影片
更多
2016-05-14
941 瀏覽
聽過朋友介紹呢間火鍋店好耐, 但一直約唔齊人黎食, 今日終於相約到幾個為食豬朋友, 一齊黎大快朵頤。滾得棧位處二樓, 裝修主要是黑色實木配上藝術掛畫, 打邊爐都可以好有格調。枱上有提供一本圖文並荗的menu, 亦有一張點菜既紙張方便填寫。食物種類真係臥虎藏龍, 單係湯底已經有十幾種, 肉類更加有好多外面火鍋店食唔到既部位, 有啲我聽都未聽過。打邊爐前店員放低醬油既配料供我地自由添加, 仲笑說自己係香港最少醬料既火鍋店, 因為希望客人食到食材既原味。滾得棧招牌蕃茄蟹湯底 $328黎到已經見到湯底鮮紅不見底, 裡面蓄茄份量極多, 未落任何材料湯底已經好香甜, 不是人工茄醬味。裡面有原隻大肉蟹, 單是蟹蓋已經有成隻手板甘大。蟹鉗同蟹身都啖啖肉, 而且肉質鮮甜彈牙, 難怪呢個湯底係佢地既招牌。熟食篇炸魚皮 $29打邊爐必備, 香脆而且塊塊完整。蝦膠釀油條 $79鬼馬油炸鬼, 蝦膠份量超多, 油炸鬼脆到一碰即碎! 已經係熟食, 但我更鐘意蘸著蓄茄湯去食, 口惑更有層次。炸蝦餅 $78未試過炸蝦餅可以入口即化。近鏡可以睇到蝦餅入面既蝦肉紋理, 用料實在。牛肉篇 招牌手切牛頸脊 $289牛頸脊係我今
滾得棧位處二樓, 裝修主要是黑色實木配上藝術掛畫, 打邊爐都可以好有格調。
枱上有提供一本圖文並荗的menu, 亦有一張點菜既紙張方便填寫。食物種類真係臥虎藏龍, 單係湯底已經有十幾種, 肉類更加有好多外面火鍋店食唔到既部位, 有啲我聽都未聽過。
打邊爐前店員放低醬油既配料供我地自由添加, 仲笑說自己係香港最少醬料既火鍋店, 因為希望客人食到食材既原味。
滾得棧招牌蕃茄蟹湯底 $328黎到已經見到湯底鮮紅不見底, 裡面蓄茄份量極多, 未落任何材料湯底已經好香甜, 不是人工茄醬味。
裡面有原隻大肉蟹, 單是蟹蓋已經有成隻手板甘大。
蟹鉗同蟹身都啖啖肉, 而且肉質鮮甜彈牙, 難怪呢個湯底係佢地既招牌。熟食篇
炸魚皮 $29打邊爐必備, 香脆而且塊塊完整。
蝦膠釀油條 $79鬼馬油炸鬼, 蝦膠份量超多, 油炸鬼脆到一碰即碎!
已經係熟食, 但我更鐘意蘸著蓄茄湯去食, 口惑更有層次。
炸蝦餅 $78未試過炸蝦餅可以入口即化。
近鏡可以睇到蝦餅入面既蝦肉紋理, 用料實在。牛肉篇
招牌手切牛頸脊 $289牛頸脊係我今年開始發現既打邊爐恩物, 手切牛頸脊係湯底滾兩滾就食得!
油香牛香兼備, 仲要質感軟嫩, 食過之後就番唔到轉頭。
雖然要接近三佰大元一份, 但呢到一份牛頸脊既份量係絕對同價錢成正比, 而且仲好新鮮。
香口牛眼根 $149呢個牛眼根係第一次試既新品, 原來係RIB EYE側邊既根位, 所以一隻牛只有好少量。
店員叮囑要放在湯底煮至少15分鐘, 煮耐一點都唔怕。
果然即使煮大半小時, 入口依然爽脆, 最叫人驚訝係佢有濃濃油脂香味, 原來油香唔係一定要來自脂肪, 根位都可以有呢種令人上癮既味道。
牛心頂 $29呢到最好既地方係食物可以半份半份甘叫, 可以試多幾種唔同種類既食物。
呢個牛心頂亦係火鍋店少有之物, 其實係牛既心臟血管頭, 但睇落好乾淨, 不帶一點血腥感。
煮熟後口感清爽, 有點似雞腎, 味道就比較淡。
丸及餃類
手打蝦丸 (半客) $37/ 手打象拔蚌丸 (半客) $37手打蝦丸除左食到蝦滑, 仲有鮮蝦肉粒, 鮮味程度直迫酒樓蝦餃。
象拔蚌丸好特別, 食到彈牙象拔蚌肉粒, 味道鮮甜。
韮菜餃 (半客) $29韮菜餃多汁, 而且超多涵, 好紮實。
鮮蝦雲吞 (半客) $29好多爽彈鮮蝦肉, 而且呢到既餃類久煮不爛, 煮左大半小時, 雲吞皮依然「柔韌有彈性」!
海鮮類
花甲 $78上枱時店家已經幫客人飛水, 走砂石。
每隻花甲都好肥大肉厚, 就算係湯底入面甩左殼, 都可以輕易撈得番。
桂花蚌 (半客) $54珊瑚蚌食得多, 對桂花蚌感到好陌生, 見到佢一堆淡黃色有少少透明, 到底煮熟左係咩樣?
登登~ 煮完後變左香色, 有點像雞柳, 口感同珊瑚蚌一樣爽彈。
上等花膠 (半客) $64半客已經有四大隻, 個尺碼足足有成隻手掌甘長, 而且係花膠筒, 唔係花膠片。
恰左十分鐘左右, 花膠已經完全軟腍。咬落去好有膠質, 充滿骨膠原, 而且花膠質素好高, 味道濃郁, 好似燉品食到既花膠。
美國桶蠔 $139如果花膠係QUEEN SIZE, 呢到既桶蠔就係KING SIZE!
每隻都有Iphone6甘大, 煮過後都無縮水。
軟滑蠔肉入口溶化多汁, 帶子位亦無根。
飽魚仔 $138飽魚仔一客有六隻, 肉質帶光澤, 尺寸為一口飽魚。
雖然外表平平無奇, 但食落十分有驚喜!肉質緊緻但唔韌, 飽魚味濃到頂點! 十分推介!
打完邊爐後湯底變得更濃, 再嚐一下湯底, 簡直將所有海鮮精華留住。 好想倒碗白飯做雜炊, 但實在太飽了。
張貼
