潮江春 (荃灣廣場)

營業中

休息中

第一次食呢間潮江春，味道都唔錯，仲有啲驚喜款式添💟潮州蠔仔粥雖然都係味精味，但蠔仔都多，又飽滿&無咩腥味。💟綠茶芋泥餅芋泥都係潮州出名野，外層香脆，無咩綠茶味，芋泥厚啲會好啲，加左芝麻更香口。💟子薑皮蛋春卷呢個幾特別，春卷變左子薑皮蛋味，入面仲要包住原隻大蝦🍤💟潮州煎麵碱水味重左少少，同埋唔係兩面都有煎，可以唔點💟和風紫菜卷呢個超驚喜爆好味，好耐無見過呢款炸紫菜卷，紫菜加熱後無敵香紫菜味。中間係蝦膠，同懷舊灻比就差左粒夏威夷果仁

也有一段時間沒到這裡飲茶。這一天，沒有點什麼潮式菜。因為之前都比較愛點「糯米卷」，但今天不食糯米，所以點了「百花釀魚肚」，「芋絲春卷」和「豉椒排骨炒麵」。其實本身想點其他點心，可以，友人看到隔壁食客，食緊「豉椒排骨炒麵」，好似幾好食😋咁。所以又想食！我本身都喜歡食！但想講，個面幾脆身！好好食😋！而且不算太咸。排骨做得好出色！豬肉排骨好滑身，爽口，彈牙，都好新鮮，有驚喜！不錯👍🏻！「芋絲春卷」，都好好👍🏻食！現在都不是很多酒樓有呢種春卷食。但，這裡都是做得很好！好食！值得推介！「百花釀魚肚」，魚肚份量是很有足，不似外面得細細舊。而且膠質重，都算厚身，很好！花膠都好食。

潮江春為美心旗下潮州菜酒家，於香港頗有知名度🔥提供多款潮州特色小菜。.▫️金勾肉蟹配蘿蔔糕煲 🦀 + 滷水鵝 $408被宣傳單張吸引而下單嘅肉蟹煲，可惜大失所望！性價比極低，整煲只有一小隻肉蟹，略嫌份量唔夠，配菜嘅蘿蔔糕亦只有三小塊，份量極少 😔 滷水鵝肉則味道還可以，不過不失。.▫️煎蠔烙 🦪 $118煎蠔餅算係最有特色嘅潮州菜，可惜蠔餅完全冇香脆嘅感覺，軟腍腍的質感，口感亦偏向麵粉味重，不推薦😟.▫️花膠絲豆苗 🥬 $138豆苗味道不錯，始終係秋冬季實屬豆苗豐收嘅季節💕略嫌花膠絲口感硬身。.▫️黑椒蘑菇牛柳粒🥩 $88值得一讚牛肉粒牛味濃郁有驚喜！但只提供少量蘑菇，反而有大量蓮藕粒，與其菜單名稱嘅描述不同😥.▫️黃金蝦蟹棗 $88已腐皮包住蝦/蟹肉炸成丸子，不過不失。.💬今次體驗比較失望，始終對潮江春這個牌子比較有信心，可惜食物質素未如理想😟.Chiu Chow Garden, a Chaozhou cuisine restaurant under the Maxim's Group, is well-known in Hong Kong. They offer a variety of

今天假期紅日休息，朋友約飲茶行街Shopping，相約9點荃灣廣場5/F潮江春。潮江春正門中間是招待處，左側入口，由于尚早，座位很多，我們隨意坐一張小圓枱。座位淺灰色軟座，坐落舒服，頭頂天花掛着大大的水晶玻璃吊燈拾幾廿盞，裝潢豪氣，燈光閃閃柔和。服務員很快送來茶，提示要掃碼畫點心。手機掃二維碼後，見閑日同假期點心價錢都相差幾大距離，我們點了三款喜歡吃的，叉燒腸粉，百花魚肚，金錢肚。叉燒腸粉：腸粉厚薄適中，包裹着粒粒叉燒，咬一口，相當夾，粉不粘牙有咬口，混合叉燒的甘香唔錯。百花魚肚：魚肚托着蝦膠、表面再添加橙紅色的魚仔，好靚，蝦膠的鮮甜爽口、魚仔的索索聲真系無得頂，魚肚吸盡蝦膠的汁液，軟棉鮮甜好食好正。金錢肚：沙爹醬汁均勻不厚不薄，牛肚炆到剛剛好，有嚼頭，細細粒豆腐卜墊底，吸咗啲汁野味。歇後語：茶壺開蓋，久久無人理，服務員經過向她招手，也看不見。欠錯細心及服務質素，不欣賞

真係火到來呀！以前都幾多人來㗎，而家越來越少茶客係有解嘅。佢D送餐服務員可以唔理D嘢食係架推車到逐漸變凍，起誓同其他人傾偈，D嘢食繞場一週來到都凍曬啦！淨係掛住傾偈。個滷水拼盤得個鹹字，鹹魚肉餅飯一D都唔香。最離譜個 XO 醬炒蘿蔔糕，差D見唔到有 XO醬，一D色水都無仲好油好鹹，佢D經理話係咁㗎喎。真係無語啦！差評！佢哋仲成日漏單，但有會來趕你走。我預咗大半個小時前叫嘅嘢都來唔到仲要我埋單。唔係我呀婆話來飲下啦，都真係唔鬼來。下次去樓上其他酒樓！

大約11:00左右到達潮江春，幸好今天只需等3張台便到我們了。但酒樓內入座率都高，坐滿食客。一如既往，來到潮酒酒樓，我都喜歡點「潮州糯米卷」，我覺得好好食😋！ 另外一個「百花釀魚肚」都係我喜愛的點心。 之後點了一個「沙律明蝦角」，呢個便第一次食，皮簿，炸得香脆，蝦🦐肉都算大隻及新鮮，口感不錯，好食！最後是潮州蠔仔粥，材料足料，有豬肉碎，有蠔仔，都十分之飽滿，入口順滑，幾好食，粥底（湯），都好鮮甜，而重點是，粥內放了一些柴魚，脆脆口，令到整體口感提升，呢碗粥真係不錯，不過，不夠熱。再熱啲可能會更好。不過，我哋發現，酒樓茶錢及點心價錢好似比之前貴左，可能我沒去一排，加粥價我不知道？ 是日4個點心，加每位茶介$17，合並$233。還好。

耐時去一次潮江春，諗住飲個茶食個中午飯，叫咗幾個點心，腸粉嚟到竟然係凍嘅，唯有要求取消，紅燒乳鴿肉唔新鮮，失望！普的遍食材已經差到一個點；仲要廚師功夫不及以前，咁嘅價錢大把選擇。

總體味道一般，條魚唔新鮮非常腥，魚眼珠又黃。龍蝦伊面，麵又少而龍蝦又唔完整一隻。梅子骨唔夠乾身，杏汁豬肺湯好味，鮮果沙拉蝦球好味，其他可以。六個人埋單2千4百幾。性價比差。

潮江春 一間有質素嘅中菜 唔知大家有冇同感如果嗰排如果食得太多西餐就會想食下中餐 今次叫左4款小菜蠔餅 食到一粒粒既蠔 加埋面嘅蔥花吊出個味 正雙面黃 熱辣辣 脆卜卜 😍 不過真係比較偏油梅菜扣肉 邪惡之選 但每次都忍唔住會叫 肥瘦適中 如果味道可以再淡返少少就更加好 配埋個飯真係一流呀鵝片 雖然有啲位比較韌要一段時間 但整體味道都係好食 最鍾意佢啲醋😋 酸酸甜甜好開胃 趁佢晚市一開就早少少去食 唔使等位等咁耐總結食質素滿意的一餐。

同長輩食飯很多時候都會選擇中菜, 除了比較傳統之外, 又比較合口味, 而且選擇比較多我們點了前菜小碟有酸菜、花生、青瓜、豆卜, 有驚喜、可以刺激一下味蕾碧綠珠菜川椒雞川椒雞是一道屬於粵菜系潮州菜, 雞肉鮮嫩入味, 珍珠菜炸透拌碟, 非常惹味, 必點推介👍🏻鮮果沙拉蝦球原隻大蝦、清爽蝦肉大大隻, 非常鮮甜彈牙有咬口、甜酸味很開胃沙茶牛肉芥蘭沙爹醬濃郁, 每口牛肉都有沙爹味, 份量很多, 味道不錯潮式炸雙棗最有名的潮州名物外脆內軟, 蝦棗咬落有爽脆感、蟹棗金黃香脆帶點蟹肉甜味鴛鴦水晶包賣相粒粒晶瑩通透, 分別是紫薯、蓮蓉兩款餡料, 皮薄餡多, 非常滿足滋補紅棗糕紅棗糕味道清甜、口感軟糯, 蒸後散發陣陣紅棗清香餐廳服務不錯, 略嫌枱與枱之間空間感比較少, 上菜快又主動收碟加茶, 沒有限時, 可以慢慢食

八個人剛好符合最新限敘人數，去食了一頓潮州菜。朋友介紹這間質素不錯，於是就來這裡。不選套餐，自己點餐，點的全部都是家常潮菜。坐下先吃前菜，小小一個豉油碟的大小，盛滿大堆食材，有花生、青瓜、木耳、豆乾，酸菜。味道調配得很好，各人都吃過不停。再嚐不同款式菜餚，樣樣俱佳。.炸雙棗，分別是蝦膠和蟹肉做餡，配上馬蹄粒，口感結實。表層全部都炸得金黃滷水鵝肉，鵝肉嫩滑，滷水汁不太鹹，皮層脂肪不多，容易咀嚼。杏汁豬肺湯，整個湯都滲出陣陣杏汁香，入口清甜滋潤，豬肺有咬口。家鄉煎蠔烙，圓圓一大餅，分了八件，剛好每人一件，蠔肉粒粒鮮甜，加蛋煎出中心軟邊皮脆的效果，蛋味足，好吃。碧螺珠菜川椒雞，醬汁均衡包裹每件雞肉，味道濃郁，碧螺珠菜炸出脆脆口感。沙茶芥蘭炒牛肉，芥蘭青爽，牛肉嫩，沙茶醬充足，很惹味。黃金煎伊麵，麵底保持濕潤，麵面就保持香脆，加上糖和醋伴食，食味佳。椒鹽九肚魚，魚身被薄薄的脆漿包裹，每一件都炸得香脆可口。反沙芋，這是一道手工菜，每條手指般大小的芋頭，加入沙糖炒勻至芋頭乾身，整條芋頭外層都都佈滿沙糖，一口咬下，又甜又軟糯。鴛鴦水晶包，包的皮軟綿綿又煙韌，兩款餡料各有特色，蓮蓉豆蓉都很美味。八人吃

好耐冇飲過茶食點心🥺今次去食冇乜人，座位寬敞，每枱相隔得幾遠下，都食得放心嘅😆整體覺得點心質素幾高，不過唯一缺點就係等得太耐，最後有啲點心都等唔切要cut單🥲.🦐晶瑩蝦餃皇 $41好飽滿好足料，好多蝦好彈牙，仲有竹筍係入面🥰最好食嘅蝦餃一定要有竹筍🤩.🥢蟹子蒸燒賣 $36燒賣都係正正常常，大大粒，食落幾彈牙🤣不過個人認為酒樓嘅燒賣好難整得難食😂.🥠香滑奶皇包 $25好普通嘅奶皇包，冇乜特別😂不過太鍾意食，所以每次飲茶一定會叫😚.🥬鮮蝦菜苗餃 $41當日覺得最好食嘅點心🥰菜同蝦嘅比例啱啱好，清清甜甜🥺.🦑蒜蓉蒸鮮魷 $41呢個有驚喜，蒜蓉汁好惹味😍而且啲魷魚一啲都唔靭，幾易咬得開😌不過如果可以切細舊啲就更易入口😋.🍽味道: 3.5/5🏙環境: 4/5‍👨🏼‍🍳服務: 3/5💧衛生: 4/5💰價錢: 3/5

呢間潮江春食過2次，好奇怪佢潮州野普通，反而中菜好食。今次又見到中銀咭套餐優惠，所以就食咗個4人餐。潮州四式拼盤，有蝦餅蝦丸，海蜇同鹵水鵝片。普普通通，蝦丸蝦餅唔夠熱，海蜇正常，鵝片正常。脆皮雞係亮點，皮脆肉滑，食味道。潮式蒸魚比較腥，不過個魚開邊有啲特別，配以豬肉條，酸菜，都有一番風味。鮑魚海參又係比較普通。燉湯夠濃，好味足料，值得一試。最後紅棗糕因為太飽無食，打包返屋企。整體環境同服務唔差，新淨闊落，2枱中間有隔版。

以往都鍾意去潮江春食晚飯，但，今晚惠顧真係差得遠，餸菜味道一般般，不及以住般美味🙁值得一提的是：服務員的態度，服務質素真的差了很多。 只有一位高高的男經理，服務態度值得加許👍🏻👍🏻。 ，每次都從遠處走來。 反而，另一位高瘦的女服務員，每次都想叫佢，她明明望過來，但每次都扮看不到，轉頭而去，為免把事情弄大，唯有啞忍，但這也令我下次不想再幫襯😡 。我也曾問職員，為何她的服務態度那麼差，回應只是一聲嘆氣😌

今日係姑仔生日，因為要坐10人的枱，就搵到這間有名堂的潮江春潮洲酒樓，冇諗過這間的出品冇一度莱好吃，就連賣相都不知所謂，我們叫了一席12人的餐原價4xxxx, 現用滙豐信用卡7折埋單$29xx係冇額外叫其它食物，只有頭盆滷水拼盤70分還可以，其他簡直係垃圾，花膠翅味道很腥，所謂潮式蒸魚見到賣相都唔想食，瑤柱羽衣甘藍難食到全碟冇食，最後連甜品紅棗榚也很難食，又淋又甜冇紅棗味，而且成晚冇換過碟，真係唔敢再有下一次，簡直係惡夢