泰麵膳 (已結業)

本著路過見到試一試無礙的心情、點知好有驚喜！其實香港人對泰國的食物都非常熱愛同熟悉，可以話係由細食到大！今次呢間泰麵膳主打麵類同小食。～ 牛肉船河湯頭熱辣辣夠味有層次，用料又足、牛肉份量夠又嫩滑、有天然肉味，食得出老細願意俾錢用靚料，係香港尖沙咀區賣 $58 蚊一碗嘅出品真係非常有誠意（感恩）！最劃龍點晴嘅係加咗一大塊新鮮嘅金不換，令香味馬上和熱湯融合起來。要挑剔的話如果可以多一點湯就無得頂。～ 冬蔭乾撈味道酸酸辣辣好癮、加上隻流心蛋伴麵真係好夾，正！用心做嘅小店要支持！

本來唸住去尖沙咀呢條街亂行一下，除左街頭吉魚蛋有印象外，感覺呢條街已然無咩好食，但係下晝係面書睇到飲食男女有個肥仔介紹過呢間船麵，行過望到 ship noodles, 以為介紹得既，可能得包裝膽粗粗入去坐底試下啦，人多但招呼比想像中很快，其實都幾多人食，但上菜唔洗呆等，香港人最緊要快快快嘛！見好多人都叫安格斯牛肉船麵，我都試下啦，唔知用左咩湯底，感覺肉骨茶湯底，但好好味，Yummy, 唔錯！小食好美味，牛肉沙律，配菜都很爽口，估唔到真係無介紹錯！怪不得咁多人食啦！下次試下有個鴨腿，隔離枱呀婆 d牙唔夠力都食，仲推介呢應該好淋好易食，有機會值得再試！

前些日子，放工經過呢間鋪頭，眼球直接比鋪頭綠色懷舊鐵閘吸引門口睇左餐牌一陣，決定入去後發現牆上很多龍珠 figure, 裝修亦很特別，service很快很好，靚女姐姐介紹我食碗粉紅湯粉，完全猜不到湯底居然有點南乳風味，所以湯水粉紅色掛，小食就叫了一碟酸辣鳳瓜，有一點辣，如果覺得不夠辣的話可自己加桌上那4瓶特別做的辣醬，辣得慢但吃得辣的我也覺得那些醬最後也相當挑戰味蕾。再加上一杯凍飲青檸梳打，細心的他們會分開 soda 上，自己去倒，慢慢喝，居然呢間鋪食個飯都有一點忘憂既感覺，下次再試試其他，份量有點多，飽了！

估唔到行街揾到呢間鋪，尖沙咀區價錢叫合理又好食了，試左個安格斯牛肉船麵，好特別既湯底，牛肉又唔 Un又入味，賣相極之吸引，加埋meko椰青水，環境又唔錯，下次再食過！

响外面見到都幾多人， 諗住ok啦。入去巳經聞到一陣酸酸地的味道，似有人嘔完 ，算啦 諗住可能係冬蔭公湯味。最後叫左 一囚古午餐 安格斯牛肉金邊粉+仙草茶+炸雲吞， 78個大洋。 杯嘢飲可以， 唔好飲但冇乜問題。但係個炸雲吞一d都唔脆，硬又‘梅’。到個金邊粉， 一黎到個樣好得嫁，但係一插對筷子落去，我頂， 賴嘢啦⋯⋯個金邊粉硬過舊石， 完全撩唔開，足足撩左5分鐘有多，終於變咗好似一Pat野，嗰碗湯即刻唔見咗一半。到食金邊粉啦， 啲粉有㕷硬而且好碎 仲好鹹添。啲湯一啲都唔熱 啲牛肉浸左5分鐘都仲係粉紅色，終於我食咗兩箸 頂唔順埋單走人。講歊口以後永遠都唔幫襯呢間野

第二次幫襯, 今次都係食安格斯牛肉船麵分量唔算多、60幾蚊碗揀了金邊粉、湯底都算濃有牛肉味,配料有2-3片安格斯牛肉、牛小排、牛肋骨，仲有牛丸都幾多料。好有牛味而金邊粉嘅份量就唔算多啦湯嘅份量都係啱啱好雖然今次未到已經沒有上次那麼好、但係如果唔太好我係尖沙咀佢都係一個好選擇

這店一直是我口袋名單。每天午丶晚飯時間都擠滿客人。趁星期日12點前，避開人潮高峰時間，打卡囉。菜式選擇很少，專注做好船麵就好。久違了的味道，實在太懷念曼谷的日子。豬肉船米粉 鹵鴨腿麵串燒豬肉。炸蝦蛋。一般，醬太甜是的，份量比較少，船麵本來就這樣吧，我自己覺得很ok。熟悉的味道，一定會二訪丶三訪.........畢竟，姐吃的是回憶。

Raw beef saladThe beef is so soft and the tint of spicy sauce on top was just suitable to eat before the noodles.Angus Beef Boat NoodleColor of the booth was dark and spicy. The beef slices, beef balls and and beef chucks is juicy and soft. Suitable for those who love spicy noodles!Fish ball noodleTaste is blend and nothing special

上星期收工無聊地一個人係尖沙咀行街,行到大約九點就開始去搵野食,其實係尖沙咀一個人係好難諗到食咩好,不外乎粉麵檔或餐記。行到寶勒巷諗住食碗雲吞麵,點知就發現呢間”泰麵膳” 去到門口睇下個餐牌,極之適合單頭去食,咁我緊係即時衝入去睇下咩環境啦,。呢間泰式麵既麵食同外面普遍既泰麵好唔同,有好多都未見過有得食。貪新鮮既我緊係要試啲外面無得食既味道啦!粉紅湯粉:可以選金邊粉,河粉,黃麵粉紅湯真係第一次見,湯底帶點微酸,微辣 (問過店員個湯點解會粉紅色,原來湯底係用豬骨加入泰式南乳,係呢到自家既秘方!)味道好特別好有新鮮感,南乳味道唔會太濃,酸味亦唔會太搶,配合得啱啱好。我個粉紅湯選既係金邊粉,個金邊粉同個湯好夾,粉煮得啱啱好唔會太淋,碗麵既配料一啲都唔少,有:魷魚,蝦,魚片,豬紅,魚蛋仲有一隻炸雲吞,雲吞放入湯到浸一浸先食仲好味的,食碗咁有特色既泰麵既係要飲埋個椰子先咁就夠晒泰國feel 啦

午餐食得太豐富，晚餐要食得light 一點，不然就發福，一發不可收拾。這天晚上路過這小店，正正播著很泰國的音樂，賣的不是大路泰國嘢，而是泰式船河，好像幾特別，一於入去試試看。餐牌十分簡單，只有一張紙，麵共有七款，由$48-$66，$288（2人份），另有小食$25-$58，價錢親民。安格斯牛肉船麵$66麵餸有三片大大片安格斯牛肉，兩粒肉丸同一牛腩，材料豐富。牛肉十分軟稔、嫩滑有肉味，完全沒有肥膏或筋部，真是上品;肉丸細細粒，口感彈牙又juicy;牛腩炆得好稔有肉味，完全不用花力氣去咀嚼；而這麵條可以自由選擇，我選了金邊粉。金邊粉十分滑溜，配合濃郁帶少少辣的湯底，真的幾惹味又可口，香料味十足，正！以這價錢在尖沙咀可以食到這高質素的牛肉船麵，真的性價比高。推介！

經過見到有間新開既泰式船麵，整體佈局令我諗起灣仔Samsen，但呢到價錢親民好多。點左船麵加小食飲品，小食有8款，但果日得返泰式鳳爪，但完全唔入味👎輪到最期待既船麵，湯底色澤幾吸引，但牛味無想像中咁濃。雖然牛丸無乜牛味，但生牛肉挺軟滑。另外，佢地既金邊粉好好食，煙韌又彈牙，口感好好😋冬蔭湯粉 並唔係平時我地飲開既橙色冬蔭公，味道酸酸辣辣，係白醋帶出的酸，開頭覺得醋味重左少少，但愈食愈過癮，愈食愈開胃😜而且配上豬肉丸、豬肉碎同豬潤。呢碗粉反而較有驚喜，而且都幾岩夏天食。

終於抽到時間品嚐這久聞大名的小店超級滋味的中秋飯這個不得不給100個讚我是用手拿起來食的，更覺滋味，香茅味很濃郁，適合重口味人士，烤得剛好不乾身食到雞肉的嫩滑必食必食安格斯牛船麵，牛肉本身是生的，是靠那熱湯浸到半熟，啖啖半生熟的牛牛再配上米粉，再飲啖湯享受到不能啊粉紅船麵有齊不同的配料，細細碗麵配料也夠多的，那粉紅湯大概就是它的特色吧本人還是喜好牛牛船麵炸魚皮食得多，炸雞皮還是第一次食，而且份量多的而且大塊，就此愛上雞皮多過魚皮了因為咬口有滿滿雞的油脂，比魚皮更勝一籌啊這個不銹鋼杯只是覺得挺有趣較小見

尖沙咀真係好多好野食起香港都可以食到好味道泰國船麵 煮麵嘅都係泰國嘅姐姐 感覺好地道滿足到無時間去旅行嘅心靈安格斯牛肉船麵 $66湯底有濃郁牛肉味 有牛丸 牛小排 同牛肋骨好豐富呀牛丸好彈牙 牛肉半生熟 非常嫩滑 牛肋條都炆得好腍呀滷鴨船麵 $63勁大隻鴨脾呀 滷水味都好濃 用手食超正呀豬紅都好正啵 仲有幾塊鴨片呢到麵嘅份量唔算唔多 男仔可能唔夠呢到都有小食食架 泰式酸辣鳳爪好好食有午市menu 晏就食會平d喔

早期睇過某本雜誌介紹，話依家餐廳好有泰式街頭風味，所以帶埋家人一齊嚟試吓！其實所有食物都唔差，不過寫到佢好有泰國風味就真係有好大段距離🙄因為太期待所以就有d失望⋯安格斯牛肉係有質素。鴨腿亦醃得好夠味。味道方面不錯，不過好似食緊越南湯粉多啲，原全🙅🏻唔Thai大家如果都係泰國遊嘅常客，見到以下嘅魚蛋粉都知道乜嘢事啦😒放d乾蒜同芫茜算泰式魚蛋粉，唔係呱😆依個乾撈雖然都唔Thai，但係幾抵讚嘅一個！重點係伴麵嘅蛋係流心蛋，好有新鮮感，雖然係錯晒配搭，跟撈麵嘅味道friend到👏🏻👏🏻大家仲可以揀放冬陰公湯或者清湯。奶茶一般🙄我爹娘叫左兩杯青檸菊花茶，佢哋話味道淡到你唔信，建議大家都係唔好試啊😰

對於一個泰國迷，今日特登去試船面，首先點左炸豬皮和炸雞皮，整邪惡，但好食，因為佢一d都唔油，又夠脆，宵夜時段有三款船面可以揀，但我地都冇試，因為第一次都係想試下佢招牌既滷鴨面先，我個人覺得唔算太細電，男仔就未必夠，佢既湯都幾咸，同泰國果D都爭Dd,鴨腿就老左d,有d難咬，咁每人兩碗面加兩個小食$201，未算好特別，但如果下次試會試$12果D,可能價錢平就會感覺抵食D