燒肉の牛太・本陣 (H8)

營業中

休息中

第一次來吃日燒，因為太太想試，自己零經驗，上網䏲吓覺得本陣都好似都幾好。因為即日才訂位，較抵食的apm分店任食放題只得5:30pm有位，時間上又配合不到，只好訂這間在厚福街的本陣分店。原本以為咁嘅價錢，又沒有任食放題，以為環境會比較靜。誰知一出電梯，便覺得十分嘈，近門口的好幾個還似是說日文的，應該是日本人。佢地好高興咁飲酒和大聲講野，成個場都好嘈。可能因為我有訂枱，所以留了一張在屏風後角落的枱。但和我們同在屏風後的另一角落，卻坐了五六個本地人，都係大大聲講野和大笑。佢地真係好開心，又好high，仲唱歌添，完全旁若無人，令我只想快一些吃完離開。抱歉講咗咁多環境嘅問題，但真係個環境令到人好難好好享受食物。牛脊肉十分好吃，我們還叫了雞腿、扇貝、本陣沙律、東菇和粟米。食物上整體是滿意的，希望下次去食放題試多d，亦都希望個環境唔會咁嘈！

好耐冇食日式燒肉啦，喺尖沙咀搵一搵，見到呢間燒肉好評勁多，睇落又唔太貴，於是就去咗試吓～有好多唔同嘅套餐揀，除咗和牛之外仲有豬同雞，不過我當然要試吓佢嘅和牛啦！當日揀咗個$179嘅餐，包左三款牛，有特上和牛、牛舌同埋橫膈膜，特上和牛大大塊，接近入口即溶，真係超幸福啊！ 牛舌都幾爽口，不過我唔係好鍾意嗰陣味，橫膈膜係三款當中肉味最重嘅，雖然油脂唔係好多，但係肉味真係超濃！個人來講都幾鍾意食完主菜之後仲有甜品，仲要係哈根大師雪糕，超有心！性價比極高

來自日本的連鎖燒肉店 已有三間分店 走日式風格，以木系為主 令人感覺舒適提供6款不同的燒肉御膳 最平的套餐只需$129起!是供應日本產的黑毛和牛 牛上燒肉御膳 $149 黑毛和牛、横隔肉和牛舌一次滿足和牛脂肪含量最高油脂豐腴油潤肥美 牛舌口感爽脆勁十足每份餐都包日本米飯,湯,前菜三小碟同雪糕一杯牛肉質素非常高又抵食! 尖沙咀厚福街8號H8大廈21樓消費$400

日本產黑毛和牛特上燒肉御膳大家鍾意食燒肉嘅一定要試呢一款定食！真係超級高質！大家可以先食佢嘅前菜，芽菜食落清新開胃，而飲埋啖暖湯就可以開始食豬肉啦！黑毛和牛雖然得4塊，但係舊肉非常大舊，油香味極濃！入口接近即溶🤤🤤🤤超級肥美，油香非常突出😚 珍珠米口感煙銀，我好貪心咁加多左隻蛋，蛋汁撈飯食真係很不錯～～ 最後食完四舊和牛都幾飽肚，可能再加埋有啲膩啦～ 整體都唔錯！食到最後仲有甜品添！係哈根大師雪糕🤩🤩完全估佢唔到

燒肉の牛太・本陣 - 地道風味日式燒肉今日黎到尖沙咀H8的一間日式燒肉專門店，餐廳環境光猛，有大大的落地玻璃，設有沙發座椅和榻榻米選擇，現在還有夏祭活動，可以玩遊戲拎獎品添！日本產黑毛和牛 。上燒肉御膳肉御膳 $149特上三種 燒肉御膳肉御膳 $189點了兩款午市套餐，都是採用日本產的黑 毛和牛，牛肉雪花有着大理石的紋理，油脂豐盈，用上地道風味的網燒日本爐，輕輕一燒，油分溢出，油香滿滿。上 和 特上三種 的分別就是有三個不同的部位，有厚切爽彈牛舌和牛味濃郁的牛板腱。上的和牛就大大塊，原塊燒烤，更加juicy 更加牛味濃郁，更加滿足。套餐還包括前菜、麵豉湯、甜品，甜品是Häagen-Dazs雪糕杯添！

入到餐廳見到環境幾闊落， 仲有4張tatami 位望住成個尖沙咀，裝修都好日本，感覺好舒服。食物上主要食燒肉，都有少少飯、麵類嘅選擇。燒肉可以散叫、亦可叫set，我地今次叫咗omakase set ，每位$699，有酒精同無酒精飲品都係任飲嘅。餐牌嘅肉類會每次唔同，職員都有主動講返有d 咩唔同，今次我地每碟肉都係牛嘅唔同部位，唔食牛肉嘅朋友仔食前建議打黎問吓。首先就有韓國嘅伴餐黎，有兩種泡菜、青瓜同芽菜，仲有一盆大沙律，再加一碟牛肉他他加紫菜。呢碟生牛肉同我地平時去韓國食嘅好唔同，佢嘅油脂分布多d 同好平均，加上生雞蛋同紫菜一齊食，入口即溶又唔油膩。我地叫咗兩杯炭酸系嘅飲品，檸檬汽酒同沖繩菠蘿汽酒，我覺得菠蘿味嘅好飲d。我地食哂d 生牛肉之後，我地就食火炙和牛壽司🍣，配上即磨山葵，又係入口即溶。食完咁正嘅頭盤之後，主食就黎啦，就係一碟和牛橫膈膜，一碟紫菜芝麻葉海膽，職員教我地用爐將牛輕輕燒到半生熟，再放落海膽一口食哂，哇哇哇，嗰個口感同味道非常豐富，最後湧出芝麻葉嘅味道。再黎就係特上牛舌同黑毛和牛牛柳，職員好細心介紹點燒同要襯邊隻特備醬汁。呢度嘅牛舌係厚切同比較大塊嘅，所以燒嘅時間會比

燒肉の牛太・本陣嘅尖沙咀分店位於厚福街H8嘅高層，窗邊座位可享180度城市景色，仲可以遠眺海景！一邊燒肉一邊嘆靚景，特別寫意！午市套餐包括白飯、拌菜、湯、汽水同埋甜品，牛肉一律採用日本產黑毛和牛，甜品係Haagen Dazs雪糕杯，用料上乘！加$12可以將白飯升級為幸福生蛋拌飯，蛋黃又香又濃，加埋黑松露油提升香氣，入口滿滿嘅幸福感！日本產黑毛和牛 上 燒肉御膳 $149油花分佈均勻，醬料帶出濃厚嘅牛味，入口軟腍甘香，而且仲要勁多肉汁！百幾蚊就食到日本和牛，真係好實惠！日本產黑毛和牛 特上三種 燒肉御膳 $189特上嘅和牛，油花更綿密，去到入口即溶嘅境界，滿口脂香！Outside Skirt嘅牛味最為濃郁！牛舌香口滋味！

呢日放假同屋企人出去行街，我地去左尖沙咀行街，中午就去左呢間餐廳食燒肉。呢間餐廳既環境超級好，有好獨立既座位，佢位於大廈既高層，可以望到好遠既風景！我地點左日本產黑毛和牛特上三種燒肉御膳 ，呢個係午市套餐入面最貴既一份，可以一次過試哂三款肉，分別係黑毛和牛、牛肩肉同埋牛舌，好豐富。最鍾意就係黑毛和牛，油脂分佈分明，入口即溶。另外仲有日本產黑毛和牛上燒肉御膳，呢個套餐有勁多塊黑毛和牛啊，燒一燒就食得，好惹味，性價比高！最後仲有haagen dazs雪糕食，完美啊！

呢到嘅午餐包左前菜、飯、湯、飲品、雪糕，當然唔小得主角和牛啦😍前菜係用左麻油同胡椒調味過嘅芽菜，食落感覺頗清新😋湯就加左蛋花同海帶，飲落比較溫和，仲好有家的感覺🥳日本產黑毛和牛特上燒肉御膳（$179)呢個set一有四塊和牛，每塊嘅厚薄適中而且唔係細細塊咁👍🏽和牛經醬油調味，燒過後入口油花四濺，入口即融🤤調味後令肉味更突出🤤小編建議嘅燒完嘅肉即刻放上飯到，等珍珠飯可以沾到牛油，正！😋日本產黑毛和牛特上三種燒肉御膳（$189)三種肉包括特上和牛、橫隔膜肉同牛舌😋呢款嘅特上和牛冇經醬油調味，令牛味更濃郁，亦更可以仔細咁品嚐佢嘅油香🤤橫隔膜肉就同想像中一樣，油花偏少而肉味濃郁，比起前面嘅和牛帶多幾分嚼勁😋牛舌嘅口感就非常之爽口而且唔會韌，三款肉嘅水準都非常高☺️

食燒肉從來都唔係晚餐嘅專利，星期六、日瞓醒突然好想食燒肉做Brunch😆餐廳裝修非常日本風，有幾檯榻榻米，落地玻璃可以望到街景同海景，感覺好chill 、好舒服~剛好坐係窗邊，可以食燒肉邊睇住出面嘅街景，不過有啲曬😆套餐已有齊湯、餐飲、飯、前菜及飯後甜品~想食和牛唔洗飛去日本，Lunch都食到啦~✨日本產黑毛和牛上燒肉御膳上級嘅黑毛和牛有6 片，雖然未到特級，但色澤均勻依然含豐富油花，口感鮮嫩多😜✨日本產黑毛和牛特上三種燒肉御膳一個套餐食齊特級黑毛和牛、横隔肉、牛舌，追求完美嘅頂級肉質呢款最岩每款肉得2 件，特級黑毛和牛，油膩更強，入口即溶，而牛舌更係牛味香濃而口感爽口✨甜品- Haagendazs雪糕有4 款口味選擇，食埋雪糕就非常完美~

味道：⭐️⭐️⭐️⭐️⭐️性價比極高嘅燒肉店💰窗邊位置景觀開揚🏙另外餐廳可供預約榻榻米座位 充滿日本風情🇯🇵❶日本產黑毛和牛 上 燒肉御膳 $149Lunch set 有齊主菜、白飯、拌菜、湯、飲品、甜品🍱⭐️主菜係來自日本既黑毛和牛 當中油花分佈細膩🐂口感柔軟細膩又juicy😍⭐️拌菜就係清爽既銀芽⭐️ 日式蛋花湯 材料好豐富比平時既味噌湯更加香滑嫩口🥣⭐️飲品方面就揀左烏龍茶食完燒肉 解油解膩就一流🍵⭐️甜品就係Häagen-Dazs雪糕竟然仲有好多唔同味道可以揀🍦❷ 日本產黑毛和牛 特上三種 燒肉御膳 $189呢個set 就仲會有埋牛舌同牛橫膈肉添🐮當中以牛橫膈肉就最得我喜愛❤️入口鮮嫩 又好有嚼勁 🥰食完一口 口中依然瀰滿滿既肉香👄Ps:觀塘、尖沙咀都有分店尖沙咀分店就係單點嘅至於觀塘分店就會有放題

#fridayla_tst⠀⠀⠀⠀⠀⠀⠀⠀⠀⠀⠀⠀⠀⠀⠀重記得日本旅行既時候同L小姐試過但馬屋燒肉印象十分深刻，因超好味道😍無論係食材新鮮程度，定火候，都好出色最近試咗尖沙咀一間燒肉體驗同樣出色，食完之後查翻原來係但馬屋旗下的品牌😱唔怪得之咁出色！💘💘💘慢慢品，快快評💘💘💘⠀⠀⠀⠀⠀⠀⠀⠀⠀⠀⠀⠀⠀⠀1⃣黑毛和牛Omakase(2人份)💲699💭黑毛和牛月見他他，肉質新鮮💭配上月見，令口感更佳順滑😘💭最誇張一定係海膽配黑毛和牛😭幸福的味道💭紫菜沙律，超大盤，而且清新鮮甜開胃💭自家製泡菜 & 自家製伴菜，配燒肉食一流💭火炙黑毛和牛壽司，燒過的和牛入口即溶💭仲有特上牛舌，黑毛和牛牛柳😍💭黑毛和牛牛脊肉 & 牛肋肉，全部都勁好味💭店長重會好細心咁幫你燒😭💭本身我自己燒燶咗，但佢幫我修剪&補救翻💭柚子大根清新👍💭澳洲和牛橫膈肉，十分juicy🤤💭一口冷麵作為最後一道菜，食落好舒服🔘雖然是2人分量，但3人都夠食😍🔘成餐超飽肚，好耐未試過咁高質抵食既燒肉⠀⠀⠀⠀⠀◤燒肉の牛太・本陣 HONJIN ◥ ⠀ 🔹🔹🔹🔹🔹🔹🔹🔹🔹🔹🔹🔹🔹🔹🔹🗺∶九龍尖沙咀厚福街8號H8大廈21樓🍟Food：🔥🔥🔥🔥🔥🎆Mo

晏晝想食燒肉😼先發現呢到嘅午市套餐都幾抵食，價錢最平$99已經有交易！重點喺一個價錢包埋【前菜、湯、燒肉、白飯、飲品、甜品】Cp值勁高😍想食日本產黑毛和牛都只喺$129已經食到啦🇯🇵！⇛店內環境闊落裝修以木系為主🪵，加上落地大玻璃同有幾張榻榻米座位，座低前要先除鞋㗎👟坐低望住風景食燒肉都幾有日式風味🎌淨係環境未食已經加分！⇛▪️日本產黑毛和牛 上 燒肉御膳 $149一碟有六片黑毛和牛雖然未喺最頂級，但入口油脂都幾濃厚，相當嫩又腍！⇛▪️日本產黑毛和牛 特上三種 燒肉御膳 $189追求更靚肉味更豐富就必須點呢款特上🐮，一個Set有齊【特上黑毛和牛、橫隔肉、厚牛舌】，特上黑毛和牛油脂分布得更平均油花更豐富💓橫隔肉肉質非常柔嫩同時帶有咬勁，厚牛舌就非常爽彈有咬口💖～⇛吃飽燒肉甜品喺Häagen-Dazs雪糕做終結🙊，超級滿足！

🚩 日本產黑毛和牛 上 燒肉卸膳$149每個Lunch Set 都包一碗飯 一碗湯 前菜 和牛 飲品 一杯Häagen-Dazs雪糕呢個Set和牛有兩個Size 一種大塊 （上級牛脊肉）另一種細塊 （上級牛肋肉）個人鍾意大塊嘅和牛🤪和牛肉質較滑 入口都非常易咬🤤和牛有六件 $149呢個質素完全冇嘢可以挑剔‼️🤤🤤🚩 日本產黑毛和牛 特上 燒肉卸膳$179一碟有4-5塊和牛一上枱已經望到和牛油花充足🤤😍完全做到入口即溶和牛好好好好淋身加上超級無敵霹靂濃牛味🤪🤪🤪‼️特上和牛唔洗燒到全熟 每邊燒20秒已經ok‼️將和牛點埋醬汁再撈埋白飯一齊食送飯一流😍‼️‼️‼️大推❤️🤤🤤🤤總結時間🥰星期六嘅午餐係全場爆曬Lunch set真係好抵食‼️人均$150可以試到高質和牛仲有湯 前菜 雪糕 飲品🤭服務態度又好環境又舒服‼️大力推介比大家‼️

🥩平民日式燒肉X抵食午市套餐系列—▫️餐廳：燒肉の牛太・本陣▫️地點：全香港有2️⃣間分店📍此為：尖沙咀厚福街8號H8大廈21樓（港鐵尖沙咀/尖東站 B2 出口, 步行約4分鐘）▫️營業時間⏰：星期一至日12:00 - 15:00 & 18:00 - 00:00▫️價錢：～$100+—美味：🥩🥩🥩🥩環境：🥩🥩🥩🥩價錢：💰💰💰+0.8💰—👧🏻👦🏻好鐘意食燒肉，聽朋友介紹依間午餐平而且高質就去試試😍😍😍有驚喜😆環境都好好～📍日本產黑毛和牛 燒肉御膳價錢：$149分數：🥩🥩🥩🥩覺得啲肉超高質，好香牛味，仲入口即溶既感覺😃$148 有埋飯、湯、一大碟牛、前菜、飲品同Häagen-Dazs雪糕🍦🤩🤩🤩~📍日本產黑毛和牛 特上三種燒肉御膳價錢：$189分數：🥩🥩🥩+0.85🥩係有3款，同上面既set差唔多😆但覺得上面果款夠晒—📍特上牛舌價錢：$129分數：🥩🥩🥩+0.5🥩牛舌係幾大舊同厚，但有啲難咬🤣🤣—