海天花園酒家

營業中

休息中

今日閒日趁機會和蝦子餅去海天飲茶🫖，點咗8個啲優惠點心，平均@$19.80樓下，味道、份量方面都滿意，自己太貪心嘅，食5晒要外賣啦！我同你講今日嘅早茶好滿意！

2020年11月7日海之戀商場最近一兩個月開左呢間酒樓，一直都未抽到時間去試，今日終於可以食到。今日星期六，門口好多人排隊等位，當日等左大約半個鐘，三點二十分入座，不過三點半就截單。呢度環境乾淨企理，不過樓底矮，如果坐窗邊可以望到海景。點心款式選擇多，估唔到星期六都會有下午茶優惠。當日點左十款野食，全部都好味，椒鹽魷魚鬚丶椒鹽一口豆腐粒做得好出色，全部點心都係熱辣辣。蝦餃油左金色作裝飾，服務方面都唔錯，有禮貌。原來屯門三聖邨有間總店。

海之戀新開了一間新酒樓，環境新同靚，杯子也好靚呀。仲要不同顏色不同圖案的。鮑汁鳳爪，幾肥美，有花生係底，淋又入味芋頭盒，煎到金黃色，外面芝麻夾住入面芋頭，幾香呀。流沙奶皇包，好靚呀，入面的奶皇係流沙的，不會好甜。蝦餃有金邊的，蝦好爽又大粒。小籠包，同事話幾好味，我見也是飽滿的。鮑魚燒賣，隻鮑魚都算幾大隻呀。椒鹽豆腐，細細粒乾身。鮑魚雞粒炒飯，有接近十隻鮑魚，不過好細隻，但炒得幾香，有好多雜豆，雞肉。安格斯牛肉炒河，炒得幾靚，牛肉都OK，不過唔夠香。桃膠蛋白杏仁露，桃膠好少，得dd，試唔动乜味，蛋白杏仁露都夠香同滑的。

路經見到一間裝修不俗嘅酒家，於是乎取飛等飲茶，取飛時間是13:14，但好奇怪地見到有一行人龍在酒家等二點鐘開始嘅下午茶，我心想我用正價入座應該唔使等到兩點。之後繼續等，但越等越不妙，因為一路都冇叫人入座。上前問公關, 她叫我等多陣，仲話唔使緊張點心價錢是計入座時間的。去到13:40，她開始抄低我們攞正價飛嘅號碼，滿心歡喜以為可以入去喇！誰不知，她竟然開始派飛比下午茶嗰班食客，感覺她特登唔比位我哋。她派完下午茶飛，就開始叫我哋入座，但當時已經13:50，公關還説是以正價入座，她說如果我當時唔入座，可選擇排隊等下午茶，天呀！什麼態度呀😡😡我覺得此舉對我們用正價飲茶嘅客人十分不公平，於是我叫公關叫經理出嚟，她語帶不屑用咪叫咗幾次”x哥，x哥出嚟，有人等緊你”，但最後都冇人出嚟😡😡😡😡我出呢個post ，希望呢間洒家嘅老闆認真管治下你們前缐嘅員工，在這如此惡劣嘅經濟環境下，依然可以縱容如此卑劣嘅前缐員工，我相信比她們好十倍嘅人才大有人在！食物質素幾好都冇用，因冇機會去試，最後希望老闆們認真處理吓員工嘅服務水平！

這荃灣新店開8点,有早茶,但必須10点前入單和11点半前結帳才可. 這裡的餐具非常美觀精美,點心方面新鮮熱度十足. 炸兩和其他炸品味道十足,香口但略油 . 花膠濃湯餃,足料湯濃,推介. 小籠包和蒸肉片咸魚飯肉質新鮮.順口滑利. 咸甜糕點美道吾錯.煎至香口更是加分之作. 總結所有野美味可口,早市抵吃化算,價錢抵好多...正. 這裡晚市好菜單似幾正,而且客人可以像屯門總店甘外來海鮮加工,只收加工$.下次同家人試下先.

中秋選了這店4人 Hkd 888晚餐，一早定位，所以有窗口六人枱坐，風景好靚～ 去到 6時才比入席，當晚樓面人手不太夠所以有亂，但食物水準不錯，值得再去～ 餐具好精美，個湯足料火喉夠～極力推薦！！！龍蝦伊面味道唔錯可惜蝦手大肉，但身細肉不多～條班好多肉又滑，蒸得剛剛好，必吃！！雞香口美味，皮下冇脂肪！！濃湯菜健康得來又入味，貝炒豆火喉剛好！！甜品太早出比客人，所以凍左，ok而已。這裡原來可以好似屯門總店甘自來海鮮，酒樓收加工$,下次試下先～🤣🤣🤣👍👍👍🤣

疫情關係已經好一段時間冇外出用膳！今日嚟到荃灣西海之戀商場入邊一間新開嘅酒樓飲早茶。入到去幾舒服，裝修都幾modern ，服務唔錯 非常周到。如果可以坐到窗邊位仲可以飽覽海景添！我同老公雖然兩個人去飲茶但係都叫咗唔少點心。本人對於呢一個竹炭流沙包非常喜愛！好好食而且有十分之濃烈嘅蛋黃香 。呢間酒樓嘅所有點心其實都幾好食，唯一美中不足嘅係高分點心上枱時，唔夠熱。不過都只係其中一兩樣有咁嘅情況。如果能夠改善呢個問題嘅話就更好啦！整體嘅用餐體驗都係十分之好嘅👍🏻會再encore!

名字怪怪的「拖地叉燒」是古老的名字，是指肥腩叉燒，以前豬被養至肥肥的，肥到肚皮拖地而得名。炭燒拖地叉燒係海天得奬之作，半肥瘦的梅頭叉燒邊邊還有少少燶邊位，我的至愛 特別香口，不過現代人認為吃了不健康，所以大部份香香濃濃的邊位已被削去。海天的叉燒肉質稔滑有嚼口，肉味加上麥芽糖味，送飯的好拍擋。拍薑生炒芥蘭遠 好香的薑味和酒香味，鮮嫩爽脆，十分好。服務員都非常有禮貌，是開好心的用餐地方。

四人行，荃灣西鐵站附近尋美食，今日沒有特定目標只是四處逛逛。行到海之戀商場見到有家很grand的食肆，中式酒家但有著高級西餐廳的氣派，原來是海天花園酒家的新店。海天花園酒家扎根青山灣三聖村，是海鮮加工的著名店鋪，也曾獲華爾街日報選為亞洲最佳十大食府，名不虛傳。四人進餐，今天選了鮮話阿拉斯加蟹，約4斤重，原味清蒸，部長將蟹顯示給我們看，生猛的阿拉斯加蟹很大隻，所以蒸蟹也需一點時間，很期待。蒸熟後的蟹拿給我們，要待冷卻一氣，部長替我們分解，將可以吃的全部留下，再砌回像完整的一隻。客人進食比較方便，只輕輕一推，整條蟹柳便出來了。蟹肉清甜幼滑，太美味了，蟹身的膏軟滑香濃，不一會整隻蟹便吃完了，很滿足啊！

今日去咗樓下新開嘅海天花園酒家飲早茶。地方都幾大，有卡位也有圓枱。好鍾意佢啲茶具。印上了花花圖案的茶杯感覺很高雅，像去了high tea～🍵☕️🥰鳳爪排骨飯，排骨唔會紅，味道唔會比醃料掩蓋。飯唔會太腍。蝦餃只有兩粒，皮邊上有金箔，成件事好矜貴啊。蝦夠新鮮又大粒。炸兩稍嫌太油但係好脆口。棉花雞雞唔會有冰鮮味。通常棉花雞都會有冬菇，呢度亦唔例外。除咗冬菇仲有淮山同埋蟹柳，好豐富呀！淮山好爽口。清爽鴛鴦馬蹄糕呢款點心幾特別。所謂嘅鴛鴦即係馬蹄加紅豆。唔會好甜，甜度啱啱好👍🏻。馬蹄設成薄片十分爽口，紅豆煮得熟透，口感粉粉地，一爽一粉的口感很特別！