 解辣之餘仲有大量芒果肉 係必點嘅飲品！

嘩，啲quality又真係幾唔錯，仲食左啲我完全未聽過嘅菜式呢🤣🤣真係好有驚喜！⠀⠀🔥 燒牛肉🐮 $78⠀✮牛肉真係燒到岩岩好，佢應該5-7成熟，所以一啲都唔鞋唔韌，見到入面仲係粉紅色嫁😳⠀✮你可以見到啲肉質係幾粉嫩下，唔同平時食嗰啲串燒咁，又唔係肥牛🤩，感覺有少少似將Angus切片嘅肉質 ⠀✮佢真係燒得好香，啲邊邊燶燶地又脆卜卜，真係好外脆內嫩，好有口感⠀✮一啲都唔多油，分量仲意外地多🥰 ⠀✮個汁唔係話好辣，就係一般會點泰式燒豬頸肉嘅嗰隻汁～唔食得辣嘅可以接受，同埋佢啲酸辣係有解膩嘅作用⠀⠀🥚皮蛋蝦餅🍤 $65⠀我真係第一次聽呢個菜名，同埋就咁聽已經覺得好怪好伏😂 不過我地都係叫左黎試，睇下有冇伏😂⠀✮佢個蝦餅都炸得岩岩好😳外脆內軟⠀✮佢炸得都幾特別😳一般泰式炸蝦餅就淨係沾麵粉去落鑊炸，但佢應該係沾左啲麵包糠🤔佢個外皮咬落就有少少似吉列豬扒個皮～所以都幾脆幾特別🤩⠀✮啲蝦膠都打得好好，個蝦餅超爽口彈牙🥰 ⠀✮皮蛋加蝦餅意外地match!皮蛋餡係有少少軟心（流心？）有少少似熟多少少嘅溫泉蛋個感覺😳，彈牙嘅蝦餅加上軟心嘅皮蛋令到成個菜嘅口感幾豐富，做到外脆內軟嘅效果🤩好特別！真係唔錯！⠀

九龍城黃店泰金國，皮蛋流心係幾 amazing, 但蝦餅口感有啲鞋。冬蔭功酸辣適中，其他野食普通正常。入面太窄坐得唔舒服，唔係幾值得咁熱既天氣等半個中，如果要等既話食其他黃店仲好。...#test_kowlooncity#test_yellow______________________________🏠 泰金國💛💵 $106 per head📍 九龍城衙前圍道36號A地舖______________________________ig : eatesterhk

💛🇹🇭終於有機會可以試到呢間任何時間都大把長龍，動輒等足兩粒鐘嘅💛泰菜餐廳🍴，今晚夜一夜先去拜訪，在門外點好菜後入座後無耐就有得食，餐廳比較窄小，亦無豪華嘅裝潢，走平價路線，一切只以食物嘅水準作保證🇹🇭———————————————————————————🍽燒牛肉🥩🐮💬🔥人氣🔥本來諗住唔叫，但枱枱都有叫，所以真係一定要叫，好好食，炭烤香口，5成熟，肉質仍嫩，蘸埋辣汁超掂😋.🍽燒雞全翼🐔💬好似係一種規矩一樣，人人都會點嚟食，因為人人都鍾意食，又點會係唔好食🤓.🍽豬肉遊船河🐽🍜💬眼見豬肉同芫茜蔥佈滿碗面，已經知道答案，粉絲索哂濃郁嘅湯底，美味可口，又幾正😏.🍽馬拉盞樋菜🌶🥬💬眼見到是非一般馬拉盞咁簡單，多咗好多辣汁，仲有蝦仔、蔥頭等配料，感覺不錯😋