海天花園酒家

營業中

休息中

基於某個原因到左此店舖晚餐，俾我想像之中好，環境乾淨，伙計都幾好。坐近窗囗可以望出去既影色都不錯！食物都大致上幾好，叫左一個三小食，青瓜好脆口，腌制得好好味！海哲皮，肴肉，鴨舌都好好味！燒鹅做緊半價，但都一樣皮脆肉質正！海品雜菜煲及海鮮鴛鴦炒米比較咸左少少，香蘇炒骨一般不過不失。

勁難食，唔好嚟，亞洲最佳十大食府，一定俾錢人寫。出菜超慢，成個鐘都係出左兩三樣餸，仲要啲嘢食完全唔好食，啲員工服務態度勁差！幾千蚊食餐飯，真係一肚氣，好嬲呀。伏了

第一次試呢間酒樓，行完donki經過，未夠10點攞飛，已經要排5張枱，可能4人限聚關係，感覺非常寬敞，完全冇壓迫感，坐倚亦非常舒服，地毯枱墊餐具都十分乾淨，用餐環境一流 。。。相對用餐環境，食物就有d比下去了，有出色的點心，但普普通通居多，以價錢而言，荃灣區早茶，呢度算系中上價位了，感覺2/3是環境服務，1/3是食物味道品質 。。。酒樓服務也出色，雖不至於面帶笑容，但話氣系讓人舒服嘅，加水收碟都算積極，當然人手不足就冇計 。。。

原本打算去樓上間酒樓經過呢間見今日唔使點等位（平時好多人等）門口又寫住十大餐廳之類應該好OK啦一打開menu係有啲驚喜嘅啲相影得幾靚同埋都算好多選擇呢個芝麻芋頭唔個咩確實幾特別外面嘅芝麻皮好似煎堆咁 仲要脆嘅個心係芋頭蓉 食落有啲似芋頭糕不過真係好漏手刴牛肉唔錯 係比平時嘅有彈性唔似平時啲假牛肉咁點心紙煮淮山雞扎以為係傳統用淮山包嘅雞扎原來只係裡面有一片淮山有少少失望醬蒸鳳爪正常質素啦蝦餃就真係失望皮厚 仲要啲蝦肉食落唔新鮮蛋煎糯米雞都好失望舊糯米雞根本冇煎過只係鋪左片煎左嘅蛋上去應該改名叫煎蛋糯米雞炸雲吞 正常啦 夠晒脆可能成日見好多人等又話十大餐廳之類真係覺得非常一般

平時依間酒樓都係心目中荃灣三大😊雖然價錢比其他酒樓貴但味道唔錯 食落唔會成日油👍🏻而今日再次光顧 就有唔同感覺😿其實其他菜式都唔錯🤗例如黑金流沙奶黃包 脆香糯米釀雞翼都幾出色而金邊蝦餃皇又唔肥有外貌有內涵👏🏻不過今日想讚之餘想講下有咩唔掂🤐鮮沙薑香茜豬手🐽豬手好多毛 仲要唔只一隻有🤯貴妃雞飯🐣d雞真係唔係好得 又梅又唔新鮮最後都係換左一碟鮑魚燒賣依個真係期待 但一上枱就有頭髮已經唔想食😓滿心期待同屋企人既家庭日就以唔愉快既早茶完結左因為同屋企人食既關係所以圖都無影一張只能送上一張點餐紙😥

weekend訓到遲遲地 最好就係食返個brunch😍除左all day breakfast 飲茶都係唔錯又懷舊個嘅選擇 所以我做左個特輯 先由海天花園酒家開始🤙🏻小點💰25.8（週末）中點💰30.8（週末）大點💰35.8（週末）特點💰43.8（週末）精點💰48.8（週末）🍮乾清養顏棗皇糕 💰中點🍮清爽鴛鴦馬蹄糕 💰中點🥮芝麻芋絲脆軟夾 💰中點棗皇糕黏黏糯糯 咬落去好有口感😍好適合牙口唔好嘅老人家 而甜度亦都唔會太過 個人超鐘意呢間嘅棗皇糕！馬蹄糕冇諗到係綠豆+馬蹄！馬蹄糕個層仲有一片硬啫喱膠質地 超級有咬口！清爽十分推薦芝麻芋絲軟脆夾本身諗住佢係芋泥甜甜地 但係原來入面係鹹的！😱但係黏黏糯糯嘅口感都係我摯愛 可以一試！🥟陳皮牛肉腸粉 💰大點🥟鮮蝦菜苗餃 💰大點🍞黑金流沙奶黃包 💰大點🍰懷舊原籠馬拉糕 💰大點🥓姜蔥牛柏葉 💰大點🥟蜜汁叉燒腸粉 💰特點腸粉來講呢到嘅都厚厚地 唔會好易斷！但係個人就覺得油太多 食落口比較滑😥奶黃包周圍都有但係我都係好鍾意🤣次次一來都要嗌 第一次食個陣比流沙辣親條利🤣不過都係好鍾意菜苗餃不過不失 食得多蝦餃可以轉下口味！至於牛柏葉就好入味！唔鍾意咁多點心嘅可

新荃灣的中心地帶，找個靚地方中午飲茶，「海天」咁有名氣當然要試下啦！打電話book位已經full咗，唯有12:15p.m.去等位，大約等咗20分鐘可以入去，見到門口女侍應生就非常忙碌，又要叫號碼，又要帶客，又要check體溫，又要「安心出行」，再加上有啲窮兇極惡的上年紀人客，扮唔見咗張等位飛，根本就係想「打尖」，「變革香港」的後遺症。蝦餃有金邊，幾特別，水準中等。燒賣上有粒Mini鮑魚，水準也是中等。流汁叉燒包，不要有期望，就不會有失望。芝士蝦球伊麵，蝦球新鮮大大粒，芝士汁和伊麵都有水準👍。兩個人的午餐不算貴🆗️

閒日去食下午茶 14:15pm等到 15:10 pm先有得入。叫咗兩個孖寶之後 15:31 pm 加單 侍應立即回應已截單 唔可以加單！ 但入座之後無任何人提及幾點截單！而家先嚟話15:30 pm 截單 ! 15:31pm 都唔可以加單！ 排咗一個鐘只係食到四籠點心！ 四籠點心叉燒包算係最好食！ 其他都係一般！ 比起其他同級別酒樓唔見得有咩地方可以得獎。 餐廳截單試唔到其他嘢 ！ 食物普通！ 服務很差！ 可一不可再的餐廳！ 真心唔明白點解無人問客要截單有無其他食物要加！ 可能係呢間酒樓特色啦！

今次試下海之戀既另一個間酒樓門口有個大牌寫住拎過既大獎 感覺質素應該有返咁上下酒樓設計比較西式 用食tea既餐具 係香港茶樓都比較少見不過茶壺有茶積 扣左d分餐牌方面 各類型既野都有 好快 點心到左 👇🏼陳皮牛肉腸 個皮真係好薄 見到滿滿既肉餡 牛肉腸黎講真係唔錯 不過就唔係好見陳皮味👇🏼鮮蝦蒜香長春卷 外皮幾靚條冇咩蕉黑 同埋裡面幾足料 差唔多每啖都食到蝦 推薦👇🏼淮山四寶滑雞扎 用淮山取代芋頭 比平時味通較為清淡 👇🏼海天鮑魚燒賣皇 王牌產品梗係要試下 鮑魚就冇乜特別㗎啦 細鮑魚幾爽口 咬落d燒賣肉仲有啲汁 好食👉🏼仲叫左個小籠包 張相影漏咗 小籠包幾多汁 皮薄餡多 仲有塊青瓜喺下面墊住 拎起嗰陣冇咁容易痴底 幾貼心埋單$250 同上面個間價錢差唔多 不過鐘意呢間多d😌

此日我兩人特等去等位試這酒家，誰知疫情期間，兩人限聚令下，此酒家竟然是4人優先入得，原因是走法律隙在檯中加塊透明膠板仔就照做4人檯，兩人竟然要等加唔到膠板嘅檯先有得入。坐低見近窗有風景可望，原本有個睇風景的位幾好，可惜收檯下難車周圍推，收檯聲浪太太嘈吵，縱有好景觀，亦被完全破壞。這日點咗五樣點心：芝麻芋絲脆軟夾皮不脆兼硬，好油，上檯已不熱，口感差。紅米銀羅腸腸皮可以，但米綱炸得過燶變硬，味道不差。糯米釀雞翼扮明太子雞翼，但糯米太爛，調味太辣，糯米口感太糊。白玉綿花雞可以味道略淡，但還算正常。炸雲吞唯一不差的食品，皮脆不會割嘴，上檯夠熱，但都好油。一定要提的是侍應完全不熟悉自家店一的運作，有些點心是十一點後才供應也不清楚，還要問客人點了什麼，好搞笑。

見海之戀商場開左間新酒樓就黎試試，估唔到好有驚喜。今次選擇了假日中午一點黎，要等幾張枱，但都好快有位。我哋被安排坐係窗邊既卡位，非常闊落，窗外正正對住海景，加上餐具都好靚，都有種高貴的感覺，第一感覺是非常滿意。手拍青瓜拌海蜇（$48）青瓜好爽甜，海蜇都非常爽脆，絕對唔會淋曬。加上微微的辣味，唔會搶左食物的味道外，還增加整碟小食的層次，好惹味。 金邊蝦餃皇（特點）蝦餃好飽滿，入面既蝦都好爽口彈牙，真材實料。蝦餃皮都好爽，唔會一patpat。再加上幼幼的金邊作點綴，岩曬打卡。豉汁排骨腸粉（特點）見到個名好特別就試點下，原來係蒸排骨下面舖左齋腸粉，就咁睇雖然好似有點hea，但完全估唔到腸粉做得非常滑溜，吸左d排骨汁，排骨亦都蒸到岩岩好，好夾好好味。黑金流沙奶皇包（大點）奶皇包就正常發揮，唔算極流心，同出面一般的黑流沙包差不多。 🔸🔸🔸🔸🌟價錢 - 7/10 🌟回頭指數 - 10/10

最近經過海之戀，見到一間新開嘅酒樓，裝修好靚環境舒適，當我以為係一間好貴嘅酒樓嘅時候，俾我發現原來佢哋嘅下午茶好抵食！.指定點心唔使$38.8任選兩款，小食$80任選兩款，燒鵝瀨都只係$32.8，真係好抵！.我最鍾意食呢度嘅胡椒鹹菜豬肚鴨紅，鹹菜味道啱啱好唔會太鹹，豬肚爽口，鴨紅滑嘟嘟，胡椒味好夠，值得encore！.另外我仲好鍾意食呢度嘅椒鹽魷魚鬚，炸到好香脆，魷魚鬚唔會好硬，好易咬，自己食晒成碟都得😋.點心方面，我最鍾意鮮蝦豆苗水晶餃，好味到食咗兩籠😂

平安夜食大餐唔食西餐改食中式兼改埋中午，今年真是過了一個與別不同的聖誕前夕。 酒家門面燈光較暗，反而令魚缸特別搶眼，一進去看到大大的窗又有向海的景觀，地方寬敞，舒服，舒服！ 枱與枱之間有足夠距離，食得安心！ 你點我點，點心擺滿的一枱，非常高興！ 飲茶食包是我必然選擇，叉燒包($22.8)肉唔肥兼肉汁多，包夠鬆，不錯不錯呀！另外，我覺得好味的就是窩燒鮑魚雞粒炒飯(小份$88)，金邊蝦餃皇($39.8)及鮑魚燒賣($43.8)，淨睇賣相都非常吸引，食落滋味無窮，其餘的點心都有水準，整體非常滿意喔！ 慶祝節日來臨，今餐食得豐富些就當獎勵自已吧！

呢間酒樓位置同景唔錯。可能生意好，平日去一到就有吉枱，都同客講得個半鐘時間。入到去，兩個人自然面對面坐，又話防疫限制要並排坐。我同伙計講老人家唔好坐風口底下，可否換前少少張枱，佢叫我行返出去門口同知客講，佢唔知枱安排（明明個個都戴住耳機懶pro咁）。我行到近門口，個知客入嚟話張枱係孖枱唔肯俾我。俾個入入面張枱，是但啦。到點餐後，去廁所返嚟，屋企人話取消咗一項，但係嗰點心打孖叫，你 cancel 咗一個，另一半點？！最後講下嘢食啦，品質價錢應該定位係中上檔。但由行入嚟開始個顧客體驗完全唔ok，我都唔講其他枱根本無理個排排坐規定。荃灣咁多選擇，唔會再揀佢。

2020年11月25日當日早上10點半攞飛，等左十五分左右就可以入座，不過今次坐喺門口位，對住個魚缸，自成一角。不過冷氣好勁，怕凍的人就要留意，記得帶外套。見到有張點心紙有優惠，發現都幾抵食，又多選擇。超值孖寶優惠$36.8 (自選2款點心)，早茶時段係早上八點至十一點半。當日叫左八款點心，有蔥花炸兩腸粉丶極品花膠灌湯餃丶鮮蝦腐皮卷丶濃雞湯鮮竹卷丶金邊蝦餃(2粒)丶燒賣丶香煎臘味蘿蔔糕，但係原來比溜左牛肉球😱，當時完全唔記得左。全部點心都熱辣辣，好好味。蘿蔔糕好大件丶灌湯餃普通。店員全部都好有禮貌。食左咁多嘢都係$201 埋單，真係好抵食😄。