滿記甜品 (已搬遷) 新店位置

難得一次入西貢, 食完餐又係好難食既飯, 諗住食個糖水安慰下, 點知出事了...叫左個楊枝甘露, 已經好普通啦, 仲係總店喎, 點知來到, 好稀, 得幾粒芒果肉, 西柚苦都算, 又係得幾條, 西米仲要硬既! 食到一的心機都無, 係我唔好彩嗎? 最後成碗無食過咁放響岐度, 其實個刻好有衝動同店員講, 不過同行有其他朋友就算了. 總之結論係以後都唔會再食, 真的.

上星期五同同事出海chok墨魚,點知收獲認真麻麻,為了補償失落既心情,我地決定要去食番碗糖水補番數,我地11個人去到滿記已好多人等位啦,10點半左右啦,越嚟越多人呀,我地咁大班人好難等位,不過都算快,安排左我地坐係入面既房,都好呀,係冷氣房嚟架...勁爽!!!同事話紅豆涼粉好味,於是我都叫左一碗嚟試下,仲有雪糕架,有得揀味道添呀,朱古力,綠茶或雲尼拿,我要左朱古力,其他人都有些叫白雪黑珍珠,有些叫楊枝甘露等等......太多記唔晒.我的紅豆涼粉都好正,個朱古力雪糕球好大個架,朱古力還有朱古力粒添呀,糖水唔算甜,加埋d雪糕一齊食好好味喎,又凍好舒服呀.同事的白雪黑珍珠都幾多配料呀,有龍眼肉,黑珍珠即係千眼仔,有些雲妮拿底的冰定雪,都好香架,仲有椰果等,我見佢地有幾個人都係叫呢種,下次都要試下先,好似仲有些芒果的,不過佢地話芒果唔係時候,所以有點酸.其實呢度都流量好快,食完就走,唔會等好耐,同埋價錢都合理的,如果叫一些比較特別的就30幾蚊,我們的那些20幾蚊左右啦.

當天到附近的地質公園實地考察，順道到西貢的滿記吃糖水。由於天氣酷熱，選了「雙球孖寶」來降降溫。「雙球孖寶」，顧名思義有兩個雪糕球 - 綠茶味及雲尼拿味，再加上椰汁作底。當甜品上桌時，椰汁表面泛起些類似泡沫狀的物體，心裡滿是疑惑。但放進口一嚐後，才明白那些是碎冰。於炎熱的天氣及劇烈的活動後，能夠品嚐一客冰凍的甜品，是種享受。綠茶雪糕的味道不太濃，是淡淡的綠茶香味；相反，雲尼拿雪糕比較突出，很香濃的感覺。再加上椰汁的甜味及士多啤梨的酸味，整個配搭很有趣，亦值得一試

這天晚上我跟朋友吃完宵夜就去滿記吃甜品.滿記的甜品很不錯，去過幾次都好味。平時多人，假期就更多人了，所以想去食就要平日啦。甜品價格還行，不過有些就貴了一點點，但好吃就值得啦。

好開心同bb 去食糖水，我叫了孖寶xx (有雲喱拿同綠茶雪糕), 涼粉同椰汁冰, hoho mei ar!!! 唔太sweet 但又好夾而bb 叫了楊之甘露，正常水準, 芒果甜但本身叫我地坐外面真係幾唔舒服的 , 好彩後來轉返入面

滿記真係由細食到大每次去都要食芒果西米露今次去食左芒果西米露同芒果pancake哈`好大食喔.最中意芒果西米露,佢地d芒果不嬲都係okay甜所以唔理幾時去食都唔怕酸好中意宜家d新碗雖然知道每隻碗都一樣公仔但係都好中意食晒碗野之後睇個公仔.見到真係好鬼開心芒果pancake我覺得佢d cream同mango好夾好味好味最好就係佢地有分榴槤區我地呢d唔食ge都食得好舒服

有時返到屋企就會見到一個寫住滿記甜品ge膠袋每次見到都好開心 因為又系最開心ge甜品時間由第一次爸爸買黑糯米返黎比我食 我就食上癮成日都嗌要住 所以今日爸爸又買左返黎la太好!!! 返到屋企就有得食 雖然天氣凍 不過我仍然都咁鍾意食個凍甜品因為芒果唔當造 所以食白雪黑糯米就夠好鍾意黑糯米加少少呍喱拿汁 好好味 好鍾慕呢種味道爸爸用左朋友比ge果張糖不甩卷換左糖不甩返黎食之前去食ge時間 見到menu印住小貼士話黑糯米唔可以mix湯圓食 所以糖不甩都唔敢mix haha不過我都鍾意食黑糯米多d ;)

即使門巿分店隨處可見，不過其實自問與上次幫趁滿記就事隔三年…oh…曾幾何時的榴槤忘返…我簡直忘記了我n年前食係點嘅味原本係點樣榴槤忘返—以黑糯米、椰汁、榴槤作材料的甜品。我會鍾意將三者撈埋一齊食。黑糯米連外殼故有咬口，反而榴槤個口感細嫩得像蓉很得意像雪糕。食後感：平時講方便自己我多食發記，講榴槤臭的程度的確發記臭得令人食完沾沾自喜..嘻 XD (畢竟現在我不覺係榴槤季節氣味的確不濃)各有特色，平時門巿發記通常將材料撈定雪凍故我覺得較杰，反而今次西貢滿記我又唔覺好杰，還有幾粒碎冰，我都係視作糖水咕嚕咕嚕撈埋一齊食完就算。貴一點，平時兩人出面食發記約$50，今次要$60。同行那位食了一個杏汁唔g乜乜的熱糖水，不過我冇試食就不清楚，淨g佢猛話熱糖水撈埋晒不需技巧佢都識啦！係咁2佢話又不見幾十蚊…hahah XD

今次同一班朋友食糖水.難得唔使等好耐.入西貢食糖水一定會去滿記,最仲意食芝麻糊湯圓.不過今次好失望呀,芝麻糊好稀.最出期係竟然無芝麻味呀!!!!!而我朋友食咗個楊枝甘露.又係好失望.得個甜字.不過好彩,榴槤PANCAKE仍然好好味.

一路覺得滿記又貴又唔特別，今晚再食發覺多左選擇，味道也好左，只是同樣甘貴。雪山榴槤 ($33)：雲尼拿雪糕加榴槤 match 到爆，榴槤好香軟。榴槤忘返 ($32)：無左雪糕換上黑糯米差甘d。雪山芒果西米露 ($32)：普普通通，緣茶雪糕唔好食。焗荔蓉西米布甸 ($22)：荔蓉軟滑熱辣辣，好正啊！白雪黑糯米 ($22)：我覺得好味過榴槤忘返，口感清d，無配榴槤甘“濟”。

一夥兒食完海鮮，又想找地方坐坐傾談，所以最後決定去滿記食甜品，估唔到我在同一天會去兩間甜品店呢!看它們的宣傳單張，看見有一個二人份量的生果雪山，個名我唔太記得，賣相真的不錯，男友便提議試這個。由於是二人份量，所以真的很大呢! 賣相果然如宣傳照片一樣吸引。一上枱，朋友都「嘩」一聲，真的很大呢! 咁吸引，大家都忍唔住也試了少少呢! 這個雪山其實是綿花冰，再加一個綠茶味雪糕球及一個雲呢拿雪糕球，還有少計花生味脆脆及生果，味道不錯。 估唔到個雪糕球都幾硬淨，不會一上枱便極速溶化，可以慢慢品嚐上面的棉花冰，再吃下面的雪糕球，估計是貴價雪糕，花生脆脆也佷美味，雖然$68有點貴，但大夥兒分享，也不錯呢!

有如便利店開到通街都係既滿記,都係西貢總店ichiban.被滿記覆蓋住既西貢, 食完晚飯必到,分開榴槤專區及正常區域.是晚宵夜:- 榴槤pancake榴槤愛好者必食!一個人食兩件, 濕濕碎.不過加了價都唔知, 現賣$25@兩件裝比起以前仲貴多兩蚊, 少食多滋味榴槤蓉仲係好多, 真係一次咁多~ 榴槤椰汁涼粉似曾相識的起九龍城食過.榴槤蓉裡面有沙冰, 超濃味, 成個雪糕球咁!加埋椰汁已混埋榴槤味,整個甜品充滿住一陣又一陣的榴槤香.涼粉本身冇乜味, 同榴槤一齊夾晒味. 焗芋蓉西米布甸百吃不厭, 但不要超飽肚時進食.同埋最好多人share~焗品需時, 等了約15mins.熱辣辣的布甸面層金黃色, 外表似葡撻.入面佔1/3芋頭蓉, 好軟滑.份量只不過係葡撻大小但一個人食就太heavy店內冷氣太強, 黎過幾次都頂唔住食完就走,可能係趕客其中一個招數!

每次到西貢用餐後必到滿記吃個甜品,一段時間沒有光顧, 發覺價錢真的貴了很多,特別是一些特色一點例如綿花冰...所以還是點了傳統的糖水,預了沒有驚喜, 不過不失吧!建議想留多一點客的話,價錢親民一點比較好!

滿記的分店開得越來越多, 甚至去到深圳都有滿記的蹤跡滿記分店我都去過好幾間, 吃完我會覺得平平無奇, 只吃他們的brand name不過滿記之所以開那麼多間分店都是源自總店的西貢弄甜品弄得出色才會建立自己的品牌, 繼而開分店.入正題, 今次我再到總店試其最著名的楊枝甘露, 我又加上一向不錯的涼粉試試看. 其實我沒有試過滿記的楊枝甘露, 反而椰汁涼粉也有試過, 椰林涼粉真的很不錯的. 所以我試一試楊枝甘露+涼粉果然楊枝甘露令我感到驚喜, 當造的芒果甜甜的, 加上西柚絲酸酸的帶澀簡直是完美配搭, 還有細而煙韌的西米, 吸了芒果汁底的精華令我越食越興奮!! 甜甜的加上酸酸的很吊味, 使我推翻了一直認為楊枝甘露貴而一般的理論. 感覺就像西甲的巴塞打出漂亮的進攻足球一樣, 球員不斷打小組入滲般絲絲入扣. 可是加上涼粉確實畫蛇添足, 涼粉本身是可口的, 不過與楊枝甘露不合拍, 就像巴塞買入貴價前鋒伊巴謙莫域般一樣, 伊巴是好球員, 可惜風格與美斯, 沙維, 恩尼斯達等矮小而靈活的戰將不夾, 從而影響了進攻的質素.所以楊枝甘露還是吃原味的最好, 不要加其他配料

自己算係半個西貢人, 西貢最出名既甜品屋, 雖然食過多次, 但咁多篇食評中完全了有我的筆跡, 實在太過份. 而家, 就用我第1500個食評, 來彌補以往的忽略.在滿記未開到全港九新界中國大陸外國唐人街前, 從一家小小甜品屋開始, 我們便有時特登開夜車從村子出去, 食糖水. 當時的味道, 食左咩甜品, 年代已久已經不記得了, 不過, 我對用榴槤做的甜品既認識, 就是由滿記開始. 而我食既第一個榴槤甜品, 就是榴槤Pancake.其他不用的榴槤呀, 芒果呀已經食得多. 今次黎, 都係以食榴槤為主. 而且咁耐冇入, 都想睇下佢地有乜野新意思. 西貢店, 好識照顧頂唔順榴槤既人, 分開了榴槤專區同非榴槤區. 故明思意, 非榴槤區就係沒有榴槤做既甜品供應. 而我是日為了榴槤, 當然直接行入榴槤專區啦.未食過既榴槤甜品有什麼呢. 我呢個就叫做榴槤白雪涼粉. 白雪, 是椰汁吧, 涼粉係大熱天時食, 非常之透心涼. 而且白雪汁, 是冰冰的. 若不加榴槤也是一個非常好的甜品. 而榴槤, 是熟透的新鮮榴槤果肉, 氣味香溢. 剛好是榴槤當造的季節, 榴槤味實在是瓢香. 加埋涼粉椰汁一起食, 又夠冰凍. 最重