滿堂樂滬京風味 (已搬遷) 新店位置

雞翼$16/3隻，雪菜豬扒麵$40， 韮菜水餃拼雲吞$33特意到此吃豬扒，原來雞翼才是驚喜之選。首先$6/1隻、$16/3隻的大件全翼真心抵到爆，二黎滷水很入味，比豬扒更好吃。其他食物的味道是水平以上，而且都是大大份兼街坊價錢，所以對小店環境衛生和服務不能要求太多。

上年因為一啲不愉快嘅事件令我冇再去呢度食嘢.今次返嚟因為實在非常口痕,放工想食個粢飯.當時已經八點半,粢飯已經賣曬.唯有選擇second choice嘅酸辣湯麵加雲吞啦.都係因為太夜,淨係得幼麵同埋米線.非常大粒雲吞,相對嚟講皮都係超級厚,餡料夠曬多,而且有好多蔥,聞到陣陣嘅香蔥味.撇除咗皮太厚嘅問題之外,味道同埋口感都唔錯.酸辣湯裏面仲有切得超大條嘅豆腐乾,仲有好多筍絲同木耳絲.豆腐乾係我嘅最愛,而且我鍾意食爽口嘢,扺讚.不過非常可惜嘅係主角嘅面同埋酸辣湯真係好唔掂.唔知道係咪因為臨近收工,啲麵浸喺酸辣湯度太耐,個面餅吸曬湯汁變曬咗成餅嘢黏埋一齊壓住喺碗底,無論點樣撈都撈唔散,除非你有攪爛曬啲麵嘅覺悟.當你成嚿麵餅撩起嘅時候,你就會見到原本係面頭嘅酸辣湯流曬落最底,再冚返個面餅上去既話,所有酸辣湯會好似即時消失曬咁,好似變魔術咁,好神奇,好失敗.

這間小店是我的最愛，由於住在附近的關係，常常光顧，也不厭倦 ! 因為性價比高，而且款式多多，食極也不會厭，份量又足 !這次吃了雞全翼($15/3隻)﹑鎮江骨麵($35)﹑炸豬排($15), 雞全翼是必點的，因為很入味 ! 另外，鎮江骨麵份量十足，充滿骨膠原，是女士必點的 ! 麵可以選粗上海麵或幼的也可!炸豬排見到幾乎每桌也點，加上店家的秘製醬，可謂滋味無窮，而且是新鮮炸起的，雖然有點點乾，但還可接受。店家也有提供甜豆漿及咸豆漿，也是很好飲，咸豆漿很有特色，可以一試! (不過這次就沒有點了，下次再點飲品吧!)

六月頭過左尖沙咀做嘢，醒起朋友講過紅磡有間由細食到大嘅粢飯好好食，超鍾意食粢飯嘅我當然要一試啦！去到差唔多一點，小店只有十幾個位我一個人搭枱就易啲，見出面有幾個人都係買外賣嘅，有學生亦有街坊咁，感覺大家好似都係食開嘅。我叫左個粢飯配咸豆漿，印象中係$25-30嘅。店內姨姨新鮮即包粢飯比我，放到我面前真係好驚喜，係我見過最大隻既粢飯呀！個粢飯係肥嘟嘟好足料架！粢飯我最緊張就係飯同涵嘅比例。比例唔錯，如果飯再薄少少就更加好。由於個粢飯新鮮包畀我嘅，啲飯都好軟熟，但又粒粒分明唔會黏埋一pat咁。非常滿意！仲有令人期待既咸豆漿呀非常足料，朋友介紹加幾滴呢間小店嘅辣椒油係好惹味架，果然冇介紹錯，大家都可以試下！！$30內食到個美味飽足既午餐，又畀左我動力下午努力工作喇：）

去紅館睇show前，選擇行十分鐘左右，過來紅磡呢邊食野，揀左一間較近的，老店食上海野，原來店舖幾細，座位唔多，好在又唔駛等位。叫左野食都好快黎到，一碗淨津白餃，即娃娃菜餃，比較少見，皮薄，餡新鮮，無太多調味，湯也是，有家的感覺。炸豬扒上海麵，有得揀粗麵定幼麵，揀左幼，麵唔會太粉，幾滑，都係送兩條菜，炸豬扒分開上，熱辣辣新鮮，幾嫩同有水份。炸韮菜餃，皮香脆，韮菜味十分香，感覺沒太油膩。最難忘是熱豆漿，原來是碗上的，份量好多，少甜，豆味濃，好正。奇怪的是兩個裝湯麵/餃的碗用發泡膠，其餘是膠碗，用一次就為地球製造難分解的垃圾，罪過，如果是沒人洗碗的問題又奇怪只有部分碗如此，不懂。埋單是32+4+32+20抵食！

紅磡食店一向臥虎藏龍，價廉物美。呢間上海麵係我多年嚟經常一個人幫襯，味道一直保持水準！呢間小店由一家人經營，店中有賣大大份粢飯，入面好足料，肉鬆同炸菜都好夠味，加埋杯冰凍豆漿，平時做早餐或者下午茶都唔錯！講返呢度嘅名菜都係碗上海麵，我本人就比較鍾意食幼麵，無論津白定韭菜餃都好出色，如果鍾意食酸辣就更加唔可以錯過酸辣湯底，夠晒足料，酸度辣度都適中，一碗對於男人都夠飽！另外都推介炸豬扒同雞翼，尤其雞翼好入味，唔係亂嚟；唯一可惜係以前有燻魚賣，不過近期冇再做，希望第日可以重溫滋味！呢度始終係舊區同老店，環境唔算特別乾淨，但就真係味道同價錢夠平搭夠！

又到糧尾，梗係要食返平少少。好彩紅磡街坊小店多，有時質素分分鐘好過連鎖，滿堂樂就係好例子。津白水餃新鮮製作，餡料多到脹卜卜，調味適中好健康。成碗淨水餃仲有八隻，仲會比菜。同朋友share食梗係唔夠飽，一定要叫多個麵。麵有粗幼揀，我地都鐘意幼既。麵質非常好，係正宗既上海麵。而且份量多，好抵食。湯底係雪菜湯，唔會太咸。最好係咁平都仲會為食客健康著想，比多幾條菜同蔥，好貼心。咁當然唔係淨麵，仲有炸豬扒。豬扒炸到脆遳遳，切件同湯麵分開上，唔怕比湯浸到腍晒，好細心。街坊親民平價食，滿堂樂成為我糧尾既不二之選，哈哈 😄

This hole-in-the-wall neighbourhood joint has been selling a variety of delicious Shanghai-style noodles for years.My personal favourite is the "镇江排骨面", but others such as the pork cutlet and sweet and sour noodles are recommended as well.  The soya bean beverage is decent though not anything to shout about.Unpretentious and cosy place, but with limited seating.

幫襯左滿堂樂已經有八九年，食到老闆同老闆娘都認得我同男朋友😂滿堂樂係一間家庭式經營嘅上海小店，非賽馬日就會見到肥叔叔喺廚房，一跑馬就會變左老闆娘做大廚，有時又會見到阿女（定媳婦？）喺鋪面幫手。我喺其他上海鋪實在食唔返呢度咁好味，所以我久唔久就要返去食下，手工津白餃子，炸豬扒，炸雞扒，都係我次次嚟都會食嘅嘢！其實佢個menu 仲有好多其他嘢食，雞翼，燻魚，酸辣湯，粢飯等等，最神奇係，所有嘢食我都見有人嗌過😯唔好睇佢鋪仔細細好似好up dup咁，呢間鋪真係好多熟客，大部分時間嚟都有50%以上入座率！近幾次嚟食，發現轉左用發泡膠碗同即棄木筷子.. 聽老闆娘講，而家請少咗個人洗碗，唯有轉用即棄餐具.. 雖然係好唔環保，但小店要喺租金日益上漲嘅紅磡區發展都唔容易，希望佢繼續長做長有啦！

我最鍾意食上海式嘅早餐，尤其係鹹豆漿，粢飯，油豆腐粉絲，大餅之類。但係因為呢啲食物係香港逐漸式微，舖頭執一間少一間， 要搵一間有齊呢啲嘢食嘅已經唔易，更加唔好提要搵一間好味嘅。難得有一間喺屋企附近，所以我都經常幫襯。入到去梗係要叫例牌既鹹豆漿粢飯啦。唔知道係咪近年舖頭嘅廚師轉咗風格，鹹豆漿越嚟越稀，同上年前年比簡直差天共地。 而且以前鹹豆漿裏面嘅油炸鬼，食嗰陣仲有少少脆，呢個一路係佢既賣點。但係近嗰幾個月已經食唔到鹹豆漿裏面嘅脆油鬼啦。至於粢飯 ，依間習慣用孖條，諗著食唔晒既當然可以要求用單條。但無論係孖條定單條，裡面嘅配料都係咁少，不過飯量就好多，好似變左油炸鬼飯糰咁。希望只係唔合我口味，願老舖振作。

說實在，​每次來​紅磡，從來都不發現這店的存在，​因為​門面真的不顯眼。店內裝修​保屬八十年代格局，就2張大圓枱​，​地方​淺​窄。不過，對我來說，吃的是食物風味，服務次之，裝修再次之!​。​點了豬扒麵、酸辣湯麵、煎韮菜餃和凍豆漿。豬扒是即炸，薄薄的，不會上太多粉，亦沒有炸得太"乾、老"，只是略為淡了一點，加豉油可解決!​酸辣湯麵​味道不錯，比某些自命上海菜的店做得更好。亮點是煎韮菜餃​，真的估佢唔到！即煎，熱辣香口，灑上鎮江醋調味，一流!還有豆漿也是豆味十足。值得推薦!!​

吃了很多年的上海面，在上海卻找尋不到一絲一毫的縱跡，也許這就是福建找不到福建炒飯的道理吧，清淡的口味倒有幾分上海的感覺，不過裡面卻有上海馳名的炸豬排，不得不贊一下，居然比大部分上海的炸豬排好吃，被肉槌松化過後，與夾在脆皮和肉中間的油香，融合得天衣無縫，還有鎮江排骨的酸甜感，不過得3點以前就去吃，那就才有帶軟骨的排骨，可謂是極品中的極品。而上海人擅長的餛鈍，在這也只是水餃而已，沒有薺菜，反而香菇更勝一籌

這天早上突然很想吃米飯，於是上班途中就在openrice search了這家上海菜小店買粢飯~我太久沒吃了吧...發現原來現在粢飯也要接近$20，有些店子更是20多塊...阿姨看見我就親切地問：「靚女，要咩呀？」我說要粢飯，另一位阿姨就在我面前那張小桌子上包呀包~期間兩位阿姨聊天都是用上海話(？)，感覺更加正宗哈哈...嘩！超有份量的粢飯，有我兩個拳頭大！裡面有榨菜、肉鬆，重點是油條！香香脆脆不油膩！我平常不太吃炸物也覺得好好吃！當作早餐也吃不完，可以留待午餐再吃呢！下次再買的話，我應該會跟阿姨說米飯要少一點吧~

紅磡野食多，不過質素都幾參差，lee 間小店算係有良心真好食既地方。是日食既係雞扒津白餃麵，雞扒即叫即煎，塊雞扒香口有汁，水準之作。津白餃還不錯，我唔算特別喜歡食水餃，不過加五六蚊有三隻水餃好抵。總數都只係$35，係出面都好難食得到咁既份量。lee間小店仲有好多其他好野食，大家行經紅磡想醫肚既可以幫襯下。

尋日同豬女睇演唱會, 識食就一定去食紅磡舊區個邊食野。原本想食附近幾出名的漢堡包店，誰不知六點半就已經好多人，所以就行多五分鐘, 搵到呢間有麵食的鋪頭。一開始都有小小懷疑好唔好入去，一系咁啱無人食, 二來系地方狹窄。但是當我見到我叫既麵在價錢，味道，份量既質素何其高，我既疑惑一掃而空。水餃雲吞麵，豬排雲吞麵 （$33）先講個餸，呢到水餃跟雲吞不同之處，除左個型狀不同外, 味道跟餡料都打有不同。雲吞只有白菜，而水餃則有韭菜或津白可以選擇。 餡料卻非常豐富，咬下去好有口感。肉已豬肉為主, 幾乎合上海菜既特點, 也適合一些對鮮蝦敏感的朋有。不過，自己食得比較清淡，水餃在味道方面比雲吞更重一點。特別一讚，無論系水餃還是雲吞，用熱湯“錄”熟後仍保持原整無缺，實在難得！再說，水餃本身也包含著湯，美味程度大大提升！另外再講講豬排。豬排是以炸的方法來處理，新鮮香脆，其實味道上比澳門豬排包有過之而無不及。而且豬排跟湯麵分開上碟，額外特顯細心。本身個麵底則選擇左上海粗麵，麵質偏軟，雖然自己並不是好喜歡這麵質，但是仍然感受到個一份手打既辛勞同汗水。食完之後真心有點感慨，在香港這個寸金尺土既地方, 這些無論價