湯火功夫麻辣燙 (已結業)

四川菜常客又嚟啦！ 今日來到銅鑼灣世貿附近，有間《湯火功夫》，很久以前出差都見到。 在空檔時間便進入試試吧。 地方光猛、乾淨。入座後職員會附上點餐紙落單，不用客走來走去，還算方便。 這個麻辣撈有4種 — 招牌麻辣燙、經典麻辣伴（無湯）、蕃茄湯底及冬陰公湯底麻辣燙這麼熱就選取了經典版吧！ 其他餸自由配搭如菜、肉、麵底一律HKD 7 - HKD 16不等，就好似車仔麵搬。 這種辣到除了又麻又辣、更帶出花生香。薯粉煙煙韌韌有咬口、如每條麵分明地分開會更好。 除了麵以外，另設吐司，可惜當天因沒醬汁而缺貨，太可惜了！

環境光潔明亮，座與座之間有足夠的間距，不會覺得擠擁，寬敞舒適。餐廳亦提供了麻辣油或辣椒油，如果選了不辣的湯底又想品嚐一下招牌麻辣，可以自行添加。一共有四款湯底: 招牌麻辣燙、經典麻辣拌(無湯)、番茄湯底麻辣燙和泰式冬陰功湯底麻辣燙，再按個人喜好，選擇辣度和麻椒份量。凍奶茶 ($16)茶味醇厚，茶香濃郁，口感絲滑，甜度適中。番茄湯底麻辣燙番茄湯底是餐廳以新鮮番茄熬製，不會像番茄膏般濃稠，湯中亦有新鮮番茄，酸度拿捏得宜。雞翼大隻，肉質嫩滑。添加了少許麻辣油和辣椒油後即時令整體味道得以提升，酸甜之中帶點辣勁，香口惹味，與番茄湯相當配搭。米線幼滑彈牙，盡吸了番茄湯，清新不膩。

銅鑼灣新開咗一間食重慶麻辣燙✨✨枱上面寫全球超過2700間舖「湯火功夫」銅鑼灣呢間係香港嘅首間分店主打麻辣湯粉麵🍜湯底選擇：招牌麻辣燙、經典麻辣伴(無湯)、蕃茄湯底麻辣燙，和泰式冬陰公湯底麻辣燙我點咗招牌麻辣燙佢可以揀大中小嘅麻度同辣度我揀咗中麻同中辣顏色已經好吸引仲有大量花生在上面,味道剛剛好另外加點左鮑魚菇 $7依個鮑魚菇係有種甜菇味,好特別豆皮 $7重慶酥肉 $16薯粉 $12佢地既薯粉係幼身食落有啲似韓式粉絲既感覺凍奶茶 $16奶和茶味道都好足🥤🥤🥤

點完野食，前後問番我3次，我就重覆左3次野飲叫左枝水10分鐘都未到好喇個面到左，加左一份牛筋，牛腩同牛肉， 每樣野得2塊 火都泥。16$一份，貴過我食過既任何一檔車仔面。問個職員有幾多舊佢話唔知。好耐未試過食野食得禁火。如果唔係永年無開，鬼才會試你尼間垃圾。

銅鑼灣看戲後經過裝潢挺新的《湯火功夫》在謝斐道，該是開業了不久， 是一間食四川麻辣麵店。 先入座後從點餐紙勾選所須食物。6時己入座了 5 - 6 成。 麻辣度可再加中/大辣入座不久後，有3名西裝男士特意過來是為了吐司😱 HKD 26 (培根、蛋、火腿），可惜太好賣了。 😅等了一會兒便端過來了！ 一碗撈麵，內有花生、蓮藕、菌、經典麻辣伴麵 HKD 5、鮑魚菇 HKD 7 、蒿筍 HKD 7 、魚腐 HKD 10、薯粉 HKD 12、隨餐凍檸茶 HKD 12、奶茶、酸梅湯 HKD 16、 埋單HKD 53而已醬料配得不錯，加入了花生🥜更提升了味道。 醬汁把麵撈得均勻，吃起來很彈牙。

在銅鑼灣行街經過時見到這間新開張的湯火功夫，環境裝修得幾光猛企理！都有好多人幫襯，喜歡吃辣的我當然被吸引進去啦！Menu是車仔麵模式，叫自己喜歡的配料，再選麵底，之後湯底。我就選了油麥菜，鮑魚菇，牛筋薯粉招牌麻辣湯底！非常驚喜的就是這裡麻辣湯底用上大量花生，花生醬來做調味，整體帶起麻辣湯既味，唔會只自死辣，總之就係香香既感覺！油麥菜吸哂麻辣香味，超正！牛筋亦好有口感，如果全部份量再大份 d就完美了!

老公吃過這𥚃一次，覺得不錯，便推介给我，今天下午便來試試。這裡的麵食是自由配搭，湯㡳、配料和粉麵，可以隨便選擇。招牌麻辣燙$5、萵筍$7、油麥菜$7、重慶酥肉$16、秘製豬腩和薯粉$12。招牌麻辣燙，湯底除了麻和辣之外，還有麻醬味道，有些像擔擔麵。重慶酥肉經過炸煮，容易吸收湯底。秘製豬腩脂肪和肉的比例適中，而且炆煮得很腍，腩肉愛好者之選。油麥菜爽口鮮甜，而萵筍亦爽甜，加點蔬菜就吃得健康。跟餐凍奶茶$12，茶味濃郁，奶和茶的比例剛好，是港式奶茶的味道。

這間在謝斐道的東北川菜粉麵地方好方便就腳，寬敞明亮的環境，空間感大，以整齊潔白的設計，感覺好舒適；服務員態度好，友善親切又有效率，價錢合理；點了這裡招牌麻辣燙，可選辣度及麻度，可自由配搭不同餸，自由自選自己喜歡的，也清楚列明價錢；自選招牌麻辣燙選了招牌少麻少辣的麻辣湯底，配了2種菜：健康翠綠的油墨菜、吸汁香口的豆卜及一個肉：秘製牛肋的雲南米線，好喜歡這個秘製牛肋條，好香軟濃郁牛味，易咬又香口；連上滋味香麻又辣得過癮的麻辣湯汁、雲南米線份量多又幼細嫩滑又吸汁，配上香蔥及香脆花生粒粒，口感豐富！冰酸梅汁大大杯，好夠凍、好香濃好酸甜又開胃的酸梅汁，解渴解辣！

今日食lunch見到呢間湯火功夫食麻辣燙，以前係北京食過一次幾好食，今次就決定黎食番次。三款湯底我揀左泰式冬陰功（$5），因為湯底配有一隻蝦，好似抵食啲。麻辣度揀左中辣。中辣黎講真係唔算辣，味道似譚仔十小辣。不過酸酸地，有黎自青檸既味道，我中意。飲品原來有熱飲，我揀左熱檸水（$12）。配菜揀左紫菜（$7）、菠菜（$7）、豬腩肉（$16）。豬腩肉得一塊，味道幾重醃得幾好。紫菜同菠菜份量唔少。麵底揀左薯粉（$12），係內地經常食到果款有扭紋，幼身既，而唔係台灣闊條果款。可惜好似煮耐左，食落唔夠咬口，唔夠彈牙。呢度落既湯比較少，所以夠曬濃味。

風靡全國，全球超過2700間分店的湯火功房最近在銅鑼灣開了分店，決定在這普天同慶的日子前來朝聖餐廳環境乾淨，一進店經理便熱情的歡迎及安排就座它們有三款套餐或自選配料！難得前來，當然要一試這裡的招牌麻辣燙啦湯底可根據個人口味選擇辣度及麻椒份量！招牌麻辣燙湯底加入了花生醬和麻醬，味道香濃，但辣度並不強烈，中辣也可接受意猶未盡再追加幾款素菜及推薦配料！其中滷水雞翼滷得十分入味飲品方面酸梅汁的梅味濃郁，有大大粒話梅在內，解辣一流凍奶茶香滑清新，難怪店家特別推薦

小妹非常愛吃麻辣燙，因為可以隨心選擇自己鍾意食嘅食物，炮製成一碗最適合自己口味嘅麵食！呢日就試左呢間位於銅鑼灣嘅麻辣燙專門店。食材選擇都幾多元化，湯底就有四款，分別係招牌、麻辣拌（無湯）、泰式冬陰功同番茄。招牌可以揀辣或者唔辣，更可以選擇唔同辣度。我自己就揀左招牌湯底，其實食落有啲似擔擔麵嘅湯底，配料方面我揀左秘製豬腩、萵筍同金菇，豬腩肉好入味，甜甜地，有啲似食緊日式叉燒，好味！萵筍同金菇爽甜美味，吸收曬啲湯汁，好好味！我仲試左辣椒油，好香口，又唔會好辣。飲品方面我就order左酸梅汁，酸酸地解辣一流。鍾意食麻辣燙嘅朋友一定要試下呢間餐廳喔！

今天朋友心血來潮約我去湯火功夫吃午餐，她說之前因為生病了，所以才一段時間沒跟我聯絡。為何我們會吃湯火功夫? 主要是上次去墨爾本旅行時吃不到湯火功夫，朋友告知我剛巧香港最近開分店，問我是不是要試試看，那當然要呢。我和朋友覺得套餐滿超值，包括一碗湯麵和飲品，而且配菜已為食客配選好，對於有選擇困難症的人來說，套餐免卻了很多煩惱。朋友比較喜愛喝凍檸茶，至於我則愛酸梅汁，這酸梅汁比一般喝的沒那麼死酸，味道甘甜，尤其冰過的酸梅汁更加生津止渴，喝完口中還有淡淡的酸梅香。68元套餐包含木耳，娃娃菜，豆卜，墨魚丸及滷雞中翼，友人挑了蕃茄湯底麻辣燙米線。米線滑溜富彈性，墨魚丸口感彈牙，娃娃菜爽甜，木耳爽口，跟蕃茄湯底簡直是天作之合。蕃茄湯底麻辣燙香氣四溢，喝得出用了不少新鮮蕃茄熬煮，濃郁無比，再混搭特製的麻椒油提香，麻香和蕃茄香令人食慾大增，愈吃愈想吃。嘴饞的我對88元套餐最感興趣，因為可以嚐到小酥肉，香港不太多餐廳供應，還有我喜愛的滷雞中翼吃，這套餐完全是滿足我的願望。第一時間先喝泰式冬蔭功湯底吧，微酸微辣帶鮮美，讓人唾液不自覺分泌，再吸一口煙韌薯粉，爽透極了。如此美味的冬蔭功湯頭，絕不能浪費一點一滴它

上次跟朋友係內地食過麻辣燙，好好味，今次跟朋友經過銅鑼灣見到新開餐廳：湯火功夫麻辣燙，雙眼開始發光了😍😍 店員拎左菜單紙比我地填寫；$37起配我就點左番茄🍅湯底麻辣燙$5配萵笋$7、鮑魚菇$7、滷雞中翼$10、薯粉$12；紅噹噹顏色十分鮮豔，湯底用新鮮番茄🍅煮成，比茄膏味道更濃郁，再加左少許特製麻椒油，少許麻辣既味道浸去味蕾，爽YY!滷水雞翼都好嫩滑腍身，入晒味，薯粉口感都好Q彈！而友人就點左：泰式冬蔭功麻辣燙$5配唐生菜🥬$7、木耳$7、魚腐$10、薯粉$12；泰國🇹🇭出晒名食冬蔭功，魚腐、唐生菜、木耳吸晒冬蔭功味道，「冬」就是煲，「蔭」解作香料混合，而「功」就是蝦🦐，令到個湯不會過酸或過辣，加入蝦令湯更顯鮮味，再食啖薯粉煙煙韌韌更易入口！而飲品就點左2杯酸梅汁$16，酸酸甜甜咁生津解渴，我連湯底都飲晒，就知道好唔好味啦！好滿意既一頓午餐🥣！👍😋

成日聽見人講麻辣燙都想睇下咩嚟（雖然我唔食辣😜）。呢日經過銅鑼灣呢間湯火功夫麻辣燙，價錢又唔貴，就入咗去試嚕。總括嚟講係幾抵食，都高質，而且店員服務態度係我好耐都冇見過嘅好😳唔單止係一個店員服務好，而係每個都好好、好熱情，你嚟食過就知道。（之後睇返openrice嘅食評先見到之前有食客因為呢到員工嘅服務搞到一肚氣🥺 佢哋應該已經作出改善啦）有個姐姐超熱情咁同我哋介紹嘢食；我哋本身坐兩人枱，有枱客走咗之後，佢又主動問我哋要唔要轉四人枱，可以坐闊啲，等等等等。今時今日咁嘅服務咪就係最留得住客人個心架囉！💕本身以為麻辣燙係火鍋，原來只係好似車仔麵咁，你揀個湯底同啲餸，佢淥俾你食🤣招牌麻辣燙（$5）配通心菜（$7）、唐生菜（$7）、炸響鈴（$10）、雲南米線（$12）侍應姐姐介紹呢個招牌麻辣燙俾我哋，但唔食得辣嘅關係，只好嗌冇辣椒同冇麻椒🥵 不過都好惹味嘅！呢個湯底用花生🥜整成，所以會特別滑，不過花生敏感嘅朋友就唔食得喇。菜類都好新鮮爽口；至於響鈴就比較失色，因為浸住會淋晒，如果另外上會更好。泰式冬蔭功湯底麻辣燙（$5）配豆卜（$7）、金針菇（$7）、炸枝竹（$10）、薯粉（$12）冬蔭功湯底

來自黑龍江嘅「湯火功夫」，座落於銅鑼灣， 主打麻辣燙， 麻辣控絕對唔可以錯過！😏 除了經典麻醬， 為左迎合大眾嘅口味， 首創泰式冬陰功和蕃茄湯底， 仲有無湯嘅經典麻辣拌， 老少咸宜， 不論你食唔食辣，梗有一款啱你口味！😆 麻辣燙單點$37起， 有30多款素菜、肉類可以揀， 麵底也有8款之多， 不過我見套餐$59起， 包一款麵和四款餸，仲包埋飲品， 價錢都合理。 自家調製嘅麻辣湯底， 加左不少草藥補品， 所以味道比主流麻辣燙溫和少辣， 又唔會過份油膩， 有幾辣，有幾麻都可以自己揀， 小編食開譚字米線嘅小辣， 所以係呢到都嗌左小辣， 諗住試下水溫先，😂 不過就唔係好夠麻辣， 每張枱都有麻椒油、辣椒油和醋自由添加， 咁樣就想點加都得啦！😏 薯粉煙煙韌韌，完全吸晒湯底嘅精華，好惹味！ 金菇磨、油麥菜、豆卜都係好吸湯嘅配菜， 有正嘅湯底就最啱啦！☺️ 滷雞中翼滷得都算入味，不錯！