漁牧 (已結業)

試下係香港食大陸口味既烤魚，嗌左香辣龍利魚，食落都幾辣，魚都算細條，兩個人唔夠食。仲嗌左皮蛋同青瓜木耳，正常味道，正常價錢，啤酒好貴，青島$60支👍🏾環境舒服，服務正常，價錢少少貴，未必有下次。我地成日番大陸食野，心中難免有啲比較，無咩番大陸食野既可以一試。

無意中發現的餐廳由泊車時見到一張大poster，原來新開故我們就去試試。見到我喜歡食的扁皮鴨，一定叫一個啦。另外食咗個黃金雞翼，雲耳， 芥蘭牛肉及招牌炒飯。黃金雞翼超好味。外皮脆帶有鹹蛋味道。扁皮鴨略肥一點。但鴨皮十分香口。招牌炒飯就有點失色啦。其他菜式都OK

上星期好想食酸菜魚，行開MegaBox，原來開咗一間中國連鎖既餐廳，有而家最興嘅烤魚酸菜魚北京扁皮鴨食。睇到之後覺得好吸引， 就決定入去食最想食嘅酸菜魚🥰由於兩個人唔係太肚餓所以只係嗌咗酸菜魚同一兩碟小食。酸菜魚嘅味道同喺大陸食既差不多，夠酸同辣，份量都好多。4個人食都夠😂配飯一流！值得一提入面餐廳嘅環境都裝修都好中國風，都坐得好舒服。侍應嘅態度都唔錯，會逐一同你介紹你想食嘅菜式。如果大家都想食酸菜魚或者烤魚呢度係一個唔錯嘅選擇。

有優惠券送左半隻片皮鴨，份量例牌，味道好一般，可以烤好一段時間有陣鴨騷味。最期待酸菜魚招牌菜令人好失望，魚肉質食落沒有口感，好難食。幸好叫左小菜咕嚕肉同炒豆角，烤魚都不過不失，配料薯粉，鴨血反而好食。餐廳環保好舒適，適合一班人食飯，但飲品茶同水要每位計。

和好友飯聚，因為拍攝MegaBox 的聖誕場景，所以約了在這裡的漁牧。這間漁牧面積非常大，座位寬敞舒適，空間感很足，就連等候位置也很舒適。餐具也很有特色。壇子花雕醉雞 $58聞已聞到淡淡酒香，入口亦有陣陣酒香，雞肉偏紮實但不至粗糙，味道不錯。紅油豬耳 $42雖然下面墊了拍青瓜，但其實份量仍然不少，豬耳味道微微麻辣，惹味但不會辣到難入口，口感爽脆，令人欲罷不能，就連墊底的拍青瓜都一樣清爽美味。燒清江魚-鮮檸檬番茄味 $318加海帶 $20加大白菜 $20加枝竹 $20原來很大條，鮮檸檬番茄湯底很濃郁，味道香甜帶微酸，天然的檸檬酸味感覺很清新。清江魚的肉質不會太軟稔，有彈性之餘仍保留嫩滑口感，魚肉因爲鮮檸檬番茄湯底，鮮味更突出。漁牧混豬 (1/4隻) $168這真的是漁牧必點菜式，用的是越南出生30天的奶豬，再加上秘製醃料，經特製烤箱燒製而成。而且更附有3款醬料，包括乳豬海鮮醬、青檸芥末醬及日式抹茶醬。乳豬外皮鬆脆，肉質鮮嫩好咬，而且調味恰到好處，入口啖啖豬肉味。而下面的蔥油糯米飯，吸收了烤豬的油香，口感煙韌軟糯。紫薯驢打滾 $58以糯米粉做成的甜點，中間夾著香軟紫薯餡，味道不會太甜，口感

前排天氣寒冷，令到蜜桃小丸子很想吃辣來暖暖身，於是便到了漁牧吃晚飯。餐牌有不少選擇，有各種燒魚，又有燒豬，亦有北京烤鴨，總有一款岩口味。兩人其實吃不了很多，因為份量不算小，於是我們叫了沸騰魚和牛肉炒芥蘭。沸騰魚類似水煮魚，一送來便嗅到一陣陣的油香，因為是用滾油去煮熟魚。服務員會先把部分辣椒取去，所以整碟菜不會太辣。魚的質量不錯，吃下口又熱又嫩，最重要要隔走部分油，令其不會太油膩。內裏還有類似薯粉的麪條，QQ的有口感，另外還有海帶下下火。整道菜味道不錯。芥蘭炒牛肉，牛肉都幾大片，有肉香頗新鮮，連埋芥蘭炒得好入味，幾好。

很久沒有來MegaBox午餐了，朋友說這裏開了一間店吃酸辣魚非常不錯😆今天便來試一試。門口紅色的裝修非常吸引，而且裏面座位寬敞，裝修真的很不錯。碟上面印有一隻鴨子，非常精緻。這裏有很多不同種類的湯魚選擇，一心來吃酸菜魚的，所以一打開餐牌，看見濃湯酸菜魚便決定叫了！這裏也有午餐可以選擇，我們叫了魚香茄子，會配一個飯。茄子煮得非常惹味👍👍好像可以配兩碗飯來吃😂最後到主角酸菜魚上場了，她用了一個非常大的碗去承載，初初很怕吃不下！但後來發現原來只是湯比較多。這個味道非常好😍有很多的酸菜在裏面，雖然有幾隻辣椒在面頭，但是其實不辣，個人最喜歡吃酸菜❤️❤️魚肉也不少，而且非常滑！會推薦朋友到來。

今早睇到幾份食評讚漁牧既打邊爐出色，於是就馬上打電話 book 今晚食。對方問要5要預留片皮鴨，我一心係食雞鍋，當然5留鴨。對方話今晚多 booking，我 book 6pm，要8pm 交檯。漁牧我係尖沙咀食過2次，味道不錯，但就無雞鍋，只有雞煲。咁尖咀執咗，就去megabox 試下。我地翻開menu，咦。。。點解5見雞鍋？？!!!再重睇一次，真係無喎無理由咁涷天氣就無邊爐嘛？問侍應。。。答案就係。。。暫時取消，未知幾時再有。心往下沉，雅興頓失。但已坐低，就照食吧。。。於是揀咗2道以前吃過既招牌菜，再加2樣新野。漁牧混豬(1/4) $168：呢個以前已食過，呢間分店既味道都算 keep 到，但d乳豬就有d 似營養不良，有幾嚿係以骨頭為主招牌奇香雞煲(順德原味)$198：以前食微辣，味道係好d。呢個原味都入味，但d 雞可5可以切返大件少少，5好一粒粒，以營造多雞觀感。同埋再熱返少少就更好，因為一拎出來，只係溫暖，5係熱騰騰，所以我地要同溫度競賽老鴨湯上海青肉沫手作麵 $60：麵係寛條，質地5錯，有肉碎，有菜碎，但湯底就 feel 5到有鴨味雙色水晶球 $48：呢個比想像中特別。3粒奶皇餡

星期六同女友去九龍灣行街，我地都鍾意去Megabox行，因為比起其他商場冇咁迫同冇咁多國內人。仲有一樣野好，就係多野食揀! 見今晚凍凍地，就揀左去漁牧食。呢間比尖沙咀既再新好多! 似係最近開的，所以一入去覺得闊落得多，同埋坐得好舒服。先叫左兩個前菜 - 青瓜拌海蜇，味道幾清新，醬料唔會太濃，海蜇料都幾多。壇子花雕醉雞 - 酒味唔算好重，但酒既份量都多，啲雞有啲醃到過左，酒味重過雞味，用埋啲肉有啲實。雖然我想食麻辣烤魚但女友話我呢排已經食左好多辣野，又生瘡，所以唔畀食⋯經我苦苦哀求下，我地揀左酸菜魚食，估唔到仲有驚喜! 呢個份量最好就係大得黎兩個人食都得（雖然之後就唔可以再叫太多其他既餸），湯一D都唔油，有唔少四川花椒之外個魚本身都冇腥味👏🏼配菜除左酸菜芽菜等之外，佢都落左薯粉、海帶等落去，多啲口感之餘呢啲配料唔會過份索哂啲湯，幾平衡。呢隻清湯魚好厚肉，幾啱做酸菜魚，肉質鮮甜。配埋薯粉食幾一流，好夾! 女友唔太好食薯粉，我見佢個燒乳豬都有糯米飯底，所以就叫做最細份量去試。估唔到漁牧除左食魚出名之外食肉都唔錯，呢個乳豬烤到好香，有啲木炭味又唔會過油，隻乳豬果然係BB豬，肉嫩又冇膏！個糯米飯

冬風起，最岩最想就係搵frd去打邊爐，係暖粒粒既火鍋邊，慢慢食同慢慢傾下計！朋友介紹左一間觀塘區既火鍋餐廳，除左有火鍋食之外，仲有d川菜可以點黎試下，好多選擇。雖然呢間餐廳遠左少少，係mega box 果到，但亦可能因為咁，餐廳好大好闊落，坐得好舒服同埋真係可以慢慢坐慢慢食。我地兩個人唔敢叫太多野，點左兩個前菜、一個滋補醉雞鍋、四款配料同兩杯飲品。前菜 - 黃金雞翼平時食黃金鮮魷就食到得多，黃金雞翼就真係第一次食，好新奇。食落個味同黃金鮮魷好似，雞翼炸到脆卜卜，啖啖蛋黃香，肉質嫩滑。酸辣原隻鮮魷筒呢款前菜感覺有d似泰式沙律，成個前菜用左好多唔同材料，有洋蔥、青瓜等等，食落酸酸辣辣但又帶青檸清新，同鮮魷都好夾，好開胃。滋補雞鍋呢個湯底好足料，用左好多藥材，一黎到已經好重藥材味好香，配埋半隻用酒醃左既新鮮雞，真係好滋補。美國肥牛呢款份量兩個人食既話都幾多，每塊都切到剛剛好，油脂分佈平均，食落牛味都香濃，唔似雪藏好耐既肥牛。手打墨魚滑墨魚滑份量都係唔少，好有心思用心型上菜，食落都彈牙，同埋幾有口感，食到粒粒墨魚肉。清江魚片反而魚片份量唔算多，但醒在塊塊都好鮮味，魚質都實在，唔會散，最緊要係無

最近天氣終於有少少冬天嘅感覺，跟住一凍少少就約埋班朋友去megabox嘅魚牧打邊爐。點解黎到megabox，其實係因為去ikea買嘢，住喺新界嘅我其實真係好少過嚟呢個商場，但係好耐冇黎，又會覺得呢度都幾多嘢食😁今次揀魚牧因為記得有同事介紹過，價錢中等，但係食物絕對高質！醬油皮蛋唔知點解鬼佬唔鍾意食皮蛋，靚嘅皮蛋可能係佢嘅晶瑩，亦都可能係佢嘅口感；呢度嘅皮蛋望落去都具備以上嘅優點，加上秘製醬油，係一個前菜好選擇。青瓜拌海蜇由細到大我都叫海蜇為橡筋，鍾意佢彈彈下嘅口感，鍾意佢嘅質地，其實海蜇本身唔會有太多味，佢嘅味道係黎自佢嘅醬汁。呢度嘅海蜇同青瓜都整得好清爽，咬落去發出卡卡聲。三個女仔叫一個滋補醉雞鍋份量唔算好大，隻雞散發出淡淡酒香，肉質香滑，半隻嘅份量其實肉唔算好多，但係味道整得非常好，所以我哋仲可以叫多幾款其他食物去試下。.配菜方面我哋揀咗魚片，手打墨魚滑同埋蔬菜拼盤。魚片比我想像中有驚喜！新鮮得來冇腥味，而且口感係有少少彈牙，冇骨非常喜歡。手打墨魚滑同樣，有口感，質地厚實，打得香滑，唔似加入咗其他配料去打成，原汁原味。蔬菜拼盤係為咗平行返食肉太多嘅選擇。蔬菜睇落翠綠新鮮，食落爽口甜

漁牧位於mega box 高層，要在午餐時間上來是要花點時間。甫進店內便能感受到濃厚的四川風味，包括那陣陣令人垂涎三尺🤤的麻辣味。由於只有兩個人，未能吃魚煲😝只好叫下set lunch。點了個麻辣牛肉麵套餐，其實也有一陣猶豫，連加一服務費要一百元一碗的麻辣牛肉麵，值得嗎？但吃過以後，答案是，非常值得，那陣花椒來的麻辣，不是普通牛肉麵加辣椒醬可媲美的，牛肉得林，也很入味，吃完一碗仍不夠喉，要數美中不足之處，便是可以更大碗吧

今晚來到Megabox 13樓找餐廳，見到這家有香辣烤魚，睇落好吸引，便入去試試。餐廳環境不錯，裝修得幾靚，坐位很寬躺、舒適。很適合很朋友一邊慢慢嘆烤魚，一邊吹水。烤魚方面，我們選了龍脷魚，貪佢無咩骨，食得方便。味道方面我認為要選辣才惹味。我們選了火熱香辣味，因為不想吃酸辣（像泰式辣醬）。這個香辣味不負所望，好惹味！不過愈食愈辣，朋友食到一半頂唔順，但又好想繼續食，哈哈！食唔到大辣既人注意，它不能改為小辣。我一開都問左店員，想他們放小一點辣椒，但他們說醬汁已是預先調好的。講番條魚，其實都幾大條，不過龍脷魚本身係會薄身d。最重要既係龍脷魚肉質好滑，好新鮮，配埋香辣汁真係不得了，我比十個讚！配料方面，我們選了雜錦，有金菇，蓮藕片，午餐肉，芝士腸，炸枝竹，蟹柳。我們貪佢樣樣有d，數量不要太多，可以試多d款式。前菜方面，我們叫了麻辣腎片及大漠風沙雞翼。腎片好爽口，麻辣少少麻，幾過癮，不會太辣。風沙雞翼像避風塘炒法，很香口，值得一試。另外，我們也叫了一道黑醋鮮果咕嚕肉，份量頗大，好多肉，岩哂我呢類食肉獸。味道酸酸甜甜的，很開胃。甜品方面我們叫了雙色水晶球，造得很精緻，雙色是奶皇及紅豆兩種口味。喜

星期五的晚上，天氣又凍，最好就是相約好友一同去APM漁牧打邊爐。朋友告知我漁牧是茶木的姐妹店，同樣由台灣引入。門口裝潢充滿中國色彩。我們在叫主食前，分別叫了兩個前菜。香油拌雞絲一上檯已經聞到濃濃的麻油香，雞絲拌上青瓜絲及紅椒絲，十分清爽口感，減去一點油膩感。雞絲都十分嫩滑，一連食了幾口。黃金雞翼金黃色的外皮，食第一口濃濃的鹹蛋黃味，之後就停不了口，連食幾口了。雞肉食起來都十分嫩滑。滋補醉雞鍋（半隻）半隻雞上檯，服務生趕緊把雞倒進火鍋裡，我馬上拍一張相就讓服務生把雞倒進，之後有給我們一個倒數計時器，計時5分鐘，就可以打開火鍋食醉雞了。一打開個鍋就聞到濃濃既酒香，雞食起來十分嫩滑，煮久了，都不會肉質不會變老，食落多酒香，多吃也不會醉。美國肥牛肉配料是散點的，我們叫了美國肥牛肉，剛上檯就見到肥牛脂肪比例十分好，肥牛大概一放落鍋幾分鐘已食得，入口即化，不錯。雙色馬拉盞兩個顏色的外表，但味道都是一樣。造型十分精美，雞蛋糕口感配上煉奶，新嘗試，平常都較少機會食到。整體而言，都不錯，新口味嘗試一下也無坊。

今日來到九龍灣Megabox，被一間充滿了喜慶的紅色餐廳漁牧吸引住了，漁牧主打京川風味，並且因應港人口味作出調整，有辣有不辣。漁牧環境舒適，整間餐廳以紅色𤔡主調，充滿了一片的喜慶的紅色。川香口水雞$88。川香口水雞味道帶麻辣，肉質軟滑，麻辣味十分惹味可口。青瓜拌海蜇$48面上灑了芝麻及麻油，海蜇非常多，蓋住了下面的青瓜，兩者都非常爽口。滋補醉雞鍋半隻$198滋補醉雞半隻，醉雞酒味不是很出，入口有雞味，肉質都比較嫩滑。美國肥牛肉$148美國肥牛肉份量都算多，卷成一卷卷的，賣相不錯，雖然相對上感覺是肥了㸃，但牛肉味不錯。泰國椰青$78飲品要了個泰國椰青，清甜冰涼，配上肉類火鍋，正。