潮叔 (駱駝漆大廈第三座) (已結業)

💛🍛 #觀塘 #潮叔今日喺 #駱駝漆 發掘到一間新開嘅飯堂😆 呢間「潮叔」主打潮式、港式嘅食物，價錢便宜，同事們都好滿意👍🏻 🍲 招牌沙嗲鵝肉飯 （$58）沙嗲鵝肉飯係呢度嘅招牌，裏面除咗有好多鵝肉，仲有魚蛋、花生、酸菜等😍 撈埋一齊變「撈飯」咁食好正😆 每啖都食到超多材料，好豐富，沙嗲味道亦鹹淡適宜，恰恰好😚🍜 乾炒牛肉烏冬 （$52）呢度有嘅唔係乾炒牛河，而係麵或烏冬😆 同事就揀咗烏冬，烏冬粗啲，比較煙韌有口感，亦唔會好似牛河咁鹹，反而係啱啱好😋 而穫氣都十分夠👍🏻🐣 蒜香雞翼/ 泡菜雞翼 （套餐加$12/2隻）兩種雞翼都好好味😋 不嬲都鍾意蒜蓉嘅我當然要食蒜香味🧄，而泡菜味其實係韓式辣醬嘅味道，醬料濃度都適中，惹味香口又唔會太重口味☺️🍢 炸蝦餅 （套餐加$12）🥬 郊野油菜 （套餐加$9）蝦餅同油菜都係加十零蚊就有，當然要試埋😆☕️ 酸梅湯 （$12）🍯 柚子蜜 （$12）酸梅湯係樽裝，酸酸甜甜好開胃，好推薦🥳 熱柚子蜜都咁大杯好少見😍！潮叔仲有做一人涮涮鍋，只係$88，lunch都食得㗎！#觀塘美食

之前去過長沙灣店買凍貨，見開了觀塘店，地點在駱駝漆咁方便，便上來看看。一出𨋢口就見到潮叔，大大的招牌十分顯眼。哎…這間潮叔原來是食堂來的，雖然都有凍貨賣，但主要提供粉麵飯等，還有一人火鍋添😋點了一人小火鍋，$88很抵吃，連鎖店的劣質火鍋都要咁錢啦。落完單，店員便送上調味料盤，有蒜、蔥、芫茜、辣椒等👍一人小火鍋餐有晒咁多樣，睇見都覺得豐富，正😝湯底選了粟米蘿蔔牛骨湯，湯頭鮮甜唔油膩，未開始打先飲碗湯吧😋順帶一提，呢個小火鍋爐火力十足，一就就大滾。肉類四選一揀了吊龍，貪佢肉味濃，肉質嫩滑無渣😁一睇就知好野啦，放落湯灼幾秒好啦。五寶盒包括牛丸、魚蛋、豬肉丸、魚皮餃同炸魚皮，靚丸黎噃，爽口彈牙有鮮味。個餐仲有一份蔬菜盒，包括娃娃菜、唐生菜、萵筍、粟米、蕃茄、蓮藕、木耳，每樣少少啱晒，可以食多幾款👍唔少得有份澱粉質啦，選了烏冬，打邊爐特別夾嘛，吸盡湯底精華勁正🤤另外加$7有支裝烏龍茶，夠冰凍。真係好好味，湯底同牛肉都勁正，最後無乜點醬料，哈哈，原汁原味更好吖。

觀塘一帶樓上美食多蘿蘿(潮叔)，潮叔這名字也聯想到吃潮州美食，當然有牛類和鵝……等選擇。只因時間因素怱忙品嚐一頓午餐。1.一人火鍋(粟米湯底)選用新鮮食材~❣️菜籃採用新鮮嫰綠蔬菜玉米、蓮藕如娃娃菜....等清甜爽脆❣️吊龍~牛脊背一條肉，肉質軟嫩細膩肉汁飽滿❣️五寶盒~牛丸~正宗潮州牛味香濃，爽口彈牙。魚皮餃~肉質細膩鮮嫩有層次，口感彈牙魚蛋~帶濃香鮮魚味，但無‘腥’味，不愧享譽盛命的潮州魚旦 😋😋豬肉丸~肉質鮮甜細膩，口感豐富魚皮~鬆化酥脆，浸入粟米底場更加惹味2.招牌秘製鵝肉飯~鵝肉肉質甜美，帶少許煙韌，配上鬆化鹽香花生和潮州惹味清甜菜，再加上秘製醬汁更能提升鵝肉飯層次3.韭菜粿~潮州小吃，外皮脆身內裏軟糯，韭菜味濃香4.蒜香雞翼~帶濃郁蒜香，外皮酥脆，肉質嫩滑多汁

第一次同朋友係潮叔打邊爐，估唔到牛肉同丸都好好好味🤤加上環境光猛個乾淨，都唔錯。如果唔想排長龍，可以考慮光顧潮叔。距地除左打邊爐，都有其他常餐既，都可以試下。

今日在駱駝漆大廈第三座同朋友買野，行到肚餓決定坐底食返個下午茶。見到一間新開的餐廳，一於試試佢。 「潮叔」係一間食潮州菜的餐廳。有潮州麵、有潮州的廚師推介和小食類。仲有一人火鍋，下次可以試試。我同朋友叫左以下食物SHARE 食。1.乾炒鵝肉烏冬（ $52 ）鵝肉片味濃郁，肉質軟滑。唔韌，不會太肥膩。烏冬彈牙，味道剛剛好，惹味，不太油膩。如果想再更惹味，不妨可以試試潮州的辣醬，好香濃的咸香蒜辣味，更惹味。仲有來自潮州的沙茶醬。2.蒜香雞翼（ $24 ）炸得金黃酥脆。外脆內軟嫩多汁。外層還舖滿滿滿的蒜香粒，非常惹味。3.涼拌雲耳（陳醋） （ $18 ）雲耳可選陳醋／麻辣味。由於天氣炎熱，我地選了陳醋，非常開胃解暑。4.雀巢檸檬茶（ $5）餐廳還可以購買丸類及肉類產品。

朋友介紹觀塘開佐間新的野（潮叔），今日放假特登過來試下。我地點佐兩個一人火鍋，點佐一個鵝肉飯，超好食，份量都好足，我地加配佐個胸口油，同羊肉丸，好推薦，特別系胸口油，鍾意脆脆的感覺的我覺得可以無限次來食

今日行駱駝漆大廈，一行入四樓聞到好大花香，原來有鋪新開。個名幾趣致，叫“潮叔”。平時我都幾鐘意潮州食物，所以入來試下，今日試咗魚蛋蟹黃面。魚蛋好彈牙，同我平時食開嘅馬鮫魚丸唔同，原來係石斑魚丸。湯底清淡，如果夏天無乜胃口，食呢啲口味會好舒服！仲有提供蒜蓉辣椒醬吊下味，幾好。臨走前見到有一個寫住1人鍋88蚊，無辦法，只有等下次再試過了！