湯火功夫麻辣燙 (已結業)

酸辣辣車仔麵湯火功夫網址: 地址: 銅鑼灣謝斐道482號 兆安廣場G4-G6號地下舖重慶酥肉是把豬肉塊外層卜上麵粉，再落油鍋以中火炸，炸出來除了色澤金黃，當小食幾好，放入湯中好快變腍失去口感啦！菜就剔了2個, 菜心同sprout，選埋麵就完成。仲有湯呢，招牌麻辣同香港架車仔麵好似，只是湯換上唔同架辣。想間中轉下口味或鐘意食辣食麻架人,出開causeway bay 都不妨來試。以一百元之下價位，佢叫乾淨企理架！仲有sandwich 食架

銅鑼灣sogo附近既一間麻辣燙，之前路過呢度都冇見過，見間鋪餐廳環境乾淨，又咁啱係我中意食既面類，就入去試下啦。 呢度選擇都幾豐富，有四款湯底，仲有四十幾種配料，連面都有成十種選擇。 我同男友分別叫了招牌麻辣燙湯底同番茄湯底麻辣燙。招牌麻辣燙湯底加了麻醬，食落似辣辣地既擔擔面，不過湯底更濃郁，好中意番茄湯底比想像中濃郁好多，酸酸甜甜再加埋辣味，超過癮！ 配料我地每人揀左三款，全部都幾好食～唯一美中不足係分量唔算多，下次黎可能要點多幾個鎹秘製牛肋同秘製豬腩都好入味，尤其豬腩可以入口即融～炸枝竹同豆扑都係必點，吸曬湯底d味好正娃娃菜同通菜都好新鮮，用料比普通米線店好 最後仲點左杯凍奶茶，係滿足既一餐！

舊同事相約食午飯，話公司樓下開咗間麻辣燙，咩叫麻辣燙？唔知呀，食咗咪知囉。店內面積都幾大，有四十多個坐位，原本空無一人嘅吧枱位，中午一點多啲迅即滿坐，枱面有各式醬料俾客人自由加，呢度有點餐紙俾客人揀自己嘅組合，有啲似車仔麵，最低消費係$37起。湯底有4款選擇，麵底又有8種可以揀，配料分為素菜類、推薦類、必選類等，而口味又有辣有唔辣，好多種選擇，豐儉由人。我揀咗三個餸：泰式冬蔭功湯底$5 、 紅薯粉$12 、海蝦$16 、芫茜$7  、 蓮藕$7 呢碗冬蔭功紅薯粉，連餸夾埋$47 海蝦大大隻又鮮甜，蓮藕新鮮爽脆，芫茜好香，冬蔭功湯底香噴噴，又唔會好辣，酸酸哋好飲又開胃。薯粉Q彈煙韌又滑溜，好味。凍奶茶 $16 (少甜少冰)茶味香濃，又唔錯喎。食完十分滿足，正！舊同事嘅：蕃茄湯底$5 、 紅薯粉$12 、通心菜$7  、秘製牛肋$16 、 鮑魚菇$7 。好唔好味？睇佢連湯都飲埋就知。原來麻辣燙係指口味與做法，長知識了。

今日約左朋友係銅鑼灣行街 朋友話想食麻辣野 甘岩行過見到湯火功夫 就入去試下 我地中午十二點零行入去 未到lunch peak hour店入面吾算多人 而且仲有梳化位 店員每人俾左張點餐紙 食物種類都多 你可以揀湯或者撈又可以揀辣椒同麻椒既辣度 幾好 我同朋友吾算食得好辣 我揀撈 朋友揀左麻辣湯 大家都係揀小辣 吾想食辣既朋友可以揀蕃茄湯底啲送都多元化 竟然有鍋荀面底除左有平時食開既米線 薯粉 竟然有公仔面 幾特別我就揀左娃娃菜 鍋荀同海蝦 啲蝦都相對大隻同每份有兩隻 菜既份量都多朋友就揀左重慶酥肉同通菜 酥肉吾會太淋 如果想食脆身既可能揀撈會好啲我地每人再嗌左杯飲品 見到奶茶係推薦就試下 通常面舖既奶茶 無茶記整得甘好飲 但出奇地ok 喎 朋友就嗌左杯酸梅冰 吾太甜又可以解下辣我地食到一點 開始多人 係銅鑼灣尼講四十幾蚊食到個面都算係ok 而且環境舒服 又有梳化位 姐姐既服務都幾好

今日去到銅鑼灣行街，哈哈見肚餓就去食飯，本來諗住食麻辣火鍋，但銅鑼灣食麻辣地方火鍋嘅餐廳都已經食到7788，哈哈同女朋友見到一間用麻辣湯底配上車仔麵嘅餐廳，即刻就走左入去試吓 呢間餐廳就用咗車仔麵嘅形式，客人想食咩餸嘅時候就可以圈張紙，有唔同嘅湯底俾你選擇，亦都有唔同嘅辣度，配料方面亦都好多選擇 因為今日特別肚餓所以我選擇咗三個餸，通心菜非常之爽口，因為通心嘅關係湯汁已經流入左菜入邊食嘅時候亦都會品嚐到啲湯，肥牛亦都好好食唔會煮到過老，時間剛剛好，我仲有叫咗豆卜，浸左三4分鐘朔晒啲湯汁非常之入味 女朋友就叫咗薯粉，廚房非常之爽滑彈牙，同麻辣湯非常之夾

同事話公司附近開左一間麻辣燙，作為嗜麻辣者點可以吾去試下🌶🌶🌶❤️，一入到店家，座無虛席，因為無LUNCH時間，等左一陣先入到座👍🏽坐低之後店員遞上點餐紙，HKD 37 湯底 + 任選兩素一葷，仲可以簡麻辣程度🌶🥢都算幾抵🍜叫左兩碗同同事Share 🥳招牌麻辣燙+ 小辣椒🌶️+ 薯仔🥔片+ 蓮藕+滷水雞翼+ 雲南米線🍜： 份量剛好夠一位女士食，麻辣湯又吾會太麻，又吾會太辣，不夠味可自行添加枱上自家製麻辣醬，辣椒🌶️油等，自行調配😃薯仔🥔片同蓮藕好脆身，沾起左麻辣醬，好夠味😎雞翼好焾身，滷水汁好入味😍米線軟硬度吾錯🥢泰式冬陰功湯底麻辣燙+ 海帶+ 金針菇+ 魚腐+ 雲南米線🍜：冬陰功味都幾濃，有一陣椰漿味🥥香，香氣四溢，海帶好有咬口，魚腐吸曬湯底精華，不算🌶，可自行加🌶總結：價錢吾貴，味道吾算重，下次想試埋經典麻辣拌👍🏽

今日食咗間新開嘅湯火功夫，佢哋嘅招牌係麻辣燙🌶，最愛麻辣嘅我當然試吓啦😋湯底有麻辣燙，麻辣拌，蕃茄🍅湯底同泰式冬陰公🦐湯底，我就叫咗麻辣湯底，最正嘅係麻同辣可以分開叫🤩，最愛麻嘅我當然要叫大麻少辣啦，餸我就叫左肥牛，鮑魚菇同海帶，麵就揀左雲南米線🍜湯底除左有麻辣味之外，仲有麻醬味，幾特別👍🏻嫌唔夠麻唔夠辣嘅話，枱面仲有辣椒油同麻椒油俾你任加唔嬲添，正到爆呀😍😍嗜麻嘅我就不停落麻椒油，麻到冇知覺好正呀hahahaha🤭

見佢新開無耐裝修又幾靚星期日嘅朝早就走左入去試11:15坐定定寫完單，收走我張單差唔多十五分鐘11:27先幫我落單朝早成間店坐唔滿四分一，約七個到八個staff唔知點解效率低到咁而且你係見到三四個圍埋係到傾計百無聊賴行吓店內睇吓墻上面啲相竟然俾兩個中年姐姐行過嚟挑機問我係到做乜，叫我無乜事坐低係到等野食到呢個時候已經成肚氣差唔多1145先有野食明明係快餐 食到好似西餐嘅速度哎左一碗麻辣拌一碗冬陰功麻辣燙麻辣拌完全係花生味重過芝麻味兩碗叫大辣，你湯底唔辣就算得數得到嘅3粒辣椒粒係上面浮即係明玩野姐無同佢講走青一粒蔥都無見佢啲staff行行企企都唔理人咪自己走去出送窗口到攞少少蔥花又有阿姐衝嚟話：呢到唔係自助聽到即刻火都嚟埋你又無人serve 我自己攞啲落入碗到又俾你鬧我即刻唔出聲遞個碗俾佢叫佢幫我落佢又係攞得果三粒我強壓怒火話：唔好意思唔係好夠，可唔可以再俾少少我阿姐好似皇帝咁：err我地公司有規定限量我今次真係忍唔到，即刻問佢，咁你即刻攞公司個條文俾我睇，如果有我就願賭服輸條友即刻無聲出，食多你三粒蔥花你會短三年命？本身都無叫走青你上嚟兜野好似白sap咁，要辣唔辣要青無青你仲態度咁差？

銅鑼灣開左間新店湯火功夫(麻辣燙)，當然要去一試。功夫燙卡通造型，一個字，型爆！店內燈箱作簡單介紹，燈光以黑白撞色，絕對型格。店中桌子大多以方形餐桌，地方光猛，位置闊絡，最緊要冷氣充足。4款湯底可供選擇，再選麻辣、辣椒，然後選配菜。還有套餐可選填：$59 - $88 不等。凍奶茶(走冰) / 酸梅汁 - $16奶茶走冰後唔怕會太凍，而且茶味濃郁而香滑。酸梅汁酸酸甜甜，解渴之餘，更加醒胃。蕃茄湯底麻辣燙（無辣椒、無麻椒） 配上 貢丸+菠菜+金菇 + 米線蕃茄味濃郁，而湯又不會太竭，真材實料。貢丸非常貼心，把貢丸一分為二，方便客人進食。招牌麻辣燙（小辣椒、小麻椒）配上 雞翼 + 油麥菜 + 金菇 + 薯粉來到時香氣撲鼻，而且辣度剛剛好，還有點麻辣，認真惹味。食辣當然要叫薯粉啦，貪佢吸到湯既味道，薯粉粉質彈牙，有咬口。雞中翼大隻多肉，咬開嫩滑入味，而且全無冰鮮味道。

一如既往，我們很喜愛周圍嘗試不同的食店。今晚，走到銅鑼灣一間較大眾化價錢的食店，一試招牌吐司及蕃茄湯底麻辣湯。這裏的位置頗多，環境也頗闊落，座得也頗自在。今晚所點的蕃茄湯底麻辣湯米粉，並點了秘制牛肋及一些素菜。湯底味道不錯，牛肋也很嫩滑。另外也點了牛肉蛋吐司，果然是招牌必點。味道10分討好。薄薄的蛋配上新鮮牛肉，美味！下次再來可以再試一試火腿蛋吐司或培根蛋吐司。另外，這裏還有不同的麻辣煲，頗吸引！

呢間四川菜嘅湯麵開業無幾耐，有朋友試過話幾好食，所以就去試吓，入到去其實都好多人，不過唯一缺點就係冷氣唔多夠，因為入到你嘅食食梗係一定食辣野啦，所以食下食下就會覺得熱，講返個餸先，佢係好似車仔麵咁俾你揀面底同埋唔同嘅餸，朋友就揀咗麻辣拌麵，而餸就叫左豆卜同埋牛肉，而辣到亦都有得俾你選擇，至於要多啲麻味定係少啲又係有得俾你選擇，你都之後聞到朋友碗半面好香好香，佢亦都豎起手指讚好好食，至於我個碗就係麻辣湯麵，我就叫咗秘製牛肋，通菜同埋金菇，只面底就係米線，首先飲一啖湯，係重口味嚟㗎，但係麻辣味好正，好香，辣度適中，最出色就係個秘製牛腩，炆得好入味同埋好林身，整體來講四川菜嘅車仔麵做得好出色，我會繼續幫襯。

🔎 銅鑼灣謝斐道482號兆安廣場地下4-6號舖*📍 湯火功夫麻辣燙.招牌麻辣燙$54其實本身自己唔算話勁食得辣,但都OK.所以咗小麻椒同小辣椒.可以因應返自己口味揀返相對嘅辣度.而食物方面,就揀咗薯仔片,金針菇,萵筍,重慶酥肉配米粉. 酥肉我都係第一次試,香香脆脆非常惹味.而且連埋呢個麻辣燙湯底十分開胃啊.蕃茄湯麻辣燙($88)加多少少錢要咗呢個套餐.揀咗蕃茄湯底,.蕃茄味幾濃郁感覺應該無溝稀到湯底,真材實料.料就比較多,有油麥菜.豆卜,金針菇,木耳,牛百葉,同樣都有重慶酥肉,仲有滷水雞翼,認真豐富.

午飯時間諗住落投注站買中秋金多寶, 可惜遇著裝修, 惟有去附近搵下有咩好食, 行去斜對面見到間新開麻辣麵店「湯火功夫」, 號稱全球門店超過2700間, 咁勁梗係入去食番碗試下啦。坐低原來係自己剔落單紙, 嘩…又唔係貴喎, $37包3個餸, 任揀2款素食, 加1款肉食, 湯底有麻辣、蕃茄麻辣, 或者冬蔭功麻辣, 再唔係麻辣撈都得! 一場黎到,支持下招牌麻辣湯底, 落完單店員回頭再確認辣度, 哈哈....唔食得辣, 辣到係0!雖然好老土叫左唔要辣, 不過個湯嘅麻香味道真係好出色, 仲有好惹味嘅花生, 口感好滑帶點麻; 豆卜、油麥菜, 午餐肉吸收唒湯嘅精華, 我條金舌頭食完唔覺口渴, 肯定冇落味精, 讚!!!

銅鑼灣新開咗一間正宗重慶麻辣燙🍲超抵食啊‼️$37自選3款餸 有30多款配料比你任揀😆麻辣燙湯底有3款👉🏻招牌麻辣燙、泰式冬陰功麻辣燙、番茄🍅湯底麻辣燙另外有麻辣口味拌麵 鐘意食無湯嘅朋友可以試下.我揀咗泰式冬陰功麻辣燙👍🏻湯底唔辣 但充滿泰式風味嘅冬陰功湯湯底非常濃味🤤唔算好辣又唔會好酸 有椰香味 啱哂我啊🥥呢個湯底好抵食 原本已經配埋一隻海蝦🦐配菜揀咗滷雞中翼、豆卜、油麥菜🥬質素平均麵底揀咗河粉 同泰式冬陰功湯底好夾啊😋.朋友揀咗招牌麻辣燙麻辣控必食😍自家調製嘅麻辣湯底 辣度都係自己揀麵底揀咗薯粉 完全索晒湯底嘅麻辣香味一啖湯底一啖薯粉😋超惹味配菜揀咗娃娃菜、嫩牛肉 堅嫩冇乜筋、海帶

無意中係銅鑼灣搵食搵到依間湯火功夫，終於唔洗返大陸都可以食到正宗四川麻辣燙！單是湯底已經有4款，麻度同辣度都有得揀，非常講究！一向嗜辣嘅我叫左碗招牌麻辣燙，中麻中辣椒， 陣陣麻香深入味蕾！湯底咁濃點可以唔揀薯粉，薯粉吸收晒湯底嘅精華，超級惹味！配菜揀左蟹柳，薯仔片同油麥菜，整體不錯！朋友唔食得辣，店內姐姐介紹左個蕃茄湯底比佢，只選小麻不選辣，就可以過下香辣癮！配料選擇多，大路嘅好似魚腐海帶波菜e d正常水準，嫩滑嘅牛肋肉係意外驚喜👍🏻最後值得一讚係自家製酸梅汁，解辣一流！