潮庭 (太古城中心)

營業中

休息中

本人為太古城住戶，曾經常去潮江春飲茶，因為其點心不錯。 但經常見有人走入內堂叫部長安排臺給他們。行為令人側目。本人與家人曾杯葛不再去這裡飲茶， 而明顯這裡的顧客亦日漸少。最近還以下午茶時段超特價大中小點＄18來招徠。我們嘗試再次光顧，可惜劣行依然。在現今公平社會，希望美心集團能正視這個文題，不要讓這些影響聲譽的行為繼續。

星期日、家庭日、難得女兒們中午都沒有約會，決定去飲茶當午餐，便由我出馬先去攞位、去到美心皇宮要等 90 張枱，於是落去潮江春看一下，只須等 10 張枱，便決定在潮江春食。等了約 20 分鐘便有位，太太和女兒們到達後點了下列點心： 咸菜 $12：唔使叫都已放在枱上，都 OK ! 買相和味道都唔錯 潮式蝦餃 $28：皮薄蝦鮮、味道買相都一流 芋絲春卷 $14：都算脆口 OK ! 手拍蒜香黃瓜 $38：新鮮好味、不過太大條，最好切短一些 蟹籽蒸燒買 $24：幾大粒、味道 OK ! 燕窩蛋撻仔 $24：唔熱、唔香、皮唔鬆、差、差、差 XO 醬炒腸粉 $28：普普通通、都算滑 黃金流沙包 $19：香、滑、不太甜、皮不太厚、好 ! 蜜汁叉燒包 $14：普普通通、OK 啦 菜汁素菜包 $19：皮薄、料多、好味 茶錢 $10 位加一合共 $300侍應們都幾勤快有禮、不過厠所卻大清潔

呢度環境唔錯，可以望倒對面海，天氣好o個陣都幾靚~but門口位姐姐就唔係太有禮貌....二人lunch：- 椒醬肉(冷盆) --- 豆干多， 肉少！- 煎筍棵- 芋絲春卷 --- 小點，size亦一樣小!!- 上素石榴棵 --- 入面包有很多菇~- 奶黃馬拉糕卷點心普普通通！唯獨最欣賞呢度個廁所(我之前好似講過)，男廁我唔知，女廁每格外面有獨立專用洗手盆，另有一角落(像一間房)俾女士們做化妝間，有梳化，又有大鏡，真係好齊備！

尋日雖然落住大雨, 但係因為係星期五嘅緣故, 大家都堅持出去食飯, 於是一行七人就黎左呢度飲午茶喇*我地叫左唔少野~ 咩野類型都有叫~ 而且每樣嘅水準都幾高, 所以一定有下一次! 講下食物啦~ 飯前小食有潮州嘅咸酸菜, 好耐冇食喇! 真係好懷念~ 同埋真係好開胃~ 打開左我個胃口*蒸點方面叫左鳳爪, 流沙包, 鮮蝦菜苗餃, 珍珠雞, 燒賣~ 我只係食左頭兩樣, 值得一讚嘅係流沙包, 雖然比不上新星呢個流沙包一哥, 但係呢度個餡有d咸蛋黃粒豐富左佢嘅口感, 幾好味*香口野方面就叫左春卷, 腐皮蝦卷, 叉燒酥, 椒鹽雞軟骨, 蜜汁雞中翼~ 叉燒酥個樣幾靚, 好金黃, 雖然冇食但係同事話幾正~ 因為本人嗜甜嘅關係, 我極力向大家推介呢度嘅蜜汁雞中翼, 除左佢個皮好香脆之外, d蜜汁完全滿足哂我嘅要求! 真係好多蜜汁! 因為得五隻嘅關係, 有兩位同事就冇得試喇* 椒鹽雞軟骨個粉漿做得好好, 香脆得黎又唔會太咸, 食左笫一粒之後就會停唔到口架喇!我地仲叫左XO醬炒腸粉同埋一個孖寶~ 個腸粉幾惹味又唔係太油, 一d都唔膩~ 而個孖寶係自選嘅~ 我地揀左煎蠔餅同鹵水拼盤, 蠔餅都係炸炸地, 但係幾乎

同班朋友食飯, 因為有人住太古城, 所以就揀左呢度. 一坐低見到有晚飯孖寶, 二話不說就叫左三款. 計有潮式拼盤, 川椒雞, 煎蠔餅, 燒雞, 龍蝦同蒸魚. 仲加左炒飯同炒麵各一. 食物相當豐富, 而且幾好味. 潮式拼盤相對一般, 可以不試. 不過煎蠔餅真係好好味, 加左魚露食, 非常得. 燒雞又香又脆, 好滋味, 就連骨頭都好脆. 龍蝦同蒸魚又係一絕, 龍蝦用上湯煮, 又新鮮又啖啖肉. 條魚蒸得剛好, 離骨之餘又唔會太熟. 最後仲叫左楊枝甘露, 好滿足. 服務好好, 值得一讚.

晚上到那里吃晚饭,点了明炉乌头鱼和一个小菜也是HKD160.-已经是和合理的了.再加多一道菜已经吃不下了.但美中不足的是碰到有些没有什么品的人客,在大声说话,最后更不知道原因拍枱而离开,影响其他人客,所以很难估计贵的地方吃饭一样会碰到不理会其他人的人客出现.没有点冻蟹因为一般也超过两斤.

今天的蠔仔粥好好味,可能是餓過饑啦... 通常WEEKEND幫趁,又唔覺服務特別差,可以接受啦...不過佢係無腸粉(只有XO醬炒那種),而蘿蔔糕同腐皮卷係唔OK既(後者次次都OVERFRIED), 但CHAR SIU BUN 及芋蓉糯米餅(同怡苑的南瓜餅口感差不多)幾好食,唔係度度都有... 蒜片牛柳粒就西苑好D.蝦餃燒賣不過不失,但銅鑼灣東湖及上環信德中心富臨似乎整得好食D

對連鎖式食肆沒有好感，再吃一次，也仍然維持原判。鹵水不夠色也不夠味道；蠔烙不夠香；魚飯也有點暖暖的；炒蟹滿有避風塘特色；糕粿皮不夠軟糯，鹹的餡不夠香，甜的餡不夠甜；反沙芋聞起來香噴噴，一咬之下，糖是一塊一塊的跟芋頭分離。總之去十次創發或陳勤記等，五次尚興或兩興等，才來這裡一次就夠。唯一好處，勝在好坐，場面不錯，商務應酬，非常得體。是日在此，就是這個原因。每人消費二百多，每百五蚊可以蓋一個印仔，蓋滿八個，下次幫襯如滿三百，可以獎吃紅燒一品翅一煲，是日一次過可吃兩煲。不過有沒有下次，還是疑問。

今日跟同事飲中午茶, 甜品好久都未上.因為趕返工, 於是叫侍應取消甜品+埋單.等了十分鐘, 單沒來, 但甜品來了.我們說已經取消了, 我不滿說"你地太慢啦", 之後被黑西裝侍應"怒啤".再等五分鐘, 再摧埋單, 才有另一位女侍應來取消甜品+埋單.有同事再投訴一早取消了和叫了埋單, 之後有同事跟女侍應開始互相單單打打, 不過那算了, 反正女侍應沒過火位, 總沒被黑西裝侍應"怒啤"那麼氣人.至於食物質素, 一般茶樓質素, 可以接受.

看過很多食評，知道潮江春的食物都有一定水準。但很不幸，我光顧的當晚正值有一對新人舉行喜宴，我們所叫的食物味道也不及街邊的潮洲食館，十分可惜。而這個現像都在各個大型連鎖食市中出現，希望會有改善。每人平均：$ 3xx。此處有相片：http://www.fotop.net/fanshu/ChiuChow_Garden

We went there to have dinner for celebration of Mother's Day!!As we took dinner at 6:30 pm, we felt very comfortable. The dish was also "bigger" than usual. Again, my family felt the serivce provided was excellent.We loved the "Long-live Buns" very much!

2006年2月9日,19:00當日總公司同事到訪，老頂請他吃晚飯，我作陪客。老頂點了魚翅拼盤四人餐。名稱嚇人而已，內容如下：1.潮式拼盤：掌翼入味，鹵豆腐滑而味濃，蝦棗熱和香脆，海折亦爽脆。2.豉油皇煎蝦：肉爽和鮮甜。(非潮式)3.薑蔥魚頭煲：香氣撲鼻，魚頭滑一滑。(潮式？)4.雲腿大芥菜煲：芥菜不會過淋和太老，我喜歡它那獨特的甘味，雲腿鹹香。5.原盅菜膽螺頭燉翅：清和鮮，翅是用群翅，翅針不算幼。清：白菜的清甜，鮮：螺頭的鮮甜。服務幾貼身，有禮。

其實，此間潮江春是美心集團最值得推介！昨晚一行人，有9位家庭成員，個個都十分讚賞此處的員工的工作態度，而且有位很有... 醒目及認真的經理，此位經理真是可以被選為超級人馬，他為我們極力爭取一度甜品- 翻砂芋頭。(因為我們很少機會吃到這度潮州甜品)！我們吃了十多款菜餚，款款都很美味，最佳還是那炆元蹄！吃完三款甜品後，真是滿足至極！

今日我約咗d朋友去太古城中心逛下街,逛到夜晚之後去咗潮江春食晚飯。一入到去,裝修待好好,d服務員禮貌十足,個部長仲安排我地坐窗口位,果度可以望到對面海,正!!一開始就俾我地飲功\夫茶,我叫咗壺普洱溝香片,之後睇菜牌,叫咗個海皇冬瓜盅,清蒸大石斑,潮式四拼盤,魚香茄子煲,砂鍋雲吞雞,海蜇豬頸肉同埋d鹵味。第一碟上既係海蜇豬頸肉,d海蜇唔點汁就無乜味,d豬頸肉就切得咁咁好,不過不失咁啦!!之後上菜既係潮式四拼盤,淨係食咗兩個蟹肉做既餸,好味道呀!!第三樣上既係d鹵味同埋個海皇冬瓜盅,d鹵味我就無乜點食,但係個海皇冬瓜盅我就極力推介,d料就十足,有蟹肉,金華火腿,乾瑤柱,鮮蝦肉,仲有d白果等等材料,而且個火候十足,正呀!!第四樣上既魚香茄子煲就無咩特別,只係比出面d餐\廳好食d姐!!最後上既就係砂鍋雲吞雞同埋清蒸大石斑,個石斑蒸得咁咁好,加上d魚露又好,正呀!!仲有個砂鍋雲吞雞都好正,特別係d湯呀!!係bo,仲有佢\d茶都好好飲,不過美心集團d茶一向都幾好!!最後埋單果陣個部長驚我地等,仲整左d茶俾我地,服務態度良好!!!

星期日幾凍，原來約了一班舊同學拖男帶女的去戶外活動作團拜，在十度的低溫抵下，大家都係決定去飲下茶、派利是算了。選了來這裡，估搵位不易，故十點幾已有人來拿飛，但原來又不太難，十二時未夠已經十幾人都坐了下來。個個都是「重量級」人馬，叫了三輪點心方有慢下來的情況。有點心有小菜又有炒粉麵，評語如下：點心：見慣見熟果幾種都叫齊，質數是一般貨色。有幾款如黑椒牛仔骨、鳳爪、叉燒包、小籠包等直頭不吃也罷，煎炸類點心會好一點；小菜：席上有人話食開年飯不能沒雞，所以就叫了鹽焗雞一隻。隻雞件頭不太大，皮有焗過的效果，不過肉就沒有鹽焗應有的鹹香。集團式經營下的酒家的鹽焗雞，可以好得去邊？粉麵：交到功課，叫了星州炒米、干炒牛河、雪菜肉絲窩米及干燒伊麵都不錯；甜品：普遍唔係太掂，其中只得蜜糖蛋散比較好一點。楊枝金露非常淡，芒果布甸亦是一樣，真不明白甜品要幾多成本，做得好一點、真材實料一點不行嗎？另外有隻咖啡喱糕的，賣相靚但味道怪怪地；服務不錯，侍應招呼、跟單也全沒問題，地方也好坐，作為朋友聚會的地方也不錯。埋單一千六百幾，一人一百二十蚊左右，都不算太貴。