滿小館

營業中

休息中

Came here for a relative gathering during the CNY and the food surprises all of us! The restaurant is slightly distant from the main TST area but there are quite a lot of good comments about this place😋Does not disappoint!!!

聽朋友介紹話唔錯，所以嚟試下一行5人叫左8樣野食1. 冰鎮苦瓜、2. 冰鎮串串茄、3. 蕃茄腐竹菜、4. 杞子豬潤菜、5. 冰鎮豬爽肉以上5款正常無驚喜6. 蟲草花豬展燉湯呢個燉湯還可以7. 砂鍋豉油雞呢個正！所有餸嚟齊個豉油雞都未到，但係我見到出左好多砂鍋嘅餸都未到我地，咁就追下啦，追左幾次都係話整緊，到最後我地都決定取消！呢間野啲雞應該係要去西伯利亞捉返嚟！！！🤣🤣🤣🤣🤣8. 黃金海虎蝦重頭戲嚟啦！勁難食！勁難食！勁難食！重要嘅事講三次！！！個蝦嚟到，每人都攞左一隻，一食落口啲蝦肉霉到呢🤮🤮🤮，簡直係驚嚇！跟住就同經理講啦，你啲蝦霉架喎！經理回覆：急凍蝦呀！（跟住就走左去，無再講任何野）我嘅反應：😱😱😱😱😱！！！！！我無語！！！霉左嘅蝦唔會因為係急凍蝦而霉左囉！！！真係以為我無食過急凍蝦咩！！！此餐廳經理服務完全唔掂，炒得！！！其他野都係一般，完全無驚喜得驚嚇！！！奉勸其他想去食嘅人唔去為妙！！！

#尖沙咀地膽 今次去尖東站的滿小館食開年飯。餐牌主打傳統粵菜、點心、懷舊小菜、港式小炒等。以中式裝潢，坐位濶落舒適。🍗 龍井煙薰太爺雞 $368必試招牌菜：龍井煙薰太爺雞！一上枱已聞倒陣陣煙薰香氣！雞肉嫩滑嘅太爺雞配上龍井茶煙燻，香氣四溢，連雞胸都好軟嫩！🦐 蔥油海蜇頭 $78作為餐前小食的海蜇頭色澤鮮亮，口感爽脆，帶有蔥香的美味，鮮味十足！🔥🍖火焰古法燒腩叉 $168 上枱時席上燒起的火焰古法燒腩，將叉燒至金黃色，外香內嫩、脂肉均勻！一口咬落去，啖啖肉汁飛溅嘅感覺！肉質帶韌勁，焦香十分好吃！🍤懷舊蝦多士 $58/件 用上原隻大蝦及蝦膠，炸至外酥內軟，蝦肉扎實鮮甜，配卜卜脆的面包，必點！🥬 啫啫唐生菜煲 $118大排檔風味的啫啫生菜煲，新鮮嘅唐生菜加上咸香的味道，清爽而不油膩！🍜 鹅油頭抽吊片炒麵 $138鹅油頭抽吊片炒麵的麵條炒得香口有彈性，夾埋鮮美嘅吊片香口惹味！滿小館📍尖沙咀麼地道63號好時中心地下30-41號舖

自從公司搬離開尖東, 也很久沒踏足這地方晚飯! 昔日的街坊說他們公司樓下開了家中菜館私房菜, 還說必定要去一試! 大大個新鮮魚缸, 海鮮、燒味、冷盤、鑊氣小炒、懷舊小菜、燉湯及甜品等, 應有盡有! 座位寬闊, 還設有獨立房間! 蔥油海蜇頭 $78 ~ 這蔥油有別於一般, 是蔥頭, 很特別呢, 香氣跟一般蔥油截然不同! 海蜇頭很厚身, 很爽脆! 微微的陳醋香, 很開胃!懷舊蝦多士 $58/件 ~ 蝦很大一隻, 又爽又鮮! 中層蝦膠同樣爽口彈牙, 麵包炸至香脆, 香氣撲鼻! 火焰古法燒腩叉 $168/例牌 ~ 席前燃點火焰, 有著濃香的玫瑰露酒的香味! 腩叉味道甘香, 連皮肥瘦相間, 外層焦香, 賣相十分吸引! 叉燒上還舖滿桂花蜜, 增添清香味道!龍井茶燻太爺雞 $368/隻 ~ 熱氣騰騰的龍井熏太爺雞, 先滷再將雞煙熏至蜜糖色, 製作雖複雜, 但茶味實在香氣撲鼻! 雞皮不油膩很爽脆, 雞肉嫩滑, 入口味道清香而不膩! 啫啫唐生菜煲 $118 ~ 爽脆生菜, 加上大量蝦乾、肉碎及蒜頭等, 為平凡的蔬菜增加不少鮮味! 鵝油頭抽吊片炒麵 $138 ~ 吊片鮮甜爽滑, 麵炒得很乾身, 雖說是鵝油

同朋友去食中式菜，揀咗喺尖東嘅滿小館！ 有好多款式，而且價錢適中！ 脆米柚子蜜蝦球非常創新嘅一道菜， 一共有八件！ 蝦球爽口彈牙，下層係脆米脆卜卜，再淋上柚子蜜的酸甜醬汁，搭配好完美😋😋😋 金銀蛋浸時菜時菜保持了脆嫩口感，冇油膩感，再搭配上皮蛋，令時菜更加美味🥬 梨山醬汁骨煲係令人驚喜的菜式！ 豬肉排骨粒燉得非常入味，肉質鮮嫩多汁，而梨山醬汁的香氣令骨煲更加吸引！😋🥰😊 懷舊蝦多士外酥內軟，係用了原隻大蝦，所以保留了蝦的原汁原味，蝦肉鮮甜👍🏻🦐 澳洲龍蝦龍蝦好大隻啖啖肉，肉質鮮嫩，伊麵底上湯焗嘅做法令整道菜更加濃郁美味。🦞 在飲品方面，我選擇了白桃烏龍茶！ ☕ 烏龍茶的清新和白桃的香甜味完美結合！餐廳的菜式好味又精緻！ 食材的新鮮度和廚師的手藝無可挑剔！ 係好滿足嘅晚餐！

這間中菜館喺尖沙咀附近，餐廳寬敞舒服。佢地除咗粵菜仲有手工點心，入去仲見到有多海鮮游緊水，菜式即叫即製夠曬新鮮。澳洲龍蝦加伊麵底大大隻龍蝦都只係四百幾蚊，如果要加拿大龍蝦都只你二百幾，不過店員話澳洲龍蝦大啲啲。另外加$30就有伊麵底 ，用上湯煮好好味真係超值。龍蝦肉夠曬實淨彈牙同鮮甜，伊麵好入味，滿滿嘅鮮味，上湯唔會太鹹。懷舊蝦多士 原隻蝦釀入去，成寸厚夠曬足料超厚實，彈牙啖啖蝦肉，酥脆又唔油膩。金銀蛋浸時菜 菜好清甜，加埋爽口火嘅鹹蛋同皮蛋夠惹味，鹹香味美，連啲上湯都飲埋。脆米柚子蜜蝦球八件黃金炸蝦球香脆甜蜜，蝦肉香口大隻、質地爽彈，加咗香脆米通又幾有驚喜，酸甜柚子醬好好味。整到菜充滿爆趣口感，甜蜜美味。梨山醬汁骨煲一嚟到就聞到好香，排骨酸酸甜甜，香味濃郁好惹味，好有台式風味，撈飯一流。白桃鳥龍 茶芥$14一位，除咗平時成日見嘅茶葉仲有花茶；呢個茶好香果味，佢地仲有用個火烘著啲茶，一直都可以保持溫度。

年三十晚同屋企人做節，初試呢間菜館，抱著試伏嘅心態，竟出乎意料地好食！叫咗新春menu四人餐$1680，有龍蝦有鮑魚有斑魚，好抵食🤪冰鎮鴛鴦南非五頭鮑魚似日式磯煮鮑魚嘅味道，煮得非常軟諗入味。鮑魚大隻彈牙，滿足！懷舊蝦多士超厚實，蝦膠成寸厚，入面仲有一整隻大蝦釀入去(應該係虎蝦?!) 啖啖蝦肉，係我食過最好食嘅蝦多士之一🥹❤️上湯焗加拿大龍蝦伊麵上湯唔鹹，但亦好夠味。重點係龍蝦！食得出好新鮮一啲都唔痴殼，肉質實淨彈牙👍🏻✨唯一美中不足係個蝦鉗無扑殼，完全拆唔到，好可惜嗚嗚～松茸淮杞燉螺頭呢個湯，不得了😭！！！燉到骨都散，食雞腳食埋啲骨🦴螺頭鮮甜夠淋，個湯超濃好好飲ಥ_ಥ其他菜式仲有：清蒸海花班、鮑汁花膠伴花菇、金瑤扒碧綠、椰汁紅豆糕(臨尾掛住食無影到相🤦🏻‍♀️唯有快速用文字講)花班🐟好滑好鮮嫩！花膠花菇同菜就正常發揮。椰汁紅豆糕係凍糕，幾有椰香🥥🥥——小總結：今次食飯超滿足(˶‾᷄ ⁻̫ ‾᷅˵) 最緊要大家都啱食，屋企人食得開心。不過呢…食團年飯無湯就真係差少少🥲建議一定要加返人團年飯menu!!另外，店員好有禮貌好nice，影相時老人家眨咗眼要再影，店員哥仔無怨我地之餘仲提多兩句，幫我地

粵菜係中國嘅一大菜系, 深受大家喜愛。尖東嘅滿小館主打新派粵菜, 菜館裝修古雅枱與枱空間感好足夠。今晚天氣寒冷, 食客仍然眾多, 充滿熱鬧溫馨嘅氣氛。小館鴛鴦叉燒王個人好喜歡食燒味, 尤其是叉燒, 這裏嘅叉燒好有質感, 肉質軟滑有嚼口, 有蜜糖和柚子醬汁兩種口味, 口感和傳統嘅蜜叉燒不同, 吃起來好有新鮮感。砂鍋豉油雞豉油雞用砂鍋盛載, 保持熱暖, 雞肉嫩滑入味, 加上有芫茜大蔥嘅配料, 雞味更加提升。蟹肉扒時蔬菠菜新鮮嫩滑, 營養豐富, 鐵質含量高, 翠綠清香唔會鞋口, 和雪白嫩滑嘅蟹肉好配合, 口感好清新。油浸海花班 海花班外層金黃香脆, 油浸魚一定要係鮮魚, 火後控制得好, 肉質保持鮮甜幼滑, 口腔滿是魚肉嘅鮮香, 趁熱食特別香口, 令人回味無窮。梅香馬友雞粒炒飯炒飯粒粒分明, 鑊氣十足, 飯粒和雞粒沾滿梅香馬友嘅鹹香味。

尖沙咀中西美食薈萃, 這間位於好時中心嘅中菜館, 裝修典雅富有中國傳統色彩, 由於鄰近尖東站, 交通相當方便, 菜式多元化, 點心, 燒味和海鮮都很出色。油浸海花班脆粉魚皮炸得好香脆, 魚肉非常甜滑鮮味, 份量十足, 點埋油浸醬汁, 魚嘅鮮味就更加突出。六錦炒帶子蝦球 蝦球相當爽脆, 帶子鮮甜, 配菜嘅菜蔬有蘆筍, 黃椒, 百合等, 新鮮爽脆。小館鴛鴦叉燒王叉燒大件肉厚, 肉質軟滑, 有蜜糖和柚子兩種口味, 不肥不膩砂鍋豉油雞半隻熱辣辣砂鍋原鍋上桌, 豉油雞好入味, 雞肉嫩滑, 好食到唔停得口。梅香馬友雞粒炒飯鑊氣十足, 飯粒炒得好乾身, 掛滿馬友鹹香, 雞粒焦香唔會鞋。椰汁紅豆糕這道甜品好啱食, 冰涼滑溜, 糕點充滿椰汁香味。

滿小館位於尖沙咀麼地道< 𝓣𝓱𝓮 𝓜𝓸𝓸𝓷𝓲𝓸𝓾𝓼 >, 一間精緻粵菜館, 環境寬闊舒適, 食物亦整得好有心機, 設有獨立廂房私房菜，適合聚餐。餐牌選擇多，主打粵菜手藝，中式小菜，海鮮，燉湯，花膠海味等。茗茶有多款選擇，點了白桃烏龍，茶味清澈，香濃回甘。茶樹菇燉竹絲雞無味精粵藝湯品， 材料十足熬製，十分清潤又溫補火焰古法燒腩叉 上菜時會點一點火，打卡一流，焦香叉燒燒得帶金黃色，肉質口感爽滑，肥瘦均勻，十分出色藥膳羊腩煲羊腩煲就食得多， 藥膳羊腩煲食落感覺再滋補啲， 啱曬冬天進補， 又可暖身紅燒大鮑翅新嘅一年食返個紅燒翅攞個寓意鴻運當頭。 啲翅好大梳， 勁足料， 加上滿滿嘅芽菜， 增添口感楊枝甘露果凍賣相精緻， 出埸有乾冰效果，打卡一流。 好香濃嘅楊枝甘露味道， 食落唔怕甜， 為晚餐寫上完滿句號新派中菜淨係視覺上已經好享受🤗 又冰又火咁， 最啱喜歡打卡嘅朋友， 晚餐七點鐘已經坐滿人， 想去食嘅朋友記得訂枱呵🤭

經過附近亂入的餐廳，點知又幾有驚喜wo。主要嗌點心，茶水會有蠟燭熱住，店員都一直keep住加水，加分！點心都非常高質，而且menu上面重有IG icon，我估代表道菜IG打卡一流咁解。紅米脆皮海鮮腸 (45$) — 入面脆網夠脆又薄，亦唔會炸到油笠笠。滿小館蝦蚊皇 (48$) — 足料大大粒。花姿春卷 (42$) — 半邊春卷皮做成花的形狀，好靚呀。沙律海鮮卷 (48$) — 滿滿沙律醬，外脆內軟。椰香鮮芒卷 (42$) — 必點甜品，芒果香甜，滿滿椰子cream。

今晚同屋企人去左尖東食飯，我專登選擇左一間比較傳統粵菜館!菜館位於地舖，環境寬敞，空間感夠，座位有好多，而且有啲傳統小食。菜館有四個出名嘅前菜小食🦐懷舊蝦多士 $58位🍅冰鎮荔枝串串茄 $78份🥒冰鎮話梅涼瓜 $78份🥠拉絲芝士年糕(四件)$68- 蝦多士炸得非常脆口; 串串茄好清甜;話梅凉瓜酸酸甜甜好開胃。而主菜就必叫🐷火焰古法燒腩叉$168- 燒腩叉肥瘦適中，肉質鬆軟嫩滑🐟水煮鱸魚片(細)$198- 魚片非常香滑，雖然只係叫左細嘅份量，但係有大量嘅蔬菜薯粉，絕對夠三至四個人食，叫左少少辣，但已經非常惹味最後仲叫左個🐏藥膳羊腩煲(跟一份菜🥬)$398- 每舊羊腩都大大舊，而且吾肥，連埋配菜都炆得好入味。整體菜館環境同食物質素都幾好，屋企人又食得開心!👍

「The Moonious」地舖精緻中餐，中式裝潢簡約有品味，全開放式枱櫈，好熱鬧好有氣氛！ 揸車嘅朋友就直接泊尖沙咀安達中心停車場，或者金馬倫道 、加連威老道附近啲咪錶 。 🔥白桃烏龍茶『香港絕小粵菜有呢款囗味揀』🔥茶樹菇燉竹絲雞湯羹『清潤滋寶又足料』🔥火焰古法燒腩叉『上枱火勢夠勁、打卡一流，厚切叉燒腩位啖啖肉、脂肪比例均勻，食落口感豐富』🔥藥膳羊腩煲『藥膳味非常濃鬱，配羊腩更闢除大部份羊騷味，配菜等亦好入味』🔥紅燒大鮑翅(足三兩)『大大疏魚翅，食到你飽』🔥楊枝甘露果凍『香甜夠味，配果凍做法更有口感』 揸車出入：👍帶小朋友：👍👍👍食物質素：👍👍👍環境舒適：👍👍👍CP值...😋：👍👍 彩蛋：火焰叉燒腩，夾住幾層厚肉及脂肪，配上玫瑰露酒，微微燒焦嘅叉燒邊皮，味道直迫澳門水平！The Moonious | 📍尖沙咀麼地道63號好時中心地下30-41號舖🔥🔥🔥🔥🔥🔥🔥🔥🔥🔥🔥🔥🔥🔥🔥🔥

尖沙咀有間老牌粵菜小館，位於尖東，地舖位置，非常方便。小館有幾款特色嘅前菜冰鎮荔枝串串茄、冰鎮話梅涼瓜甜甜酸酸好開胃; 拉絲芝士年糕，芝士味重; 懷舊蝦多士，好味有脆口火焰古法燒腩叉- 份量好大，腩叉肉質肥美，好味水煮鱸魚片(細)- 魚片勁香滑，配菜又夠多，薯粉又滑，辣得好滋味。藥膳羊腩煲- 羊腩夠大煲，配有枝竹同生菜，最啱宜家凍凍地嘅天氣去食，夠暖身。餐廳地方好大，座位好多又夠闊落。晚餐時段人流keep位都暢旺，絕對係一班朋友放工食飯嘅好去處。

價錢經濟，選擇不算特別多，但是食物方面的質素與質量也尚算可以，不過服務態度方面可以有待加強改善！尤其是經理的態度！總括而論，對我個人來說，這不是一間我特別想 encore 的中菜餐館。