海天花園酒家

營業中

休息中

由於疫情越來越嚴重、好耐已经冇去飲茶🍵今天特登走去海之戀海天酒樓嘆番一盅兩件先、叫咗排骨飯、蝦餃、叉燒包、炸兩當然唔少得嘅燒賣、真係好耐冇嚟過酒樓飲茶、見到枱面啲食物好開心同興奮、當日去到酒樓、冇乜人、目測只有一半嘅茶客、平時呢間酒樓超多人、沒有疫情之前、係排隊排到酒楼商場出面、而家去到已經即時有位、現時酒樓嘅經營環境非常艱難、係咁艱難嘅環境仍然經營真係值得支持、比個like佢哋工作人員👍加油💪💪💪講番海天酒樓嘅食物水準一直能夠保持中上水準、尤其時蝦餃、皮薄弹牙、真係超級好食、叉燒包我真係好耐沒有食、点知食落义燒包有驚喜、包入面流曬义燒汁、yummy yummy🥰海天酒樓仲有好多其它嘅點心、有機會一定會過嚟試🤭

一人一份燒鵝例牌！侍應姐姐收點心紙時都問，係咪真係要2份呀？都上菜時，到侍應叔叔黎懷疑，你哋陣間會帶返去架下嘛？！😂😂蝦餃最正，嗌3籠,咸度適中，皮簿煙韌（上次over steamed)，有舊式酒樓蝦餃嘅香味；小籠包1籠；咸水角3隻，今次堅正，脆得黎又簿皮,又好味🤤；安格斯牛肉腸粉，正，皮簿兼煙韌，可惜用左牛柳有啲格格不入，寧願用牛肉球嗰啲牛肉，更滑！燒鵝果然不負所望，皮脆肉嫩，但提示大家一定配飯/粉麵，就咁空口食少少係ok ge, 但我哋係每人一份例牌，係咸到 hihi嘅。最後，服務有進步，可能唔同人serve,傳菜姐姐同部長叔叔都勁有禮貌。今次真係食得又gur又滿足，有機會成為我哋嘅飯堂！！

成日行過海之戀見呢間酒家好多人等位，大年初二開年終於有機會同屋企人去試吓😍做個孝順女，11:40拎飛等約半個鐘就有位喇！/🌟海天鮑魚燒賣皇每粒燒賣都有原粒軟腍入味的鮑魚仔，燒賣皮薄，餡料鮮香，軟腍彈牙，好味！/🌟金邊鮮蝦餃皇很遺憾，我老公搶埋我粒蝦餃食🥲幸好果日唔係年初三，唔係既話我應該會幫佢開年😒/🌟水晶鮮蝦豆苗餃餃皮薄，晶瑩剔透，內裡是滿滿的豆苗💚好多菜好開心/⭐️鮮肉灌湯小籠包小籠包皮厚薄正常，內裡湯汁滿滿，有鮮豬肉香，唔錯/🌟黑金流沙奶黃包飲茶我最愛吃流沙奶黃包💛熱辣辣且軟熟的麵包，內裡是流心的沙沙奶黃，必吃🙌🏻/⭐️珍珠安蝦咸水角我不吃咸水角😛但家人都說好味的/🌟懷舊原籠馬拉糕馬拉糕鬆軟濕潤，充滿蛋奶香，微甜好味道🥺/🌟酥香芝士拔絲紅薯卷炸粉薄，鬆脆可口且沒有油膩感，淡淡芝士香，與軟糯的紅薯味道相夾又不會互搶，推介大家都要試🤗🌟潤燒石歧乳鴿外皮炸得夠乾身、夠香脆，內裡的乳鴿肉卻仍能保持肉嫩多汁。乳鴿都算大隻，一人半隻夠哂滋味😋/⭐️車打芝士蝦長春卷 漏單都要追番的長春卷，香脆可口，個人希望芝士可以再濃一點，不過怕漏的娘親就覺得岩岩好！/⭐️脆皮燒腩肉燒腩仔皮脆，肥瘦相間，豬肉充滿鹹香

今次，係為左個得奬拖地叉燒而黎,叉燒有燶邊，加左青檸汁好清香，男友就鍾意原汁原味多啲，但個邊有啲乾，試過就ok la；反而燒鵝瀨個燒鵝好有驚喜，醃料好入味，好香鵝味之餘唔係好鞋🤤🤤🤤下次可以唔叫叉燒，改一份下庄仲正；鮑魚燒賣~個鮑魚gimmick黎啫，燒賣唔錯，但加左鮑魚好似畫蛇添足，唔太夾；蝦餃好香麻油味，蝦夠爽，好有傳統酒樓嘅味道，唯獨個皮就較厚同淋，個邊邊有啲金色好靚🥰；紅米腸粉唔夠彩晶軒好食，可以skip;小籠包唔錯，薑味好重，但肉餡太散；芝士紅薯好香口，不過冇乜芝士味；咸水角就堅唔掂嘞，係我人生中食過最厚皮嘅。除咗野食，service係一個敗筆，有催人賣單。overall黎講，海天係可以翻兜嘅，只要無視waitress嘅態度，下次一定要食燒鵝下庄加幾個點心🤤

成日都行海之戀商場，因為佢都好多嘢食，但係今日媽咪話想飲茶，見到呢間酒樓成日都大排長龍，今日可能早啦，冇乜人，我哋入咗去叫咗幾個點心，出奇地唔錯喎，比我想像中好，不過價錢有啲貴

同一商場有多間酒樓,而這間是每天都要排長龍的,有朋友代攞到枱,不妨去一試,其實點心沒有什麼可代表酒樓的特色點心,幸而那些大路的點心,也算不過不失,其中炸物較美味,但價錢就不菲,真不明白何解仍天天有人甘願排隊,莫非名牌效應!

一班親戚趁住限聚令放寬黎個久違既家庭聚餐，十二個人啱啱好可以叫一圍黎食見到好多食評話服務唔好，我個人就冇點留意，因為成班親戚掛住傾計根本冇人留意有冇人serve我地由於新開冇耐，所以餐具同環境係好乾淨舒服，對於一家人慢慢食飯傾計黎講係唔錯既選擇不過食飯最重要都係要睇食物質素，其他野都只不過係綠葉only燒乳豬相當大隻，個皮燒得好脆，整體算係中上水平芝士龍蝦伊面，一見到果下有D比個龍蝦份量嚇親，心諗而家D龍蝦係咪大平賣味道唔錯，唯一係個汁我覺得稀左少少冬菇鮑魚，我已經開始懷疑個物價係咪真係咁低，個份量好似唔洗錢冬菇係好大隻厚身果隻，唔係平價野，鮑魚亦都唔細隻，味道偏清淡，不過太濃味對身體唔好，我個人就覺得幾啱口味燒雞賣相正常，不過入口有驚喜，個皮好脆，而且係熱辣辣，忍唔住食多兩件可惜既係隻雞唔係靚雞，肉質有少少柴，成本問題冇得怪佢，整體算合格魚就正正常常，係個外觀佢真係冇點care，好彩我地都唔係好care肉質幾嫩，時間控制上尚算可以，整體都算合格包都想講下，因為佢竟然每舊入面都有完整一粒咸蛋黃，中意食既朋友會好 happy，不過其實佢個蓮蓉已經夠多，所以我係將粒咸蛋黃拎出黎分開食總括而

講起飲茶最近都好耐冇飲過茶啦 對上一次仲係去海天酒家 不過佢都出左好多新品 令一成不變嘅我地即刻有心試下！今次著重淨係推薦下佢嘅新品 以前食開嘅都同大家介紹過就唔一一講啦😛*中點週末💰30.8*大點週末💰35.8🥐抹茶芋蓉酥餅💰中點出面係好濃烈嘅抹茶綠 仲連埋好香口嘅白芝麻一齊煎！出面口感好脆 皮都好薄 咬開之後係軟淋淋熱辣辣嘅芋泥 雙重口感很不錯！🍠芝士拔絲紅薯卷💰中點呢個好遲先來 扎眼睇會以為係炸鮮奶 但係其實好粗好大一條！咬開會係紮實嘅紅薯泥配上稍鹹嘅芝士 唔係最流心個種 會有小小固體嘅感覺 整體來講味道未算出彩 唔太建議特別嘗試🍞黑金流沙奶皇包💰大點雖然呢個係我飲茶必嗌 但係今次嘅包身特別大！咬落都係即刻爆漿 但係同以前唔同嘅係今次嘅包身比較冇咬麵包嘅口感 而係多左粉狀嘅黑芝麻口感 不過都算一種新奇口感 鍾意黑芝麻嘅要試下喔😙🥞香煎御品蛋黃糕💰中點原本以為係幾高級 原來係普普通通嘅煎蛋糕 口感都算紮實 蛋香味都ok 唔算特別推薦行列入面😛有時去飲茶除左食開個D 我都鍾意試下新野 尤其本人嗜甜 特別鍾意嘗試唔同嘅甜品呢 唔知大家飲茶必嗌係乜嘢呢！📌 海天花園酒家 (荃灣)荃灣大河

今日四個人嚟飲茶！呢間酒樓裝修真係靚！俾佢氹左入嚟！一入到去就知道自己中咗伏了！首先reception個位女人，對客人無乜禮貌，寫張紙仔都多多聲氣，多多事實！如果唔可以寫就唔好放出嚟！另外食物質素唔理想，首先鹹水角皮太厚唔夠脆！隔離嗰個餅，成舊粉咁，以為自己食緊粉，只係賣相可以，唔合格！春卷太長，餡料OK嘅！都仲算脆！不過口感就真係麻麻地！只可以話勉強合格！炸兩，喺好失敗，成件油炸鬼，硬到咬起嚟都有d吃力！包住佢嗰條腸粉，非常普通！點心方面，牛柏葉唔夠味，唔夠濃！而且都唔係好夠林，鳳爪唔係好夠林，醬汁太結呢個流心包真係太甜，醬汁唔夠流心！而且唔係好足料！口感唔太好仲有叫咗牛肉球同鮑魚燒賣！賣相一般！味道一般！整體令人不滿意，食物好多味精、服務態度有待改進！

是日（5/11）（六）和朋友一起去飲茶，因其就是位於屯門三聖邨的名店，所以捧著名氣心態去試一試。二人檯離奇地快，與一般酒樓主打4人不同，因為設有ABCD區，所以部分檯是可以有超過4人都沒問題。人手的確有點不足，所以很多時都要等。而且上來都不是太新鮮，感覺有D係攤凍左。雖然屯門本店主打海鮮，但感覺上以海鮮為題的點心並不特出。座位之間比較狹窄，有疫情下仍沒注意食客間的距離，有點潛在風險。最大問題隔音環境很差，簡直像到了年宵市場或街市一樣。隔離枱又高談闊論，耳仔有點受罪。很難相信一個主打中高尚的商場，會有一間像屋邨質素的酒樓，是並承自己的基層對象路線。總店是有保證，但這分店就較差。食物不詳細介紹，都是普通酒樓款式，沒特別推介蝦餃（$48）,抵唔抵見仁見智。

琴晚4/11一行五人嚟海之戀嘅海天花園酒家食晚飯！真係大開眼界呀😳我哋order 咗個4人$888 餐再加錢砌夠5人份量！咁個部長介紹我哋將燉湯加$300 改花膠雞煲翅喇，咁大家都喜歡所以都同意加錢改咗食翅🤤🤤🤤過咗一陣….個部長又過嚟同我哋講： 個清蒸沙巴海花斑賣晒🤷🏻‍♀️介紹我哋加$150 改東星斑（當時我哋無察覺佢有詭詐的）只是咁啱大家對條魚唔係咁執著，就同部長講：不用了🙅🏼‍♀️可以整個另外一個同等價錢嘅菜畀我哋可以了，個部長講到好似唔可以😒只可要加$150 轉東星斑係唯一出路咁…..？?當我哋仍堅持拒絕唔轉東星班時（氣氛好平靜）⋯⋯個部長黑住塊面不顧而去😒😒後來有另一個部長經過，我哋問條魚最後點解決呀！另一個部長話: Ok 唔轉🤥之後啲菜陸續上枱….同樣地原先話賣晒嘅「清蒸沙巴海花斑」都有份上枱🙄（咁….原先說好的賣晒呢🤬）我哋5個立即互相對望「心知肚明」知道發生咩事😑一句:唔會有下次😡😡😡😡😡#老屈食客👎🏼👎🏼👎🏼👎🏼👎🏼#差👎🏼👎🏼👎🏼👎🏼👎🏼

四個人lunch 唔想用腦，叫左個王牌超值燉湯餐$538 ，茶位每人$12，連埋+1最後埋單$645！▫️時令養生燉靚湯好有誠意咁幫我哋分咗湯，渣都起埋出嚟俾我哋，剩返嘅湯就另外擺，等我哋差唔多飲完就聲煲攞返過嚟！好足料！好飲！▫️XO醬翡翠炒黃金海螺片▫️濃湯真菌燉田園蔬▫️自選點心三款蝦餃勁浮誇，條邊係金色嘅！▫️自選燒味一款▫️自選粉面飯一款

呢間唔洗多講門口帶位個位阿姐態度差到極點，食物質素一般，不會再幫親，唔明點解仲有咁多人幫親，可能個地人喜歡比人黑面嘅感覺就另計喇，食物方面，等候時間過耐，食物永遠拎出來都係冰冰涼涼，唔想洗錢買氣受嘅可以一試無妨，我同成班朋友就NO喇，唔會有第二次

海天花園酒店終於係荃灣有分店啦！之前一路都好想試呢間野，但每次經過見到都好多人排隊，所以一路都未有機會試。今日難得平日放假，經過見到冇咩人排隊，一於同屋企人試試佢店舖內環境舒適乾淨，雖然嘢食價錢相對其他酒樓貴，但野食質素好吾錯。最中意係黑松露海王炒飯，飯粒分明有咬口，仲要夠晒鑊氣，又夠晒足料，有帶子同蝦仁，飯粒都有黑松露味👍🏻仲有個抹茶芋蓉酥餅我都好中意，吾會太甜，口感夠煙靭，有埋芝麻，夠埋香口。

整親隻腳咩都唔食得，剛好在荃灣睇完跌打師傅又唔知可以食咩想起海之戀好似好多野食揸車過去睇下係停車場出黎，見到好多人又腳痛唔想行咁多路見有餐廳就衝入去食啦🤣不過職員好好👍🏻好熱心咁叫我小心啲呀！又不停關心～我唔知可以食咩，佢地都會不停推介非常nice👍🏻而且呢間啲野食唔差仲幾好食Tim!我地叫左龍躉（兩食）上湯豆苗雞湯最後個甜品好正！佢地同我講對我有益！啱我食！真係好好👍🏻服務態度非常好👍🏻！