無敵家

營業中

休息中

門口掛上日本燈籠，具古色古香嘅日本🇯🇵特色，入去環境有日本的裝飾，主要以木系為主，有好warm既感覺，內裏有bar枱又有普通座位，地方闊落，坐座舒適，岩哂同三五知己暢飲暢談。👭安格斯牛柳串🍢 $78牛柳串帶有牛肉的味道，燒到好香，再配上新鮮的蛋黃，味道絕配。南蛮炸雞沙律🥗 $98炸雞沾滿沙律醬，入口外皮酥脆，內裏內汁鮮嫩，再配上不同的沙律菜同蕃茄仔，食落中和了炸雞既油膩。明太子玉子燒🥚 $98一層層的玉子燒，充滿蛋香，口感嫩滑，再配上明太子醬，豐富了口感層次。原隻燒北海道魷魚🐙 $138大大份原隻魷魚，配上醬汁同炸蒜，魷魚肉質淋淋地，味道出色帶有鮮味。黑松露三文魚炒飯🍚 $98炒飯每啖都帶有黑松露，再配上三文魚籽同三文魚內，食落粒粒炒飯，口感豐富。溫泉蛋牛肉湯烏冬🍜 $90烏冬面質軟硬適中，煙韌彈牙，湯底有濃濃的牛肉味，牛肉份量多，再配上溫泉蛋，令味道昇華。整體來講，環境舒適，具有日本風情，同一班朋友食串燒飲杯野，嘆下一流！🍻🌟推薦指數：7.5/10💰人均消費：$300📍地點位置：上環孖沙街9號地舖

平日夜晚黎到呢到同朋友食飯發覺呢間居酒屋都好多人黎食餐廳環境都好有feel！唔少裝飾品好日系和風嘅感覺✨-餐牌串燒款式都好多，而且都有好多比較特別啲嘅串燒例如豚肉荔枝卷，生蠔煙肉卷，燒飯團，明太子豆腐等等-芝士年糕 $28燒得內脆外軟，甜甜地中間芝士味濃郁好好食🤤厚切牛舌 $58肉質軟淋牛味濃郁👍🏻焦糖燒菠蘿 $48超好食！juicy又香甜🤤🤤🤤🤤大推日本蕃薯 $35香甜又軟熟而且唔乾！串燒飯團（醬油） $35燒到外層脆脆地✨而且面頭有醬油搽左鹹鹹地加少少櫻花蝦好香👍🏻豬軟骨拉麵 $90拉麵彈牙，湯底濃郁唔會太鹹啱啱好豬軟骨好軟淋好入味😋溫泉蛋牛肉湯烏冬 $90肥牛份量唔少，配埋溫泉蛋食更加滑蜜桃燒酒 $55易入口得黎又唔會好甜一路食一路飲好正🤣抹茶雪糕 $38milk top嘅homemade雪糕抹茶味好濃！又唔會太甜同奶嘅比例啱啱好 超好食！-黎開港島區要搵居酒屋呢間真係大推👍🏻👍🏻

It's a Japanese restaurant next to the cathedral that I often visit after finishing work. It has both the exterior and interior designed in a traditional izakaya style. The owner is always extremely friendly, and the food is delicious from the first dish to the last. Even if I try something new each time, it's always tasty, and the prices are very reasonable. If you're looking for a place to have a drink near Seongwan Central, I highly recommend this place!喺教堂旁邊嘅一間日本餐廳，我每次做完嘢都會去。佢嘅外觀同內部裝潢都係呢種傳統嘅

今日響上環收工仲要七點幾八點先收，返屋企煮得黎就要好夜先有得食，決定叫老公等我一陣，一齊響附近隨便搵間餐廳食就算~ 地圖見到呢間最近，又咁啱我哋大家都鍾意食日本嘢，一於試吓~ 呢頭下午好旺但夜晚好似好靜，所以估唔到呢間餐廳閑日夜晚都幾多客人餐廳有兩層，上層幾乎坐滿晒，下層都有啲客人，誤打誤撞都似乎搵到間好嘢食事不宜遲我哋都好肚餓，就一次過叫咗幾個餸，其中另外印象最深刻就係牛小排生熟度掌握得非常好，完全唔會過熟，牛肉嫩滑多汁，日式煮法甜甜地食落都幾有新鮮感，有別一般西式嘅煮法，好好食另外串燒飯團都係必叫之選，燒過嘅飯團好香口，表面仲有少少脆脆地，有啲食緊飯焦嘅感覺，非常啱我口味第日夜收工又多個食飯好去處了~

做完正經嘢，準備去食飯。閒日嘅食飯時間，真係好多人，我地都等左好耐先入到去。大部分食客，都係叫定食同拉麵 ，不過呢度始終係居酒屋，所以都會叫下其他嘢。睇下餐牌先裝修復古，完全係日本居酒屋嘅感覺筑前味噌煮$78睇材料見到有雞肉、蓮藕、蘿蔔同蒟蒻，日式味噌湯一般偏鹹，開頭都會擔心呢個係咪一樣咁鹹。不過經過咁多材料之後，只有香味同甜味，唔會好鹹，每樣材料都炆得好腍。唔知點解，覺得呢個其實係日本家常嘢，不過出面好少地方做，所以非常值得一試。豬軟骨拉麵$90紅燒豬軟骨，係呢度其中一款推薦食物。豬軟骨煮得好腍，但唔會鞋。有醬油香，配拉麵都幾正。呢度嘅拉麵係曲麵，係細個食開嘅味道。芽菜有炒過特別香，都有有紫菜、粟米做配料。一般豬骨湯係白色，呢度顏色清少少，但好夠味，再配豬軟骨嘅醬油香同油香，味道更豐富。雖然$90無飲品係少貴，但幫襯嘅打工仔都多叫呢款拉麵，證明呢個都係一個幾好嘅選擇。胡麻雞絲冷麵$90材料好豐富，除左雞絲，仲有蛋絲、紫菜、青瓜、蟹柳、粟米同番茄。冰鎮嘅拉麵好爽口，撈埋日式芝麻沙律醬，酸酸地，好開胃。用嗎呢個冷麵，分量係大過上面個拉麵架！小計$258加一$25.8總數$284

日式居酒屋裝潢設計內裡地方寬敞同朋友摸酒杯底傾計嘅好地方👍🏻食物方面真係高質🐮安格斯頂級牛小排 $218表面有炭燒煙燻味牛小排5成熟岩岩好中間呈現粉紅色🐷吉列北海道四元豚扒 $198炸粉薄薄一層豬豚肉好厚而且咬落好juicy沙律菜新鮮分量足夠一口炸豬排一口沙律菜整體感覺好fresh🍡串燒類豚肉荔枝卷 $42薄薄一片豚肉包住荔枝一咬荔枝汁都爆晒出泥好甜好juicy🍤雞皮蝦卷 $58大大隻蝦新鮮熱辣辣一上枱就好心急食真係要小心啲辣親蝦肉好新鮮彈牙雞皮爆油脂好邪惡🐮厚切牛舌 $58燒到啱啱好好易咬口唔會韌🔎無敵家 (上環)📍上環孖沙街9號地舖

呢一間傳銷店，產品同服務質素同樣出色，真係不得不推介。日式居酒屋店面，非常易認。內裏裝修同日式居酒屋相似，以唔同嘅日式清酒同埋燒酒酒瓶做裝飾，增加一份特色感。適合同朋友嚟到呢度相聚暢飲。餐牌內有唔同嘅燒物同埋串燒以供選擇，花多眼亂，但大家亦可以參考店家推薦嘅食物，全部都非常好食。😋串燒即叫即燒，全部質素都非常之高。牛舌燒完之後都非常多汁，充滿口感唔會過乾過硬。我最欣賞嘅係荔枝豚肉卷。豚肉燒過薄脆，荔枝燒過之後亦都保持多汁，咬落去豚肉有淡淡的荔枝香味，非常出色。喺其他串燒店比較少見嘅食物。另外一個充滿驚喜嘅串燒，就係梅子雞肉串。雞肉新鮮得來亦都充滿淡淡的梅子味。梅子味唔會太過誇張過濃，同雞肉配合得非常之好。喺其他串燒店都會嗌嘅免治雞肉軟骨串，呢度嘅雞肉串相對比較大串，而且軟骨有保留增加口感。用嚟點嘅雞蛋亦都係非常之新鮮，蛋黃非常之黃，令人垂涎欲滴。生蠔煙肉卷係估唔到咁好食， 生蠔仲保留好重嘅海鮮味，令人食完齒頰留香。串燒飯團嘅飯團燒到外脆內軟，配合埋飯團上面嘅醬汁，真係令人好想再嗌多串🤩蜜糖芥茉羊架配上蜜糖芥茉醬同埋日式芥末，味道非常配合。燒羊架唔會有臊味，而且生熟程度剛剛好，現時店家嘅

上環呢啲寫字樓區 一度lunch時間 就坐滿曬 人 如果想食得精緻啲 食啲日式料理 我會選擇呢一間 無敵家.呢度裝修都幾橘子, 而且有幾多種類選擇.我就選擇咗 日式鰻魚蛋包飯, 蛋包飯用上日本 蛋 蛋黃味濃.會想淡淡的芝士醬汁撈飯味道一流.鰻魚好厚肉 厚肉質鮮味, 非常惹味 醒 胃.被製鰻魚汁撈飯 好開胃前菜有日式沙律 配 上酸蘿蔔. 非常之醒為 開胃之選.秘製麵豉湯, 麵豉湯味道濃鬱 啖啖麵豉 的味道. 呢度十二點前都比較容易搵位 過咗十二點後人多 建議越早打電話訂位.

門口 好日本feel，仲有店名大大隻字「無敵家」，有氣勢又 eye catching，一望就見到呢間舖頭而店內環境裝飾都好有日本居酒居氣氛，可以揀bar 枱座位及普通座位，職員友善，好啱同親友暢飲暢談而地點好方便，上環 MTR A2 出口，行大約2分鐘左右就到🍢 厚切牛舌牛舌好厚身，有口感得嚟唔會韌，咬落有牛肉香味，調味同火侯都做得好好 冇點醬食都好好味😋，點黃芥末就有另一滋味！🍢 豚肉荔枝卷外面嘅豚肉燒得焦香，入面包住 juicy 荔枝，味道鹹甜交雜，又有 fresh嘅口感！🍢 生蠔煙肉卷鹹香嘅煙肉，包住口感嫩滑嘅生蠔，正！🍢 銀杏口感軟軟糯糯，鹹鹹地、甘甘地，健康又美味。🍢 飯團外層烤得脆卜卜、紫菜包住一齊吃加埋杯 日本水果燒酒（蜜桃味），滿足😊

上星期去咗上環行街,行到攰,又畀我喺轉角位見到一間叫做無敵家嘅居酒屋,咁咪一於試下囉,之後有驚喜喎!我哋叫咗唔少嘢食:汁燒豬軟骨和唐揚炸雞。汁燒豬軟骨肉質鮮嫩多汁，經長時間燉煮,入口即化。而唐揚炸雞外皮酥脆，內裏肉汁鮮嫩。日式炸豆腐和大蔥燒雞串都好出色！炸豆腐外脆內軟，配上醬汁更加美味。大蔥燒雞串燒得香嫩多汁，每一口都是享受。此外，居酒屋又點少得燒物:明太子燒飯團、生蠔煙肉卷和串燒日本年糕。明太子燒飯團口感鮮美，每一口都充滿了濃郁的味道。生蠔煙肉卷鮮甜多汁，絕對是一道美味的前菜。串燒日本年糕外酥內軟，口感豐富，令人愛不釋手。總的來說，物有所值!可以一戰!

上環出名嘅日本嘢就係無敵家，日本料理都好高質。燒原條明太子明太子本身都有鹹味，師傅用咗瓜嚟中和，味道好balance，點沙律醬都好夾。燒物牛油燒粟米好大舊，牛油味好香。牛脷係厚切，但燒完都鎖到肉汁。雞腎好爽口，調物料都好香口。生蠔煙肉卷好好食，煙肉少少鹹味，再加上蠔嘅汁，口感豐富，又夠味。燒三文魚腩好大舊，啖啖肉，唔洗點lur骨。最好係用咗蘿蔔蓉，一齊食，昇起咗三文魚嘅甜味。燒得啱啱好。羊架師傅鎖到肉汁，而且唔會好臊，唔會好膩，味道啱啱好。肉都偏淋，口感唔錯。地獄辛辣拉麵麵質係我鐘意食嗰隻口感。湯底好有驚喜，真係好辣，有少少似四川嗰隻麻婆肉碎。

前兩日去咗一間叫做無敵家嘅上環居酒屋食飯，佢入面嘅環境有少少懷舊，好啱約埋朋友嚟傾偈飲酒。我叫咗杯果汁酒，配埋佢哋嘅嘢食～佢哋啲嘢食有好多度都非常出色，其中我最鍾意嘅就係免治雞肉串燒同埋玉子燒，仲有三文魚腩。玉子燒層層分明，每一啖食落去都好鬆軟，中間仲竟然有明太子醬好特別。然後三文魚腩都好出色，好耐冇食過咁滑嘅三文魚腩煎得好香啲油香出晒嚟。然後我哋仲食咗炸雞軟骨同埋免治雞肉串燒，免治雞肉串燒好香好食。其他例如可樂餅，大蔥雞肉串等等嘅菜式都係平均水準之上，會再訪！

今日朋友過開黎攞回鄉卡，就約左係附近食個lunch。搵到哩間好上環港鐵站既日式餐廳。門口都好日式feel,一望就知道。😋浦燒鰻魚定食 $208朋友最愛食燒鰻魚，定食都包括新鮮沙律菜，蓮藕蘿蔔漬物，薯蓉同埋麵豉湯。全部都好新鮮有水準。主角鰻魚就無得頂，外脆內軟，肉質肥美。鰻魚燒汁都好好味。新鮮食材拍得住高檔日式居酒屋既鰻魚。👍🏻😋三文魚定食 $108我就比較鍾意食三文魚，比起一般三文魚定食黎講，哩塊都算大。都係煎到外脆內軟，好肥美。定食都係配上各種配菜，好抵食👍🏻如果係附近返工既話，哩間都係好好既選擇，食飯時間都爆滿，但佢仲有樓上雅座，所以應該唔洗等太耐。值得一試。⭐️⭐️⭐️⭐️（5星為滿）無敵家 (上環)上環孖沙街9號地舖

今日係Happy Friday，約咗個朋友一齊去上環無敵家居酒屋放鬆食下嘢吹下水😌無敵家喺上環地鐵站出行幾步就會見到大大個招牌餐廳裡面有些日式居酒屋佈置，而且枱與枱之間都有一定距離，坐着傾偈唔會太壓迫，好舒服👍食物種類都多，我哋叫咗幾樣食物，樣樣都好味，而且係即叫即製，熱辣辣上枱。***吉列北海道四元豚扒***呢個吉列豚扒真心好食，外脆內嫩，一食就知道喺用靚豚扒炸😋***牛油果軟殼蟹沙律***原隻軟殼蟹上，一啲都唔吝嗇，而且牛油果質地柔軟，熟嘅程度啱啱好，加上一些新鮮嘅沙律菜同蟹子，正👍***燒原隻北海道魷魚***燒魷魚十分香口，配上醬汁，非常惹味👍***豬軟骨豚骨湯拉麵***豬軟骨份量十足，拉麵煙韌，湯底除了有豬骨味，還有淡淡的粟米甜味。***燒日本餃子***餃子本身很多肉汁，而且師傅把餃子煎得香脆可口，一隻接一隻咁食，忍唔住再叫多碟😆總括而言，餐廳食物味道不錯，性價比高，值得一試👍

今日朋友帶我來到上環無敵家食日本菜。懷舊日式居酒屋裝修風格，地方闊落，非常適合朋友聚會。牛油果軟殼蟹沙律酥脆的軟殼蟹肉搭配滑順的牛油果，呢個組合無得輸！沙律菜放喺底，可以中和到炸物油膩感。厚切牛舌牛舌切得厚身，口感好好，搭配埋醬汁味道好夾！豚肉荔枝卷薄切豚肉燒得勁香，入面包住荔枝，食落酸酸甜甜又好fresh！生蠔煙肉卷估唔到煙肉同蠔係咁夾，焦香的煙肉卷住鮮甜的生𤐶好正！帆立貝串帆立貝都幾大粒，有鮮甜味而且唔會燒到乾晒！芝士年糕即叫即燒熱辣辣，年糕燒完煙煙韌韌，再用紫菜包住食真心正！黑松露三文魚炒飯 超香黑松露味，入面有唔少既三文魚，炒飯炒得粒粒分明又不會油膩。清酒煮蛤蜊蛤蜊鮮甜，搭配上清酒的香氣，更加清爽美味。餐廳環境好，食物質素高又多選擇，值得推薦！要發掘更多中上環隱世美食！