湯火功夫麻辣燙 (已結業)

原本想吃車仔麵但食店沒開門，誤打誤撞進了這間湯火功夫，裝飾光猛又乾淨，感覺挺好！湯火功夫真的有點像港式車仔麵，可以揀選喜歡吃的食物款式，素類$7 荐類$10/16，價格不算昂貴。我點了油麥菜; 窩旬及秘制豬腩配薯粉的招牌麻辣燙，還可自選辣及麻椒的程度；我選的是小麻小辣，賣相相當吸引呢！先要喝一口湯，小麻不太辣，好喝啊；油麥菜在這個季節特別甜！這裡秘制腩肉真真不錯，雖然只有一片但很大片，五花腩已煮淋及入味，非常好吃！還可自選多選粉麵，有河粉 粗麵 幼麵 油麵等等，我揀選薯粉；份量不少啊！酸梅汁跟麻辣超匹配，喝一口即解辣味，而且夠冰凍！每檯上放有調味架，略嫌辣度不足還可自行調配。

見佢新開，咁岩又想食麻辣燙就試下佢啦～價錢都算幾平！雖然係新開，但係都幾多人黎食🤩《番茄湯底麻辣燙》🍅個湯底都幾出色！麻辣同番茄味都食得出，唔會有邊一隻味太搶，另外隻番茄味都唔會好假👍🏻米線唔會太淋午餐肉勁厚切🤣差不多係三分一罐《秘製豬腩》脂肪同肉一層一層相隔，分佈得勁平均！朋友就叫左招牌麻辣燙，相對黎講我自己就更喜歡番茄湯，雖然呢個比較麻，但番茄湯更加突出，甜甜辣辣咁《秘製牛筋》都幾入味，但如果腍小小就更完美喇！

湯火功夫全球有門店2700間，主打食麻辣燙。嚟得緊係要食出名嘅麻辣湯底，朋友揀左少辣，豆卜、嫩牛肉、金菇，撈油麵，撈麵只可揀少辣，無得走辣。麻辣醬好香，撈埋花生好香口，豆卜索左汁好正。鍾意食辣嘅朋友仲可以自己加辣椒油同麻椒油，隔離揀左大辣仲要加辣，真心勁我就揀左鮑魚菇、腩肉、娃娃菜米線，番茄湯可以揀唔辣，酸酸甜甜幾開胃，腩肉好淋，米線滑身飲品揀左酸梅湯同奶茶推介酸梅湯，可以解膩同中和返麻辣嘅麻痹感～

之前聽聞過湯火功夫，以為係賣湯品，但原來係食麻辣燙！知道之後緊係約埋麻辣buddy黎食！同一般麻辣燙一樣，先揀湯底再加餸。我地都揀左招牌麻辣湯底，辣度及麻度都可以分開揀大中小，如果唔夠仲可以自己之後再加，非常彈性麵底亦有河粉米線等可以選擇，個人認為麻辣都係襯薯粉比較match。配餸方面非常推介秘製牛肋，做得好稔好入味，稔到可以一夾就斷 ; 另外萵笋亦係必選，薄切嘅萵笋片好爽又唔吸油飲品方面都有特色 ，朋友嘅酸梅汁可以開胃減輕油膩感；而我嘅奶茶係解辣一流！餐廳店員除左有禮貌之外仲好貼心咁用牙線棒代替牙籤

難得假日有地鐵，與老婆外出走走，途經銅鑼灣，又到午飯時間，當然找一家食店來醫肚，碰巧見到這家湯火功夫，是食麵條的，名字挺吸引，反正未試過，就去嚐一嚐。食店寬敞，環境不錯，一坐下來，就見到「全球門店2700，一年售出2億碗」，心算一下，即每家食店每日平均售出200碗。有此成績，水準應該不簡單。兩口子都餓了，快快下單來兩碗麵【番茄麻辣配薯粉、豆卜、鮑魚菇、牛肋條】【冬蔭麻辣配薯粉、蓮藕、鮑魚菇、重慶酥肉】湯底好好味，不是味精湯，有點麻辣，但麻而不辣，味道剛剛好；薯粉口感不錯，吸收了湯汁，挺夠味道；牛肋條非常軟糯，果然是祕製，吃起來與別不同，甚為惹味。值得一提，食店的酸梅汁特別好飲，相當醒胃，不要錯過；另外，別忘了桌上的麻椒油，醮一點在麵條和湯汁，食起來，嘴唇和舌頭都麻麻的，非常過癮。食完一餐重口味的午飯，感覺相當滿足，如果下次再經過，一定會再試。

同男朋友去左銅鑼灣行街街買衫買鞋準備迎接秋冬嘅到黎，大出血之後，我地兩個都好鬼肚餓，而銀包入面嘅子彈亦都所餘無幾，所以就沿住謝斐道行去搵好西食。見到呢間湯火功夫，門面裝飾都幾新同埋乾淨，而且價位同茶記差不多，有得試下新口味同平時食開的茶記常餐，我地兩個二話不說簡左呢個黎嚐鮮。呢度嘅野食有D似係重慶車仔麵咁，由湯底、麻度、辣度、菜粉、粉麵，到餐飲都係任你自己自由配搭，填好張菜單俾店員入單就得。呢度有4款湯底可以簡，有招牌麻辣燙、無湯麻辣拌、番茄湯底同泰式冬陰功湯湯底，有中式，又有泰式口味。粉麵方面，有河粉、粗麵、油麵、細麵、米線、公仔麵、薯粉、米粉，選擇都幾多。菜蔬有差不多20項可以簡，而丸呀、肉呀、海鮮加加埋埋差不多有成30款選擇，而麻度辣度都可以由唔辣調到去大辣都可以，無論你係食素、食肉獸、食唔到辣嘅，無辣不歡嘅，係呢度都一定會簡到岩食嘅野！男朋友簡左小麻小辣嘅招牌麻辣湯米線，配通心菜、唐生菜、重慶酥肉。我就簡左唔麻唔辣嘅麻辣湯薯粉，配油麥菜、菠業、魚腐。如果簡唔辣的話，會食到比較重D嘅花生醬味，味道類似擔擔麵湯底咁。我地試左米線同薯粉，一致覺得薯粉好食D，因為個口感Q彈，同埋好索味

晚上和朋友來了這間位於銅鑼灣的店舖吃晚餐 這間餐廳最有名的是他的麻辣燙 我們叫了兩個套餐 首先叫了一個$88 番茄麻辣湯底米線 這個番茄湯底味道較為酸好開胃😋入邊亦都有好多配料包括有蝦、豆卜、云耳、雞翼等等 套餐亦都包左一杯嘢飲 另外我哋就叫咗一個冬陰公麻辣湯底薯粉 $58 配料會較為少😉個人來講覺得蕃茄湯底好食啲 另外值得一提嘅係店員服務態度非常好 表現友友善亦都好禮貌 雖然米線價格來講較連鎖餐廳貴 不過下次應該都會再同朋友嚟幫襯

湯火功夫麻辣燙，既吾係飲湯，又吾係食火煱，其實係食特色麻辣粉面。店舖裝修清新簡潔，我地黎得早，十二點幾就到，十二點半後要排隊啦！我地叫左一個蕃茄湯底麻辣燙米線，配上萵筍，蓮藕片，煙鴨胸。湯底有香濃既真蕃茄味，吾似茶餐廳果D特濃蕃茄生粉水。萵筍同蓮藕片清鮮爽口。另一個係泰式冬陰公麻辣燙配薯粉，另加海帶，唐生菜，墨魚丸。冬陰公湯底帶酸辣，仲有莞茜同青檸，而且仲加隻大蝦，認真抵食。海帶係打左結，就無咁容易煮淋。酸梅汁吾會太甜，幾好飲。湯底辣度多種選擇，吾辣都得。每人埋單都吾使$60，抵食過魚蛋粉面。

我在銅鑼灣逛街，行到肚餓好想食麻辣，但同行朋友食唔到辣，咁點算好呢？好彩俾我搵到間有麻辣湯底同蕃茄湯底嘅鋪頭，名叫湯火功夫，一次過就滿足晒我哋兩個唔同嘅要求啦。餐廳嘅點菜模式係一入到去坐低，店員就會比客人每人一張點菜紙，由客人自行選擇湯底、蔬菜、肉類、麵和飲品，配料嘅選擇數量都係由客人自己話事。我選咗招牌麻辣湯湯底，加小辣和中麻，會揀咗通心菜、莞茜和滷水雞中翼，麵底選咗米粉，加凍奶茶。朋友選咗蕃茄湯底，走麻走辣，配料選咗火腿、唐生菜和薯仔片，麵底選咗薯粉，加凍檸茶。我覺得兩個湯底都好正，招牌麻辣其實唔算太辣，下次可以挑戰中辣，麻嘅味道非常好，我好鍾意。蕃茄湯底好濃郁，好鮮甜。麵我會推介薯粉，真係好滑好煙靭。配料方面雞中翼好味，菜都好新鮮，朋友話薯仔片好正，火腿係用厚火腿，仲要有成三四塊，好抵食。凍檸茶凍奶茶嘅味道都唔錯，凍奶茶係港式嘅味道，正呀！

送左大帝番學後就係我的自由時間，今日去左銅鑼灣食個late lunch。之前間唔中去大陸玩都會去鋪頭食或番酒店叫外賣麻辣燙食。係香港唔多麻辣燙鋪頭，今次見到就黎試下。寫紙仔揀食咩餸同麵食，叫左娃娃菜雞翼萵笋麻辣米線，要左小麻小辣。滿滿一大碗面頭有幾多花生，湯底夠麻夠辣仲有點花生香，味道唔錯，娃娃菜亦新鮮，萵笋爽脆，雞翼滷得入味。米線爽滑唔會淋patpat。仲叫左杯凍奶茶走冰，茶幾香唔會澀，亦都幾滑，幾好飲。環境乾淨光猛，有些燈幾有特色，比起一般見到既麻辣燙鋪頭乾淨有裝修。

忙左成個星期終於放假抖抖啦😵🤤🙈難得放假早起外出行街街☺️還掂連早餐都未食一於黎食碗麵醫下肚先🤪位於銅鑼灣兆安廣場既湯火功夫🍜喺銅鑼灣站C出口行過黎亦十分方便☺️呢度簡約既環境裝修😆區內合宜既價錢及煮出具風味既麵食🍜🤤亦吸引到唔少打工仔及其他食客黎食返碗☺️😋泰式冬陰功湯底麻辣湯味道濃郁甚有風味既冬陰功湯底🤤另外加配芫茜、木耳、炸枝竹及米粉😆使本身足料既湯煲更為豐富🍜🤤😋

今日和同事外出午餐，發現一間新餐廳湯火功夫！所以就一齊入左去試下！餐廳整潔乾淨，衛生環境十分分良好。餐廳湯底選擇有四款，有辣有唔辣，仲有蕃茄湯底。面嘅選擇也頗多，令人驚喜。我點了經典麻辣米線，配料選擇了薯仔片，通菜和牛柏葉！辣度和麻也可以自由選擇！我叫咗中辣和小麻。辣度我覺得剛剛好，不會太辣又不會覺得不到辣的感覺。薯仔片和通菜也吸收了湯汁的精華！食落去就會有少少辣辣地，好過癮。牛柏葉不會太軔，有咬口之餘帶爽。餐廳整體質素很不錯，湯底味道夠香濃，米線份量充足，會再次光顧。

同事推介嘅湯火功夫麻辣燙，感覺就似重慶版嘅車仔麵，入座後火速奉上點餐紙，可以自選或跟套餐。一共有四款湯底，配料選擇多，份量可以自己話事。而且辣度同麻度係分開選擇，唔食得辣嘅朋友可以走辣泰式冬蔭功湯底麻辣燙配蓮藕片、通菜、秘製豬腩肉米線冬蔭功湯底非常出色，濃郁椰香帶少少微辣，不太吃微辣嘅我完全冇難度。推介的秘製腩肉肥瘦均勻，鹵得入味，豬皮富彈性，唔錯。蕃茄湯底同樣出色，每樣餸份量都好平均牛根口感軟滑👍👍👍呢間麻辣燙水準唔錯，價錢亦相宜，又近地鐵站好方便，又多一個選擇了。

今早要過海看醫生，看完後午飯時間又到，老公帶我去附近這條街逛逛，看到這間餐廳都很大，是吃麻辣米線之類，於是就去看看。進去的時候也看到客人不少，地方很大 ，坐得舒服。這間餐廳是吃辣的，有麻辣，冬陰功或吃拌麵都可以。這裏是用點餐紙的，自己吃什麼就剔什麼。我很喜歡吃辣的，當然要選一個招牌麻辣湯，另外選了一個中麻辣及中辣椒的口味。入口又麻又辣，辣度十足，湯的味道很濃，有少許麻辣的味道，喜歡吃辣的一定要點。配菜方面，我點了通菜，豆卜，魚腐及炸響鈴。 這些配菜都容易吸取醬汁，入口充滿辣的味道。通菜很綠，爽口。豆卜及魚腐口感不錯，大件。這裏的炸響鈴跟我們平時吃的打邊爐不一樣，這裏會將它先放湯內，這就比較容易入味。 粉麵我選了薯粉，我覺得吃麻辣選薯粉比較正宗，而我又覺得薯粉比較健康，因為是用番薯做的。薯粉很吸汁，入口都是充滿辣辣的味道，好味。飲品方面我選了酸梅汁，除了台灣餐廳 及火鍋店，平時很少在吃米線的地方可喝到。酸梅汁酸酸的，我很喜歡這些味道，好飲。老公平時是不吃辣的，但來到這裏他都點了一個招牌麻辣湯，他點的是小辣。對不吃辣的人來說，他說小辣都很辣，但他都覺得不錯。配菜方面，他點了芽菜，豆卜，豬紅

住在銅鑼灣的好處就熟有很多不同類型的餐廳，而今天我又回到我最愛的麻辣燙😍餐牌比自己多了一點選擇，有3個套餐可以讓大家用優惠的價錢吃到更多的東西。🍽 冬蔭功麻辣湯底+薯粉+牛肉+牛百葉+椰菜冬蔭功的湯底椰奶味更重，而且也沒有麻辣湯的那麼辣，而且配料會附上一隻蝦和青檸片，感覺很清新。我很喜歡這裡的嫩牛肉，因為店家的量都會給很多，又不會很「鞋」。這次我選擇了牛百葉，同樣有很多塊，而且煮得很爽口，令整碗麵的口感提升不少。我非常推薦大家叫薯粉，這款不會太粗，比較容易咬斷。薯粉獨特的煙韌口感非常好吃，而且吸湯力一流🤤🍽麻辣湯+薯粉+響鈴+油麥菜+薯仔片+秘制豬腩🐽一如既往選擇了麻辣湯配薯粉，我覺得始終是麻辣湯比較惹味，適合重口味的人，而且有我非常喜歡的花生配料。麻辣燙當然少不了非常吸湯的薯仔片，相信不用我多說。炸響鈴一樣不會讓人失望，雖然店家沒有分開上，但是反而當響鈴留到最後才吃時，豆香味和麻辣湯的精華能一口吃到，是吃響鈴的另一番風味。秘制豬腩就是一塊很大的豬腩肉，醬汁醃得很入味，肥瘦比例剛剛好，有點像日式厚叉燒的感覺，挺特別的👍🏻