漁港艇仔粉 (鴨脷洲大街) (已搬遷) 新店位置

週末去了海洋公園水上樂園玩，之後順道來利東吃晚餐。住在附近深灣軒的朋友推薦我來這家餐廳吃艇仔粉，地點就在地鐵站附近，挺方便的。.招牌艇仔粉$48艇仔粉用上濃郁大地魚湯 ，加$9可以加紫菜，一大碗粉，材料非常豐富，有紅腸、炸魚皮、燒鵝等等。炸魚皮紙薄香脆，燒鵝肉嫩鵝味濃，大大的一碗，令人飽肚滿足。.蕃茄薯仔肉碎豬柳通粉 $51經典的蕃茄薯仔肉碎湯底，香甜粉綿，加上掛汁非常的通粉，味道好家常健康的感覺，不錯。.生炸豬扒（可配沙律or薯角）$49生炸過的豬扒，外皮極為香脆，內裡的豬肉則是香嫩多汁，配搭醬汁份量適中的雜果沙律，都是小時候常吃的經典茶記味道。配上一口清爽招牌泰式青檸梳打就最適合不過。.📍漁港艇仔粉 🔍鴨脷洲鴨脷洲大街84號興富樓地下A號舖

入到鴨脷洲食咗個河粉，見好多人排隊就入去試，呢個王牌艇仔河粉乜都有啲，有炸魚皮、紅腸、叉燒、燒鴨、魚片、魚蛋同麵底，佢哋用大地魚煲既湯底有重胡椒粉味，飲落去都幾鮮甜😉。入面環境都幾迫但店員好多，睇嚟幾好生意。附近餐廳之中得佢呢間有特色菜吸引到人黎食。$48碗粉加$10有野飲，大家附近行完過嚟食碗麵再出發都推薦過嚟啊😊😊。星期日2點半，門口等左5分鐘就入得，入面冷氣好大，趕走曬我等待既悶熱🥵。

好多人都話鴨脷洲係美食沙漠，我絕對同意，因為我住喺度咁多年都冇搵到一間真係心水嘅食店，來來去去都係啲連鎖式快餐店或茶餐廳。不過我身為鴨脷洲街坊，我會帶你去探店 「漁港艇仔粉」如果你是鴨脷洲街坊都應該聽過依個大名，小店賣艇仔粉打響名堂，港鐵利東站出口行過馬路對面就正是。小店不求裝修，座位唔多，但人流極多。如果你係第一次嚟食，我建議你試吓這裏嘅艇仔粉，不過今日我想介紹「紫菜魚蛋雲吞河」唔好諗住食一碗河粉唔夠飽，這碗雙拼絕對份量足。一如既往我先喝大地魚湯，湯鮮甜不腥，冇加味精，我喜歡加小量糊椒粉吊味，微辛，而且魚湯對身體好有益，高蛋白質，魚脂對皮膚也好，百喝不厭。散尾雲吞細細粒，餡料包含了鮮蝦和豬肉，加左紹酒調味，我個人幾喜歡。自家製白魚蛋爽口彈牙，不腥配河粉一絕，河粉比較幼身，入口細滑，份量超多，雖然我食唔晒河粉，但係我仍然會努力將大地魚湯一喝而盡，滿足！順帶一提，這裏還有糖水供應，順手買碗自家製生磨合桃糊返屋企同家人開心share。同樣份量十足，兩個人食就啱啱好，合桃糊口感順滑，不稀不稠，果仁味恰好，當然對我來講再重果仁味會更好，但這個質素我亦收貨了。

住係鴨脷洲一帶都唔知大名頂頂嘅「艇仔粉」近在咫尺。原來鴨脷洲大街有一間日日人頭湧湧嘅麵店，艇仔粉好有名氣。今日終於食到了。艇仔粉湯底奶白，採用大地魚餚製，非常鮮甜，不含味精，飲後沒有口渴感。河粉燙熟非常爽滑。而餸菜就有炸魚皮，叉燒、燒鴨、魚片、魚蛋、紅腸，生菜等….材料, 最後放埋蔥花，一碗熱騰騰既艇仔粉就可以食啦!炸魚皮脆口，叉燒好軟腍入味。燒鴨啖啖肉香，魚片，魚蛋彈牙，滋味。青檸柑桔話梅蜜滋潤口嚨，非常開胃，好飲。

好幾次去鴨脷洲都專登去呢間小店食魚蛋粉,今日都唔例外。例牌叫魚蛋粉,大地魚湯底勁重魚味,又無落味精,仲有d艇仔粉爽滑晶瑩剔透,好好味👍魚蛋魚片唔洗講始終如一咁彈牙,真係好味到湯都飲晒,我唔係誇張架,因為湯底至係成碗粉嘅靈魂所在。今日叫多碟灼生菜同埋炸魚皮。魚皮夠薄又夠脆,絕無令人失望。另外,朋友叫左碗豬肉丸河,清清地,原來豬肉九都同樣出色。另一位朋友叫四寶河,魚丸、魚餃、墨丸同魚紮都係一樣咁好味。話咁快食飽,其待下次再去食至得。

有朋來自遠方，去到利東站，原本想一探流記艇仔粉，老闆沒有開門，便試試，鴨脷洲大街的「漁港艇仔粉」。點了店家招牌的「NO.1 招牌艇仔粉」，使用無味精魚湯作為湯底，果真美美鮮甜，即是多喝，也不會感到口渴！一碗份量不少，材料充足！

好日都唔去香港仔，難得出咗嚟梗係要試啲地道啲嘅嘢。自己不嬲都鍾意食粉麵，香港仔出名食海鮮同魚蛋粉。聽聞而家已經好少人真係上去啲艇仔度食碗粉，亦都有好多艇仔小店上咗‘岸’😆得到香港仔居民嘅推介，我就嚟咗呢一間喺鴨脷洲大街嘅艇仔粉店幫襯幫襯。一場嚟到當然要試吓佢哋Number one招牌艇仔粉 Menu見到佢哋主打大地魚湯，喺香港比較少見。topping 大家一眼睇晒，有啲叉燒,炸魚皮,魚蛋紅腸等等。食呢碗嘢一定係嘆個湯頭，餸對我嚟講真係其次。本人覺得湯底唔錯嘅，好鮮，亦好香胡椒味👍🏻同行朋友叫咗一碗呢隻XO醬撈麵，坦白講個碗就麻麻哋啦，蒜蓉味好勁，咸，冇乜特別，都係推薦返大啲魚湯系列。評分✴️(五分滿分）環境:✴️✴️✴️食物:✴️✴️✴️性價比:✴️✴️✴️回頭率:✴️✴️✴️

想不到這家河粉店, 會變成排隊名店, 也許是因為鴨脷洲出名的美食和餐廳不多. 與流記一樣, 這裏主打名物就是艇仔河; 和前者不同的是, 這裏有座位可以堂食, 天天開放之餘, 也有不同的茶餐廳小食. 其實艇仔河就是大雜燴吧, 有燒味, 也有魚蛋魚片, 所以風味就是較為重要的一部份, 相比而然, 流記在艇仔上炮製艇仔河, 艇家風味就較為濃郁.這裏的湯底都是用大地魚烹調, 味道比起流記平淡, 鹹鮮味不算突出, 但至少沒有涸喉的感覺. 燒味當然不是自己烤製, 燒鴨就是和一般燒味檔沒太大分別, 皮較腍, 肉質還算OK. 最特別的可能就是紅腸, 非常重的玫瑰露酒香味, 這也是流記所沒有的. 河粉沒有糊化, 條理也算分明. 總括而言, 功能性OK, 但要山長水遠來到鴨脷洲, 專登來吃就不必了.Good Boat Noodles are the hot spot of Ap Lei Chau and it is focused on the HK style boat noodles. Compared to Lau Kee, she has seat for dining in but I thin

今日去開鴨脷洲，見時間已經兩點幾，本身想去熟食中心食下午茶，點知上到去見到個個都係食緊海鮮同小菜，唯有再行吓鴨脷洲大街睇吓有乜嘢好食。成條街得呢間艇仔粉有人排隊，睇到個Menu，見到艇仔粉都幾吸引，於是排咗10分鐘就坐低試吓。艇仔粉配料好豐富，有叉燒，燒鴨，紅腸，魚片，魚蛋，魚皮同埋生菜，將燒味同魚蛋粉嚟過Crossover😂，亦一次過滿足晒我多個願望，可以試晒唔同配料。除咗魚蛋，每樣配料最少都有兩舊，食完都幾飽下。配料質素幾平均，但係冇乜特別，唔算好有驚喜。艇仔粉最吸引當然係個魚湯。魚湯呈奶白色，幾重胡椒味，而且有魚味得嚟又唔覺得好腥，索晒啲魚湯嘅河粉，加埋咁豐富嘅配料，$46都值得一試嘅。

中午帶🐶仔去香港仔中心修毛美容準備過年🧨。我和太太去鴨脷洲碗食碗粉，再周圍行吓。招牌艇仔粉：次次嚟我都食呢個。食材好豐富，有燒鴨、紅腸、魚蛋、魚皮、叉燒。但個湯底比起之前食好似差咗少少，食完有啲頸渴。太太又係每次必點魚蛋河，魚蛋魚味夠，同埋河粉係超滑，同筲箕灣安利的河粉有得揮。美中不足，食肆細細，坐得好唔舒服。另外，呢度引以為傲的湯底係好濃味，好好飲。但之前飲過幾次都唔會有頸渴的感覺，而今次有，希望能夠一直維持到冇加味精就好。

黎到鴨脷洲想食野，被呢度嘅大地魚湯吸引就入去食，叫左四寶湯粗麵，加杯凍檸茶，餐廳細小，需要搭枱，四寶河有墨魚丸，魚扎，魚皮餃各一粒，豬肉丸兩粒，餸料正常普通，反而個大地魚湯仲濃郁冇味精，食完去行吓鴨脷洲香港仔海旁唔錯！

來得鴨脷洲這邊，當然不可以錯過艇仔粉，臨離開這地方前就先去食一碗！叫得做艇仔粉，當然是起源於水上人在艇上煮及賣的河粉，以魚湯做湯底。現在只剩一架艇及一間地舖仍有售賣艇仔粉。想感受到多點風味，可以選擇去艇家買來吃。可我和老公今次提著行李，加上天色有點陰，怕會突然落雨，去舖頭吃會適合一點啊！店舖座位擠迫，我們提著行李其實也不太方便。正值午飯時間，店內滿座，所以要搭枱。店員之後見到有吉枱，主動安排我們調枱，即使後來有客人入座，都盡量安排他們去其他枱搭枱，謝謝店員這樣有人情味的安排啊！招牌艇仔粉，用料豐富，有炸魚皮、魚蛋、魚片、玫瑰露紅腸、叉燒及燒鴨，先試一口湯底，奶白色的湯頭以大地魚熬煮而成，湯帶有胡椒香，不是想像中啖啖鮮甜的魚湯。雖然標榜不含味精魚湯粉，但喝完湯後會有點點口渴。河粉是幼身的一種，滑溜不會散，份量很多！魚蛋及魚片的魚味濃又夠彈牙，炸魚皮大塊又夠脆～～～叉燒及燒鴨不錯，玫瑰露紅腸浸過湯後仍很香，帶點微甜，好吃！價錢與平日食一碗車仔麵差不多，但配料就豐富很多，絕對夠飽肚！見到有幾枱客人點雪山粒粒西多士，可我們提著行李就不好意思霸佔座位太久，不知何日再臨去品嚐這款多士呢？

呢間野招牌艇仔粉喺食評上我冇任何挑剔，都算耐唔耐過嚟食吓，都係因為魚湯好正每次嚟到鴨脷洲都會幫襯呢間店，其他就未試過，所以之前感覺都不錯。唯獨是今次去食時，掃左個康復碼行入去坐低之後，（由於打咗三針嘅針卡同康復碼把聲係唔同，加上個喇叭播到好大聲）唔好彩咁俾我聽到嗰啲員工好晦氣咁喺度話：病咗就返屋企食啦！已經坐低咗嘅我，又見到好多員工望實我。我心諗你哋咁驚咪唔好開門做生意囉。我唔信每日唔會有康復者入嚟間店幫襯。係今次個體驗係食個挺仔粉都覺得好尷尬，個下是食咩都冇味啦！

見識完依間野D人既態度之後，原來都好多食客受過氣，忍唔住特登開ac講下野。首先，間野D野食就唔抵食既，鋪面細，坐摺凳。衛生環境又差。禁算啦一餐半餐，過到黎就試下。本人就打左兩針+好返用康復碼既。一入門口掃碼個陣，D聲就自然唔同。嘩，唔講以為政府改左唔比康復者出街添。成班人係禁比說話你聽，唔講以為我犯左咩事添。碗野有冇加料就唔知啦。其實你唔歡迎康復者入黎可以係門口貼告示。唔好睇到自己間野係咩五星級名店，唔食唔得。我係黎食野，唔係黎受氣

食過好多次，好食又抵食，唔怕口乾既上湯，濃而有味，唯一有少少麻煩就係附近無車位，開車既朋友會麻煩少少…加上又成日排隊，所以想食都係平日去最好！個人覺得佢個湯好入味，唔掛得見到好多街坊都會排隊去食，有時候見到條隊太長，我自己都會放棄，因為怕抄牌無辦法！次次去都會叫一碗粉加小食，好少地方搵到尼種風味，好有香港特色既味道，第二度根本無可能搵到，所以我耐唔耐都會去食下，如果唔洗排隊當然仲更加好啦，但為左食，有時候都要付出代價！值得推介！好食！好味！😋😋😋