深夜食堂 (已結業)

今日同好姊妹相約shopping, 睇29+1, 晚飯直落睇完戲6點半，兩隻餓鬼已經叫哂救命要搵食。今日星期五晚，要搵個地方有野食又野飲又可以坐耐d...有難度行到去美食天堂厚福街，比我地見到"深夜食堂". 好似幾岩feel, 就揀呢間！店內面積不大，但燈光柔和，感覺好舒服。yeah 有室外座位，今晚咁涼爽，我地梗係坐出面啦見openrice人人都點，應該係好野！所以一定要點我地點左芝士野菌玉子燒。裡面半生熟，雞漿混埋芝士，仲要熱辣辣咁流出黎真係好好好好味呀～唔怪得之人人都叫啦炸雞軟骨又香又脆，配埋蛋王醬，無得頂呀我至愛既秋葵，燒同炒係最好味既煮法。呢度燒既秋葵熟度適中，咬落爽口，灑上少許椒鹽，好味金菇牛肉卷。牛肉配金菇已經係最佳組合，再加上秘製醬汁好香濃，正！野菜沙律。清新爽口既沙律菜，開胃之選。略嫌落得太多黑醋，食到底酸到暈點左兩杯特飲，分別士多啤梨味同荔枝味清涼消暑解渴由黃昏坐到天黑。。不經不覺三粒鐘。期間客人不斷，好彩無人催促我地讓枱。等我地兩姊妹可以食夠傾夠！嘻嘻

今日去左尖沙咀shopping，行到又攰又肚餓，記得之前聽朋友講係厚福街有間好好食既居酒屋，今日一於去試試先！ 裝修方面好有心思，好有日本居酒屋既風味，外面更加有露天坐位俾中意户外感覺既客坐，抵讚！食物方面有好多選擇，有前食，沙律，主食，燒物，甜品......真係應有盡有！ 日式炒野菜 炒得超好味，個汁調得好好，加上有好多木魚係面，撈埋菜食味道一流 燒白鱔 白鱔燒既時間把握得好好，外面有小小燶裏面又剛剛好熟透，食落口好香又好鮮，一啲都吾腥，一串真係吾夠喉啊 鰻魚飯 主食叫左我最中意既鰻魚飯，珍珠米好軟熟，鰻魚好足料又鮮味，好有水準，略嫌飯太小吾夠我依個大胃王食 今次朋友真係無介紹錯，好食得嚟價錢又吾貴，真係要多啲嚟至得喇

母親節帶媽媽去歎串燒，尖沙咀又係太方便，見到呢間食堂名字幾有趣，就出擊了。為免人多要等位，一早6點多就衝上去食。充滿日式格調的餐廳，主力食燒物，好多款都好吸引！煙肉荔枝卷(一串)($38)，煙肉燒得好香，和荔枝一齊食好甜又好夾，兩個味道都不會互搶，強烈推介。豚肉露荀卷(二串)($38)，嫩滑的薄片豚肉配露荀都係好唔錯的配搭，增加了口感，吃起來脆脆的，非常美味。汁燒金菇肥牛卷(三件)($38)很juicy，牛肉汁滲透金菇入面，好惹味！芝士年糕 (三件)($38)的外皮係年糕，質感像麵包，口感獨特，內裡充滿了芝士，味道不俗。燒雞皮(二串)($20)燒得不錯，香脆得黎唔會太乾太硬。汁燒白鱔(一串)($68)係賣飛佛，新鮮的白鱔肥美多肉，十分嫩滑。一品料理有蒜片牛柳($66)，帶著濃郁的蒜香味，牛柳也好稔身，不會太韌，時間控制得剛好。炸物點左芝士蝦球($38)，頗有特色，係蝦丸內藏芝心，蝦丸彈牙，芝士香滑，細細粒，可以一口一個。芝麻雞翼($58)都不可錯過，雞翼肉質嫩滑，香氣十足的芝麻令雞翼加倍好味。估唔到呢度都有黑松露帶子煎鵝肝($132)，black truffle 氛香噗鼻，鵝肝要快D食

今日同朋友諗住坐下傾下計食少少嘢，就黎jor e度。環境幾好，仲有個outdoor area好啱傾計聚會，我地最早到，都keep住有人客來。叫左個手打烏冬，好一般，份量一個人吃都有d少！值$45之後叫左個紫芋金粟餅，最好味係e個！熱哄哄炸出來好有紫薯味，正之後第二好味係燒粟米，粟米夠大粒又甜。之後仲叫左蒜茸大虎蝦....好大隻但味道一般。之後仲叫左牛脷芯，好靱！本自諗住原隻燒巨菌同秋葵會幾好，但都係一般，係咪都加d木魚碎。整體成間餐廳都值得一試。

返完工勁攰，渴望食返餐寫意晚餐呢度環境不錯，好有日本風，坐在裏面有d似係日本d居酒屋，開始有點寫意的感覺燒雞腎係我食親串燒必叫的，這裏的雞腎又幾惹味，雞腎切得細細易入口，腎味十足，有d甜甜味道，令腎更好味，囗感亦保持爽口有靭度另一碟生焼牛脷芯，牛脷芯是最嫩的部份，入口口感特別林軟，加埋燒香左串燒上，外面少許脆，包住一層掛住的汁，好味喎而汁燒金菇肥牛卷係估唔到的大卷，肥牛不太肥，入口脂肪已溶化成甘香，加埋金菇份量大大，吸收曬d被包住左嘅牛甘香，金菇亦帶有口感，整體好配合好入味食埋香味牛肉配黑松露鵝肝飯，個肚好充實。個石頭鍋炒香左黑松露味入個飯入面，牛肉好香牛鮮味，細細口入口即溶，鵝肝切細，食入口夾住飯香，不會太油膩又不會太溜，份量剛好配合好好總括在寫意的環境吃了一餐寫意的晚餐

同男朋友係尖沙咀閑逛一陣後，大家都想食串燒，上網見到深夜食堂新開加上都多好評，所以決定黎試下。呢道食物款式都幾多元化，除左有多款燒物外，仲提供左炸物，一品料理，主食，小食，沙律等。食物方面叫左- 龍蝦沙律小食鮮甜既龍蝦肉，配上清新既生菜，撒上沙律醬，胃口全開👍🏻川式茄子食串燒燒茄子當然係必點既食物，茄子份量多，燒得唔會乾身，火喉岩岩好，所以茄子食落好juicy，配上蒜蓉同辣粉，微微辣，味道不錯。芝麻雞翼一上就已經聞到好香,皮上沾滿芝麻，外皮炸得好香脆而唔厚粉，入面熱辣辣，肉質夠滑夠哂juicy ，必點👍🏻蒲燒鰻魚飯男朋友既最愛，鰻魚有2大片，食落軟熟，最重要無骨，每咬一啖都嚐到鰻魚既油香， 醬汁當然唔小得，鰻魚汁甜度適中，配合軟香既白飯食，一流😋一口安格斯牛切粒上，牛肉質嫩同埋牛味好濃香，唔使沾任何調味已經好好食。汁燒白膳 燒完既白膳皮帶脆，店家落了少少照燒汁燒, 甜甜地，入面魚肉嫩滑，皮脆內嫩👍🏻雞軟骨 燒雞軟骨又係一必食之選，香脆又有嚼勁，男朋友食2串先滿足🙈最後叫左熱柚子蜜，食完串燒清熱一流。

上星期放假就同朋友去左一間日本餐廳度食飯，開頭係俾佢個名吸引左叫做深夜食堂，所以就去試吓呢一間餐廳，估唔到餐廳令我有意外驚喜雖然餐廳食物嘅款式唔算太多但係真係貴精不貴多，最鍾意就係佢嘅芝士煙肉玉子燒，最鍾意食玉子嘅我食完玉子燒之後就真係非常鍾意，切開玉子燒入面湧出勁多芝士，非常之juicy另外我哋仲叫咗個牛肉配黑松露鵝肝飯，用石頭鍋相所以啲飯非常之熱同埋好香嘅黑松露味，鍾意食黑松露飯嘅一定會好鍾意呢個飯，而且牛肉都唔會太老，啱啱好，同朋友兩份食就夠啦。然之後仲叫咗幾款串燒，我哋叫咗雞軟骨串同埋芝麻雞翼，見到每一台都食緊芝麻雞翼，所以我哋都叫咗一碟，果然非常之正芝麻雞翼係新鮮即燒嘅所以果皮係外脆內院仲有好多汁添。餐廳仲有分室內同室外如果夏天熱嘅時候就可以坐返入面有冷氣，但係如果係秋天嘅話坐出邊應該都幾有feel ,同朋友一齊飲吓嘢食下串燒都真係幾正

深夜食堂是吃晚飯宵夜的好去處，因為餐廳營業至凌晨，最適合夜收工人士。餐廳分為室內室外兩區域，室外氣氛不錯，可惜昨晚較熱所以我們選擇了坐室內。室內環境幽暗寧靜，令人很放鬆，很適合聊天。我們order了煙三文魚沙律、燒雞皮、煙肉荔枝卷、牛油煙肉炒烤菇、碎蛋飯、貓飯、士多啤梨奶昔和抺茶紅豆冰。煙三文魚沙律蔬菜爽口新鮮，加了少許沙律醋增加了開胃感覺。煙三文魚肥厚咸香，口感滑溜。燒雞皮燒得脆卜卜，很香口，油份已經燒走了所以完全不會肥膩。煙肉荔枝卷咸煙肉和甜美多汁的荔枝，味道十分配合。煙肉煙韌，荔枝滑溜，口感很有層次感。牛油煙肉炒烤菇烤菇用牛油炒過，很香很juicy，吸收了煙肉的肉汁，令其更加惹味。碎蛋飯炒蛋份量十足，入口不會太乾。白飯加了少許醬汁，味道不錯。貓飯因為名字有趣而點了，原來是柴魚乾＋白飯，怪不得名字叫貓飯XD 柴魚乾咸咸的，配白飯還可以。士多啤梨奶昔口感香滑，奶味香濃，士多啤梨味香甜，整體味道不錯，對我來說略嫌太甜了點，有興趣一試的朋友可以選擇少甜。抺茶紅豆冰抺茶的茶味挺香的，加了奶所以口感也夠滑，紅豆夠甜。

有留意過日本嘅人都知居酒屋係日本文化好重要嘅一樣野~好似之前有套戲叫深夜食堂,就係講緊一間居酒屋係朋友中得知尖沙咀開咗一間同名嘅餐廳 冒着好奇心嘅我希望去試一試究竟呢間餐廳係咪真係咁有feel呢我哋係晚上十點嘅時候去到餐廳，上到去時仲有好多人，餐廳有一種好令人放鬆嘅感覺，可以係呢度一路食串燒一路傾計Menu有好多唔同嘅串燒，和食等等。第一樣就係煙肉玉子燒，上枱時候非常新鮮啱啱整好，啲蛋汁漏哂出黎好正之後就有串燒雞腎，同蒜香茄子，有佢加左中式嘅辣粉，令茄子好惹味。 最有驚喜嘅就係呢個芝士年糕，平時放題都係食炸嘅，但係今次呢個係用燒嘅方法去整冇炸嘅咁油膩之餘仲，有一種好香嘅味道，值得一試。之後就叫咗油甘魚鮫，感覺上魚鮫多肉啲抵食啲@@另外有呢個燒意大利嘅蘑菇，舊蘑菇好大呀仲好多汁，發覺每枱叫咗呢個芝麻雞翼，當然都要試吓啦，炸得啱啱好，唔會太油膩，好脆好好食最後仲叫咗個黑松露鵝肝牛肉石窩飯，想食嘅嘢基本上都係哂個飯到真係好正。黎呢度感受到深夜食堂嘅滋味之餘，仲可以同朋友喺度傾計飲酒，唔錯唔錯

尖沙咀厚福街12 號藍馬商業大廈5 樓芝士年糕 38 蚊芝士年糕有三舊切成6 片 出面既皮脆得黎中間位有d林 好似韓式嗰d林年糕食落軟熟 而中間既芝士熱辣辣又夠流心 好食蒜片牛柳66 蚊 一上枱好香蒜味 蒜片同牛柳粒都落足料 牛肉燒得好juicy帶有少少肥膏 唔錯燒雞皮 20 蚊兩串燒雞皮 雞皮本身夠哂油 好香雞油味 而且燒得火喉剛好 十分香脆 正！燒油甘魚骹 70 蚊油甘魚骹唔算好大件 但肉質好有口感 食落亦都有好香魚味 就甘燒 只要燒得夠火喉就會突顯出魚既鮮味 點埋檸矇汁更佳芝士野菌玉子燒 78 蚊玉子燒長方形都幾大舊 一上枱啖啖蛋香 整爛佢d蛋漿標哂出黎 而入面放左好多爽口juicy既野菌 好香濃好味

想食日本野，今晚揀咗黎呢度 - 深夜食堂。因為好肚餓嘅關係，兩個人點咗一個飯，一個烏冬，同一個小食。香味牛肉配黑松露鵝肝飯$148，好似石頭飯咁，鵝肝不肥膩，不過份量十足，好香好足料，影完相，女侍應好好人幫我地撈混，食完覺得有d飽肚。手打烏冬$45，配义燒，烏冬彈牙，價錢幾扺。汁燒金菇肥牛卷$38，肥牛包住爽口金菇，好好味，推介。巨鋒提子梳打$28，加$4加椰果，甜度適中，好飲解渴。坐得舒服，價錢合理，會再encore。

突然好想食串燒，所以尖沙嘴行完街同約左個朋友去深夜食堂食串燒。有得坐露台出面真好，今晚天氣唔熱時，坐出面好舒服好開揚。叫左：1）和風野菜沙律，$38，新鮮爽口。2）兩串燒鷄翼，$25/串，燒得乾身香口。3）兩串煙肉荔枝卷，$38/串，煙肉惹味，荔枝軟身新甜，呢兩野配搭好完美，我好鍾意食呢個，但唔係周圍有得食，好味，推介！！4）黑松露帶子煎鵝肝，$132，用鐵板上，帶子新鮮，鵝肝好香，好味。整體無論食物，服務態度都是讚的，好滿足呢。

晚上，一個心煩又納悶，獨個兒還在尖沙咀漫無目的逛著坐在露天的地方，吹吹風，挻舒服。我和她今晚沒喝酒，只因不想喝醉，讓自己更痛苦。點了巨峰提子和青檸梳打，冰凍酸甜的味道，令我們倍感暢快，暢所欲言的感覺，很久沒有試過了。小食是芝士蝦球，彈牙蝦球咬破了，流出溶香芝士，讓人沐浴於美食之中，難怪品嚐美食，令人減壓又暢快。還有炸雞軟骨，又脆又煙韌，灑上七味粉更惹味。不知晚飯是否沒吃飽，想吃點飯，點了黑松露鵝肝雜菌石窩飯，難得深夜仍有熱飯吃，有點像回到家的感覺。黑松露味道十分濃郁，汁醬混在粒粒分明的珍珠飯內，飯內有菇菌，再吃甘香豐膄的鵝肝，我們在寒冬之一同分享

之前睇過有套戲叫深夜食堂描述客人與主人之心靈交流用食物來說出一個一個的故事知道香港也有間店叫深夜食堂於是這晚特意來試一下「一口安格斯」 $88肉質很嫩，入口一點也不韌切成方粒狀，真正的一口牛「芝士煙肉玉子燒」 $78最愛吃玉子的我，最期待吃這個份量都幾多，店員在我們面前再切好每件玉子拉開時都有芝士連繫著玉子帶點半熟，蛋汁與芝士混和，十分滋味「銀鱈魚棒」 $28用酒杯盛著一條條彷如魷魚絲的鱈魚棒入口比一般的魷魚絲香脆而且非常香口，配酒一流「紫芋金粟餅」 $48這個真的好好吃，我一共吃了三件外層十分鬆脆，內裡的紫薯色澤很美還有我最愛的栗子在裡面，簡直絕配「燒羊架(2件)」 $78廚師將羊架肉切成粒，方便入口羊架燒得十好惹味，肉質軟度適中不同蘸醬汁也不覺得有酥味「生燒牛脷芯」$38一串有兩塊，廚師將鹽、黑椒灑了落牛脷上再燒兩者的調味令牛脷味道更加突出我和朋友都比較愛吃這個「汁燒帆立貝」$44一共有四粒，帆立貝好大粒完整地奉上，感覺很新鮮用汁燒的方法煮，能保留帆立貝的水份保存鮮味「蒲燒鰻魚飯」 $88我們怕燒物未能飽肚，所以再點了鰻魚飯鰻魚比想像中大條肥美，所以結果我跟朋友兩個都吃到很滿足「士

前排好喜歡睇日劇"深夜食堂"，知道尖沙咀厚福街開咗一間同名嘅餐廳，所以特登去試下。食店除咗有室內座位外，仲有啲位喺室外㗎。今日叫咗:::::日式炒手打烏冬(牛)牛油炒雜菇多春魚燒羊架燒牛脷芯日式炒手打烏冬(牛) 一人份量嘅烏冬再加唔少嘅配菜，例如椰菜、紅蘿蔔、木魚絲、牛肉等等，兩個人share食咗叫多少少其他串物就啱啱好。炒烏冬嘅味道唔錯，係大阪燒嘅醬汁味，酸酸哋，剛炒好放上枱時木魚絲仲飄飄下，好有美感。牛油炒雜菇上菜時超熱，份量唔少，味道適中，不錯。燒羊架一份有兩隻羊架，上菜時已經好細心咁整好咗做一口size，唔洗食客自己整細 ，味道方面不錯。多春魚都不錯。燒牛脷芯