滿記甜品 (已結業)

經過了之前令人火滾的韓國菜後, 決定馬上到鄰近商場的滿記甜品處, 希望吃些甜品可以令我們的心情舒服一吓, 心想以滿記的名氣,應該不會差到那裏, 點之....竟然是另一次不滿的經歷.去到時還不到九點, 所以客人很少, 不用等位, 由於之前食得不開心, 於是破例地點了三款食物, 分別是芝麻糊配合桃露, 紅豆沙配湯丸和焗茘茸西米布甸.芝麻糊配合桃露只有四個來形容, 就是"偷工減料", 芝麻糊完全無芝麻的香味, 一試就知是開粉沖出來的貨式, 因為高水準的芝麻糊必需經過炒香芝麻的程序, 這樣才會有濃郁的芝麻味. 不單只無香味, 糊本身又稀又淡, 似芝麻水多過糊, 明顯落了很多水以圖減輕成本. 合桃露更差, 和芝麻糊混合後吃不出有明顯的合桃糊味, 雙併與否毫無分別, 賣21元完全唔值. 單以芝麻糊而論, 跟深水埗的綠林比較起來實在相差太遠了, 後者更是只賣11元碗呢.紅豆沙配湯丸和芝麻糊配合桃露一樣差劣! 紅豆沙不起沙, 稀到似水, 紅豆細粒之餘份量又少, 比起酒樓所送的飯後紅豆沙更差. 湯丸只得3粒, 賣相已經不合格, 不是圓的, 搓到粒湯丸"三尖八角", 外皮非常厚, 毫無煙韌的口感, 裡面的

呢晚人日晚飯聚餐後, 有人仲未盡慶, 原班人馬, 由友愛邨行去市中心滿記食糖水連埋百厭仔八個人叫左八款甜品我叫左雪山楊枝金露配雲厘拿雪糕 $33.00--楊枝金露本來味道唔錯, 但D柚肉有苦味, 影響左碗野o既味道, 要扣分!(峰仔) 雪山榴槤配雲厘拿雪糕 $36.00--榴槤好味, 雪糕比較實, 大致OK(女姐) 雪山榴槤配綠茶雪糕(士多啤梨改黑珍珠) $37.00--榴槤夠香, 軟滑, 黑珍珠有咬口(成哥) 雪山榴槤配綠茶雪糕 $37.00--榴槤新鮮, 纖維足(仕紳) 白玉黑珍珠 $26.00--估唔到D龍眼肉咁好味 (議員) 芝麻糊配湯丸 $24.00--OK好味(SARAH) 杏仁茶配豆腐花 $22.00--杏仁茶香, 豆腐花夠滑焗荔茸西米布甸 $24.00--荔茸香布甸滑, 可惜個面焗得比較燶, 賣相要扣分

今日同屋企人喺置樂嗰間千葉食完野，跟住就去左滿記食糖水。我本身想食中式糖水，所以叫咗碗湯丸加芝麻糊。一食落口，嘩 直情好似飲緊有芝麻糊味嘅滾水咁，同埋碗野係稀到好似湯咁,真係即沖嘅芝麻糊都好過佢，我唔知係咪因為我要加湯丸嘅原因定點，但係我一定唔會再喺度食芝麻糊囉!我屋企人就叫咗紅豆沙加湯丸同綠茶雪山紅豆沙涼粉(唔記得係咪呢個名)，佢地話d紅豆沙好掂，起晒沙，d紅豆大大粒。我自己睇都睇到佢地d紅豆真係幾大粒下,好吸引。d涼粉就比平時食開嗰啲涼粉重藥草味(?)d。總之絕對唔好嗌湯丸加芝麻糊!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!p.s. 我覺得呢間鋪嘅環境唔似糖水鋪，似間cafe多d。

因為要等shuttle bus 返屋企, 仲有好多時間, 所以走去滿記邊食邊等, 下午時間好少人, 又可以一人獨坐四人枱, 叫咗碗白雪黑珍珠, 黑珍珠差唔多有半碗咁多, 白雪係一片片好凍, 搞到啲黑珍珠變硬唔好食, 咬黑珍珠時又凍又硬, 口感奇怪, 雖然其他配料無問題, 但令整碗糖水口感味道大打折扣。店方真係要經常檢查自己啲產品品質, 糖水買得咁貴, 無理由會有咁嘅情況吧?!因為好耐無幫襯過滿記, 覺得佢啲糖水價錢越來越貴, 廿幾三十多元一碗糖水貴到真係可以食個飯, 我個人覺得唔係好值, 但係屯門區真係好少甜品糖水舖, 尤其屯門市中心, 咁發記、松記、綠林幾時開到嚟屯門呀? 各老闆們考慮吓啦!!!

最近很迷芝麻糊熱愛度有增無減，住在屯門很自然就到附近能食此甜品的店一一去試！滿記甜品是其中一間！湯丸配芝麻糊：芝麻糊煮得稀杰適中，磨得很幼細幼滑，芝麻味濃郁配上幾粒煙韌的湯圓，甜而不膩美味道升級！另一甜品是芒果黑糯米甜甜 (凍椰汁)看介紹是泰國的芒果再加上黑糯米和椰汁，椰味很香，很甜！我不是嗜甜的人，但為了熱愛的芝麻糊，還是希望找到一間水準穩定方便的店子！

吃罷別府在吉之島閒逛一會,甜牙齒又來發作!! 想不到朋友竟主動說"不如去滿記食糖水咯??"兩隻為食貓就立即出發!!2人被安排坐在廚房前面,看到廚房的運作情況之餘更是近廚得食!! 也因坐得太近,朋友便看到原來糖水是預先做好,廚房幾位姐姐只需將大包糖水加進鍋中煮熱就成,清楚!!自己的芒果涼粉雪得冰凍,涼粉吃來爽口,隱約有點草香味,以坊間涼粉來說算得不俗,不過還是懷念多年前機場富豪酒店那些軟滑又重草香的自製涼粉,實在太好吃了! 熟透的芒果金黃香甜,揀手!! 最美味是那些以鮮芒果打成的芒果汁代替糖漿,用來拌涼粉同吃,真的甜到入心,好吃!朋友本想吃榴槤pancake,只可惜她遇上這個不可跟她分甘同味的朋友,只好另選海底椰黑糯米, 海底椰+黑糯米在沒有太多椰汁作伴之下,她的甜品稠得像米飯,難得她仍可以將其完成,佩服!!另外帶芝麻糊、生磨杏仁茶回家給大人和細佬,芝麻糊就是剛才朋友所見的後期加工食物,不過觀其濃稠外表,味道應也夠香濃;最欣賞其外賣盒勁密實,比普通的外賣碗防漏得多,只是不怕漏出之餘也很難打開。吃甜品令人高興,原來賣甜品也令人高興!!由於坐近廚房,店裡職員習慣站在這裡聊天,看他們同事間那麼

年初一同年初二,因為等朋友既關係,所以連續食左2晚西貢滿記。年初一食左個紅豆沙豆腐花,想食熱既,但由於豆腐花只有凍既,所以溝埋係暖既,唔凍唔熱咁,好怪!紅豆沙還可接受,不過(不)得一啖仔,太少,唔算好食囉,無咩味,只要唔太甜我就覺得OK,至於個豆腐花好硬身,一D都唔滑,個軟硬情度好似食緊偏林既布甸咁,加上係暖既,唔掂!!!同松記既無得比,成$17蚊,一D都唔值!!!年初二唔叫豆腐花,亦都唔建議朋友叫豆腐花,哩晚乜都無,湯圓無,即係糖不甩都無啦,合桃露又無,局住叫其他,都唔知點做生意架!!!哩晚求其叫左個楊枝金露頂肚,唔夠凍,介乎好食同唔好食之間,好一般!應該係椰汁落重手左,椰味重得滯,有朋友話太酸,有朋友話太甜,唔知究竟係邊度出左問題,$26咁既水平都係貴囉!!!朋友A話芝麻糊好食喎,唔知食朋友A既口味太容易遷就定真係好食啦,不過我相信盡可能我都唔會再黎滿記食,我對滿記既形容詞只有又貴又唔好食!!!!

今日難得放工放早左,,立即打比媽咪問下佢係邊@@!之後我心血來潮想食甜野..就提議食糖水..媽媽話..去滿記啦估唔到媽媽反應咁快捷之後我地去到滿記,,勁多人呢~~事關今日係星期日..多人係正常既因為多人,,所以要拿飛等位~唔洗一個字,,有位了我地坐2人位~很迫沒辦法吧..太多人冇位~照坐媽媽第一時間就話要凍紅豆沙加湯丸($20)本身湯丸想要冇料的,,但剛好賣哂了所以媽媽只好叫有料的湯丸(花生白芝麻)..過了一會,,媽媽的糖水來了..我試了一啖..嗯..不甜入面有百合和連子^V^...但湯丸我冇試..之後我就叫了凍紅豆沙加涼粉($17)..說明了多渣(貪心的我XDD)我的糖水來了...叫多渣真係幾多渣既^^...勝在佢唔係好甜....涼粉凍冰冰好好味~紅豆大大粒,,沒起沙..但口感還不錯下次黎滿記..我必定叫這個糖水!!哈哈後來,,貪心+為食的我吃完了紅豆沙加涼粉還想吃甜東西,,所以追加了荔茸西米布甸>V<(為食得制唔記得影相=V=)聽媽媽說荔茸西米布甸很不錯..所以就心思思叫了這個這個比紅豆沙加涼粉甜..但還接受到下次我還是只吃紅豆沙加涼粉好了$24荔茸西米布甸那麼少.

愛情是何等重要都好~家庭永遠都在第一位~與你流著同一滴血的兄弟姊妹~何有好好珍惜與她相處的每分每秒嗎?平安夜的節日氣氛往往都比正日濃烈得多~大比也客氣的安排了一頓算是聖誕大餐~但接到電話得悉妹子這個平安夜的晚上要孤單上路..當然對著她不離不棄的也要從老遠撲回屯門~畢竟她還只是小孩子一個大家都吃了晚餐~就從甜品出發~要數屯門水準穩定的甜品店沒多少間~滿記不是首選但方便且質素穩定是事實~商場中央人山人海為的是霸頭位與明星倒數~這裡頓時顯得份外平靜~先來一個荔蓉西米布甸~表面焗得微焦而且西米平均地分佈於蛋糊布甸之中~荔蓉比起蓮蓉來得低調味淡…與甜度較高的布甸匹配楊枝甘露比起當年的風采稍為微跌一點皆因街上隨處何見~甚至吃過一碗奶白色的~滿記的配方算是調較得宜的其中~西米和甘柚的份量不比芒果遜~帶頭要吃甜品的小比頓時有選擇困難症~叫來一碗有點怪怪配搭感覺的海底椰黑珍珠~其實黑珍珠是為羅勒果實~與芝麻外表相若但會於水中漲大~是排毒的好幫手[是真的啊~!]因小比恆常地也有飲用明列子~原為淡而無味但加入椰漿與海底椰同吃~感覺截然不同~但在其他甜品比較之下始終中庸表現而已~後加的芒果pancake因為是

2個人食左個一人火窩, 緊係唔飽啦, 再黎食糖水先同老公仔2個人叫左杏仁茶黑糯米, 杏仁蛋白, 榴槤布甸, 荔容西米布甸, 樣樣都好好味呀, 西米布甸我好鍾意食呀, 不過廿幾蚊先細細兜, 其實都幾貴叫左成四樣野, 埋單一百蚊多DD, 其實剩係甜品糖水都幾貴囉我覺得糖水甜品就幾好食啦, 不過D人呢, 我地叫樣食個時, 叫完2樣野, 個男仔就想走咁, 叫多樣又想走, 最後叫哂四樣啦, 落哂單之後, 我同老公仔都話, 我地係唔係好大食呢, 定係D人多數都係一人叫一樣野食就算呢, 不過攪到我地叫得好唔好意思咁, 其實唔係應該佢主動問下人, 仲有冇野要咩, 咁我同老公仔都未飽丫嗎, 食多少少甜品補數呀要, 哈哈哈

食完個飯，就一定要個甜品先算滿足...行過滿記甜品，打算整返兩客嚟食...order咗一客荔茸西米布甸&糖不甩...荔茸西米布甸，依然保持一貫水準，上桌時夠哂熱，超正，好味...但糖不甩就失色啲啦，好似硬咗少少，同埋細粒咗啲，記得第一次食嘅時候好正架嘛...

O係街食飽飽飯, 想食甜品結果打包回家食滿記開左咁耐都冇試過呢間, 就請屋企人食下啦~~叫左..鮮什果涼粉(椰汁)-- 涼粉一般, 什果唔算多, 唔太新鮮白雪黑珍珠-- 白雪係villia底, 有香蕉, 龍眼, 芒果, 阿答子, 明列子; 好多料好好味, 呢個食得過架!!芒果白雪黑糯米-- 黑糯米球入面有芋頭, OK粉, 白雪底抵讚, 因為好香好正!! 芒果都OK甜, 得半個P.S. 因為TAKE AWAY, 拎到返屋企個樣比較樣衰了~~ 問門口侍應係咪呢度叫外賣果陣, 佢冇乜禮貌 環境因為TAKE AWAY所以不適用 3個糖水$85蚊, 又唔係特別好味, 今次真係食名牌~~ 但係白雪果D都唔差的, 可以試下!!

近兩天開始吃起甜品，無甜品不歡．．．繼昨天吃了芝麻糊後，今天再到滿記吃了一個生磨杏仁茶。杏仁茶比芝麻糊遜色，杏仁味不夠濃，缺了蛋白的杏仁茶比鴻星的差，像飲水般灌入肚，就沒有了十九個大洋，不抵食。滿記名牌糖水店，果然一點也不便宜！

自從中六後，好少到滿記食糖水。今日在門口路過，心思思想吃碗糖水甜一下。要了一碗生磨芝麻糊，果真是生磨！磨得很細，芝麻糊十分滑溜，水準依然！一分錢一分貨。芝麻糊味道不甜而且充滿濃濃的芝麻香味，不過芝麻糊卡路里很高，怕肥的女孩不宜多吃，還是淺嚐為妙！

同朋友去食糖水,叫左2個芒果西米露1個西瓜豆腐西米.芒果西米露好酸><西瓜豆腐西米一般...之後外賣左個榴槤布丁...係好重榴槤的香味...但味道不太好...