滿堂樂滬京風味 (已搬遷) 新店位置

平日經過這店, 經常見坐滿食客想必有其吸引人的地方, 在一個週末下午放工後途經這店見這天沒有太多人可以試一次了, 店內用圓枱面為的是可以坐多個客人, 所以內裡所有客人都坐得相當迫! 絕不可能有張櫈可以放個”袋”那種!當日試咗: 酸辣湯雲吞麵, 一拿來即加分因為居然有兩條小白菜, 以現在任何食材都收錢的攻利社會, 多兩條菜理應被加多兩蚊, 但似乎又沒有特別的”貴”喎! 酸辣湯味道沒有太酸而當然個湯底係雞粉湯味啦! 辣味亦只是少辣, 所有酸辣湯應有的餡料這湯裏都有落到, 唯一豬肚絲似乎沒有落, 雲吞則是傅統口味-豬肉末韮菜餡, 濃味撞濃味嘅配搭, 吃着吃着令人想起以前在厚福街嘅”唯一麵店”現在”唯一”已所剩無幾, 換來的是大商場嘅”官府菜館”呀或者只做一兩個類形嘅麵店, 所謂時代在進步但本人看似事實在退步,大部份人嘅生活比從前更貧乏, 無錢無得揀嘅情況更嚴重, 無錢咪只可以食”麥記”囉! 這說法可能會被認為”歧視”麥記, 但如果在街上要找比”麥記”的$21套餐更平易的可能要数”魚茸燒賣”了, 可惜好少人可以食一串魚茸燒賣當一餐呢!講番呢度嘅荳漿, 叫咗一杯”熱荳漿”熱度剛好, 杰度少稀同甜

平時唔太大機會去紅磡，但一去嘅話必食呢到D餈飯，因為真係好好食又大件，幾乎每一啖都食到D餡，條油炸鬼每次食親都仲係脆身，最緊要D飯係一粒粒，唔會'林'到一pat pat，唯一同埋銅纙灣果D都唔及佢，第一次去食只賣$12，宜家要$15，配豆漿加$4。雖然間舖細細，但佢裡面仲有個廚房，我見過有個男人喺入面煮豆漿，所以飲熱豆漿嘅時候可以少糖或走糖，凍的也不會好甜。另外值得推介就係餃子上海幼麵，餃子除咗一般嘅韮菜餃之外，佢有個津白餃食落去比較清新似白菜餃但無綠色果D葉，因為津白本身屬脆口，又係大大隻，但唔算好多餡，而且碗麵會加兩條菜感覺好健康，宜家好少麵舖會咁，排骨麵就真係得排骨同麵，又點會搭多條菜，要食嘅話就俾錢叫碟十幾蚊嘅油菜，好多都係咁樣做生意，不過呢到就算加咗價，依然同以前一樣咁好味。

首次光顧上海飽餃店時已留意到隔壁這家賣豆漿粢飯、名喚滿堂樂的小店。是日氣溫急降至十四度，上課前先來此喝碗熱呼呼豆漿。除了豆漿粢飯，此店還供應湯 (酸辣湯、油豆腐粉絲湯) 和麪條╱米線，可選菜肉雲吞、排骨、五香牛肉、雪菜肉絲、燻魚等十數款配菜。最貴組合總計不超過三十元，算得合理 。我點了一份粢飯 + 鹹豆漿，盛惠二十二大洋。自從數年前我家附近一家專賣滬式點心的小店結業以後，鹹豆漿久未沾唇。看來用料十足，油條、蔥花、榨菜和蝦皮在冒熱的豆漿裡載浮載沉。一呷，鹹香兼備，吃了小半碗已感到胃暖洋洋地，真不錯 ！挑剔的話是自家製豆漿豆味尚不夠濃 (老實說我「真正」喜愛的豆漿味道是微帶黃豆「焦」香那種，大陸很普遍，香港暫時找不著 )，而且蔥花少了點兒，下回試試要求「多蔥」……粢飯下單即製，單售十四元一個，並不便宜，不過上桌便知分曉 。「巨無霸」身形是尋常小吃店所見的兩倍，甚至比我的前臂更粗壯 ！大姐下料足，糯米與配料之比例恰到好處，幾乎每一口都咬到滿滿餡兒：肉鬆酥，榨菜香，只油條冷了脆度稍遜 (可以接受)。總的來說是好吃且物有所值的粢飯，飯黏糯少許更對我脾胃。用餐期間不少學生來買外帶，是的，肚量小者一

今次係我第一次寫食評, 但係我自問都算咀尖. 我唔係第一次食呢間野, 但係我覺得佢好食過出面d門面光鮮坐得舒舒服服個d所謂既上海野囉...我食過呢間野既豬扒飯呀, 栥飯等等都好好食...但我要推介比大家既係酸辣湯面同埋餃子...佢呢間野既餃子有分兩隻, 一隻係菜餃,冇咩特別, 另一隻就係津白餃, 呢隻好食...說讚...而且個價錢真係抵到爛...叫碗面飲埋咸豆漿or熱豆漿都係廿幾蚊...但係要一提既係記住食幼面...因佢地分左粗幼面...粗面我覺得係唔好食既...

呢間鋪頭成日都好多人，可能因為地方唔大，同埋價錢好抵，野食又正啦！話說今晚收工無無聊聊想搵野食又唔知食乜之際，比我見到呢間鋪頭竟然有位，我就拿拿聲坐低，叫左我至愛o既雲吞豬扒上海麵！通常係出面食D豬扒都會沉落個碗度，所以豬扒會好快淋晒唔好食。我就係最鍾意呢間會將塊炸豬扒另上，記住係叫先至炸，所以唔會係個D炸完又反炸個D垃圾豬扒！等左一陣就黎埋碗雲吞麵！雲吞總共有三粒，仲要大大粒唔係厚皮個D，又有雪菜伴麵，真係好正！加埋豆板醬簡直一絕！然後加多三蚊雞就有杯唔會好甜o既豆漿！呢餐盛惠30蚊！一個字>>>>>抵！p.s.想豬扒唔好咁熱氣，可以將塊豬扒放入湯浸一陣，然後先夾上黎食會仲好味呀！有機會去食可以試下架

十二月初，天氣終於變冷，除了火鍋外，還有其他選擇。以往，曾經來這裏外賣過粢飯和鹹豆漿，但從未試過堂食，今晚就來這裏吃晚餐。囝囝要了雞翼雲吞幼麵，我叫了豬扒酸辣米線。店舖實在太細，坐下來不久，便感到街上的寒風不斷吹進來，也越坐越凍，幸好等了數分鐘，美食便一一上枱。搭枱的伯伯大讚這裏的豬扒，的而且確豬扒炸得鬆脆好味，囝囝快快趣便吃了一半。雞翼一上枱，便傳來一陣鹵水香味，入口依然皮滑肉嫩。從小，囝囝便經常吃婆婆親手包的上海雲吞，他說這裏的也十分美味。最後，到酸辣米線，單看賣相並不吸引，但吃進口卻是另一回事。酸味剛剛好，辣味也足，加上有大量的木耳絲及冬筍絲，還有在正宗酸辣湯少見的豆腐粒及番茄肉，不知不覺間，我便吃過清光。除了美味之外，寒冷的天氣也是原因。兩人吃飽飽，滿身和暖，便埋單打道回府。這頓晚餐十分超值，價廉又美味，難怪在用餐短短半小時內，便見到不少客人來買外賣。

自從灣仔的唯一麵家結業，只剩厚福街及白加士街的分店後，一直在活動範圍搜尋對味的上海麵店，終於在家附近發現店名優雅卻裝修簡陋的滿堂樂。外出用膳漸多，認為其貌不揚又能夠長做長有的食店，通常是有水準或是物超所值的。步進店內飯蒸氣迎面而來，看見即叫即做的粢飯，已覺對板。除了兩張大檯，店裏便只有一張有時權充工作檯的二人桌，有一面還要對著工場與洗手間，狀甚不雅。所以買外賣的人比較多，不過為免麵條浸太久變軟，還是堂食較好。這次點了酸辣雲吞麵，一般點菜後都要等好幾分鐘，要嚐靭麵條的話要有點耐性了。麵上桌，配上雪菜、蔥粒和一點生菜畫龍點睛，比外出常吃的煎炸食物健康多了。雲吞的質素雖然一般，酸辣湯亦略嫌不夠惹味，但坐在工作檯的我卻被面前廚房櫥窗的鹵水雞翼美色吸引，滿盛的油光透亮，鹵水顏色恰到好處。我素來嫌鹵水雞翼普通很少會點，這次吃完了麵也忍不住追點了一隻，廚師貼心地把雞全翼剪成三截，大號雞翼的肥美沒法擋，再蘸一點鹵汁，色香味俱全。後記：這兒粢飯裏的油條是寶貴地脆口的，值得推介，還可以配賣少見少的咸豆漿。後來曾去買燻魚麵外賣，嬸嬸很貼心的把在膠袋裏傾側了點的麵碗重新再裝一次，誠意加分！

也有良久時間,沒以上海味道作為一日之始,是日早上,來到紅磡明安街四號的"滿堂樂",店名令我想起小時候,有匹馬的名字.同樣叫"滿堂樂".店子不大,裝修簡漏,但有很多人外賣粢飯作早餐,這次我要碗鹹豆漿,加菜肉雲吞.傳統到不得了的滬味.鹹豆漿內有油條粒,蝦毛,榨菜絲,荵粒等等,鹹豆漿入口香滑,感覺非常豐富.菜肉雲吞包得飽滿,件頭頗大,餡料香甜爽口,雲吞皮滑溜,如果不想太過單調,可要個雲吞上海麵,但我對上海麵條興趣不大,寧可吃多幾粒雲吞.下次可試其他店內的小吃,如餃子,炸豬扒等等.

晨早走落紅磡吃早餐。原本想試下新開的一間專吃燒賣腸粉類的小店，但去到才發現是日休息，頓時失去預算。不過，東西還是要吃的。走到有不少食肆的明安街，想起在"上海飽餃店"旁有一間吃上海麵的小店子。今天不想吃ABC早餐的小弟，這就倒是一個不俗的選擇.....上海早點如荳漿粢飯等在此處也有得吃，但要吃有水準的，當然是要到家附近的"美華"了，故還是將quota留待日後才吃吧。今天就只簡簡單單的吃一碗菜肉雲吞麵就可以了....先喝一口湯。是帶點鹹味的"湯水"，不喝也不會太可惜的.....上海白麵帶少許韌勁，不是淰得一pat pat的，還可以；雲吞皮不厚，包得甚紥實，跟上星期在同區"真真"吃的可是有雲泥之別；餡內肉的比例比菜碎多，肉鮮度不太足，只能說是在水準以下.....不過已比"真真"的好吃得多了.....

久唔久都會去幫襯滿堂樂，雖然店舖細細，但都有好多人幫襯。夏天幫襯得最多嘅係湯麵類同埋凍豆漿，而冬天就一定係栥飯。因為佢地嘅栥飯係即叫即做，而且長期有個爐熱住啲糯米，所以任何時間去買都冇問題。唔似得出面啲舖頭，一早包好哂，令到個栥飯充滿『水氣』勁難食。講番今日個午餐，平時好喜歡食酸辣湯炸豬扒上海幼麵，不過碗嘢係超級大碗，唔想食到頂住個胃咁飽嘅原因，所以今日只係叫咗個炸豬扒上海幼湯麵食。豬扒係即叫即炸，所以會比起食其他種類嘅湯麵等耐少少。豬扒有少少香茅味，仲帶點Juicy, 而且塊豬扒厚薄適中，所以唔會炸到好似柴皮咁乾身。上海幼麵雖不及羅坤記好食，但都Okay可以接受！

去完'世界'鞠躬, 特登嚟食麫, 飲咸豆漿.呢度D麫、餃、炸猪扒等都係落單即做, 所以要等, 但全部都熱竦竦, 炸猪扒有香茅味,食落唔油膩又香脆, 麫的軟硬度亦啱啱好, 所以等都無乜所謂. 佢D餃好味得嚟唔肥, 咸豆漿好濃夠熱, 味道亦好balance.店好細, 街坊熟客為主, 食咁耐見外賣未停過, 捧場客都好多.

補回19/6早餐的食評....同同事一起SHARE半個痴飯...另外各要左碗鹹豆漿....拎到返公司依然熱辣辣~個侍應哥哥仲話落幾滴辣椒油更好味wor~其實我係第一次食~味道幾特別~杰杰地~好多料~有d蝦仔,菜圃,油炸鬼~唔知係唔係d豆漿有d熟左呢~有d一絲絲的口感~~食到最尾就鹹左d~~不過~呢個早餐幾有風味~幾特別~~未食過試下都好既~其實之前已食過呢間野一次ga喇~上次食担担麵~超大碗~今次份量依然~痴飯大大舊~佢地用既油炸鬼係特脆的....係o係上海食到的正宗油炸鬼,不過~如果夏天o係呢度堂食就會有d熱喇~~

18/5(日) 3pm一盡孝子賢孫職責,清早跟老爸到和合石祭祖後,跟於Sony VIP日滿載而歸的男友會合;迎戰Jusco優惠日!戰前到紅磡來個遲來的午餐;偶然中發現此簡樸家庭小店,"滿堂樂";頗親切的名字.店子跟鄰店"上海飽餃店同樣以上海飽點為主食;但兩店像是達成共識;鄰店主攻蒸餃,小籠包;至於此店以麵食,餈飯,水餃為主食.小店一眼看盡,三數張木圓桌容不下多少人;跟街坊們搭桌,首嚐燻魚$12,擔擔麵$18加水餃2隻$4及豆漿加$3.燻魚--燻魚肉汁豐厚,不算相當有肉地,醋味溫和;食味蠻平衡的!擔擔麵--要了走辣的擔擔麵湯頭充斥著花生香,肉碎炸菜碎味濃惹味!麵條煙韌香滑;而水餃外皮屬滑透型,厚度剛好,韭菜豬肉餡清爽多汁,甚佳的麵食!豆漿--自家豆漿豆味挺重的,更沒渣,$3大大杯,絕無控訴!老闆及老闆娘忙得不可開交,依然保持笑臉;敬業精神可嘉!必須翻炒的食店!P.S.其間外賣客絡繹不絕,餈飯及其牛肉乃其熱門之選!題外話:男友於Sony VIP日爭奪得來的alpha100連兩枝鏡,僅為二千,正野!文法題:請問此"須"及彼"需"區別何在呢?答中掌自己兩巴獎!