漢發麵家 (告士打道)

營業中

休息中

難得假期決定嚟呢間出名嘅豬膶麵餐廳試吓。因為過晒食晏時間，所以唔使排隊就可以直入餐廳坐低，坐低之後侍應會比餐牌同QR code俾你落單。豬膶米粉同豬膶粗麵不過不失，可能有太大嘅期望，感覺有點失望😞。不過最令我最失望嘅係杯凍奶茶。首先凍奶茶嘅味道就真係好一般，最慘係凍奶茶飲到最底，發現有未溶晒嘅阿華田同埋檸檬核，我唔知係咪想慳水，所以連啲杯都唔使洗。不過見到呢啲嘢令到我食完有啲想嘔。我諗以後我都唔會再嚟喇，況且價錢亦都唔吸引真係試過就算喇。

今天帶小朋友到漢發食嘢，已經黎食左好多次。老闆娘依然非常熱情招待，員工看見我們幾個背囊，二話不說攞張凳比我們擺野，真係感動非常細心同溫暖，我同老闆娘講佢哋嘅員工好細心，老闆娘同我講，佢話而家香港缺乏咗一種人情味，佢想顧客入黎食野有種溫暖感同人情味。真係好好！食物同環境方面都保持良好嘅質素。真心覺得五星好評。👍👍

今天到漢發吃下午茶，老闆娘非常熱情❤️，員工非常細心，見我哋好多個背囊，即刻攞多幾張凳比我哋擺野，老闆娘同我哋講，想比顧客們多一份溫暖感和人情味。食物質素非常之好。五星好評！員工都非常有禮貌。值得大家去試下。環境非常干淨企理。

約同事食lunch， 本來去X嫂，同事話成日去有啲悶。有間新店，都係食豬潤架，甘就拿拿臨去食啦。11點45無咩人。一座低大家都係target 豬潤。全散叫，係無餐既。豬潤都厚切，有4大塊，係熟，食落係爽既，好味😋大家心思思又叫左兩個小食。法蘭西多士，都脆邊，ok 好食。不過食食下有啲飽同漏甘。炸鯪魚球，有跟埋蜆蚧醬架，點住食特別惹味。總括嚟講都好食，但真係會有啲貴，因為無餐無包野飲。除返開成一舊水食茶餐廳👀

知道深水埗總店成日都大排長龍，多人到都唔想去排。後來知道在灣仔開新店，有天星期日諗住去試一下，點知星期日唔開門。最近見佢一至日都開門營業當然即刻就走去試一下，睇吓係咪真係咁好食值得大排長龍。當日星期日中午12點左右見冇人排隊就嗱嗱臨走入去試一下，當然要試一下出名嘅豬潤啦，就叫咗一個豬膶炒蛋麵同凍咖啡。豬潤麵一到，一睇嘩咁厚切嘅啲豬潤嗰刻嚇一嚇😵，首先當然第一啖就飲一下湯啦，好大陣薑味好微弱嘅豬潤味😓，跟住再咬一啖豬膶，中間咬唔斷有根😵‍💫，麵同蛋就普通。每一嚿豬潤都係有根，但肉就爽淋嘅。咖啡就係好普通嘅茶記嗰種。總括，唔值咁貴同唔明點解排隊。（好在唔洗排） 😅

係深水埗勁出名既漢發係灣仔都開業左一段時間，成日都無時間，啲幾日終於有時間去試一試！ 早餐時段，人唔算多，唔洗等位即可以入座，之後好快就可以落order 。叫左個「豬潤併蛋公仔面」，等左差唔多10分鐘有得食😋一開始就明耳到熟悉既味道，急不及待即刻試一口，豬潤厚切，烹調時間岩岩好，食落口係種粉嫩軟滑既質地，非常好味，個湯底仲有啲薑既味道，正！公仔面煮到岩岩好，加埋隻蛋煎到燶邊仲要脆口，真係配合得好好！

【世一豬潤麵😋充滿驚喜的西多士】📝整體食評以豬潤麵聞名的漢發非浪得虛名，食物雖平民地道，但能吃出餐廳用心製作。食用當日餐廳座無虛席，但不會等太久，且座位闊落舒服，一定要去試！豬潤拼蛋公仔麵 $51 😋8.5/10 【推薦】豬潤厚切幼嫩。處理豬潤最考功夫同時間，需要長時間咇水令豬潤乾淨。烹煮時間都恰到好處，細嫩幼滑易入口。為一可以挑剔就是食不了豬潤種爽口，只係個人喜好。此外，仲有得選擇麵底軟硬，麵底剛好帶點煙韌，值得一讚！豬扒拼蛋公仔麵 $55 😋9/10【必食】麵底評價如上，不額外評價。豬扒經過油炸，上枱熱噴噴，且能鎖住肉汁，非常juicy🤓拼蛋公仔麵，可為絕配，食作香港茶餐廳應有味道👅鮮牛肉公仔麵 $55😋8.5/10 【推薦】牛肉是採用鮮牛肉，如果唔想咁單一齋食豬潤，可以拼牛肉，牛肉肉質鮮嫩，亦唔會煮到十分熟，似越南河牛肉帶點紅，入口順滑，值得嘉許。法蘭西多士$40 😋9.5/10【必食】法蘭西多士係我意想不到，最令我感到驚喜的。首先，外形都較特別，呈圓形狀。入口非常軟熟，好似食緊梳乎厘。花生香配煉奶，可以講係香港暫時數一數二的西多士

【世一豬潤麵😋充滿驚喜的西多士】📝整體食評以豬潤麵聞名的漢發非浪得虛名，食物雖平民地道，但能吃出餐廳用心製作。食用當日餐廳座無虛席，但不會等太久，且座位闊落舒服，一定要去試！豬潤拼蛋公仔麵 $51 😋8.5/10 【推薦】豬潤厚切幼嫩。處理豬潤最考功夫同時間，需要長時間咇水令豬潤乾淨。烹煮時間都恰到好處，細嫩幼滑易入口。為一可以挑剔就是食不了豬潤種爽口，只係個人喜好。此外，仲有得選擇麵底軟硬，麵底剛好帶點煙韌，值得一讚！豬扒拼蛋公仔麵 $55 😋9/10【必食】麵底評價如上，不額外評價。豬扒經過油炸，上枱熱噴噴，且能鎖住肉汁，非常juicy🤓拼蛋公仔麵，可為絕配，食作香港茶餐廳應有味道👅豬潤牛肉公仔麵 $55😋8.5/10 【推薦】豬潤評價如上。牛肉是採用鮮牛肉，如果唔想咁單一齋食豬潤，可以拼牛肉，牛肉肉質鮮嫩，亦唔會煮到十分熟，似越南河牛肉帶點紅，入口順滑，值得嘉許。法蘭西多士$40 😋9.5/10【必食】法蘭西多士係我意想不到，最令我感到驚喜的。首先，外形都較特別，呈圓形狀。入口非常軟熟，好似食緊梳乎厘。花生香配煉奶，可以講係香港暫時數一數二的西多士。

星期一下午三時灣仔店深水埗店未試過，見友人話好好食，於是便試下灣仔新店。大熱天時，要人喺告士打道一帶，烈日當空，行十分鐘真係有啲惡頂，地點隔涉，已經唔係我一個人講。冷氣足夠嘅，如果出晒汗濕晒身，坐低兩三分鐘會覺得凍添。二話不說叫杯凍啡先，再慢慢睇餐牌，原來冇下午茶餐，冇所謂，熱咗咁耐唔會因為咁轉地方。唔食公仔麵叫了豬潤粗，等了十五分鐘才來，好在個凍啡夠快，飲住等唔覺，不過以麵家唻講，確實係耐咗啲。麵唻到，冇蔥嘅，湯色較深，明顯見到唔少淥豬潤嗰啲浮沉物質，證明係用返碗湯唻淥潤，保留潤原味。將麵揚散，已有一種非常熟悉嘅氣味，夾起一住，更是撲鼻而來，是，是舊式細用嗰種竹昇麵湯，加上濃厚的梘水味。現在幾乎所有客人都不再接受這種梘水味，而佢竟然保留到，係堅持定係默守？飲淡湯，正如上述，梘水味在口腔四散，但又帶著薑蔥香氣，加上潤香味而且偏甜的湯底，跟粗麵卻離奇地夾，大口大口吃了兩啖，感覺十分懷舊。豬潤正如各大食評所講厚度非常，可說是食過最厚的，四大片，有三片超過 1cm，感覺非常足秤。大口咬一半看看中心，一點粉紅不安顏色都沒有，但質地卻是如此爽脆。最中心嫩嫩的感覺十分軟滑，仍然帶著豬潤的獨有味道，

哩間漢發，開張時勁多人排隊幫襯，我當然唔會排啦! 等到今次經過矛咩人排隊先幫襯，睇吓有咩咁吸引.一入去見到要用我唔 like 嘅 QR Code 落單，已經扣分，馬上問一下待應人手落單得唔得，答案係可以，咁就加翻服務分啦!睇吓份 Menu 選擇唔多，而漢發最出名嘅豬膶唔係我杯茶，自已又三高，唯有轉移口味睇吓有咩啱心水.嘩! 牛腩飯成68蚊! 貴! 加埋杯飲品差不多成舊水!!其實68蚊貴在份量足夠，未試過食牛腩飯係俾四條大大條嘅牛腩，通常食開牛腩都係斬開一舊舊碎冷冷，至於味道呢..... 講唔上好味，首先唔夠入味，口感唔夠 Juicy 有少少乾，而且牛腩少少硬身唔夠鬆軟，牛腩汁唔多足夠，所以性價比底俾唔到滿分，可惜.

#fatchubelly灣仔📍漢發麵家為左豬潤而慕名而來 🙈從係深水埗店時而好想一試 依家開左係灣仔就更加方便～首先店鋪位置離地鐵站有d 距離 但店面都幾大 光猛乾淨✅而且就算茶記格局搭枱都唔迫因為卡位闊落 仲要係qr code 落單 📱岩晒選擇困離症人事慢慢選擇🤭💥豬潤麵 $52講返食物先 豬潤豪不失望！ 👍厚切有口感而且絕無腥味😋湯底有微微薑味 口感平衢無搶去豬潤的鮮甜💥牛筋麵 $42牛筋有三大件 🥢唔算每件都非常棯 但overall 都ok 質素平穩🙈反而麵底幾好食 唔太喜歡皂水味好重 呢隻麵就岩岩好🫶🏼💥炸鯪魚球$45好香口彈牙 😽入面加左唔少蔥花同芫 香味十足 值得一炸完亦無過份油膩感👍

漢發麵家嘅厚切豬膶麵己經名遍深水埗，而家喺灣仔開咗新分店，搭港鐵屯馬綫喺會展站下車行大約七分鐘就可以去到店舖，今日大約中午12:30去到，店舖外己經有人排隊等位，室內幾乎全場爆滿，不過職員安排下好快可以入座，呢度係用手機QR Code落單今次梗係食最出名嘅厚切豬膶幼麵，另再拼牛肉，共$60,加埋杯凍檸茶$22, 落單後食物十分鐘左右己上枱，豬膶夠厚又爽口，而且又有薑同酒味，個湯飲落唔會太鹹，用來伴麵相當唔錯，下次黎會另試其他小食…

漢發餐廳個個人都話好食，嗰日坐埋張檯，隔離兩位客人都係出長水遠過嚟試，話以前幫襯過深水埗，而家就嚟灣仔大間啲乾淨啲嘅舖頭試。我同朋友下晝3點嚟，都唔算超多人排隊，10-15分鐘都入到去。整體好滿意啲嘢食，最滿意及有驚喜係佢啲特飲，我叫咗紅豆涼粉咖啡，非常好味，建議一定要叫。牛筋河豬瞤雞蛋公仔麵，唔係唔試掛炸魚皮，一般，但個湯好飲，唔係漢發嘅強項嘢鯪魚球，一定要食鯪魚球配特別胡椒粉，超正西多士，都好食，但我鍾意傳統嗰款多啲靚靚嘅裝修

過往去開的深水埗都會去潤發食個豬潤加餐肉或豬扒面， 原來我發現灣仔都開咗一間新分店，即管今日跟同事嚟試吓，一去到我哋馬上有一個豬潤麵加餐肉，佢哋最出名除咗系豬潤之外其次就是他的奶油包，真係超好食呀，差唔多每一台客戶都會叫一份的奶油包，除左這個包外， 呢一間嘢好多食物都好出名的，例如鯪魚球，炸雲吞都值得一試的！店員服務態度也很好，有禮貌！不過建議大家早啲去攞位，尤其是深水埗嗰間，我上次等咗差唔多45分鐘😩

漢發麵家由深水埗經營多年，最近喺灣仔開了分店，所以就特意去試試。叫咗碗牛腩麵，點知麵送到嚟時，見到加料！真係嚇到我一驚！😰發現有隻好大嘅蒼蠅！！！🤮🤮🤮同個夥計講，佢好似若無其事咁唔覺得係一回事。此事之後，我冇再返去食喇。👎🏻Having known their long history at Sham Shum Po, the flagship location, it is indeed the talk to the town when their new location at Wan Chai just opened recently. Went there during lunch hour and there was a heap of people queuing already. Typical expectations, a long queue outside usually means good food inside. So regardless of the wait, I joined in. Once seated, we are to order t