海天花園酒家

營業中

休息中

有時候就唔想係主要食野係想傾下計，茶樓既中菜就最岩海天既餐$1888 For 4位如果想要多粒鮑魚5位就加$168 算唔錯味道黎講叉燒燶邊最正我地加個例牌，滿足大家想食叉燒ma成個餐基本上5個人食唔曬抵食既不過可能大家覺得貴左啲有魚有湯有甜品同壽包無影相甜品就相對好普通喇 每人$400仲飽過自助餐汽水/啤酒任飲加上海天出名景靚 補番啦海天一定係對住海景仲有疫情下要6人1枱都無乜地方揀去酒樓就好似簡單一啲又可以訂定心曬枱 唔洗煩

如果唔介意等到2046嘅可以試下。1至2人飛嘅永遠都勁耐先叫，反而3人或以上嘅遲過你黎就可以入去先。次次黎都會見到前台因為等飛攞位呢個問題俾客鬧就知咩事。一時又話係睇時間入，一時又話係睇有咩枱先決定俾幾多個人嘅飛入，但入到去見到有啲大枱可以坐5個嘅都係俾2人坐。一時一個講法真係龍門任佢搬！唔好以為自己早過人地到就可以早過人地入，只要佢地鐘意，遲過你到嘅入曬去先到你都仲得！雖然呢間嘅食物質素係同價位嘅酒樓黎講算係幾好，但服務真係極之差。未試過等位等到咁火滾，唔介意等半個鐘以上、望住遲過你黎嘅人入曬去嘅可以試下。

平日一點左右，酒家門口已有食客排定隊等吃下午茶（雖然下午茶二點才開始），於是心想要找一天來吃。今天中午大約十二時到達，立即有枱入座。整體來說，環境都算坐得舒服，茶水食物和服務水準一般，未有特別驚喜。茶水壺大而高身，未能保温，水很快凍。原本點了餐牌上有的合桃包，可是下單後侍應回來說沒有，失望。布拉白滑腸粉，不是心目中的軟滑腸粉，而是爽韌那款。加上腸粉不熱，涷了。還要問才有甜醬麻醬拿來，更加大大扣分。鮮蝦菜苗餃、潮洲粉果還夠熱，味道不錯。叉燒包包皮也做得不錯，不會黐口。龍門海鮮炒鴛鴦米，有蝦仁、魷魚、肉絲、韭黃、蛋絲，粉絲和米粉炒得較硬身，整體味道一般。午市茗茶$12一位，再加一埋單$292。

已提早超過一星期打電話預約晚飯，並詢問過有關多人用膳的安排，到當晚居然話無收過預約，結果眾人要在reception等30分鐘才可入座。叫咗黑木耳鮮百合炒勝瓜，咸到high high。跟餐晚市組合B嘅咕嚕肉只係普普通通，而個薑葱桶蠔亦都偏咸。另外，有個阿姐最鐘意sell鳳爪，講咗兩、三次唔要都係會繼續sell你，應該係想你覺得煩就同佢要一碟。如果大家唔怕服務差嘅話，都可以嚟試一試啲嘢有幾咸。以每人消費約$250嚟講，可以有更好選擇。

首先認識.是在三聖的旗艦店，全幢的店，但給人的印象是劏人的海鮮店，本人不懂揀海鮮，所以不敢光顧。至到海天花園酒家在荃灣海之戀開設分店，終於在今天2021.09.04去光顧。事前知道它是早上八點開市，所以我約1100時光顧，希望不會在平常路過見到的人山人海的現象。1100前到達，取了二人座的飛，需要等九張檯，都算OK，不用半小時便可以入座，但規定一個半小時要還檯。叫了五個點心及一個煲仔飯。食物都算OK，只是其中兩樣點心漏單，白滑布拉腸粉及抹茶芋蓉酥餅，追問之下，腸粉補飛，但是酥餅缺貨。煲仔飯是金蝦風乾鹹雞煲仔飯，由於少幫襯不知道“風乾”鹹雞，原來等如“臘雞”，乾曾曾，而且給我一條大雞頸，但飯可以，卻只有好少好少的飯焦。總括來講，有機會都會再光顧。

平時我會拍下環境食物照，但今次冇！因為祗想草草食完結賬走人算！😒公道啲先用1至10平分他的可取性！方便：8分（地點交通方便，榮業時間長）🙄入坐等候：0（安排不知所謂的服務態度）🤬地方環境：4（大堂擺枱密）😑衛生：6（新開業暫時清潔還可接受）🤔味道：5（早茶點心正正常常，不會回味果種）🙂價錢：5（因為早晨點心是孖寶價是可取的）🙄（食物份量足！主因叫的是早茶孖價所以覺抵食） ⚠️但如果正價和晚飯小菜就諗諗！市場上同價大擺海鮮洒家可取過佢…！起碼服務好，食得開心！為何較重手著筆它服務！因為是時下少見一班服務咁差的洒家！有興趣可以看看這個不快故事：因為特發事件搞到，星期日早上8:00左右揾食!去到海之戀海天洒家大門已開，冇人理情況下！入內見經満堂食客！不知是否自己搵位還是要取飛等位！❓❓❓😑那時才見一黑衫女經理施施然出嚟！她説裏面有枱因人手唔夠未開位啫！叫我哋等她*5分鐘*！佢去擺位！，(如果我哋想快正正大門口有張枱！可以立刻有位！)咁當然正常選擇等5分鐘啦！咁等下等下～又過了10幾分鐘！（祇見這位經理同剛上班未瞓醒支客寒暄！討論開杯嘢野飲先啦問題！）😳完全目空啲客等更位！冇理客人由我哋

今朝去海天花園酒家飲早茶，嗌左以下點心：家鄉銀針粉同埋紅米雞包仔。家鄉銀針粉好油。撇除油，係有鑊氣嘅。但真係太多油，成個口都係油。希望會改善。份量都幾多，我同兩個朋友食都夠分。紅米雞包仔有三嚿，我地三個人食啱啱好一人一嚿。個包都幾大個。想試呢個點心好耐，今日終於嗌左。雖然味道同普通雞包仔一樣，但純粹係貪佢個包係用紅米整，好似好健康咁(雖然唔知係咪真係用紅米整)。上枱夠熱，包係軟熟嘅。餡料有菇，都足料，有d薑味。

因為屯馬線全通，市區居民去新界又方便咗，咁即係又可以發掘多D不同餐廳，要努力寫多D食評先得今次來荃灣海天係因為聽講話佢有靚景，食物又有質素，所以趁weekend來走一轉。十點零去到點知好多人企門口，拎張飛要等成十幾張，差不多半個鐘後終於等到，入坐前知客都聲明限時個半鐘。好，入坐先。好好彩，真係安排咗張窗口枱，今日天朗氣清，對面青夜城都好清楚，見到都心礦神怡，胃口大開先睇下張點心紙見到有兩款紅米點心，睇相賣相都幾唔錯見真身，個飽皮淡粉紅幾靚，食落真係有D米香不過皮厚D，個餡秉承個名要健康，即係幾淡味紅米腸食落幾香脆，襯埋個豉油，好好味呢個黑白粉果，其實個賣相真係一般，夾起仲要皮還皮、餡還餡，雖然好味，但冇“色”所以扣分呢個芝麻芋頭糕，即炸上枱時熱辣辣，食落好香芋頭味，但個邊炸得太硬，老人家食要小心咬，仲有要趁熱食，凍咗會滲返啲油出來就成陣油益味總結，weekend想搵個舒服地方同長輩飲餐茶，之後又可以係附近幾個商場shopping下行下，好快就一日

呢次係一次有趣嘅經驗，兩個人去食中餐，叫咗一碟🍅鮮茄腐竹浸菜芯🥬，再嚟半隻🔥荔枝柴煙薰燒鵝🦢，再加一個甜品，無食飯，淨食餸；鮮茄腐竹浸菜芯，幾清新，好似第一次咁食法，菜芯比較硬，相信係全份餸要保持新鮮，所以以短時間烹煮，成功，但亦有少少菜青味🤪；煙薰燒鵝若果處理得唔好就有好大陣燒焦味，佢哋處理得好好，皮脆肉滑，但足份量🤩，結果係發現，燒鵝食剩一半，所以打包返屋企😅，甜品唔錯，但唔好叫啦，中西口味難以共存🤭；幾日後我哋再外賣買走半隻燒鵝，發現外賣有折，但好似折完加包裝之類同堂食差唔多，下次都係堂食算啦🤑#海天花園酒家#荔枝柴煙薰燒鵝

最嬲係D野食拎到埋嚟話隔離既~但最終原來係我地，同我講話搞錯枱號喎，搞到我地等L左半個鐘先食到粒燒賣🤬最後想講~哩間野都算我晌2021年飲過既酒樓中最差👎🏽👎🏽

今日放假，老媽子去左打牌，於是同老公豆兩支公試吓呢間酒樓。由於食左早餐，所以只係叫左三個點心同一個煲仔飯。叉燒腸就一般，叫做足料小籠包我哋最遲先食，居然還熱，D汁很多芝麻芋頭口感不錯，芋頭足料，連我老豆唔係幾好煎炸食物都食左兩件蝦干咸雞煲仔飯都多件雞，不過就覺得D雞過咸，仲咸過食臘鴨總括嚟講，食品份量足料，服務員態度和藹，坐位舒適。不過又好似未至於乜乜十大食府。臨走時碰啱下午茶時間，好多人等緊位，下次試吓下午茶時段，價錢平D可以試多D其他點心。

點心幾好，但態度有問題，兩個鐘頭內幾個位都特登主動地去令我屋企人食得唔舒服,  唔適合做對住人嘅工。有投訴，其實知投訴係無用嘅，唔好去，真的。Dim sum was quite good, but it does not make up for the horrendous service and attitude from staff, even by local standard.  One staff went out of her way to be unpleasant.  We had asked her for hot water a few times early on (family member wasn't feeling too well and wanted hot water), which I believe agitated her, so the attitude from her afterward was pointed, intended and targeted at our table.  Complaining to the manager

跟入五月第一個茶聚，好友慶生在「海天花園酒家」，四位一枱剛好成團。水晶鎮江肴肉，灑下蔥粒很有港式風格，味道尚可，肉質欠幼滑。鮮蝦蒜香長春捲，造型瀟灑，擺設新派，外脆鮮蝦爽。潮州粉果，綿糯粉皮，沙葛清甜爽是我喜歡潮州粉果的原因。忘記拍照的陳皮牛肉球，蠻鮮味的，陳皮味道不明顯，肉質很腍滑。香煎臘味蘿蔔糕，臘味明顯相比其他酒樓多，有蘿蔔粒粒，蘿蔔糕質感較軟。肉絲炒麵，雙面黃的翻版，香脆可口。椰汁桂花糕，有椰香、清甜。鬆化蛋散，名符其實很鬆化，沉澱在碟底的糖漿非常清甜，我很喜歡這份蛋散。

今早星期日早上10:00到了酒樓攞位，完全不用等位立即給我們一張枱，入面的環境都舒適，是一間新式的裝修酒樓，茶具很乾淨和新潮很吸引。叫了點心約10分鐘就已經來齊了，每一碟都很熱辣辣的，流沙包的奶黃做得非常流沙很好味😋，這個真的值得去推介給大家。我們又點了雞包仔，這酒樓的雞包仔是粉紅色的，我和朋友都是第一次見，感覺很新鮮很特別，一般來說他們的點心都很大碟，可以約埋三五知己飲茶的好去處，大家不妨來試一試😊

這間酒樓新開一段日子，長期要排隊，今日試過後覺得好一般，服務差到爆，叫幾次都唔加水扮睇唔到。食物賣相係靚嘅，但以這中高價錢去講，真係唔值。唯一覺得有驚喜嘅係芝麻芋絲脆軟夾，芋頭真的落足料，有點像脆芝麻卷但又不太油膩。海天鮑魚燒賣皇得個睇字，鮑魚會唔會太細隻呢?! 味道好假唔知食緊咩。金邊鮮蝦餃皇條金邊唔知想點？無味的，不如轉做金箔會更有賣點。餐廳座位都算闊落，窗邊個排可以望到靚海景，係唯一可能會再去的原因。