漢發麵家 (告士打道)

營業中

休息中

喺今時今日無套餐嘅「麵家」某程度上都係對自家出品嘅信心表現豬潤夠份量但可惜無 wow factor紅豆冰正正常常豬扒應該無下次好重手肉鬆粉嘅感覺咸牛肉蛋治反而係最好味嘅選擇見d調味料都用優質品牌但都唔係好令到我再想返去 encore 約 12:30pm 埋單嘅時候店外已築成人龍見到呢d情況都會諗吓究竟係咪只係自己...... 叫咗d唔係咁好味嘅食物？

呢間麵店深水埗店成日都排唔到隊，冇機會試。從朋友口中得悉在灣仔開了新分店，今日下晝行過灣仔決定走去一試。大約下晝四點幾到達，可能分店開了冇幾耐，所以冇乜人知不用排隊就可以入座。舖裏面座位寬敞，客人唔使迫埋一枱食。新店用QR code落單，好方便。入得黎食梗係叫招牌豬膶麵再加凍咖啡。凍咖啡好大杯味道唔錯。之後來主角豬潤麵，大大碗多湯多料。豬潤有咬口夠新鮮的確唔錯，不過湯底我就略嫌鹹了一點，個公仔麵就普普通通，食完碗麵反而覺得有啲滯。埋單$74呢個價錢都算幾貴，起碼比維記貴一截。如果好似深水埗店咁長期排隊，就好似唔多值得。

今日難得有得wfh，決定喺屋企附近買外賣返屋企食。之前見到深水埗嘅漢發麵家係灣仔開分店，地址為灣仔告士打道168號今日就打算落去試吓究竟同深水埗嘅味道有冇差別外賣都唔算要等好耐，早餐時段大概都係等10分鐘左右 懷住十分期待嘅心情拎返屋企!食落其實都唔錯 意思都比左四塊 絕對唔會手軟 口感方面亦都係非常爽脆 食得出係新鮮嘅食材 食落豬潤食落爽滑個米粉湯底唔會好濁 牛肉味道都唔錯，不過就冇豬潤咁出色嘅 極度推介大家去食！價錢亦都合理！

舊年食過深水埗的漢發，記得結論係好好。重新認識，來了新開灣仔鋪 (就加入GULU取票app). 第一次，只試了：-豬扒公仔麵，加煎蛋，-凈豬膶加牛肉，和-炸雞翼樣樣都好食，新鮮厚切豬潤，公仔麵湯底，一啲豬膶腥味都冇，還有少許公仔麵湯的味，喝了大半碗！炸到恰到好處多汁的雞翼，真的很久沒有食過。比較高的價格很難話唔啱，因為材料實在好，人哋做得好，穩定有水準，就應賺錢。再來第二次，牛筋牛腩撈河，自己未試過撈河 🤭👍👍比捞面更濃牛味。加上份量，好足夠去餵飽喜歡牛筋牛腩的人！

見有人一早已經post IG點知原來紅紙都未滅Weekend 下午茶時間梗係多人等位啦. 好彩都唔係要等好耐，其實佢嘅招牌豬潤我係唔食架，不過都冇所謂嘅，朋友食咪得囉，我可以食其他嘢。對上一次我係去佢深水埗店食豬扒麵，都已經係幾年前嘅事，我又覺得好一般啫。今次因為朋友喺灣仔返工，佢又未試過。除咗豬潤麵，我哋仲叫咗馳名西多士，仲有炸雲吞 豬潤麵我就冇得評論，因為我冇食過個豬潤，面就好普通囉，係個湯好強勁嘅胡椒彊味。炸雲吞，我就覺得好一般，好大陣鹼水味，但係我朋友話食唔到。西多士其實又冇乜特別嘅，只不過唔係傳統嘅正方形，而係有少少圓角囉 可以揀煉奶或者傳統糖漿，因為佢比錯咗我哋，結果係兩樣都有得落，都係傳統糖漿好味啲一個字「普通」唔知點解咁多人等位。咁啱隔離枱有一對夫婦，個老公不停話：嘩5x蚊一碗豬膶麵仲要冇餐😑，的確係事實，的確係有啲貴！

一直想試， 結果深水埗那間跟我無緣， 有日發現灣仔開了， 立馬去試。星期六的早上11點，附近是純商業區，竟然都full house, 可見很多人都是慕名而來的。幸好我到時剛好有位，這店是以QR Code 下單， 很方便，也容許我可以慢慢研究餐牌。 見到樣樣都想食， 最後我還是選擇了招牌的豬膶拼炒牛肉粗麵，配凍鴛鴦。他們家的豬膶是厚切，爽脆口的，有股酒香發薑的味道，牛肉煎過很香口， 整體味道很好， 不過豬膶多吃會膩， 最好二人同行。凍鴛鴦正常發揮。

「漢發麵家」首間分店坐落於灣仔告士打道，交通唔算方便，由會展地鐵站行過去都要大約8分鐘。我去嗰日雖然仲未正式開張，但都吸引咗唔少人去用餐。當日去嘅時間係大約下午四點，好多食物都售罄了，多士類尤其誇張，只剩下奶油多士 (即係話我冇食到佢哋嘅名物西多士囉)。其他食物嘅情況都差唔多，炸豬扒、炸雞脾、炸鯪魚球都同我無緣份喇。棄用店員手寫單嘅模式，要點餐嘅話只需要掃一掃枱上QR code就得。落單後上餐速度都算快而且冇漏單，店員服務態度亦都很好，以一間試業中嘅餐廳嚟講運作尚算唔錯。▫️奶油多士(HKD16) - 原來係可以多奶油，落單時選多奶油就得。▫️炒牛撈公仔麵 (HKD69) - 老闆娘推介我哋食呢個公仔麵就即管試吓。味道係唔錯，最正嘅係有一大堆蔥絲鋪喺公仔麵上面。不過以一間茶記嚟講定價會唔會高咗啲😆▫️炸雲吞 (HKD45) 配芥末醬 - 雲吞皮咬落卜卜脆，令人不自覺地食完一粒又一粒😆 平時食炸雲吞多數會點糖醋汁食，炸雲吞配芥末醬呢個組合又幾新鮮喎。▫️炸魚皮 (HKD28)⭐️逢星期日休息

裝修簡約復古，光線充足大玻璃。空間咁寬闊。感覺舒服。需要聘請較好的玻璃清潔專員。改善向外觀景。聽說午餐時間會有人龍排隊等候。特意下午茶時間過來，無需等位。著名豬潤麵。豬膶非常乾淨爽口。如果你喜歡豬潤必試。跟深水埗走不同路線。沒有那重太重的薑味，但感覺清爽乾淨。豬扒包（芥末醬) 誠意的製作。可惜鬆肉粉太多太重，失去了豬扒的靈魂。浮雲形狀西多士。口感很不錯。其他產品，下次再來。店內通風系統，可能是因為Soft opening，有待改善。

聽聞係深水埗好出名， 再黎灣仔開， 地方開陽，唔會太迫促，今日約左朋友， 特登帶佢黎試吓😊上網search 過， 叫幾樣出名野食試下先🥰🥢豬膶公仔麵，加$7 五香肉丁豬膶爽，大件厚身，沒腥臭味👍🏻🥢 豬膶公仔米，加$7 午餐肉大大件午餐肉 ， 足料☺️🥢炸雲吞香脆唔油膩，配上特製醬汁，食到停唔到口 😊🧋紅豆涼粉鴛鴦多汁， 味道適中，可選少少冰😁🍵杏仁霜好香杏仁味， 飲落舒服😋Lunch hour 黎都幾多人， 職員都分身不暇， 收銀姐姐比較有禮貌👍🏻本來想試埋西多士，但因為太飽啦，下次再試😁

灣仔開新舖, 同朋友試一試佢嘅豬潤麵。主題當然係「豬潤」, 厚切、爽口、冇酒味。但佢唔係我杯茶, 可以講佢嘅豬膶係冇味, 食唔到豬潤嘅質感, 同豬潤應有個味道, 非常可惜。至於其他嘅飲品, 丁麵, 就喺水準之內。&灣仔店, 下午 5:30 收舖。

巧開心，深水埗過江龍，在灣仔落戶！新春如此，開始返工的日子，期待已久的漢發麵家終於營業，2023年亦剛好是他們50周年！Lunch time，乘客已坐滿左餐廳，門外還有人排隊，仲有外賣的人群，好不熱鬧！大部份人在門外等候的人，都是耐心等待着，期待品嚐那份地道的滋味。終於能夠入場，大概等了20分鐘時間。坐下看看餐牌，其實有很多都想嘗試，所以應該會再嚟幾次幫襯，今次就先試招牌豬潤面，及經典嘅蝦子麵！蝦子麵，沒有鹼水味，軟硬適中，雖然唔算很彈呀，但不黐牙不過冧。超級勁多蝦子及唔同切法嘅蔥，有切粒，有切幼絲，令到香蔥都有不同的口感及視覺觀感，亦都比較美麗。撈麵的湯，有一種胡椒口味，呷著湯令人感覺溫暖。豬膶麵，等咗超過30分鐘，但是值得的。5大大塊厚切嘅豬潤，沒有血水亦不會煮得太老，係喜歡吃豬膶的人一定要嘗試的。湯底有足夠嘅薑味辟臊味，亦有少許胡椒味。加一杯凍嘅奶茶涼粉，奶茶茶底夠茶味，涼粉切得很細粒，可以用飲筒啜。另外一提，這裏用泰國進口嘅胡椒粉，同埋余均益嘅辣椒醬！

想試新嘢叫老公買外賣⋯⋯罕有冇早餐套餐嘅茶記，鹹牛蛋治、熱奶茶加盒錢要$51，味道係好嘅，不過呢個價錢，只可以講一試無妨，灣仔、銅鑼灣有超多選擇⋯⋯態度呢，係愛理不理。