漢發麵家 (告士打道)

營業中

休息中

為咗鼎鼎大名嘅圓形西多士嚟到漢發麵家，估唔到一間茶餐廳會開起大馬路旁，色彩繽紛嘅裝修加上闊落嘅位置，未食嘢已經覺得心情好好💕法蘭西多士 ⭐️⭐️⭐️⭐️西多士外型已經贏晒，圓轆轆好可愛😍 坊間西多士多數都係用糖漿，但係呢度就用煉奶，其實我自己鍾意西多士配煉奶多啲，所以好啱我口味！切落去已經覺得好鬆軟，唔同一般傳統西多士，完全冇麵包嘅感覺，口感竟然似疏乎厘，配埋牛油，真係又香又軟熟👍🏻豬膶拼蛋公仔麵 ⭐️⭐️⭐️⭐️⭐️見到塊豬膶又大又厚，已經知道一定好食！最理想嘅豬膶係咬落去表面有脆嘅感覺，其次入面要軟淋，唔會煮過龍又柴又硬！呢度嘅豬膶我比99分，超乎我期望🤤 建議一定要加埋隻煎蛋，為呢個豬膶公仔麵提升到另一個層次✨

豬膶麵好多茶記都有，做得好嘅唔多。今次呢間算是人氣豬膶麵店，就試吓有幾好食。同伙記點餐叫豬膶麵，上菜時，伙記問需唔需要加蔥花。我答「好呀」。發覺蔥蔥切得好碎好香，有點似日本拉麵上的蔥花，我覺得是一個細心驚喜位。未食已加分。即食麵煮得唔錯，剛剛好，唔會太淋，但又可以熟到麵芯。有彈牙口感。湯會有少少豬膶水感覺，但未至於太多血水味。蔥花加啖熱湯，入口好正～到重點，就係招牌厚切豬膶，血水啤得好乾淨，咬落爽，入口唔粉，全熟，唔會有血～口感係唔錯，不過個人覺得，舊豬膶因為幾厚，所以食到第二舊感覺有點寡，尤其食咗啖麵之後，再食舊膶，就覺得豬膶好似無味好淡口。如果豬膶有番啲底味可能會好啲～總括黎講係好食，但未至於食完會念念不忘。價錢有點偏貴，因為飲品係另計，一碗麵加杯熱檸水，埋單$71。聽講西多士都出名，下次有緣再食～

旺角間酒店就食得多，今日特登出開香港嚟灣仔食我最愛嘅豬膶牛麵😍😍灣仔分店比較大間座位亦都比較舒適，我未到午市時間已經全滿我哋兩個人，當然我一定要嗌最愛嘅豬膶牛麵啦👍🏻我個仔就叫咗餐蛋麵，跟住叫咗一杯茶走豬膶一如既往保持水準超厚超新鮮，入口非常之Juice，配搭牛肉公仔麵真係一流👍🏻👍🏻叫咗杯奶茶茶走諗住應該水準一般啦，因為佢唔係出色奶茶，但又幾香茶味喎👍🏻如果嚟香港島食嘢，又多番一個選擇

由父輩在深水埗的老舖到現在的分店，一直都有幫襯。從前只供應簡單的潮州粉面，到今天的五花百門，第二代投放的心機和管理，不只是承傳優良品質，更青出於藍。此店選址一流，在灣仔鬧市中，在繁忙的告士打道側，靠近維港。一列大窗可觀察泊車的狀況，車主快食快閃，可以更安心。坐在寬敞的大廳中，樓底夠高，就算人多也不覺擠迫侷促，食得自在。至於食品質素方面，豬膶一丁麵個人口味，喜愛少湯，多薑酒，夾一塊厚切的黃沙豬潤，又爽又滑又軟又綿，配上彈牙的出前一丁，再加幾滴原裝的日清麻油和自家製的辣椒油，灑少少泰國胡椒粉，就是一碗能使人吃清見底的絕頂好麵食。配上一杯濃濃的央走，口感誘惑，茶香濃郁，略帶拖非的味道，是一個愉快的下午茶。只是少少美中不足，就是友人點了一碟炒牛肉撈麵，雖然牛肉是生炒的，但上菜的時候，牛肉溫度不足，並不是新鮮熱辣，而且食落有點點冰鮮的味道，可惜可惜。加上炸雞翼，沾上了粉漿，雖然味道不錯，但有點油膩，而且賣相並不非常吸引。但此店的食物整體非常不錯，值得支持，一定會一來再來。

從70年代在深水埗起家的大排檔，一直都是家族式經營，世代相傳，也是深水埗區很有名的面家之一。其實小時候爸爸經常帶我去吃的，到現在已經在灣仔開了分店。這次我還是點了從小到大都吃的豬潤牛肉公仔面，口感上仍然是保持水準，豬潤不會切得很碎，切得厚厚的一片，使用了姜汁和料酒去醃過，去腥提鮮，而且煮得啱啱僅熟斷生，口感爽嫩，鮮味十足，唔會太乾，而牛肉都係非常新鮮，唔會很硬而且有咬感。每次食呢間麵家，我都只order一碗面就好滿足😌而他們亦是能保留著香港傳統大排檔的味道，不會因為開了分店而失去了原味！其他招牌菜還有圓形西多士，不沾蛋漿，使用蛋白包裹慢火炸成，口感份外逢松，也值得一試。呢間店其實從開門到下午都是這麼多人去吃，不管是深水埗總店或者灣仔分店也是，反正不是中午🕛人流最多的時候去，也不算等很久。食物質素：⭐️⭐️⭐️⭐️⭐️服務：⭐️⭐️⭐️⭐️⭐️環境：⭐️⭐️⭐️⭐️價格：⭐️⭐️⭐️⭐️

啲人慣性做野前吃大餐？🫡但我不會，又怕飽又怕睏，當然是做完工程才去大餐爽利自在🤭🙆🏾‍♀️呢啲本土名店，無論本地辦公一族，抑話遊客，很多慕名而來，因此在正直午餐時段，相信應該日日都要等位🌝。這幾天工作過時，然之後可以吃下午茶，好耐附近茶餐廳下午茶餐牌，其實你食個普通常餐，有個包、有沙律、加碗麵， 40多元；吉列魚柳沙律又是40多元；吃返正常迷你福建炒飯或是迷你焗飯下午茶那些，可能都要$50 ，那麼不如直接去食啲特別啲嘅嘢。於是就由金鐘附近，越行越遠，行到佳寧娜附近，因為之前和兒子搭巴士時刻見看見原來灣仔這邊都有漢發之前在深水埗那間，應該都是在奇怪的時段才能吃到，這是亦都係。看看餐牌，原來豬潤豬扒已經要$68，自己幻想一下，如果佢另上都仲好啲，應該會食一碗豬膶麵加一碟另上的豬扒，不過雖然賣相好看，其實應該挺為油膩以及飽滯，算吧，妻子也能夠煮出美味的豬扒，倒不如專心食返豬膶。又不想就咁要個豬膶麵好似太寡，於是叫了豬膶肉丁公仔麵。肉丁將湯底弄得挺為香辣，但是後來越不月底，最底下的那些湯，甚具豬潤的香氣，以及帶點滋潤水的質地，香得來甜甜得來辣，相當可口；公仔麵當然不會份量太多，也是正常一個麵餅🫓

漢發在香港島開分店, 坐落於灣仔也是一個傳統的白領辦公地區, 提供便宜但有特色的早午餐, 所以營業時間和深水埗本店一樣, 但相信能夠以他的名氣, 維持着不錯的生意. 基本上提供的也是那幾類, 例如豬肝及西多士, 水準和本店一樣, 豬肝依然厚而爽, 中間保持粉嫩而無筋, 同樣問題都是麵身有點淋, 但純粹以豬肝質素沒有太多可挑剔的. 後者如元寳的形狀, 就是口感鬆軟的表現. 至於豬扒和豬手也不錯, 同樣肉質夠腍, 只是細節上可以再做多一點, 例如去除豬手皮上的毛, 以及豬扒上的焦燶面處理.

久仰大名既豬膶麵終於到港島區插大旗了。為了避開熱烈的人潮…選擇了平日的下午茶時段拜訪！餐廳不設套餐只供單點！一碗麵+飲品+西多士盛惠過百元…CP值不高..但當一嚐豬膶的時候就知道碗麵對得起這個價錢！多出色…口感爽脆，不是粉粉的那種….厚度如牛舌般…沒有豬羶味，湯頭帶點薑味！好吃…店員還推薦撒點胡椒粉更好味！果然湯頭變甜了…不論米粉或公仔麵都煮得剛好非常彈牙！由於豬扒生炸…非常可口！喜歡生炸肉類的朋友不要錯過…難怪上幾篇有人說豬扒麵是必點！至於另一個主腳是西多士….又是意想不到的口感…麵包沾滿蛋白來炸…像是港式梳乎厘…軟棉棉到不行…中間可自行選擇要花生醬或不要.. 外面沾練奶或糖漿…這間餐廳完全實力超班！希望店主可考慮優惠價點飲品或西多士啦…..

來吃豬潤面,但內臟总不能多吃,於是今次選了水餃面,原來這裡的水餃好得,蝦,肉,荀+木耳絲份量配合適中,爽口,一碗麵有四隻,size不算小,所以都夠飽,唯一美中不足是這裡飲品沒優惠,不能特價配飲品,有時覺得唔抵,所以有時都唔要

行經灣仔有點肚餓！記得早餐時間經過漢發成日好多人！今日返晏見到有位,心諗末夠11點應該仲有早餐既！但原來入到去只限單叫(冇任何套餐)！甘..就叫了個豬潤五香肉丁麵！平日較少地方食到豬潤,而且口感相當豐富,師傅用厚切的形式裝作,入口爽口又軟滑,令人回味！加上五香肉丁令味道有點辣,食慾大增！位於告士打道,店內看街景,環境尚舒適！

Liver noodle soup was tasty and good portion. Worth a try. Milk tea lacked a bit of smoothness. Good condiments

話說因為豬潤麵 西多士 慕名而嚟 咁就嗌呢兩樣! 嘩!件西多士不得了 多油多到完全 哽唔落，油浸麵包! 明白嘅西多士係用油炸， 但係唔係去到咁嘅程度係： 用义按落去， 啲油四方八面咁標出嚟， 片包完完美美索曬! 災難災難! 食咗兩三嚿，放棄!

聽過呢間既豬膶麵好出色，終於嚟到試了 等咗唔夠5分鐘就已經入得去了，初嚟甫到，緊係試吓招牌豬膶麵啦，佢原本係配公仔麵既，但原來佢仲可以免費轉米粉/幼麵/粗麵，啱晒減肥既我，今次試咗豬膶麵轉粗麵。枱上面仲有麻油、胡椒粉等等俾你既味覺多重感受，碗麵一嚟到就見到啲豬膶超大超厚，好似食緊成塊扒咁 唔洗我多講，一睇就睇得出幾juicy 啦成碗麵可以做到啲豬膶冇血色，軟嫩無腥味，真係超出色，完全係對得住個價錢，真係分分鐘打邊爐都未必做到呢個水準，一定會再encore

朋友知道我在灣仔上班，便推薦了一家在公司附近很有名的豬潤麵店叫做「漢發麵家」。聽說「漢發」的總店在深水步，經常有人稱讚豬潤美味。既然這麼近，我決定去試試看。到達後，我發現這家店的環境頗為乾淨整潔。我點了一碗豬潤麵，裡面有四片厚實的豬潤，另外加了一隻煎蛋。蛋煎得剛剛好，邊緣微焦，整體呈濃厚的湯汁。麵條上面有許多蔥花，配上豬潤的濃郁湯汁，味道非常香濃。主角豬潤的品質也相當出眾，每片都很厚實，吃起來十分滿足。而且處理得非常好，口感非常軟滑，一點也不帶著任何血水，令我感到非常舒服。整體而言，豬潤的質地非常出色。「漢發麵家」的豬潤麵確實名不虛傳。我非常愉快地享受了這頓美味的豬潤麵，我肯定會再來這家店吃出名的炒牛肉，並向朋友推薦這裡的豬潤麵。

漢發係深水埗一向出名食豬潤麵今次灣仔開左分店一於lunch 去試下環境好舒服 不過要排一陣隊豬潤大大舊好厚身 差唔多成1cm咁厚食落係粉嫩新鮮 質地爽口 果然名不虛傳😍配埋少鳳燶邊既煎蛋 味道好夾 牛肉麵既牛肉都好大舊 肥瘦適中配埋佢自家製既辣椒油好惹味麵底有得㨂粗幼、軟硬度 仲可以㨂公仔麵或者撈粗餐廳仲有其他特色茶餐廳野食如果鐘意懷舊野食或者鐘意食豬潤既朋友可以一試🙈不過價錢貴左少少 如果可以平番少少 平民d 就仲好