滿堂紅雞煲烤魚特式火鍋 (已結業)

大鄉里既我今日出省黎到出名多嘢食既 #深水埗 搵食 。其實都係好random甘係openrice度搵到呢間火鍋店。先講講環境，如果想話係一間裝修得好令，好光猛企理既火鍋店，呢度應該唔係你杯茶...而呢度正既地方係星期日至四去，可以坐四個鐘，想同frd吹水，都唔會比90分鐘既魔咒侷住要轉場甘掃興，而且人頭$177，無收加一！算係甘！👍🏻👍🏻講返食物，質素就一般般。呢度可以食重慶雞煲、海南椰子雞煲，仲有烤魚，加打邊爐。今次我就揀左椰子雞煲，因為未食過。有濃味或者清甜既湯底以作選擇，今日唔想甘重口味，所以揀左後者。清甜湯底有微微既椰子同埋斑蘭葉清香，湯底透徹，雞應該都有半隻，肉質算滑，不過雞味就...真係食唔到😅😅，而且隻雞同我一樣👉🏻甘肥🙈🙈至於其他打邊爐既配料都唔少，都有齊🐷🐂🐑肉、內臟、蔬菜、丸類等等...最值得一讚既係呢度有任食既韓國蜜瓜雪條，真係好好味，好香蜜瓜味，雪條質感幼滑，好正！❤️整體感覺，算OK，不過唔會有想再encore既衝動，如果同朋友行開深水埗，又想吹水打邊爐都會係考慮之一。

今日落開來黃金整電腦，順便在附近揾下有什麼好吃的！上op搜查到附近有間又有魚食！又係放題！而且最重要是價錢超優惠的！ 立刻唔洗講嘢，行過來試下好唔好食先！ 呢度收費咁平，但係地方非常企理，不但有少少裝修，樓底又夠高，而且坐得好寬敞一啲都唔會覺得迫夾！ 原來這裡賣點是超抵食半自助放題之選，人客可以招牌雞煲任選，先食雞煲後加湯再打火鍋~ 雞煲方面 ，有正宗重慶麻辣雞煲或者芝士雞煲以供選擇！ 如果想要清甜之選。也可以選擇海南椰子雞煲！或者選擇大盤烤魚湯底也可以。有兩款選擇：包括麻辣大盤烤鯇魚或酸菜大盤烤鯇魚~甚至乎完全唔鍾意食雞或者魚， 也可以選擇一般普通湯底！ 外面天時暑熱！一坐低緊係整杯凍飲先啦 ！飲品方面足足有兩個飲品櫃！供應各式各樣檸檬茶、汽水、綠茶、芒果汁、C+…… 甚至連啤酒都有供應，嘆番兩杯也是賞心樂事！ 出面還有小食區，有多款小食供應，包括雞腎 ，沙薑雞腳，煙鴨胸，咖哩角甚至乎港式咖哩魚蛋豬皮都有！ 而且味道好食喎 ！煙鴨胸煎得好香脆， 沙薑雞腳都夠入味，邊邊之前來兩塊拍青瓜就最醒胃不過啦！ 因為朋友不吃辣的關係。所以我們選擇了酸菜大盤烤鯇魚~ 原本覺得麻辣吸引 一點的

今晚有位朋友仔生日，壽星仔話好想食麻辣火鍋，搜尋之下，發現深水埗有間雞煲火鍋都係百幾蚊喳喎，即刻決定食呢間啦地鐵站行過來只需5分鐘，就在嘉頓附近，門口看到兵馬俑就進去吧。我們一共三人大約七點左右到達餐廳，看看餐牌，這時是正價時段，只是$168，果然便宜幸好未算多人，可以自由選位，我們選擇了近門口的沙發位置，座位闊落，坐得很舒適。整間店舖都彌漫著麻辣氣味，內裡並沒有華麗裝修，只有簡單的佈置和樓底很高，顯得空間感非常大，亦因爲空間大，所以每一枱都有按鈴，方便客人呼叫員工。外面設有自助吧，提供醬料，前菜及熟食，我們只夾了拍青瓜，雞腎試試，兩樣都很爽口並帶點微辣，但拍青瓜就多了麻辣的感覺，是非常好的開胃菜!飲品也是自助式，總共有兩個大雪櫃，款式種類多，有不少韓國飲料，道地飲料，可樂，啤酒等等⋯⋯雞煲款式可選芝士以及海南椰子，但今日壽星仔指定要麻辣，只能選麻辣雞煲由於我跟另一位朋友仔不太吃辣，雞煲只好點少麻少辣。鍋中有不少乾辣椒，紅蔥，洋蔥等香口配料，雞件一隻，份量多之餘又新鮮嫩滑，沾上醬汁真是又辣又麻，很惹味這種麻辣程度對不太吃辣的我們來說已經麻得要命，嘴唇開始感到麻痹，不過我們沒有因此而停口

每逢OT下班，幾個同事都會在公司附近找地方吃消夜，今天也不例外。因為下班的時間已經是凌晨了，仍然營業的餐廳也不多，剛好看到一個寫着「雞煲 烤魚特色火鍋」，我們的口水也垂涎三尺，二話不說就進去了。當打開門後，看見一幅清明上河圖的屏風及一個兵馬俑，相信餐廳負責人也很熱愛中國文化；而且店舖裝修復古。而且價格亦相當便宜，宵夜時段只需$128，有雞煲及烤魚選擇，因為雞煲都經常吃，所以今次選擇了酸菜烤魚。餐廳亦提供餐前小食及前菜，供大家開一開胃口。主角好快就上枱，一整條鯇魚，雖然我不是一個吃魚的愛好者，但是我都知道鯇魚是沒有很多骨的一種魚，方便我這種不懂𦧲骨的人，而且食落又不腥。烤魚內亦有很多豆卜，豆卜吸收了湯底的味道。大家亦可以選擇店舖其他配料，$128包含烤魚及打邊爐相當化算。

在Openrice隨便找找深水埗邊度有雞煲食,見到10:30pm $128 雞煲加打邊爐配料任食仲免加一,就決定試試。雞煲未到之前,試下放在出面任食的小食先,幾款味道都唔錯我都算幾食得辣,第一次叫雞煲中辣,好似平時食開的小辣,同埋味道比較淡,所以自己在火鍋調味料的位置,取了豉油,辣椒和蒜容加落去再煮煮。雞件的部位,應該是隨便執落去,因為我特別鐘意食雞背,但好多都係胸和肶位。雞煲內的洋蔥係用靚野,幾甜。火鍋配料一般,但以此價錢來說,算合格。值得一讚係有好多款飲品選擇,道地烏龍茶,道地柑桔蜜,可樂,仲有好多韓國牌子特色飲品,另外啤酒有獅威都是任飲的。仲有多款唔同味道的雪條,食完記住要食,好味兩人食飽飽埋單才$256,呢個環境租金和人工都咁貴,可以話冇得挑剔了

夜晚十二點幾一行五人黎到滿堂紅雞煲烤魚專門店其實好耐之前係滿堂紅食過雞煲，感覺幾好，岩曬一班朋友聚會。而呢度鋪頭面積好大一啲都唔焗促，雖然唔係一間間房，但大枱既位置都有個屏風就好似間左一間房咁，三五知己有時傾計都可以大聲小小，唔洗就住就住今次大家都決定食酸菜烤魚煲，一大條魚再加埋其他配菜，雖然係酸菜但食落有小小辣辣地好開胃呢度仲有熟食既自助吧，食野之前可以食d小食飲品當然係自己黎野，啤酒都有嫁條魚食到七七八八就開始用魚煲既精華打邊爐，配料一應俱全，講得出既都有，正呀

宵夜時段要選擇平靚正，我會推薦位於深水埗青山道滿堂紅火鍋，比較出名係雞煲同烤魚。另外宵夜時段只係＄１２８而且免加一，低食。一入門口就見到兵馬俑恭候客人光臨，兵馬俑旁邊六有以清明上河圖作為圖案的屏風，非常有中國文化氣息。而且室內裝修簡約，地方寬闊坐得舒適。由於雞煲火鍋就平時食得多，所以今次揀左酸菜烤魚。火鍋烤魚主要選擇爐魚，一上個鍋時，條魚ＳＩＺＥ非常有誠意，我地４人用餐份量剛剛好。滿堂紅設有一個自助區，可自行選擇醬料，餐前小食（有雞腳，牛舌，青瓜，素齋，春卷，紅腸，及其他熟食等等）。另外雪櫃亦都好多選舉，最重要係啤酒都係免費。肥牛脂肪比例小，色澤分明。火鍋必定瘋狂點。響鈴及魚皮，炸得夠脆。最最滿足係估唔到食完火鍋，仲可以有韓國雪條作甜品。臨走時先發現原來滿堂紅曾刊登的雜誌，下次再黎會試下招牌椰子雞煲。

有時收工太夜 想搵個地方食餐飯 都變左無乜選擇 同4個同事傾傾下又想食下水煮魚 唔駛下下打冷食鹵味 今次出到深水埗一見門口就已經俾大大既招牌吸引住宵夜時段都係$128咋 有成10款湯底 2款水煮魚裡面一睇就覺得好古式感覺 一大個清明上河圖 屏風古代式擺設 好懷舊 牆身都掛上一幅幅既畫 呢到一個價錢任飲任食咖 呢到仲有啲小食任拎呢到仲有啲開胃小食黎到食水煮魚係重點 呢味叫酸菜烤魚 如果大家食得辣 可以叫另一款豬牛羊雞肉 任選擇 全部都新鮮

三五成群收工吐苦水，最適合去一間靜靜地既餐廳，而更重要係可以講到口乾時唔怕無野飲所以大家收工後決定黎呢間滿堂紅既火鍋試試佢!餐廳設計幾有特色，比我既感覺有啲似博物館，因為壁畫既設計好有畫展feel,而且夠晒 闊落!門口展示既物品竟然有清明上河圖同埋兵馬俑，簡直amazing!話到明係烤魚雞煲火鍋，食既當然離不開雞煲同烤魚，因為雞煲食得太多，決定轉下口味食烤魚， 我哋揀咗個酸菜烤鯇魚作為主鍋!值得一讚嘅係除咗好多唔同嘅火鍋配料可以選擇， 仲有好多熟食可以選擇! 熟食足足超過十款由於小弟無辣不歡，所以揀咗辣既青瓜，雞腎及鳳爪配埋酸齋，美味!有淆無酒點得嫁，立即出去凍櫃， 選擇最愛嘅啤酒beer beer 佢!酸菜鯇魚夠晒大條，酸菜微辣帶酸胃口大開，而且鯇魚都好新鮮，超多肉食完鯇魚開始打邊爐!肉類切到薄薄咁，一放入去滾幾滾就食得!而且任叫其他佩料全部不會太太份，唔會浪費食物，更重要既係職員好快手，點完幾分鐘就送到響鈴浸落酸菜湯底好夾，有脆又好味最後以韓國雪條作為完美終結!總結呢間火鍋任食,性價比高，環境舒服，值得再黎!

一大班人出去食飯，人多口雜，各有意見。為左滿足各位既喜好，只好選擇打邊爐，任飲任食，自己叫自己喜歡的，大家一定不會反對。加上好耐無食過雞煲，順便可以一煲兩食，先食雞煲後打邊爐。門口放左個兵馬俑室內裝修簡單，感覺好似返去深圳打邊爐的格局。湯底有十多款選擇，包括椰子雞、豬骨湯、翅骨湯等。不過大家都嗜辣，所以叫了麻辣雞煲。麻辣雞煲有不同麻度及辣度選擇，我們選了大麻及中辣。外面有自助小食吧，醬料吧，飲品櫃。小食約有7-8款包括春卷、鴨胸、拍青瓜等；飲品種類繁多，有多款韓式飲品、汽水、茶及最重要的啤酒。食雞煲唔可以無佢煙鴨胸及春卷，味道一般，過下口癮。主角上場雞肉夠麻但不算太辣，下次可以試下大辣，雞肉新鮮嫩滑，令人食不停口。大家消滅個雞煲後，就加水打邊爐邊爐配料多達七十多樣木耳水餃木耳夾口配上豬肉，口感極佳。海膽丸一咬開就瀑汁出尼，但味道似芝士，難以令人聯想到海膽。花枝丸有花枝肉在丸內，尚算彈牙魚腐質地爽滑，唔會成舊粉響鈴浸一浸湯即食，仲有少許脆，好似飲左啖湯入口黑豚肉片色澤鮮紅，肉味充足夠嫩，切得很薄，一淥即熟。皇帝蟹柳超市貨式，味道全來自雞煲的麻辣。飲飽食醉，係時候上甜品，韓式雪條。好香濃既

雞煲興起源於約10年前，還記得當年除了正職外，還有一份副業就係食譜翻譯，當時的老闆算係第一代雞煲引入者，其中一間舖在佐敦，我亦親身試過，味道不錯。直至現在，坊間的雞煲店舖開到成行成市，證明很多香港人都係喜辣。今日到附近一間雞煲試試，因平時經過，都嗅到香濃的麻辣味，每次行過都令人口水直流，食指大動。$168/位雞煲加火鍋門口有個兵馬俑及古色古香的屏風店內樓底高，可能是舊樓的關係，放工6:30到達，已有幾枱客人。有多款餐前小吃，包括拍青瓜，蒜泥白肉，鷄腎，煙鴨胸，春卷，鹹菜豬肚等等。拍青瓜好爽口及開胃，蒜泥白肉就自己混醬配搭落去。雞煲可以選擇麻及辣的程度，適合大眾口味。自助醬料吧，有生蒜蓉、葱、辣椒、辣油、豉油。任飲飲品包括啤酒，可樂，道地茶系列等任食韓式雪條我們點了個麻辣雞煲，因我不太吃辣，所以只選擇少麻少辣。雞件醃得入味，雞肉炒得香口及嫩滑，麻辣味十足，食到我大汗淋漓。豆腐干吸收了雞肉的油份及麻辣味，比雞肉還惹味。食完雞煲再加水打邊爐食物種類不算太多，但食完雞煲，基本上都不太吃得下，只點少許試試。肩胛肥牛色澤鮮紅，肉質夠淋，但肉味不足。真係花膠膠質不足，有些爽口，吸收了麻辣湯的味道，食

呢間已經食過好多次，覺得性價比高，無論食物質素、種類、環境 and 服務都算唔錯。食物種類比起深水埗其他類似食店黎講，算多款揀本人好濃味辛辣，呢間基本都滿足到，雖然唔夠荃灣一品&常滿咁濃，但都不錯，另外個雞煲d 配料都好多，本人好鍾意佢d豆腐（？）飲料&雪糕雪條選擇又多，又有自助野食，d豬皮魚蛋、拍青瓜都好正地方亦都夠闊落，唔會食到好辛苦，好怕d 太迫既場，而且呢間仲要唔使排隊就有得食，又有儲物籃放袋，加分

另一半和朋友試過這間火鍋店，評價頗好，於是便帶我試試。店舖離深水埗地鐵站五分鐘步程，不算遠。店內環境比較簡陋，沒有特別裝潢，但地方非常闊落，感覺像深圳的餐廳？因為地方大，所以每張枱有個呼叫鈴，侍應都會於按鈴後都迅速上前幫忙有幾款雞煲同魚煲揀，今次點了濃汁雞煲火鍋包飲品任飲，選擇非常多！同時設有自助吧，有數款熱食及炸物，醬料選擇亦很多！雞煲上場由椰子水，椰香水同椰漿溝成的湯底，椰香味很重，湯底亦十分濃稠，兩個人半隻雞，不太多剛剛好！雞肉十分滑，整個雞件被濃濃的椰子漿包住食完雞煲再加湯打邊爐，材料選擇十分多！每次的份量都不太多所以可以放心試很多款！店方還安排半份選擇，保證不會浪費食物及樣樣新鮮！推薦鵝腸，水魷，魚腐！脆魚鯇就麻麻地，有少少霉記住留肚食雪條！ 又係任食！成餐飯都食得十分滿足，洗手間更意外地乾淨企理！必會推薦其他朋友試食！ 因為食到飽飽兩位埋單都係$360有找！不限時！

天氣凍又系時候打邊爐系街經常見到滿堂紅既易拉架，終於去左會一會佢呢到冇咩特別裝修既感覺，不過地方都系乾淨既全場任飲任食，任飲選擇超級多，有好多5同既紙包飲品可以選擇，道地既蜂蜜綠茶、烏龍茶同埋巨蜂提子汁都有。佢地亦都有雪條任食，系韓國既水果味雪條，推介蜜瓜味呢到有一個自助既小食吧，可以拎麻辣雲耳、咸菜豬肚等等既小食。味道亦都好好，麻辣味夠香，豬肚亦夠味我地今次叫左雞煲，一上台麻辣味好香濃，但係愈食愈咸最後我地頂5順連雞都未食完就加湯打邊爐。邊爐既配料選擇都幾多，有響鈴、炸魚皮呢d必食item仲有牛骨髓呢d比較少地方有既配料配料既質素都幾好，亦夠乾淨。我最推介系呢到既牛肉，肉質好嫩滑好香牛味，5會太肥。佢地既豚肉片都好靚仔中意食豬既5可以錯過

在深水埗滿堂紅大顆兒吃完了火煱後，竟然忘記了拿電話，幸得客服人員把電話收起，沒有任何捐失。在此非常感謝客服路不拾遺的精神，實在非常難得，真的非常感激你們的幫忙，在此說聲謝謝！