影片
附加資料
全新放題:日本料理、火鍋、即製甜品，超過200款美食二小時任飲任食
營業時間
今日營業
12:00 - 23:00
星期一至日
12:00 - 23:00
以上資料只供參考, 請與餐廳確認詳情
優惠
相關文章
放工和同事約好去牛之鍋大刷一餐，一早訂好位，所以唔使等太耐。自助區食物好多，主要係蔬菜及飲料。同事選了蟲草花松茸湯底，帶有香香的野生菇菌味道。我則是皮蛋芫荽湯清清地，下火一流。下單的食物黎得好快。美國見島和牛油脂分布均勻，色澤明亮，注意每一片輕灼5秒就好。雪花牛小排，肉味濃郁有咬口，唔使過熟。跟住係估你唔到系列嘅本地騸牯牛，新鮮至極，令人忍唔住一片接一片，食唔停口。火鍋配料除咗牛之外仲有新鮮海鮮，海蝦、蜆、帶子、魚片水魷應有盡有，仲有大大隻鮑魚同埋新鮮生蠔，簡直係挑戰我嘅食量。食咁多嘢就梗係要飲嘢，自家製嘅手打檸檬茶帶有香香嘅檸檬味，絕對係解油去膩之選。話到明係放題，就梗係少不了魚生，當然有三文魚、北寄貝、赤身、帶子，仲有特大虎蝦，唔單止大隻，仲要超新鮮，絕對推介。以為得咁多就完？仲有串燒啊，雞軟骨、帶子、牛脷、豬大腸、豬頸肉、海蝦、鰻魚、鮑魚和菠蘿，新鮮又大串，師傅對火候掌握得好，細細串密密食。咁樣都未夠，仲有估你唔到嘅蒜蓉生蠔，大大隻嘅生蠔任叫任食，到底一個人可以食到幾多嘢？到最後，就梗係要食吓啲甜品㗎啦，仲以為自己去咗甜品舖，竟然有宇治抹茶芭菲，榴槤芭菲，楊枝甘露，雪燕榴槤忘返，芒果綿綿冰，紅豆椰汁凍芋圓，木瓜燉雪耳，軟雪糕窩夫，法式焦糖燉蛋，又係任食，而且質素仲要同甜品舖一樣添，真係有啲選擇困難，唔使諗呀全部都食，最後就快飽到行唔到，要坐左半個鐘先離開。
繼續閱讀
朋友問邊度有得食高質甜品嘅邊爐，我個腦即時彈了牛之鍋出黎。因為大部份火鍋任食都係食現成甜品，但好似牛之鍋咁專門請位甜品師傅製作甜品，真係不多見。當然晚市都是很Full的，最好先訂好位。選了C餐來試，因為可以一次過滿足刺身、串燒、火鍋三𠍿愿望。坐低揀好湯底後便全程以QR code落單！刺身先黎，赤蝦、三文魚、帶子、赤貝、北寄貝、吞拿魚都新鮮肥美，尤其赤蝦，珍寶級數，好大隻！串燒有25款，牛舌、雞皮、鮑魚、八爪魚，帆立貝，鰻魚、海蝦，玉子燒，芝麻雞翼等25款選擇，很足夠，風味雖然不及正宗的串燒店，但味道絕對對得住價錢有餘。蒜蓉生蠔係必食，大大隻好肥美。火鍋方面，配料除了自助區的各款丸類蔬菜有幾十款，餐內都包了幾十款。必食當然是新鮮騸牯牛，普通出去食一碟細都要200蚊以上，呢個餐任食!!!仲有美國見島和牛、雪花牛小排，澳洲牛肩肉眼、美國極上牛肉、澳洲羊肩肉、豚肉，雞件，滿足到食肉獸的我們。新鮮騸牯牛牛肉味好重真係好好食，和牛及牛小排脂肪比例較高，入口較肥美滑身。火鍋我地主力食牛和海鮮，包括餐內無限添加的鮑魚，扇貝和生蠔，還有大白蜆、脆鯇片、牛柏業、海蝦等，全部好好新鮮。刺身、串燒、火鍋順序食左一次，encore左少量刺身和3盤肉，已飽到食唔落~只剩低食甜品的胃納。先黎宇治抹茶芭菲、榴槤芭菲，楊枝甘露、芒果綿綿冰、紅豆椰汁凍芋圓、焦糖燉蛋，我地全部都無放過，仲要食埋個窩夫，真係飽到上心口。記得留肚食甜品!!!$368食到咁多野，出去普通食個西餐都唔夠飽，難怪閒日都咁多人黎食，性價比真心高~
繼續閱讀
呢間超豐富😍嘅牛之鍋放題真係每次嚟都會有驚喜🤩，呢期佢哋轉咗主打任食本地手切騸牯牛🐂，而且星期一至四仲要無限時添👍！呢度採取一人一鍋🍲，乾淨衛生，而且每個人都可以🥰揀自己喜好嘅湯底口味🥣。來呢度可以任食新鮮本地手切🔪騸牯牛，而且仲有牛包心同埋牛頸脊🥩兩款，牛味香濃又嫩滑🤤，至於C餐仲有肥美嘅澳洲M5和牛同埋雪花牛小排😋，真係好抵食！海鮮🦐方面仲有期間限定嘅乳山生蠔🦪、原隻鮑魚、大扇貝同埋貴妃蚌🐚等等，新鮮高質！刺身🔪方面雖然款式唔算太多，但🐟三文魚好肥美，赤貝😍新鮮爽口。佢哋仲有廿幾款🤩串燒任你食，我尤其中意肥美嘅🤤白燒鰻魚同埋鮮味嘅燒鮑魚🥰，而且佢哋仲有個爐一路熱住啲串燒好細心👍。甜品方面除咗有😍鮮甜嘅榴槤、雪燕榴忘返同埋榴槤芭菲😋之外仲有多款即叫即製嘅🇭🇰港式、西式同埋中式甜品，真係高質美味🤤！自助區💪仲有好多唔同嘅火鍋配料同埋自家製🍮甜品，亦有多種啤酒🍺同埋韓國珍露燒酒🍶，絕對係勁滿足嘅一餐🥰。
繼續閱讀
註： 我並沒有參加試食推廣， 是用原價購買餐點。今晚選擇了冇限時， 無論幾點入，總之11點前離開即可。 其實都真係幾抵。 我們由7:30 食到11 點， 我們選左$388 最貴的任食。 打邊爐食品總類很多， 牛肉不錯， 其他整體ok, 飲品用有多款， 也有串燒食, 味道不錯， 唯獨是甜品比較遜色， 不要期盼。餐廳缺點係比較嘈，環境一般， 檯與檯之間很近。 廁所尚可以。 整體都算ok.
繼續閱讀
雖然呢間打邊爐店選擇的肉類唔算多，尤其我哋選擇的是最平價套餐，得幾款肉可以揀，好似雞肉、貝類等簡單選項，但佢帶俾我哋的感覺係超有誠意！一上桌嘅時候，店員補充食材嘅速度快到不得了，完全唔需要等嘞得心急。.自助區擺放有自製甜品和手打樽裝檸檬茶，feel到係有心去做。甜品唔係一般放上去擺擺樣嘅，而係有返咁上下水準，檸檬茶嘅酸甜比例啱啱好，飲落清爽唔會太甜膩。唯一唔好嘅可能係冇辣椒油亦冇沙嗲醬，所以想食辣嘅朋友可能會有啲失望。.另外，呢度每位$258加一，喺港島區來講算係親民嘅價錢，性價比算唔錯！雖然唔係五星級奢華盛宴，但喺工作忙完嚟到呢度輕鬆下，最重要係晚市無限時食到10點幾！
繼續閱讀