牛一 (利舞臺廣場) (已結業)

今晚友人想打邊爐，所以我哋一行四人就去左利舞臺間牛一。牛肉選擇多，有不同質素選擇，而且價錢平，我覺得幾抵食。我點左極上美國牛，以其他食店任食放題的經驗，初上時會係靚牛，但愈上啲牛會愈差，睇睇這間會否不負眾望。我哋每次都五板五板甘叫，牛肉因為切得夠薄，淥落湯度會好快熟，而且唔怕 overcook，食落美味。除了牛肉，還有其他食物在自助 bar 任攞。菜類款項多，總有一款會適合大家。有軟雪糕任食，可加不同配料。我個人最唔鍾意啲九唔搭八的食物，例如食韓燒有豬腳薑。今次食店就係有炸魚皮。我個人喜歡食炸魚皮，但在適當地方要食適當嘢，九唔搭八會令人好反感。整體而言，食店服務爽快有禮，環境舒服，食品質素高。除了炸魚皮外，各方面都值得欣賞。

今晚，一家大細，有老有嫩，一行5人去左位於銅鑼灣利舞台17樓嘅牛一。牛一，由佢幾年前係銅鑼灣廣場地庫果陣，已經開始幫襯佢。到佢幾年前搬左嚟利舞台，再開到成行成市。唯一不變就係.....CP值爆燈！由於今日6:30左右就去到，所以好好彩唔洗等好快就有得入去。環境：暗暗地幾好氣氛，乾淨程度亦都算係唔話得。食物：今日叫左鮮茄龍蝦湯，丫，唔係，係鮮茄濃蝦湯先啱。牛肉，我地就選擇左極上美國牛肉（大人178，小朋友長者138）。如果喜歡食和牛，佢地個極上日本和牛真心推介。不過今日有老有嫩關係，怕佢地吃不消，都係叫返極上美國牛肉算。不過唔好睇少佢，啲牛肉唔肥，有紋理，好啱老人家小朋友食。豚肉，我真心另一個推介，厚薄啱啱好，唔肥，打邊爐一流。出面自己拎嘅火鍋配料有好多，丸類，菜類，麵類，豆腐類，重有乳酪蛋糕，汽水啤酒。如果你每一樣都拎少少入去試，一定好快就飽。不得不提係佢個日本和牛咖哩加白飯，雖然飽肚，但係我每一次去點都會整一碗細細地食下，試過你就知好野。小朋友最鍾意嘅芝士丸同腸仔。90分鐘嘅火鍋放題，去到最後既15分鐘，佢地會溫馨提示返你淨低15分鐘，你可以選擇加鐘，或者找數。到果陣，食多少少就去拎

價錢便宜，即使晚市都只係$178+1/位，而肉質亦已經好好，肉同飲品亦都係無限添加，係性價比一流既sabusabu。 中意食壽喜燒既朋友一定要試壽喜燒湯底，免費有生蛋一人一份點牛肉又係十分出色火鍋配料無限添加，比其他火鍋餐廳特別既係有黑蒜醬油，用黎點牛肉十分入味，再配合埋辣蘿蔔容真係無得頂！ 飲品種類亦都十分多選擇，大小都啱飲 到甜品，每期既甜品都唔同，多數係水果味同原味乳酪雪糕，我最深印象係蜜桃味既雪糕好好味！

天時轉涼了少許, 突然想午市食個60分鐘放題。公司就係利舞台附近，所以就同左fd 去食牛一la。午市陸陸續續都有客人不斷入座。一坐低都算好快手上湯同肉，我地點左個特級日本和牛套餐，同三文魚豆乳湯。估唔到個湯都好夠魚味，一放紅薯粉同紹菜就吸收晒ｄ湯，好好味！自助配料區個到都算多野揀，ｄ蔬菜種類都算多亦睇落去新鮮同埋檯面尚算乾淨。惟一美中不足地方係冇蒟蒻＞＜　服務員態度都唔錯，都有詳細解釋用餐時間去到幾時，又會主動問你需唔需要加湯同執拾檯面。總括而言，食物品質高， 服務都算唔錯，值得去試！

食飯等位很正常，因為趕時間所以問仲要等幾耐，佢話無咁快，未有檯同埋前面仲要叫幾張，我一話算啦俾返張飛佢話唔等lu，一行開就叫我個號碼，頓時o嘴，依個係mud野既玩法？事件發生係五分鐘前。reception係一個中年男人。

放工後和家人相約在銅鑼灣吃晚飯，突然好想食火鍋所以與家人決定食牛一。我們到的時候都已是九點，雖然唔使排隊，但係裏面的食物很像沒有太多了😅😅😅，不過我們主要都是食牛同豬同埋菜，所以都不緊要。其實都還有很多款式的食物，例如羽衣甘藍、秋葵、粟米、蕃茄、南瓜、粉絲、蘆筍、薯仔、肉丸、等等。牛同豬我都係揀咗最平嗰個價錢$158再加一，質素都已經很好很好👍🏿👍🏿。其實我最喜歡食火鍋放題，就係因為好似自助餐咁咩都可以食，又可以選擇鍾意食咩就食多啲😂😂😂，所以好滿足喔😋😋

We were frequent visitors to 牛陣 and had recently visited 牛涮鍋. Finally we also visited this 牛一 in the same district.We ordered the most expensive 90-min lunch set of Japanese Wagyu beef and pork at $248 + 10%. We asked for 2 portions of Wagyu and no to pork as soon as we had placed our orders but they still served us pork.The first round of Japanese Wagyu beef was very tender and yummy, although it still seemed to be worse than those at 牛涮鍋 which seemed to be bigger yet also tender but was more e

今日約了下午二時睇牙醫，但係上晝11點半已經做完野，冇野做要消磨時間，於是去依間野食長晏。銅鑼灣食火鍋，只收幾十蚊一個人，真係好抵。我哋叫咗一個豚肉，一個牛肉，個湯係椰子鷄，好好味，食完唔覺得口渇。其他有各式肉丸，日式咖哩飯，仲有軟雪糕，同啤酒。好好味，好飽，會再幫襯。

呢間牛一😆間唔時都會黎食，水準都一直keep到，多款湯底選擇，湯底會間唔時都會轉換，始終日式火鍋，都唔會係勁濃味，都係淡淡地得黎都唔錯👍🏻👍🏻食物俾人夾哂，有時會出下第款野，好快有員工補充返，服務都唔錯，人手夠，牛新鮮，加上價錢唔貴，有得任食，任飲，亦有甜品，不錯 ，位置就腳，座位又坐得舒服，不過要留意佢有限時😊呢期係十勝芝士湯底

終於約齊朋友食飯。一大班人, 打邊爐一定最適合不過。自己本身是食肉獸, 打邊爐最著重肉類質素。今次一於試下以牛為賣點既"牛一"啦!牛一晚市時段90分鐘任食; 無限添加牛肉或豚肉的款式就根據入座時所選的價錢而定。今次平食, 選了$178極上美國牛肉．豚肉; 湯底就選了中華麻辣湯, 同混合湯鮮茄濃蝦湯/淡十勝芝士豚骨湯。自助吧的火煱配料同其他火煱店所見的没有太大出入, 不過值得一讚是丸類款式多又足料。墨魚丸裡面有1cm大的墨魚肉; 龍蝦丸就食到魚子同(疑似)蝦肉, 非常彈牙有口感, 值得一試。到主食肥牛出場喇! 齋睇賣相已經好吸引, 肥牛鮮紅有光澤, 牛肉雪花紋理清晰可見, 脂肪比例均勻, 望見都流口水。薄切牛肉只要輕輕在湯底上灼一灼就食得, 薄薄地更容易吸收湯底精華, 入味好食 。雖然瘋狂熝肥牛, 但湯底依然清, 不太油膩。而湯底方面個人比較鍾意鮮茄濃蝦湯, 甜甜地有少少似餐廳飲到既龍蝦湯味。芝士豚骨湯就溜溜地, 好易飽, 任食來說不太抵。麻辣湯就堅辣, 食開米線十小辣既我, 完全放不到入口…...食飽飽, 最後一定要食杯乳酪雪糕消消濟。

寒流襲港天氣只得十度 ，全香港人都想在這天打邊爐。我們下午5點40分到達時， 已經差不多坐滿， 二人以上的枱已經要等位，好誇張 ！侍應在門口已經要我們選擇湯底和套餐， 我們選擇了$178的壽喜燒套餐(有日本雞蛋送)。坐下後侍應先給了我們一碟豬肉和兩碟牛肉，每一碟其實只有四五塊肉，所以基本上可以多叫幾碟。吃飯時間只有一個半小時 ，我們盡力在buffet枱拿了很多食物 ，最驚喜的是有羽衣甘藍， 這個菜平日賣很貴 。我覺得它很適合打邊爐， 因為煮熟了的羽衣甘藍少了一點甘苦味，亦都比較有噍口。當然少不了一些丸和其他蔬菜。 最後以阿華田雪糕終結，很好吃！

今日約左媽媽落銅鑼灣行街，佢前幾日睇報紙，見到牛一任食火鍋賣廣告，已指定今日午餐要食呢間😋12:30黎到，好彩早到唔使等位☺️見門外餐牌有60分鐘或90分鐘放題，60分鐘又好似有啲趕，就選左90分鐘嘅美國牛肉．豚肉套餐，媽媽喜歡清清哋，所以選左干貝清湯做湯底😋店員已快速地上了湯底、牛肉同豚肉，我同媽媽都急不及待去自助區攞食物💪豬肉其實幾好味，牛肉都算唔錯，但比較鞋口😅同埋如果啲肉可以唔好切到咁薄，我相信口感會好啲😅自助醬料區有幾款醬料任君選擇，有日本黑蒜豉油揀幾好😽自助區唔多選擇，都係丸丸腸腸菜嗰啲，但都啱食，特別嘅係有款叫羽衣甘藍嘅菜，唔係好多火鍋店有😆呢度都有少少熟食，就係和牛炒飯同咖哩和牛，無食到，怕食飯會太飽🤣自助飲品區，除左雪櫃內飲品，仲有汽水機有幾款汽水，都唔算太多選擇，但都係嗰句，啱飲👍仲有我鍾意嘅蜜瓜奶😍食完火鍋，開始向雪糕進攻，睇報紙廣告已見到有期間限定嘅好立克、阿華田雪糕，期待😍點知呢度只有好立克雪糕同原味乳酪，我都想試阿華田味雪糕啊😅試左好立克味雪糕，幾香好立克味喎，不過唔太夠滑，但都已經好好味😋☺️雖然呢度食物款式唔多，但都啱食同幾好味，中午埋單每人$140任食都算

講起牛肉邊爐放題，第一個一定諗起牛一。最岩一大班friend過黎狂食。牛肉質素無幾好，唔會因為叫得多而偷工減料。平時遇開既店員都幾好，唯一係有一次個呀姐好惡，想叫十碟牛但佢又好惡咁話6個人只可以叫6碟，到下一round叫6碟（我地有幾個男仔一定食得曬），佢又好惡咁叫我地叫4碟⋯⋯勁無奈

相約咗幾個朋友去打邊爐咁本身都唔知約去食咩好既咁有位朋友話佢想打邊爐 佢就介紹呢間我地去食咁我地其實都冇咩所謂 咁就呢間啦咁我地係book咗位入既 食90分鐘咁其實去到門口都冇乜人應該都即刻有位就可以入去食 而我地係book七點鐘係門口集合緊個陣原來個friend已經揀好咗要邊一款啦我地係揀咗極上美國牛肉豚肉既當然我係第一次食呢間係比較唔到其他會唔會有分別既佢啲牛都唔錯 都算幾靚都冇乜肥膏既連個豬都唔錯但我地當然係重點食牛啦佢個到其他既配料或者食物都ok既選擇都多既最後佢仲有個雪糕食雪糕啲配料都好豐富間野其實唔錯嘢食材料都ok係得90分鐘比較短 不過入去之前已經一早知道得90分鐘既

未夠鐘就被個呀姐趕走，食左牛一幾十次，真係前所未聞！！定要有新規矩要提早5分鐘走係我唔知？話說今日我呢個牛一愛好者，去左港島區，又冇諗到食咩，上openrice一揾，原來銅鑼灣都有牛一，諗都唔諗就決定食佢(平時我地去開尖咀同始創)。11:47分入座，理應食到1:17，但我地1:13就俾個呀姐大大聲咁話，你地夠鐘啦！要走啦！其實我地一早食飽，停哂手，係度飲埋半鑵啤酒。我地都知時間快到，但俾個呀姐兇一兇，周圍枱d人又望住我地，嚇到我地即刻起身走人。出到門口，有幾個人係度等緊，睇下手機，原來1:13！都未夠鐘！！趕人走嘅！？唯一可能就係港島區嘅牛一高級d，要客人早5分鐘走，讓他們好好執枱，迎接下一位客人！算啦，反正平時都少去銅鑼灣，就係去，都唔會再去呢間牛一！平時我都會早2,3分鐘走，第一次俾人趕同埋周圍d人望，真係好難受！咁嘅服務態度，營業額係唔會超越始創的！！仲諗住返黎俾個好評佢，有個女仔勁有禮貌，服務態度良好。可惜可惜...