影片
開飯介紹
焱丸水產是香港首間海鮮磯燒元祖店，有活海膽、鮑魚、活龍蝦、松葉蟹、帆立貝等十多款海鮮，可選擇磯燒或刺身。 復刻傳統魚市場場景，食客在木箱、漁旗的環繞下品嘗豐洲直送當日水產，享受活魚刺身、活貝磯燒的原始風味，彷彿置身於日本海邊。
繼續閱讀
營業時間
今日營業
12:15 - 15:00
18:00 - 00:00
星期一至日
12:15 - 15:00
18:00 - 00:00
以上資料只供參考, 請與餐廳確認詳情
有關獎賞計劃
相關文章
最近同朋友去咗呢間大熱嘅焱丸水產食dinner，主打磯燒水產，真係好有日本feel！ 裝修好精緻，坐低嗰刻以為自己去咗日本🇯🇵 晚市勁旺場，記得訂位啊！ 🦀芝士蟹肉甲羅燒 $78 濃郁嘅蟹膏混埋蛋漿同芝士，燒到啱啱好，入口超creamy！ 🍶清酒煮白蛤鍋 $108 白蛤鮮甜到爆，清酒湯底好暖胃，飲完成個人暖笠笠～ 🦐香草牛油蝦 $58 牛油香超濃，蝦肉彈牙，食完想encore！ 🍣海膽軍艦 $108 海膽新鮮到冇朋友，入口即化，鮮味大爆發！ 🦐大蝦鬼殼磯燒 $65 蝦膏多到漏，燒到香噴噴，蝦肉爽甜！ 🦑鳥賊磯燒 $95 原隻魷魚燒到啱啱好，蘸少少醬油已經好正！ 🦀松葉蟹膏帆立殼燒 $80 蟹膏濃郁到癲，配埋帆立貝一齊燒，鮮味double up！ 🍥海膽帆立殼燒 $85 海膽+帆立貝呢個組合真係無得輸，鮮甜到震！ 🐚帆立貝刺身 $80 刺身級帆立貝，爽甜冇腥味，食原味最正！ 🍧椰子雪葩 $58 食完濃味嘢食返個雪葩，清新又解膩！ 🍵極上烏龍茶 $58 茶味香濃，食完海產飲返杯，perfect match！
繼續閱讀
全場座無虛席，係而家既香港黎講算難得一見鋪頭都無算大，所以咁多人既時候感覺好熱鬧咁先叫香港夜繽紛架嘛！首先，我要讚下個蟹味噌甲羅燒 🦀蟹蓋裡面填滿蟹肉、蟹膏同飛魚籽，咸香味美，真係正 👍每一啖都濃郁鮮味，蟹香四溢 ❤️然後係個肉盛壽司盒，上面既係和牛 🐮入口軟滑，有牛油香，第一次食 ☝️ 幾特別三文魚冷麵好清爽，裡面其實完全無麵既成分 😂完全係三文魚切條而成，十分肥美 🐟鱈場蟹腳鍋可以一戰～ 蟹腳厚實鮮甜，凍凍地有個鍋係比較暖胃係湯底略顯太清淡，如果濃味啲就更好 👌帶子磯燒既帶子都大隻，店員全程協助，完全無需要自己黎燒得恰到好處 🔥醬油木魚帆立貝殼燒係調左味既，醬油甜甜地咁先襯托到海鮮既鮮味 🧂最後必須提埋個飲品我地一杯係冰菠蘿燒酌，一杯係白桃玉露茶菠蘿既甜味同燒酌既微微酒味融合得好好，最緊要係佢仲有原條菠蘿等我一路飲一路食而白桃茶就比較清淡，但都可以平衡返呢餐咁豐富既美食 😄
繼續閱讀
焱丸水產 主打磯燒水產，仲有多款刺身、炸物等，一路嘆住酒一路吹下水都好Chill😎💫 焱丸蟹噌甲羅燒 $78裝滿蟹膏同蟹肉既蟹蓋，再混合鵪鶉蛋，燒過後鮮味濃郁、滿滿香氣🥰如果有得配搭法包更正！💫 帆立殻燒 $68勁鮮味又爆汁🤤💫 肉盛寿司 $168好eye-catching🤤超多牛肉條掛係壽司上面🤭💫 豪華三文魚冷麵 $138擺盤好精緻😛三文魚晶瑩鮮甜；將雞蛋、Wasabi同冷麵汁配合，再將三文魚沾落去食，味道清爽！💫 日式甜醬牛肉鍋 $158份量超多！甜甜地既醬油湯底，裏面有好多片牛肉😆仲有好多蔬菜同彈牙既冬粉～💫 蟹肉厚燒玉子 $68蛋卷頗厚身，上面放左一大撮蟹肉🦀仲有沙律醬，幾惹味💫 炸雞軟骨 $52即炸既雞軟骨熱辣辣勁香口👍🏻好岩送酒
繼續閱讀
由喺WhatsApp查詢訂座到research甜品for慶祝朋友生日🎂職員都好耐心回覆及安排👍🏻👍🏻食物種類多，食材新鮮🍣🤤🦑職員會幫手燒魷魚，燒得岩岩好🍲泡菜豚肉shabu shabu辣味適中 唔口渴🍚海鮮炒飯夠鑊氣🍷荔枝特飲&白桃特飲杯，酒同水果配合得唔錯，清新易入口 🍙明太子燒飯團 燒到好似飯焦咁 ok好食🥳最驚喜嘅部份就係上甜品嘅時候，餐廳熄燈播生日歌 氣氛好好🥳多謝職員嘅安排❤️
繼續閱讀
餐廳：焱丸水產 (尖沙咀)地址：尖沙咀棉登徑23號華楓大廈地下5&6號舖尖沙咀棉登徑呢間焱丸水產開咗接近10年，時至今日仍然大受歡迎👏，成日座無虛席，唔提早訂位可能就要乖乖哋喺門口熱住排隊等位🤓行入焱丸水產，經典日式居酒屋嘅設計一覽無遺🏮，半開放式嘅廚房可以隱約見到師傅手起刀落，海鮮起舞，一道道嘅海鮮同日式料理一一呈現眼前😎✝️焱丸蟹噌甲羅燒 $78蟹膏盛載喺甲殼入面，好似蟹媽媽親自獻上嘅私房菜咁🦀，店員喺你面前將蟹膏燒到微焦，撈埋蟹肉、蟹籽同鵪鶉蛋，香到離晒譜，一啖放入口，每啖都喺濃郁蟹鮮香😋✝️白蜆殼燒 $48一份有5隻，蜆殼燒到開口笑就食得🐚，肉質飽滿，鮮甜無沙石，鍾意食浜燒海鮮嘅人唔好錯過😌✝️肉盛り寿司 $1686件小壽司上面躺住一條條日本A5西冷牛肉🐮，簡直喺壽司界嘅富豪，成座和牛山吸睛又震撼，牛羶香味突出而吸引🤩✝️蠔鍋飯 $98鐵鍋微焦飯底配埋4大隻焗蠔🦪，配埋惹味嘅豉椒洋蔥秘製醬汁，鍋香加上香料，撈多幾碗飯食都仲得✝️醬汁焗原雙魷浜燒 $70魷魚被甜醬汁焗到油亮亮🦑，咬落彈牙軟嫩，配埋洋蔥同雜菇味道層次就更豐富🧅✝️焱丸海鮮沙律 $88呢個沙律好似海洋大盛會🥗，魷魚、鯛魚、三文魚、吞拿魚、北寄貝，款款都各自渾身解數，食落品嘗到佢哋獨特嘅風味🐟✝️日式甜醬牛肉鍋 $158鍋入面嘅牛肉溫柔咁被甜醬湯底擁抱，香氣撩人，入口甜中帶鹹，加埋多款蔬菜配料🥬，食完都幾飽肚🤓✝️冰菠蘿燒酌 $68既有菠蘿嘅甜香🍍，又有燒酒嘅過癮，仲有一大條雪凍咗嘅菠蘿比你食，消暑一流🥵焱丸水產唔止賣海鮮同日式料理，仲喺賣緊一場精心編排嘅味覺表演🎭，如果你搵緊間餐廳，想同朋友聚吓腳，食得又笑得，試吓走入呢間居酒屋喜劇舞台，你可能會笑住咁食多兩件壽司刺身🍣
繼續閱讀