深夜食堂 (已結業)

前身係深宵食堂的您，今次再到訪，食物質素保持質素一個人前來單點了三個小食，配$98 任飲清酒，真係好抵飲。芥辣八爪魚必吃，這個份量是任何日本餐的一倍，抵吃新鮮有辣味，五十多完，份量兩人食最好。燒雞翼乾身有咸香，燒得金黃不會燶，份量超值。大愛雞皮係我至愛，炸得乾身有雞香。小有咁好質素。小吃三樣配清酒，大熱天士等朋友，坐低食個小食，連任飲清酒+ $98 快有係二百多。舒適又抵食。last order 係十一點幾。夜闌人靜的晚上，把酒高歌一下

Weekday 相約友人放工後飯聚，挑了方便的尖沙咀。平日晚上八時後，餐廳滿了2/3左右， 不會太迫。2個女生點了幾個小食、即燒串燒。這裏份量很久 ，已經非常滿足。山葵八爪魚$48山葵八爪魚夠辣及刺激，也算大份。牛舌串燒$38牛舌乾身而肥美又大塊。自己1人1串才夠呢!雞翼串燒$25加上了醃粉才燒雞翼，咸度剛好，外皮亦脆炸了些。蟹子玉子燒$78非常推介此蟹子玉子燒。除了頂部有蕃茄汁加蟹子，內部再有爆多芝士蟹子流出。再加香甜蛋捲，有驚喜!鰻魚飯$88最後加個鰻魚飯才結。柔軟日本米加上大塊充滿甜燒醬的鰻魚，配合得不錯。整體也過了滿足的一晚，價錢合理。

夜晚唔太餓所以搵左間日式居酒屋食吓野吹吓水🤣點解個名咁日劇既🤣就佢啦～深夜食堂～原來點既野仲可以自我分類🤣蛋類🤔第一個來的是 鵪鶉蛋🤣因爲唔記得左點左佢！我以為係魚旦🤣🤣一啖一粒！感覺很好🤔野菌玉子燒🤔Juicy!!!!! 好正！好有蛋味❤️菜類🤔秋葵！！健康之選！！中間的滑滑的gel狀完全沒有因為烤完而乾左🤣日式野緊係要食枝豆！！好好味 咸度適中！！肉類🤔燒鰻魚❤️❤️喜愛那滿滿油份的感覺❤️❤️一咬 好滿足❤️❤️露筍豚肉串好味🤔露筍的清甜飽肚類🤔大板燒！！好足料！！估唔到唔想食咁多野而去居酒屋竟然都不知不覺間吃了這麼多🤣

今天晚上约左班舊同事👨‍👧.係尖沙咀，一齊去happy hour 傾下計吹下水🤣🤣🤣，飲下嘢🍻，開心到吖😜反左艇添⛵，飲完嘢，我哋肚餓去食宵夜🍖🍗🍤先，行去厚福揾間餐廳醫下嗰肚仔先😋😋，見到樓下水牌，深夜食堂，想起日劇電影，上去試下叫左碟串燒雞皮，咬落去鬆脆，多汁，好好味吖，改變我之前感覺，正呀👍🏻，特別介紹蟹子玉子燒好特別，玉子中間有芝士，切開後，流晒芝士汁出來，芝士香噴噴，所有食物中等價錢，職員親切，下次我飲完野想食宵夜填飽下嗰肚，一定再過來幫襯

係尖沙咀夜媽媽想食宵夜其實選擇都唔少！今次就揀左係厚福街既 "深夜食堂"呢度係上想鋪，有室內及室外坐位，方便鐘意吹風既客人！而且佢2am 先 close, 適合一眾夜鬼~~先點左杯菠蘿沙冰解解渴！菠蘿味酸酸甜甜，沙冰夠冰凍，十分消暑！鹽燒車厘茄一碟有兩串，燒完出黎淋淋地又帶酸酸地，好開胃。呢個鹽燒牛舌都算厚身，不會過韌，咬落充滿肉汁，不錯！荔枝煙肉串，一串三件，用煙肉包著荔枝肉一齊燒！燒到脆身既煙肉加埋又甜又多汁既荔枝十分夾，一鹹一甜味道很不錯~~鹽燒多春魚一碟有6條！燒到外皮脆卜卜，當然主要係入面d春啦！每次心點之選~~最後就點了鹽燒雞皮！香脆既雞皮真係佐酒一流，唔會很油膩！

有位日本朋友來到香港旅遊,好開心, 佢仲記得我, 我都花少少心思，選左間與日本一套劇集同名既食店同佢食飯"深夜食堂"食完真係把幾火諗住尖沙咀區諗住價錢收費屬中上諗住叫d普通難度唔高既食物就唔會衰得去邊我實在太天真la..服務差， 待應唔知做緊咩，十問九唔應， 係咪聾嫁經常唔見人嫁想問下佢放低果碟係咩野姐，頭都不回閃左去叫左個魚飯倒d油再加d鼔油落個飯度仲以為自己食緊豬油撈飯，頂。。叫左杯益力多乳酸沙冰嗱嗱嗱..E杯野個樣係正常內裏有著十萬個伏如同將益力多稀釋10倍我真係未飲過咁難飲既沙冰仲要收我$38, 3蚊我都覺得比多佢但一山還左一山高經典之作---桃沙冰 $38倒左佢把la...川式茄子---伏伏伏 $68個調味...哇..食個普通燒茄子好過LA叫左一兩串串燒佢地既串燒火候係完全唔掂D肉仲要UN到咬唔開大板燒 $108算係食得落口既食物但都唔可以叫好食下次食野, 我唔會一次過叫晒D食物,我從來冇去過一間餐廳一丁點可取之處都冇

平時男朋友放得好夜, 好多時D餐廳都已經收哂!!!好彩呢間"深夜食堂"係收凌晨2點, 咁就可以拍下拖食下宵夜啦~~呢間深夜食堂真係岩哂想食宵夜既年輕男女；想食下野飲下野傾下計就最適合不過!!而且呢度可以 HK$98 任飲餐清酒添~~岩哂喜歡飲酒既人士啦!!!先點我最喜歡既枝豆~~鹽味既枝豆鹹鹹地, 一邊傾計一邊食好快就食哂一碗架啦!!由於晚飯都未食既關係, 就點左個蒲燒鰻魚飯~~都有兩片鰻魚, 但係鰻魚汁唔夠多, 味道都算 OK, 不過不失"*估唔到呢度有秘汁鵪春蛋食~~一串有4粒, 配上秘製既燒汁, 食落冇落滯!!係翠肉瓜上面鋪上芝士面再燒熔, 就成為呢個火灸芝士翠肉瓜~翠肉瓜爽脆, 加埋半熔既芝士食落又幾夾, 仲唔漏既添"*最後梗係要食鹽燒雞翼~~燒雞翼係絕對不能少, 燒得脆卜卜既雞翼皮, 入面滑嫩既雞肉;真係食極唔厭, 夠哂香口!!!呢度適合幾個人黎坐下傾計, 食物質素都OK;最重要係收得夜, 岩哂夜鬼黎醫肚~

又到尖沙咀上課，上課後餓瘋了，和朋友走上附近的深夜食堂醫肚。凍豆腐 $38其實明知這個菜式自己也可以弄，但那刻就是想吃，所以還是點了。這裡的凍豆腐，芝麻醬味道好，豆腐香軟嫩滑，過關。芝士蝦球（6粒）$38炸到金黃色，碟上沒有多餘油份，未吃已經加分。外層炸得夠香脆，蝦膠層不太厚，但仍能吃得出彈牙口感，内裡滿滿軟綿芝士，一啖咬開更可以拉出芝士絲，整體味道口感都很好。軟殼蟹沙律 $68軟殼蟹頗大件，但不夠酥脆，感覺有點油膩。沙律部分，蔬菜算新鮮爽脆，沙律醬份量恰到好處，加上脆卜卜有咬感的蟹籽，口感尚算不錯。汁燒金菇肥牛卷（3件）$38金菇很多，但捲得夠紮實，不會一咬便完全散開。肥牛燒得剛好，軟稔不會太乾，亦不會太過油膩。配上鹹淡適中的燒汁，入口微甜又juicy。燒雞骨腸（3串）$42雞骨腸燒得香，外表薄脆，内裡保留著肉汁，味道不會太鹹。燒雞軟骨 $32燒得香脆，入口爽脆，沒過多油份，好吃。吉列大蝦（3隻）$38炸得夠黃金香脆，只是粉漿略嫌厚了少許，蝦沒有過熟，保持爽口彈牙。芝士薯角 $38不解為何芝士薯角要加醬油，感覺格格不入，明明外脆內軟的薯角其實有芝士醬已經很足夠，加了醬油汁味道反而太濃

有朋友介紹一個係尖沙咀既日式餐廳，開到好夜，於是就十二點去吃宵夜呢間餐廳叫深夜食堂，日本有套漫話好似叫深夜食堂提供既食物都係比較日式，雖然我未去過日本，但餐廳既風格都幾有日本味，有燒物，烏冬之類，幾岩我口味先來一客叉燒烏冬，份量充足，叉燒都很入味接下來是炸雞，提供的醬汁幾特別，挺惹味的當然要吃返一些蔬果，有助消化呢度的蔬果也燒很頗香，種類也算不少而呢個羊肉是我最喜歡的，因為該醬料也有甜有咸的，十分新奇當然也叫一杯日式飲品餐廳的環境挺舒服，而且也有酒賣，十分適合與朋友相敘談天，價格合理，不錯！

深宵食堂🍛 同一班好朋友👭👫飲完野🍺🍻，見肚餓去左一間可以食小食既地方食野🍲🍢🥘🍖🍗，點了好幾款小吃，點了一個板燒軟骨餃子，超級勁正🤤外脆內脆，外脆就不用講，內脆一定要講，因為內面有雞軟骨，咬落去勁香口有脆口，有一樣一定必須要講，就係比我地點既餃子汁。佢唔係一般餃汁咁簡單，帶一點辣👅，同辣香油，加埋餃子汁，超野味，一定要試落口，先知道佢地有幾好味，個餃子已經好味加埋個汁。唔講咁多👍🏻👍🏻。我下次一定在來食呢個。 

放工同個朋友去左尖沙咀行街, 行到咁上就諗住食啲野輕鬆下, 之後就去左厚富街搵食, 見到有招排深夜食堂就覺得好吸引咁沖左上去。入到店爆爆地, 幾驚冇位坐, 幸好職員哥哥好細心叫我地等陣話有人賣緊單, 唔洗兩分鐘就執好張枱比我地。舖頭地方唔算大, 但盛在環境乾淨, 裝飾都好特別好有日本料理感覺, 岩曬放工過黎鬆鬆。坐底個刻真係超口渴, 即刻叫左兩杯野飲, 我叫左杯荔枝特飲, 朋友叫益力多沙冰。杯荔枝特飲好甜同清新, 岩曬行完街好攰既我, 而朋友杯益力多乳酸沙冰都好好飲, 係夏天解渴既妙品。之後叫左魷魚, 味道鮮甜既魷魚帶上山葵既清新感覺, 十分醒胃, 加上咬感十足, 係非常好既前菜。由於本人喜歡魷魚, 所以再來炸鮮魷,, 味道正常, 口感脆卜卜, 值得一提係蛋黃醬, 真係好好味, 同炸鮮魷啲味好合拍, 結果啲醬係比我食曬咁濟 。鐘意食芝士又鐘意健康一定要食呢個芝士翠肉瓜, 我朋友對呢個菜讚不絕口, 芝士既分量多到呢, 真係好滿足。最後同朋友叫左碗大大碗既牛肉黑松露鵝肝飯做主菜, 呢個飯真係不得了, 三種味道濃郁既食材係口裡面爆出黎感覺真係無比既豐富, 呢個真心係必食, 出面啲舖係食唔到呢

上個星期又去咗尖沙咀食消夜，地點係厚福街，至於今晚食乜朋友冇講要到咗先知食乜，去到已見朋友坐咗係度等我，再看看餐牌原來係食地道日式小食。朋友已幫點咗杯飲品解渴先，抺茶紅豆冰先來係小食，香燒雞骨腸肉質爽口鮮甜，配上芥末醬特別開胃到另一款係煙肉荔枝串，煙肉包住荔枝肉，香甜茘枝肉加煙肉肥美，食入口由幾清新完全唔覺得油膩，完全可以中和番朋友再點咗碗香草黑豚肉飯，飯面鋪上滿滿黑豚肉，黑豚肉肉質鮮嫩香濃，配上白飯一齊食更好味之後係一口雞，面層炸至金黃色，外層香脆內裏雞肉肉質嫩滑,點埋醬汁更嘢味另一款係山葵八爪魚，將八爪魚切成粒粒，再灑滿芝麻係八爪魚粒面上，先挾一粒入口，八爪魚粒好彈口加上山葵辣味，食落由幾刺激，簡直停唔到口最後係花蜜燒菠蘿，乾身入口香甜，裏面熱辣辣味道甘香，簡直完美配搭話咁快又食完一餐地道日式小食宵夜

真係想唔認老都唔得，年紀大真係唔好睇九點半，隨便食咗啲嘢就去睇戲，睇完戲成十一點幾但係個人好似好空虛咁，跟住幾個人又唔捨得返屋企，終於都係要食埋消夜先肯走男人睇日劇睇得多，所以佢提議去深夜食堂係 opening hour 真係開得夠晒夜裝修格局行日本居酒屋風，感覺唔錯。食嘢之前飲杯嘢先菠蘿沙冰 $38，夏天熱辣辣真係忍唔住要飲啲涼透心嘅嘢，中醫師說咁樣真係會濕重架！今次真係罪過罪過通常食消夜我都鍾意食啲貴夾唔飽嘅因為貴精不貴多嘛！又唔驚食得太飽瞓唔着龍蝦沙律小食 $52 就最啱我胃口啦！真係冇呃你有龍蝦肉架！幾好味我自己就係一個芝士控，所以自私食叫咗一碟芝士蝦球 $38，上枱嘅時候已經聞到熱氣幾犀利！流心芝士 加上 彈牙蝦球 ，好味到三兩啖已經掃清光只不過男人就話肚空空都係想食個飯，幾個人share都OK嘅，豚肉配黑松露鵝肝飯 $138。小小嘅黑松露已經帶起晒成個石鍋飯嘅味道，加上真係有件幾大嘅鵝肝，有咬口之餘，油分深透晒落啲飯到加上豚肉的口感，好味道到最後叫返件紫色嘅甜品食下紫芋金粟餅 $48，TGIF

早排睇完套日劇係同食有關，而呢間店就同套劇差一個字，位置就係好多選擇嘅厚福街中間位置，絕對唔難搵！一出升降機就見到，餐廳有室內嘅座位同露台位，但咁熱嘅時候當然要係室內有冷氣嘅位置啦！餐牌上有不同食物選擇，燒物、小食、沙律、炸物、一品料理、主食、甜品等，當然係個環境都十分舒適，好有日式居酒屋嘅感覺！先點了個龍蝦沙律小食$52，龍蝦肉彈牙爽口，配埋鮮味爽口嘅沙律菜，甜美嘅薯容，十分開胃！另外個七味炸薯格$38，亦十分香脆，加埋上面嘅七味粉，入口時重帶少少辣，十分刺激！而當然唔少得嘅燒物，秘汁肥牛金菇卷$38，用肥牛卷住了金菇卷，外面香滑內裡軟熟，金菇吸收了肥牛嘅肉汁，一入口就感受到充滿肉汁，正！另一推介係荔枝煙肉串$38，外面煙肉香脆，中間充滿了荔枝嘅鮮甜同水份，入口時，咬開荔枝嘅肉汁就滋潤了整個口腔！當然唔夠，加多個蒲燒鰻魚飯$88，兩大塊香滑軟熟嘅燒鰻魚肉放在飯上，飯身重淋上了鰻魚汁，鰻魚肉質軟熟嫩滑，飯身嘅煙韌彈牙，入口簡直係雙重享受！而個香燒雞骨腸$42亦唔錯，燒得皮脆肉嫩，咬開啖啖肉，重要充滿肉汁！一次過點了多款美食，實在夠晒滿足！煲完劇，又吃得飽！最後加多杯菠蘿沙冰$38，用鮮

這次扮入戲在深夜食堂扮演一個角色小店分室內外，如果不是天氣太熱，坐在外面看看夜景其實不錯。但是夏天吹冷氣比較重要地方有點暗暗的，走居酒屋風。雜菌芝士玉子燒切開芝士溶化慢慢流出來，一看就知道juicy野菌真是百搭，不管怎麼煮都是好吃 (賣相非常蛋包飯)除了野菌之外，還有其他的選擇配搭，下次再去就想試試海苔口味的。這個不是咖哩魚蛋喔是燒汁"arm"春蛋(sorry請原諒我文盲字不會寫)。如果不怕膽固醇過高隨便點味道不錯的。支豆基本上是日本餐廳必備！配酒或當開胃菜都可以燒鱔好厚一塊，而且燒完之後鱔肉依然好彈牙。不過如果一串可以多幾塊更好，畢竟不便宜露筍豬又是燒汁系列，這次點了好多燒汁物，所以搞到後來好像吃什麼都一樣味但露筍脆口同豬肉片夾在一起吃味道up up店內的食物都小小一碟，如果想當晚餐食飽，可能要多柯打幾樣