泰麵膳 (已結業)

近排好似開左幾多專食泰式船河的小麵店，尖沙咀寶勒巷的「泰麵膳」算係比較早開的一家。之前佢做過宵夜$12一碗船麵，大約係一口分量，吸引左大條人龍，當時唔想排隊，所以就冇試。之後冇左呢個優惠，做返正常價錢，人少左好多，就搵個機會食下。佢主打幾款船麵，配一點串燒、炸物等小吃。安格斯牛肉船麵（$68）應該係招牌船麵，就來一碗，麵類可選河粉、麵等，如果唔選，就會畀金邊粉你，咁就一於食返金邊粉啦。先呷一啖湯，好濃郁好味，帶微微的甜和辣，但飲完又唔會覺得口渴。安格斯牛肉浸得半熟，好腍好滑，即使係牛腩都好夠腍。金邊粉好幼身，唔會煮得腍到一pat，仍保留少少爽口，同好吸湯，整體非常不俗。另一碗係家鄉滷鴨髀麵（$63），有一大隻鴨髀、幾片鴨肉同兩舊鴨血。個湯同牛肉船河有點唔同，唔知係咪用左麵的關係，個湯帶點鹼水味，扣左一點分。鴨髀同鴨肉都夠滑，但始終冇牛肉咁出色。叫左一杯青檸梳打水（$25），睇到都透心涼，夠酸，但唔係我喜好，始終鍾意有甜味的青檸汽水多d。

同樣為船麵主打既鋪頭，同之前介紹既Samsen 有咩分別呢？最大分別有兩個，就係價錢同份量。泰麵膳價錢平$60，份量大一倍。夠曬飽。咁味道呢？泰麵膳湯底同樣非常濃，無咁辣口，同樣唔錯。金邊粉夠滑而且滑，掛湯無問題。唯一有樣無咁好就係無左炸豬油渣，就改左落炸蒜。味精較Samsen 小好多，食完都唔會好口喝。無錯食落無Samsen 咁食過翻尋味，但係眾觀味道，價錢，舒適程度，要吾要等位來講，我都係會選擇泰麵膳。

之前食過旺角果間覺得幾好食，又咁岩出開尖沙咀，所以就再試下!尖沙咀舖比旺角細，但冇旺角咁多人!睇完Menu，發現跟旺角果間有少少唔同，麵款係一樣既，但就少左D小食!(小左燒雞同生蝦刺身)最後我地兩個人都叫左兩碗麵兩個小食同兩杯野飲!先黎野飲，我叫左青檸梳打，朋友就叫左洛神花茶!青檸只有一小片，不過味道都夠酸既!洛神花茶就甜左少少!小食黎啦!泰式酸辣無骨鳳爪，都真係幾辣，味道都唔錯!麵都黎啦!我就叫左豬肉船麵(金邊粉)，佢既豬肉丸味道都幾好，湯都好濃，唔錯!但可能叫河粉會更加好食!另外一碗叫左安格斯牛肉船麵(黃麵)，D牛丸味道稍為淡左少少，黃麵個人覺得吸唔到湯既味道，建議都係叫河粉或者金邊粉會好食D!最後黎埋個炸蝦餅，蝦餅炸得唔會太油，再點上佢既醬汁，Yummy!

愛好泰國菜既我，除左一年去幾次泰國之外，係香港間唔中都尋找美味有驚喜既泰國菜，今次同友人去依間專食船麵既餐廳，聽就聽得多，食就真係第一次，原來依間船麵餐廳已開兩家分店，黎左依間尖沙咀店食晚飯安格斯牛肉船麵 今次係我第一次食船麵，湯底非常深色濃郁，面頭有數塊安格斯牛肉，以為湯味道會鹹，點知飲落比想像中無咁鹹，仲帶少許甜味同香料味，係第一次食到既味道，好特別。半生熟牛肉爽口有咬勁，肉味幾濃，麵底用左來自泰國入口金邊粉，質感剔透煙韌，比起平時係香港食到既金邊粉優勝得多，同埋一送到黎一定要趁熱食，如果唔係碗粉會索哂湯，發漲就無咁好食啦泰式酸辣無骨鳳爪夠哂酸同辣，愈食愈辣好過癮，口感適中又唔會過份軟身，咬落好爽脆泰式豬肉生菜包一食就覺得同泰國食到既味道好相似，生菜包住豬肉碎咁一啖咬好正，咬時仲有肉汁湧出，夾雜左香料味道更加開胃炸蝦蛋賣相係普通蝦餅樣，但內藏餐廳自製惹味饀料，蝦球一分為四，炸得非常香脆，咬落口感好彈牙，蝦味亦好香濃，而自家製饀料入面有蒜、豬肉碎、花生等材料，味道濃郁得黎帶甜辣，係邪惡炸物之選，不防一試

Always craving to eat Thai Boat noodles as it’s one of my favorite Thai food. The restaurant was recommended by my friend. The atmosphere of the restaurant decorated like Thailand using wooden tables and chairs.I ordered Canadian AAA beef boat noodles, which served with basil, bean sprouts, veggie. The soup base was super delicious with rich flavored, it tased exactly like the boat noodles which I had in Thailand. The beef was juicy and tender, the bowl of noodle also included a piece of ri

細細個果時去過泰國之後，大個左出黎做野都未去過，從來都冇食過船麵，呢間餐廳正正主打船麵，所以想同朋友黎嚐一下！我同朋友share兩個麵，再叫一個小食安格斯牛肉船麵麵底可以揀黃麵、河粉、金邊粉，我地揀左河粉，呢度啲粉麵全部係泰國黎，夠哂正宗。河粉係粗身既，同香港既的確唔同入口好滑～唔好睇佢湯底咁深色會好咸，唔使驚，呢個就係佢既特色，食落完全唔會太咸，味道岩岩好泰式乾撈（豬頸肉）呢個乾撈，餐廳個餐牌係建議食黃麵，所以我地就揀左黃麵啦！有啲乾蔥，芽菜，加埋啲汁一齊撈埋黎食，真係好惹味！好好味呀！麵質一啲都唔會過淋，好出色！小食我地叫左炸蝦蛋出面係蝦丸，入面包住小小肉碎、花生，食落好香花生既香味，啲汁有啲酸酸甜甜咁，好開胃暫時未plan去泰國住，可以黎呢度食下泰國野，止下心癮先

距離去泰國仲有兩個月就出發未出發先興奮，去食住泰國菜收工見寶勒行依度開左間就黎依度食先，因為好肚餓價錢又唔貴，所以我地叫左好多安格斯牛肉船麵 $68有黃麵、金邊粉、河粉、米粉選擇我揀左黃麵，好濃郁熱辣辣既湯底上面放左半生既安格斯牛肉拌勻後，牛肉熟度岩岩好而且又唔韌，好好味泰式乾撈配黃麵 （豬頸肉）$48連同一碗湯一齊送上鍾意多湯既我成碗倒落去撈麵上既花生粒、蔥花等拌勻食味道有啲似小時候食到既撈麵再配上黃麵，麵好軟身，岩岩好炸蝦蛋(1隻) $38個蝦蛋真係好好味大大粒蝦肉包住啲配料黎到已經切開左四份方便放入口食泰式酸辣無骨鳳爪 $36味道比想像中辣反而咁樣食落仲更加惹味泰式豬肉生菜包 $48豬肉餡料內有薄荷葉所以食落個味道好似係泰國食既咁好有泰國風味最後當然仲有我最鍾意飲既鮮青檸梳打 $25龍眼水 $25

人人都話去到泰國要在街邊食碗麵，品嚐一下那泰式風味。這晚來到泰麵膳，在香港也可以吃到泰式粉麵。先點杯泰式飲品，鮮青檸梳打 $25，冰涼清爽，可自行加糖水，不過我建議不加。朋友則點了支象啤。麵類有幾款，為絕無味精湯底; 麵底可選黃麵、河粉、金邊粉等。家鄉滷鴨脾麵 $63，原隻滷水鴨脾上，好有份量，更有豬紅及鴨件，湯底也是家鄉滷水，味道不太濃; 黃麵有點像腍身的拉麵，但有彈彈牙感的。我喜歡重口味，所以點了冬蔭湯粉$58，蠻多材料的啊！豬肝、半生熟雞蛋、豬肉、豬肉丸等等，湯底也較特別，比較偏酸，辣就是靠豆瓣醬了，混合起來，不像日常的冬蔭公味道。最愛的是小食拼盤 $88，有泰式雞搥、炸蝦餅、燒豬頸肉、串燒，配上幾款醬汁，香口惹味。炸蝦餅香脆彈牙; 雞、豬肉串燒熱熱的又嫩滑;燒豬頸肉夠薄身爽軟。

朋友極力推介我試呢間嘅船麵，有日行開尖沙咀就決定黎試下，本身以為好似普通越南河之類咁，點知食落真係另一番風味，個安格斯牛麵嘅湯底濃到化不開，每一啖都係精華，個牛肉都好嫩滑，成件事襯到絕。另外試左串燒，品質同樣出色，保留到肉汁，燒得外脆內軟，配埋個沙嗲汁直頭無得輸

星期六大約下午一點鐘 , 冇乜人,唔使等 叫咗:一碗鴨胸湯金邊粉 - $50一杯鹹檸七 ( 七喜罐裝上 ) - $25-湯底OK幾好味-鴨胸就非常"鞋"， 我明白鴨胸唔會滑到好似雞髀咁，但係佢呢個鴨胸真係似湯渣, "鞋"到根本唔食得. 睇相你都感受得到。 同正宗泰國嘅差好遠- 金邊粉煙煙韌韌，有D似酸辣粉嗰種質地， 我唔知呢D正唔正宗，但係同泰國或者九龍城食嘅餐好遠- 竟然冇辣椒粉 ( 好sad, 好似去完廁所冇廁紙咁sad )，只有辣椒醬， 其中一隻仲要係桂林辣椒醬...... 呢一刻我有伏嘅感覺- 裝修有泰式風味, 但係食物一啲都唔正宗

話説有日星期六返工食晏可以feer d d...就行去平時好少到ge寶勒巷搵吓嘢食😝見佢鋪仔細唔太多人播緊d泰文歌雖然唔知唱緊咩，但又幾好聽，就走咗入去😂😂😂星期六都要返工🤦🏻‍♀️當然唔好待薄自己啦😌😌😌食番個「安格斯牛肉船麵」（金邊粉）安格斯肥牛好吸引😍😍😍牛肋條入口即溶🤤🤤🤤牛丸又好彈牙☺️☺️☺️最緊要係咩ar 😎😎😎個湯底濃到1個點🤘🏻🤘🏻🤘🏻唔知係我食得太慢定係點...食食吓冇哂湯😂😂😂姐姐好好人咁可以加番湯👅👅👅食完之後湯個味真係好難忘☺️☺️☺️（之後成日諗起就過去食🙈🙈🙈）可加配泰式鳳爪不過我覺得辣咗d，但好入味👍🏻👍🏻👍🏻飲品自己落糖非常之欣賞❤️❤️❤️我當然走甜唔落啦🤣🤣🤣泰國嘅味道🇹🇭🇹🇭🇹🇭泰式奶茶可能唔太係我杯茶🙈我都係鍾意飲港式奶茶多d🤓🤓🤓

又到週未。其實，我認為尖沙咀在香港是比較易行，交通又較方便的一區，加上食店林立，豐儉尤人，值得一行再行。下午茶，簡單地在尖沙咀附近品嚐了一餐船麵。船麵，即泰國在水上市場炮製的麵食 泰麵膳，將這種泰國風味帶入香港，登堂入室。要一嚐麵本身的美味，撈麵是最佳的選擇，泰式鴨胸乾撈，配上店家推薦的黃麵，食前將麵底的汁跟麵撈混，入口甜甜的，配爽口的麵質，不用一分鐘便食完了，只剩干巴巴的鴨胸。同行女伴則要了一碗豬肉船麵，配的也是黃麵，吸湯力強，可以品嚐到八角，香矛，等等味道，豬肉肥美，丸爽口彈牙，配上脆脆的豬油渣，充滿現代的泰式風味。雖然環境較迫，但可以用幾十元就能在尖沙咀一嚐泰國水上市場的風味，確實不貴。泰麵膳 抵玩指數2/3 人平均消費 60元地址: 尖沙咀寶勒巷1號玫瑰大廈地下E&F1號舖電話: 27883060

經常行過寶勒巷見到呢間餐廳勁多人排隊，再望一望，原來係間泰國餐廳，專門買船麵加！間鋪頭名好特別叫做泰麵膳，太面善🤪今日再行過呢間鋪頭見冇乜人排隊，就同朋友入咗去試試先🤗🤗🤗🤗我哋分別嗌左碗安格斯牛肉麵同埋豬肉丸船麵。好濃郁嘅牛肉湯底，就咁睇就知，因為好深色。。。不過食落去就覺得有啲咸，所以即刻帶咗個泰國版青檸梳打飲。同埋啲份量都幾少，食一碗係唔飽既。

「船麵」乃泰國的獨特美食，從雜誌得知，在尖沙咀開設了以泰廚主理的「泰麵膳」，今天就去尋找那泰國風味。細閱餐牌，有好幾款各有特色的船麵，每碗約售五十多元，自選的麵底，有金邊粉、黃麵、米粉和河粉，亦可自行加錢配搭不同飲料和小食。豬肉丸金邊粉配泰式凍奶茶甫上桌，份量小巧精緻，那深色的湯頭，已急不及待的喝一口，湯頭夠熱，味道濃香，豬骨與香料互相配合，每一口都是精華所在。的骰的豬肉丸盡顯泰國的地道風味，有咬口之餘亦帶肉香。當用筷子夾上金邊粉，發覺黐在一團，要用筷子夾開，而且口感偏腍，敗筆之處。另一失望之處，乃是泰式奶茶，入口偏澀，沒有奶味及茶香。在我而言，只喜歡泰國的正宗「船麵」，這家小店，試過便算了！

今晚好有興致去食宵夜，開開心心周圍揀食乜嘢，行到 boat noodle門口睇餐牌，個職員係咁叫我哋試吓，但其實我之前試過唔差，睇過晒周圍無乜嘢啱食，所以都係食返這間。入到去個職員重好鬼好招乎係咁介紹食啲乜，但唔知點解掃興嘅事就開始發生，真係非常掃興！首先開心咁叫咗啤酒，同時落埋單叫魚蛋河及雞豬串燒，簡簡單單的宵夜。點知罐啤酒到咗之後，就一直等待，眼見幾枱新客入嚟坐低重食緊，我眼前只得罐啤酒，都等到唔耐煩就問係咪流咗單，之後証實無落單，職員即刻係咁叫廚房快快整咗碗河粉嚟先，為有繼續等，碗魚蛋河到咗，而可能串燒要慢慢燒，所以會耐些少，明白的。但當等了一段時間，碟串燒送嚟，點知再一次掃興，職員送碟嘢嚟時唔知點樣失手跌咗碟嘢落枱，飛咗3條串燒落地。之後職員即刻收返碟嘢去廚房重叫廚房快啲整過幾條串燒出嚟，點知隔離枱叫全雞肉串燒。可能職員心急想俾咗我先，所以就將隔離枱的俾咗我，我食完一兩條後先發覺點解係全雞肉串燒嘅，而職員又俾咗我的雞豬串燒俾隔枱。。。。真吹脹，之後又收返我嗰碟同隔離枱嗰碟，過一陣又俾返雙併我哋，真係人都癲。。。由開心食宵夜變成掃興宵夜。啲嘢更好食都係假。