洞庭樓 (已結業)

午市同同事去，食唔少，分量夠之外，質素亦算唔錯，尤其係冷盤(例如醉雞)，反而出名風沙雞就差，唔夠味之餘，雞肉重係鞋。服務方面，佢算係美心集團中環中菜食肆之中最好，環境亦舒適，當然價錢唔平，但係我覺得一班人食幾OK。

好久不見的朋友來中環找我吃午飯，要坐得舒服又不嘈吵，又不用一星期前訂座的，只想到洞庭樓．點了兩件豆酥魚，醉雞，素餃及蔥油拌面，都保持一貫水準．惟甜品點了熱豆腐花，味道可以接受，但用普通白飯碗盛載，似乎不是他們一貫風格．於是善意的向侍應反映，問他為何不再用紫砂碗，還開玩笑的說是不是免費甜品，所以不包裝．．．侍應亦禮貌地說他們已不再用紫砂碗，因較難打理．．．．．．不是吹毛求疵或鼓吹包裝至上，只是希望他們對一些細節多加留意，以免影響多年來最佳食府之一的美譽｡

04年中食過晚市,價錢幾貴,不過環境就好舒服.本人一向愛吃棘,所以"左宗棠雞"我覺得勁正,不過老媽子和老爹就食唔得多,但都話"好食".另一款叫甚麼肉(勁似東坡肉,招牌菜,問侍應必推介),一D都唔肥,入口軟綿綿,跟住就即刻溶化,一客四-五件,size 5cm x 5cm x 5cm,細細件,食咗都唔肥得多.聽講"豆酥魚"正,不過本人認為食魚只有海水魚先好食,對淡水魚冇信心,所以冇order.

有客請食飯, 對方提議洞庭樓. 一向對湖南菜好感不大, 上次在廣州食過辣到苦, 全部side哂.今次係lunch time飲茶, 非常旺場. 我提議食富貴火腿, 味道幾好, 好過滬江. 不過美心格局, 我期望不高, 失望亦不會大.

原來同Olivian在同一晚幫襯呢度喎，不過我地夜好多。老友的法藉老公想在除夕夜食番餐好味又特別D的中國菜，由於夜D 會去soho果頭飲野同倒數，除夕夜的交通安排又肯定好麻煩，所以選擇黎呢個地點適中，又叫有少少特別的地方食除夕晚餐。因為夜D至去玩，我地訂左九點的檯，所以睇唔倒佢的中樂live band﹝問過係七至九﹞。三個人叫左兩件豆酥魚、四件富貴火腿﹝最少要叫四件﹞、雲南小瓜蝦球、芝麻香酥雞、筍絲豆苗同埋烙煎餅。前菜有兩碟小食，一個係豆干青瓜麵醬，另一個係醃青紅辣椒。前者唔辣，味道幾好，唔會太鹹，幾開胃的，醃青紅辣椒就略辣，食到法國老公面紅紅。豆酥魚係全場冠軍，方方正正而又雪白嫩滑的魚肉上淋上豆酥醬，雖然豆酥味唔係太濃，但味道真係相當出色同香口，值得一試！富貴火腿其實係金華火腿淋上蜜汁，再用一塊薄薄的麵皮包住，食落都幾得意，但D蜜汁真係好甜，個人而言係唔太合脾胃。雲南小瓜即係翠玉瓜，配上大大隻蝦球，個玻璃獻亦打得唔會太杰，係有水準的一道菜。芝麻香酥雞係將雞肉絞碎，上面加一層好似蝦多士咁樣的魚多士，面層再灑上芝麻黎炸的，味道真係好麻麻，唔講真係唔知有雞肉咯。筍絲豆苗不過不失，唔太食倒冬

除夕夜做孝順女同父母食飯慶祝，本來想去北京樓，不過因為有酒席關係要7:30交枱，想book IFC利苑又滿左，雖然訂到呢間，最後都全院滿座。唔通香港經濟真的好左?點了信用卡優惠四人套餐再加一冷盤。套餐冷盤係長沙組庵豆卷-類似京式素鵝，不同的是淋了d醬係面，味道有少少辣有d花生味，之後媽媽將d醬汁撈麵食，佢話好好食。而另一散叫冷盤係醋柳骨-係一字排骨肉質略鞋，醒在好夠味又入味，d汁夠酸甜好似豬腳薑d醋。湯是岳陽瓷竹節雞盅，我毫不欣賞，真係難以形容，好似煲緊豬肉湯時，有層泡係面咁!原本有一味川湘泡椒豆板蝦仁，因老豆唔係好食得辣但佢又好鍾意食蝦，想改清炒水晶蝦仁，個部長好好人可以幫我改。講番個蝦仁好爽，雖然係清炒都幾有蝦味，好過小南國個碟龍井蝦仁十倍。楚湘家常桂魚-老豆話其實桂魚好平，而本身又冇味，全效煮的配料，而d配料有冬菇肉絲辣椒，其實味道都幾野味。霸王雞-雖然有好多辣椒，不過唔係好辣，d雞球略炸過，唔算好鞋，不過沒有雞味。清炒翡翠苗-我以為係豆苗，原來外形似西洋芽菜，好嫰食落口的d青澀味道。擔仔肉子麵-有d似炸醬麵，麵身一般係上海麵，都係效醬汁吊味，不過我鐘意食。最後甜品係三元妃子茶-

Full marks for Hunan Garden for its delectable and innovative cuisine, agreeable ambience and the most attentive service staff!! The last visit we had in 2001 was memorable. Encouraged by the reecent reviews, I felt we owe it to ourselves a revisit. Revisited we did on 5 Dec.for dinner.The menu was most interesting and among other things we selected from the A la Carte were items such as Butterfly Fish, Ham in Steaned buns, Duck Tongue etc...all perfect or near to it. Admittedly, we were dispp

在中環做左好幾年野，好少會幫襯呢度。因為雖然呢度賣的是比較少見的湖南菜，但屬美心集團名下，印象好多時都打了點折扣。不過今日要招呼外賓，飯前飯後都夾住有會要開，唔使行咁遠又場面唔失禮的，呢度又自然在番選擇之列。午飯時間又真係幾多人，唔係訂左位似乎都幾難搏到walk-in。四人午飯，三鬼一人，點菜的責任唯有由我來做。點心要了素餃、小籠包、富貴金腿及蔥油餅，小菜是蝴蝶鮮魚、豆酥魚及左宗棠雞，再來一個砂窩津白同炒拉麵，甜品種種麵無心水，唯有要豆沙窩餅。四款點心當以富貴金腿最特別，金華火腿加蜜汁放入夾餅裡吃，老實講這裡的金華火腿比不上老上海的，但幾新奇，外賓好有興趣，起碼交到功課；素餃一般，不吃不是損失；小籠包是有湯汁，但皮太薄又易穿，又係四個穿三個，內裡的肉一團的，只屬行貸，水準一般；蔥油餅最不濟，硬硬的，塞了很多在牙縫內，是不知所謂的一味，不吃也罷；三味小菜也算有水準。蝴蝶鮮魚是魚片開邊，炸過再過糖漿，熱辣辣、脆脆的、又甜甜的，是一個不錯的小吃，又好合外賓口味；豆酥魚算是這裡的招牌菜，雪白厚厚的魚塊，舖上炸豆酥，豆酥味道不算濃烈，反而鮮魚確是嫩滑好味道，客人吃得點頭稱好；看左宗棠雞，有幾粒燈

The best choice for the Father's day and Mother's day. Food is good, service is good and the place is good. But the price is quite reasonable. Highly recommended.

中樂Life Band 已經有氣氛，除了其他食家讚不絕口的豆酥魚之外，另有一味"富貴金腿"也相當不錯，有D似香港老飯店的"烤雙方"，值得一試!

初開張時維港有烟花放時睇到o架，但都好耐無去lu，對上去嗰次都成年o刺，大部份食品都OKo架，以前都幾貴，但金融風暴後減哂價啦!以前問過伙計豆酥鮮魚用銀鱈魚做固WOR，無記錯以前好似買百幾蚊o架，依家底食好多，搵日再去!

原先驚好貴,但睇左呢度的評語就知道邊D食物係必定要試一開波有碟辣椒,好惹味,唔好唔食!先叫左灌湯小籠包,牛肉球,春卷,每樣都唔駛$20,抵食又好味豆穌魚$60兩件,賣相麻麻但味道一流(我想問係用咩魚做??)$68的左宗棠雞比較辣,但並非勁辣,加埋除骨的雞塊,味道香辣可口,足夠4人分量酸湯雲吞就恰如其份,酸酸地,幾醒胃之後記住要埋甜品WRAP UP,每位$18,食完辣野要一定要潤一潤最後埋單$355,都算合理唯一不滿係D台太矮,成日彎低身坐得唔舒服周圍唔算迫,環境唔錯OVERALL係一間質素與價錢成正比的酒樓下次會試下叫其他小菜

前兩日有個老友打電話比我,佢買0左某集團月餅,有本小冊子送,裏面有洞庭樓既晚飯套餐優惠,叫我一齊去試0下,洞庭樓有好0野食,我早已試過,但因他的價錢不菲,所以好耐冇去,今次有優惠喎我點會執輸呢..它位於中環交易廣場,地點高尚,店內裝修亦十分典雅,而且還有現場二胡演奏,感覺自己都高人一等,難怪咁多外國人幫襯,首先我們食過頭盤飲過湯(好似食西餐咁......不過我幾鍾意)之後D 菜到我既至愛出場"豆酥魚"我真係好鬼鍾意呢道菜,因廚師巧妙地將香口的豆酥放上鮮嫩既魚上,入口不但有豆酥既香味而且還感受到鮮魚的嫩滑,簡直雙重享受,富貴火腿(中式三文治),把咸香的金華火腿沾上蜜糖夾在層餅裏吃,又是他們另一傑作, 左宗棠雞比較辣非常醒胃,單尾竹筒麵,甜品蜜瓜西米露,我同朋友都很喜歡今晚餐飯,唯獨有小小缺憾.就係當我們問其中一位侍應取胡南辣椒醬時,侍應生話冇但其後看見隔離外國人又有,但已食到七七八八,冇再追問但為何剛才侍應話冇呢?唔通只供應給外國人客或唔供應食套餐既客人呢?係唔係應該一視同仁?

香港好少有湖南菜食,呢度算係唔錯.左宗棠雞好好肉少少辣,夠惹味.唔食得辣可以試東安土雞,一樣OK仲有毛袒雞,味道好特別,值得試下唔食雞,可以食鴨,黑海葫蘆鴨好似八寶鴨,但個汁濃D,記得食鴨內o既栗子,好正下豆酥魚OK 唔太差,但我認為試波打魚仲好,起碼特別得來好食,帶酒苦之餘亦帶起魚o既鮮味,味道複雜但有層次,幾好腐汁虎爪冬筍好惹味亦好爽口,食得過

夜晚有二胡中樂演奏中國民間音樂, 很適合遊客光顧。事實上，你會見到很多鬼佬在飲青島啤, 而且食物也好像特別為他們而設, 例牌菜豆酥魚就很像法國菜, 在鮮嫩的蒸魚肉上舖上一層豆酥, 一件一件的( size 較大, 不切小件的) 跟西餐的主菜差不多。至於富貴火腿( 自已把蜜汁金華火腿夾在蒸包裡), 根本是中式三文治. 所以說, 洞庭樓是很適合外國遊客的地方。<br><br>我個人覺得豆酥魚太「滯」, 乾乾的豆酥貼在多汁鮮嫩的魚肉上, 雖然口感特別,但卻不是配魚的好材料, 可算是浪費了魚肉的鮮美. 一試無妨。