焰拉麵 (已結業)

用心的日本味道拉麵一直都好少係香港食拉麵，因為覺得質素唔高而且價錢貴。經朋友介紹到呢間焰拉麵，話會令我改觀。點左一個極黑焰拉麵，皆因最鍾意食蒜頭，呢度好似日本拉麵店咁有得簡軟硬度，配料當然要配個豬軟骨先知水準到邊啦。湯底以為會好濃好大陣蒜味，但竟然比想像中清甜，配菜有舊粟米仔，好爽口又唔會有草青味。麵彈牙爽口，而且粗幼適中，值得一讚！ 到豬軟骨，夠鬆軟入味,good∼食完麵唔夠喉，叫多個煎餃，又真係福岡個種煎pan 餃，下面脆卜卜，料都夠多，不過係有d 油姐。總括嚟講，的確幾有日本味道又睇得出小店有用心經營，有機會會再食。

早已聽過位於元朗的焰拉麵好評如潮，復活節前放工就去試吓。進入店舖後，佈置很有日式感覺，牆身也貼滿了拉麵的介紹。這裏下單的方法很特別，是像車仔面那樣自行選擇的。我點選了山松陷拉麵，配合叉燒雞。麵的上方有一推野菌松露，配合湯底吃下去時，味道很有菇味，正！我個人喜好點了的麵身較硬，這種拉面的質地很爽，近似日本的拉麵質素，讚！不得不提那個叉燒雞，他像一片片雞髀一樣，啖啖肉，很有質感，肉質柔軟，而且吸了湯底的味，一點也不鞋。必食之選。湯底是豬骨湯底，很濃，但喝下去是沒有味精的味道，好正好正，絕對是整碗拉麵的精華。小食方面我叫了牛舌，牛舌切得很薄很薄，肉質很滑，很juicy，配合香料，有黑椒成份，十分㘃味。最後叫了一杯蜜桃特飲，很有益力多乳酸味道，沒有偷工減料，只是＄12 ,錦上添花呀！

好耐冇去食焰拉麵！今日做完gym 就去食返碗先！今日入到去就叫左個黑松露叉燒雞拉麵！其實一開頭好好奇咩係叉燒雞！以為叉燒+雞肉！原來佢係用雞脾肉整到好似叉燒禁！食落都好滑！淡淡肉！👍🏻！佢湯面有一大匙黑松露醬..好香！我將的醬撈曬落個湯度！再湯淡湯..！黑松露香味慢慢散發出黎！爽！！麵方面我都係選返食硬麵！ 麵+黑松露豬骨湯底個配合好好！ 再加隻蛋心蛋！正！ 今餐$88

筆者與一班朋友口痕想食拉麵，到達店面的時候也有不少人在等位，但侍應十分有耐性及有禮貌。店鋪裝修甚具日本拉麵店特色。食物方面，拉麵除了湯底可選之外，連麵的軟硬度、香油份量、蔥花或加蛋等等，都可以選擇。筆者最後選了極黑焰拉麵，湯頭香滑，濃及香油多。麵條的軟硬度適中，掛湯力足。叉燒雖然較肥同油，但十分香口，入口即融。筆者另外加$10流心蛋，蛋香濃郁，蛋白清香。飲品為蜜桃乳酸，甚為解渴，搭配拉麵一流。餐牌尚有一些小食可以用$12換，下次再試！

住元朗其實都幾幸福，周圍都好多野食，今日同男朋友又黎食焰拉麵，發現佢愈來愈旺，今晚差D冇位要等位，幸好被安排坐最入面，地方也很寬敞，慢慢食都唔怕，最怕食野又迫又趕頭趕命XD。多左新餐牌，有多款不同的小食，岩哂多心樣樣都想試，但又怕食唔哂既香港人。男朋友揀左最原始的"焰"拉麵，配叉燒，湯底濃郁。而我自己就揀左有櫻花蝦的"鮮焰"拉麵，配豬軟骨，豬軟骨數量不少。酸酸地,應該係有魚的醋，配上拉麵，濃而不膩，好味。另外我地仲叫多幾個小食:帆立貝, 燒茄子, 漢堡扒, 雖然份量少，但每樣都係12蚊咋!!1,2個人黎食麵都可以試多幾款啦~總結:環境&服務好，食物質素不錯，價錢又適中，最緊要係就腳!哈哈!

今日同朋友黎到元朗尋找美食，見到呢間拉麵店個名幾特別，於是就入左去一探究竟。入到去環境都唔錯，唔會太擠迫，佢個menu仲好特別！竟然係手寫既，d拉麵畫到好得意。要試一間拉麵店夠唔夠好食，當然要點佢既原味拉面（焰拉麵）一試。我仲加左個拉麵combo , 加28蚊就有一隻糖心蛋， 一客野菜沙律同埋汽水，like佢地Facebook 仲有得5折，即係14蚊，好抵！等左一陣，焰拉麵終於到，睇賣相就已經相當吸引喇，原來佢個味道亦都十分好味。問一問個店員，先知道d豬骨湯底係煲左20幾個鐘，唔怪得咁入味。糖心蛋亦整得唔錯，蛋黃半凝固狀態，好滑身，比我兩啖就解決左。呢間拉麵店真係值得推介，拉麵好食，價錢亦相當宜人，一個拉麵set一百蚊有找（要like Facebook)。另外一提，店員亦好有禮貌。

同朋友去另一位朋友家姐推介的這間焰拉麵食晚餐來慶祝生日。店鋪的裝修很有日式風格和menu十分吸引！入了店鋪內，自己揀左皇牌的焰特濃豚骨拉麵很surprise,還可以詳細地揀咩質地的麵、湯的質地、香味油、餸和蔥，十分貼身～我揀左湯質中的拉麵和加了$10要味付王子和巨峰提子乳酸飲品湯底十分適中，不是很油又有很香的豚骨味。叫左中麵和火炙叉燒，麵的口感係很彈牙，十分喜歡～但叉燒比較肥和軟，整體都覺得個拉麵幾好食！

今日去左試呢間拉面，見到佢個舖面幾吸引，所以都幾期待入面d食物。一入到去，d店員都好nice，安排一張大枱比我地一行4人坐。餐牌入面有5款豚骨拉麵,有得揀湯底濃度，多蔥多油等等。我揀左個極黑熖，燶湯多蔥多醬油，硬面。不過，下次都係揀普通湯底同埋普通醬油好d，因為味道真係有點濃，太膩了，不過黑蒜味好出，呢方面幾好。另外加左個流心蛋，真係好流心好juicy ，好有蛋香味，食得過。小食方面，因為推廣期內一律12蚊，超抵！推介紫薯餅同埋板燒雞朳，好好味！你地都都快啲黎試下

元朗美食多，已不是新聞要在此站穩陣腳不是易事今天就嘗嘗焰拉麵內部裝修像居酒屋溫暖柔和的燈，充滿家的感覺熱愛海鮮的我當然點湯質濃厚，中香味油，豚軟骨，中蔥的鮮焰拉麵（湯質，香油味，配料和蔥的分量全可自選）加了28元套餐有味付玉子，野菜沙律和飲品沉醉於日式氣氛中不經不覺拉面已到面前店員細心提示食到一半可加魚介酢湯碗中充滿櫻花蝦魚介豚骨湯加上櫻花蝦和拉面送入口中，感覺完全被櫻花蝦包圍住面的質敢偏林也是我喜愛的終於吃到一半加入魚介酢提升鮮味！真可把整碗湯飲清套餐中的味付玉子蛋白滑滑蛋黃流心很滋味呢期待可保持質素推出更多口味一定能在元朗這美食天堂佔一席位！！

元朗有好多好野食，呢間焰拉麵都開左一段時間，今次首次去食都算唔錯。山松焰嘅湯底係野菌松露豬骨湯，湯味濃郁，面頭有些松露，食落去味道清新，濃濃嘅湯汁，菇味都好濃郁。內裏有塊叉燒，都整得幾靚，又唔會韌。再夾d生蒜落去，味道更佳，多左d蒜味，會有另一種口感。另加個板燒雞扒，雞扒外皮整得好脆，肉質軟熟，咬落去會聽到外皮脆口嘅程度，配搭埋D醬汁，整得好好食。

係元朗多左好多間日本餐廳，行經元朗教育路已經有好幾間，選擇都幾多。呢間焔ラーメン(焰拉麵)裝修成日式風格，主打博多豬骨拉麵及東京醬油拉麵。種類選擇都算多，正當我唔知點選嘅時候，職員就向我推介「鮮焔」。呢碗拉麵係魚介豚骨(海鮮豬骨)，內裏有好多橙色細細隻嘅櫻花蝦，碗麵就變到好似有一點點火焰咁，賣相都幾靚喎。叉燒肉質鬆軟，仲保留左些少肉汁，再加埋海鮮豬骨湯味道更加唔錯。食鮮焰會另附一支魚介酢(海鮮醋)，好有趣嘅係內裏浸住幾條魚仔，酸酸地加少少落去，湯嘅鮮味會更好。拉麵硬度適中，好有口感，另外追加替玉，替玉的意思原來係「加麵」，因拉麵幼細，好易被湯浸淋，一開始不會放晒所有麵，食到一半的時候就可以黎個替玉，若覺得唔夠食，加多15蚊就可以有多一底麵。再叫多個小食，板燒烏賊鬚嘅醬汁唔錯，烏賊鬚不會過韌，兩者配搭得很好。

筆者嗜辣，就豁了出去來個最辣的火岩焰。拉麵端上，最吸引的是原隻蕃茄，裡頭放了辣肉醬，為這碗拉麵的靈魂。麵條份量一般，肉份量比其他拉麵店較多,肉既味道有d被湯底搶左,但調味都好足。湯頭一進口，已辣得嗆喉，卻不至於蓋了麵的味道。蕃茄內的肉醬比湯更辣，蕃茄也吸收了肉醬的辣油，變了辣蕃茄。麵和雞肉不過不失。在元朗，要一嚐拉麵，店舖裝修亦不錯,也是其中選擇。

餐廳menu望落唔算多選擇,但對於冇食開拉麵既食客,呢道都有suggest點叫。叫左極黑焰拉麵再加combo 玉子,沙律,蜜桃特飲。拉麵set黎到,見到湯底好似墨魚汁咁黑本來有d驚,不過試一啖,又幾特別同香,店員仲話可以加蒜,自己壓蒜加落去。我叫左火灸叉燒,d肉好入味同唔un。Combo玉子都一定要試下,等於溏心蛋,好入味,溏心甜甜地,幾好食。

呢間拉麵店總共有5款拉麵有一個有松露醬，個麵叫山松焰~~~~,好似幾吸引,所以決定一試.手作拉麵都有得揀湯濃唔濃,多唔多蔥呢d.叉燒好鬆化，松露特登一黎我即刻食左佢先,廢事混左落d湯食唔番,味道唔錯,幾特別.個湯我揀左最濃,而家覺得岩岩好,但如果食開好濃既朋友就可能會覺得唔夠濃啦加$28可變做set,有一客味付玉子,田園沙律同飲品~~~~~覺得呢個真係值得加, 凍食既流心蛋帶少少甜味.沙律d醋強勁得黎好味.野飲我叫左蜜桃乳酸,甜酸度適中,唔會話為左掩蓋酸味而整到好甜咁，正丫另外店員好有禮貌啊,同行朋友叫其他款拉麵啦,可能有d特別既食法,佢都有特別提點大家，呢餐食得好開心！正

其實香港食拉麵嘅地方又豈止個1間？元朗呢個小美食天堂，同樣有拉麵好食。位於我舊時中學常經過嘅教育路，經常有新店開張，而這間開業不到1年嘅餐廳，正正吸引咗愛吃日本湯麵的我。焰 - 中文單名一個字，氣勢磅礡，像真的有團火在招牌上燃燒著，令人感覺到那溫度。一走進內，眼睛立即被右邊那幅牆的油畫吸引過去。據店員回答，那個嘟咀男名叫火男，源自於日本古時傳統的廚師，在吹著火爐透火時所出現的表情。這幅圖畫更有日本的打氣頭巾，而濃濃的火焰正圍著他，彷彿越燒越旺；碗中那條魚跳起，就像魚的鮮味被帶出一樣，好不生動!在向內走，有1張沿著走廊一路延伸的bar枱，與廚師的距離更貼近，將煮好跟吃第一口的時間再縮短。今次吃，點了最普通最原始的一碗 - 焰 $78。目標是試試麵質和湯底。另叫了一隻味付玉子。而湯拉麵入面有火炙叉燒、木耳、筍干、紫菜、蔥粒。材料甚豐富。味道方面，湯頭十分濃郁，厚滑感異常出色，相信湯底並不能用短時間煲出來，猶見心思。而麵線十分夠硬，亦5會食落好生，而係剛好煮熟那種。叉燒肥瘦非常均勻，白啡一條條可見好rich嘅味道肥死蔥花，木耳同筍子點驟了湯麵，每啖多了青，爽，掩味，食得5同口感好飽好豐富，