牛壹台食 (已結業)

每次經過灣仔都會入黎呢間台式餐廳食嘢!佢不僅僅份量多,仲要好好食,更重要嘅係價錢一d都唔貴😍啱曬打工一族!川味香辣牛健心牛肉麵/刀削麵[$78]刀削麵煮得剛剛好,好彈牙,唔算太辣,啱曬唔食得辣嘅朋友仔🥰牛肉份量多,肉質鮮嫩好有牛味👍🏻台式滷牛拌飯 [$62]碗飯真係超級超級大碗,好抵食😂.無論滷肉定汁都好足夠,滷肉半肥瘦剛剛好,食落軟腍腍好滋味😎香辣口水單骨雞翼 [$32]我已經幫大家數過!佢有8件單骨雞翼咁多!計返都有4隻雞翼😍而且有個好處就係食落十分方便,絕對係想食雞翼又唔想食得狼狽嘅女士們必點的食物!雖然係單骨,但係雞翼都好肥美多肉,雞皮食落滑滑地好似啫喱,唔會覺得肥膩✌🏻

Friend子過嚟陪我食lunch，揀咗呢間台式店。揀咗兩個午餐：1）台式滷牛拌飯🍛係滷肉飯嘅牛肉版。friend子話味道濃厚，但有啲油膩。2）麻辣鴨血刀削麵🍜鴨血口感比較硬實，料足。麻辣湯辣度啱啱好，有刺激感，但又未至於流晒鼻水😆刀削麵煙韌有口感。👍🏻每個餐跟一份木耳涼拌，同一杯台式飲料。LadyB 揀咗冬瓜茶，清清甜甜，啱晒解辣😊最讚嘅係電子落單，可以按自己口味加注唔同要求，唔使驚麻煩到侍應落單，好方便😆簡簡單單又一餐，最開心可以同friend子吹下水👯

灣仔一間新開嘅台式料理主食選擇都幾多小食更係滿滿一頁我地試左最簡單嘅古早味滷肉飯同川味香辣牛腱心牛肉麵同好好味嘅甘梅地瓜條！每款主食有碟小雲耳送古早味滷肉飯有半隻滷蛋滷肉肥嫩用黎送飯剛剛好！川味香辣牛腱心牛肉麵唔算辣牛腱超超超淋滑配上刀削麵口感好有對比好食！見到有我嘅最愛地瓜條我一定唔會錯過嘅！地瓜條好香脆入口超粉糬😍😍佢嘅甘梅粉亦已經預先沾上地瓜條度好均勻每一條都好好好好味！暫時係我喺香港食過最好味嘅地瓜條！金鳳梨紅茶飲得出鮮鳳梨香味唔會太甜係杯唔錯嘅台飲！由於佢個小食太出色喇～呢間餐廳已經變左心目中嘅台式料理No.1 !

同友人約埋放工搭叮叮去灣仔食台式面食外觀同內裡裝修光猛簡潔美觀 位置不偏易找二人各點主食跟野飲紅燒牛腱心牛肉麵 選了刀削麵 基本上此款面一條等於二條，挺飽肚。牛腱出色位係夠淋，很有在台風味女仔就點熱熱的黑糖薑母茶暖下胃台式滷肉拌飯，小食有個黑木耳很健康有半隻滷蛋，滷肉份量適中，味道濃厚、用來拌飯非常惹味配上皇牌珍珠奶茶🧋甜度適中特色煎蛋餃有九隻、第一次食呢種蛋餃挺特別的，味道不錯因為住喺觀塘嗰頭，知道原來有分店喺九龍灣，第時放工可去食下九龍灣宏照道6號鴻力工業中心B座

呢兩年去唔到台灣食我最愛嘅牛肉麵，一直想搵間台灣菜試吓，重溫下舊夢。經過灣仔幫襯左一間標榜牛肉麵好好食嘅舖頭，有一個招牌嘅紅燒牛腱心牛肉麵，老公叫咗個藥膳花雕雞絲湯麵，仲叫咗個甜不辣。紅燒牛腱心牛肉麵，上枱時熱辣辣，牛腱心有四件，都好抵食，肉質方面鬆軟得來有咬勁，亦都沾滿湯汁， 十分好吃。而花雕雞絲湯麵方面，花雕味很重，湯底不會太藥材味，如果鍾意清淡少少嘅朋友就不容錯過，而棉質方面係關廟麵，比較得意，其實就係幼麵咁解，麵質尚算不錯，是偏軟的質地。另外，甜不辣的魚餅比較薄身，一口一件，另外質料調味亦剛剛好，令人不知不覺吃完了。總括而言，大家經開灣仔可以試吓。

今日準時收工然後去左健身，最後食埋「牛壹台食」真係非常圓滿😍餐廳既裝潢以木系為主，牆身係充滿台灣特色既壁畫，以上裝潢完全係典型台式餐廳格局🤣- 川味香辣牛健心牛肉麵食台灣野當然要試吓餐廳嘅牛肉麵！湯底充滿層次，牛肉香味突出之外仲有四川既麻辣味，而且麻辣香味喺口腔不斷徘徊😋。牛健同牛肉一樣肉質軟稔，至於麵條就比較幼身。- 黑蒜紅燒金沙骨飯一份有六、七舊金沙骨，金沙骨肥瘦適中，肉質炆得好鬆軟，黑蒜令金沙骨加添一份甜味，佐飯一流。- 特式煎蛋餃餃皮煎到金黃色，薄身兼蛋味香濃。另外加咗蔥花作點綴。配上甜醬汁幾惹味。蜂蜜紅茶同手作冬瓜茶係套餐附送嘅飲品，另外仲有炭培烏龍茶、紅棗茶、柚子茶等等。原來牛壹台食將會喺九龍灣開分店，九龍灣嘅上班族（包括我）有福啦🥰

正港台灣牛肉麵專門店-牛壹台食朋友話好耐冇去過旅行,想食台灣野. 於是我地就試下呢間位於灣仔既正宗台式牛肉麵專門店-牛壹台食招牌紅燒牛腱心牛肉麵 - 牛壹台食既招牌菜式. 湯底係濃郁既紅燒牛肉湯底,配上厚切牛腱肉,肉質軟嫰炆得很入味! 再加上青江菜味道上幾平均唔會太油膩.👌台式滷肉拌飯 - 講起台灣菜當然唔少得傳統正港既滷肉飯啦! 牛壹台食既滷肉拌飯保持傳統味道,除咗有滷肉外,仲有鹵水蛋,酸菜同咸菜. 令人懷念地道既台灣美食!至於小食當然唔少得係台灣夜市食既美味 - 金梅地瓜條! 香甜酥脆既炸地瓜條配上少許酸甜既話梅粉,簡直係醍醐灌頂! 其實我覺得話梅粉先係地瓜條既精華所在😝台式小食當然唔少得台式飲品啦! 我地試咗傳統飲品 - 冬瓜鮮奶茶同鮮橙綠茶. 其實係香港都有唔少台式飲品店,沖既味道都幾正宗. 我覺得更難得既係牛壹台食主要係做台式菜,但沖既台式茶飲都頗為正宗!算令人喜出望外~原來仲有間新分店將會喺九龍灣開幕，遲啲都真係要去下！❤️

Lunch時間過嚟真係超多人等位所以叫咗外賣 佢外賣出餐速度都好快 5分鐘左右就有試咗佢個全日套餐 套餐包前菜主食同埋嘢飲前菜係涼拌雲耳 嘢飲可以加錢要珍珠奶茶或者其他台式飲品我就揀咗唔使加錢嘅洛神花茶 唔使加錢但佢加左蜜糖幾好飲主食-黑蒜金沙骨湯麵可以自己揀粗麵刀削麵 或者幼麵關廟麵湯底清清地 仲配咗少少雪菜金沙骨肉質炆到好腍 基本上輕輕一夾都可以骨肉分離佢個黑蒜紅燒汁做得好惹味 好驚喜 好岩我食而且舖頭金沙骨份量絕不手軟我食食吓 有覺得肉多過麵嘅感覺

勾起台灣回憶 夜市甘梅地瓜條🍠放工去行太原街，諗住買啲聖誕裝飾同玩具做聖誕禮物。買完行都七點幾，唔想返屋企煮飯。就睇OpenRice睇吓附近有啲咩好食，搵到呢間高CP台灣野。甘梅地瓜條（$28）地瓜條超好食😋，真係外脆內軟，甘梅粉更加帶出地瓜嘅甜味，超有夜市風味令我好掛住台灣既夜市😭特濃鮮茄牛健心牛肉麵（$78）第一次食牛健心三聞到好香龍，除咗大塊廢嘅蕃茄之外，湯底都有蕃茄味濃淡適中黑蒜紅燒金沙骨飯（$68）超級野味，黑蒜味中帶少少微辣，而金沙骨都好難唔會好銀骨肉分離，超入味我金沙骨仲有我最鍾意食嘅軟骨，溫到林晒咬黎食，佢個汁撈飯勁開胃配菜木耳微微酸辣😋好爽口黑糖薑母茶（跟餐+$8）個黑糖薑母茶好暖身，薑味十足鳳梨紅茶另外，叫咗個鳳梨紅茶，酸酸甜甜好開胃，唔係話得個甜字嗰啲，除咗鳳梨味仲飲到有紅茶味添推薦度（10👍🏻滿）：8.5👍🏻滴汗度（10😅滿）：不適用衞生（10⭐️滿）：9⭐️環境（10⭐️滿）：8⭐️賣相（10⭐️滿）：8⭐️味道（10⭐️滿）：9⭐️價錢（10⭐️滿）：9⭐️服務（10⭐️滿）：8⭐️地點（10⭐️滿）：8⭐️

雖然牛壹台食這間餐廳在九龍灣宏照道6號鴻力工業中心B座地下B4A舖有新分店，不過既然來到灣仔，就入去食台灣牛肉麵。😗下午六點前都仲有午市套餐，於是我就點了招牌紅燒牛展牛肉麵，跟餐可以加少少錢配一個鹽酥雞，另外叫了一杯蘋果桂花茶。食物好快送到，用一個精緻嘅木盤盛載所有嘅食物。牛肉麵有大約五大嚿牛展，大嚿之餘肉質柔軟，同時保留了牛肉的質感，非常抵食。另外佢哋牛肉麵嘅湯底都好夠味，夠濃之餘亦都唔油膩。配合埋佢哋嘅關廟面，麵嘅質感適中，一條條非常分明，與湯底非常合襯。鹽酥雞雖然只是一個小食，但係份量都幾多，絕對滿足到我暫時冇得去台灣夜市嘅思念🥰。表面嘅台式炸粉唔多，而且雞肉肉質結實，而且從顏色上，可以看出是利用新鮮嘅油去料理。再加上表面少量嘅海苔粉，可以稱得上是正宗嘅鹽酥雞。最後配上一杯蘋果桂花茶，甜度和味道都是餐廳自己調配，但係亦有少量蘋果果粒，留到最後先飲完就完美喇。

餐廳：牛壹台食地區：灣仔地址：灣仔軒尼詩道61號四寶大廈地下日期：8/12/2021時間：18:30人數：2人 等位： 0 mins價錢： ＄194之前搭巴士返屋企嘅時候經過灣仔已經有好幾次被呢間台灣餐廳嘅裝修吸引住😯圓圓嘅大門，附近嘅裝修頗為少見，覺得非常特別☺️麻辣鴨血配冬粉（$68）配洛神花蜜（熱$0），黑蒜紅燒金沙骨湯麵（$68）配香芋珍珠鮮奶（凍$8），額外加咗個小食：香辣口水單骨雞翼（$32），連加一總共$194。⭐️黑蒜紅燒金沙骨湯麵⭐️金沙骨燉至軟爛，燉到骨肉分離，香甜鬆軟，入口即化🤤，加上蒜香紅燒醬香十足，滷得非常入味😍，真係好食到停唔到口，而麵湯係屬於清淡不油膩嘅高湯，麵條有彈性、香Q，絕對值得推薦🤩👍👍👍👍⭐️麻辣鴨血配冬粉⭐️鴨血方面有大塊又滑嘟嘟😋至少有5大舊，又多又肥厚，口感煙韌Q彈😝，再用上高湯、加入多種香料配上冰豆腐及冬粉吸收哂辣湯精華更加可口😚，不過就有少少辣🥵我食開譚仔三小辣係接受到嘅🙊，食完超級滿足😚香芋珍珠鮮奶含順滑的芋頭香、奶香，絕對讓你齒夾留香😁洛神花蜜味道酸甜可口，非常好飲😋

之前在灣仔附近經過時，經常看到這間店中午時間排長龍，有點好奇😯，今晚約了朋友一探索它的魅力！位置：在灣仔地鐵站B2出口，左轉往前走，再過馬路到對面就看到了，而且非常近回屯門的巴士站，真是非常方便。環境：門面很特別，是一個圓形的玻璃門，進入室內，雖然空間不算大，座位分布不會過密，全部都是用木桌椅，牆上貼上了紅色燈籠牆紙，營造台灣店的氣氛，其實店內充滿牛肉麵香味！服務：上菜很快，有加一服務費。晚市：有午市或下午茶套餐，晚市都是用午市套餐，抵食呀！🥘🍗黑蒜醬燒金沙骨飯$68金沙骨和飯分開上，能避免飯吸收醬汁，變得油膩膩，白飯一大碗，配有酸菜、唐生菜、薑蔥和半隻滷蛋，金沙骨份量頗多，看起來紅通通，但一點也不辣，反而是有甜味，沒有蒜味，帶骨的肉質是特別好吃，燉得夠軟身！🍜招牌紅燒牛腱心牛肉麵$78首先是份量多，只是牛肉就有五六塊大的，配有唐生菜、酸菜和蔥花，牛肉燉得很軟身，味道足，湯水是呈深啡色的牛湯，濃郁牛香，唯一敗筆是關廟麵（即是幼麵），很容易斷，不太方便夾起，應該轉其他麵底。🥟紅油抄手$28想不到抄手都講求擺盤😂，而這樣的確避免了醬汁分佈不平均的情況，不會吃到滿口辣油，而且是一口大小，方便

晚餐.- 特濃鮮茄牛腱心牛肉麵 + 台灣香腸 + 洛神花蜜一坐低 阿姐擺低個午餐/下午茶嘅餐牌原來夜晚都係同一個餐牌😂麵嘅湯底好味 有好濃嘅蕃茄味 酸酸甜甜咁 好開胃仲有啲煮到好腍 唔大陣味嘅洋蔥牛肉好腍好入味麵就似係刀削麵咁嘅 粗身 但比較薄軟硬適中不過麵量唔算好多 相比之下 牛肉份量比較豐富香腸煎到外皮香脆 外面甜甜地咁 味道都唔錯杯洛神花蜜都沖得啱啱好 唔會太酸或太甜.整體味道都唔錯個阿姐都幾熱心招呼客人仲提對面個小妹妹要戴好口罩先走😆.新分店九龍灣宏照道6號鴻力工業中心B座地下B4A號鋪

有日喺對面街食嘢，見到呢間好多人排，睇埋呢度，咁多好評，一於約朋友試吓。我叫咗麻辣鴨血轉刀削麵。先講鴨血，一夾就散，食落口，同食過嘅咁多鴨血有好大分別。刀削麵份量好少，少到我食咗兩啖就無。而且煮到好爛，無乜口感。豆腐唔錯，好入味。朋友叫嘅紅燒牛肉刀削麵，一致都係話個麵唔得。嘢飲係跟埋個餐一齊叫，但上餐時又調到亂曬。嚟咗一杯另一杯又好耐唔見。午市好似限時45分鐘，夠鐘店員會催唔使驚會食過龍。不過好彩我哋食物算上到快，唔似隔離枱，早過我哋落單就我哋食完佢哋先上齊。

中午放飯去灣仔揾食，黎左呢間位於灣仔軒尼詩道既牛壹台食。我已經唔係第一次黎啦。顧名思義，牛壹台食係做台灣菜，主打牛肉麵，亦有滷肉飯，其他台式小食，台式飲品同甜品。餐牌都頗簡單。午市套餐餐牌包涼拌小菜，主食10揀一，有湯麵，麵線，拌麵，飯，冬粉，同飲品7揀一，可以加錢追加小食，小食有9款揀。套餐價錢由$58至$78不等。每人叫左一個餐，再加各一款小食分享。滷牛肉麵線 $62 另加一滷牛肉麵線超熱上枱，真係辣親條脷。麵線超稔，個湯好似碗仔翅質地，味道唔錯。滷牛肉粒細細粒，連好多肥膏，所以超稔，味道都入味。上面灑上香茜同蔥花。台式滷肉拌飯 $58 另加一滷肉肥肥哋，味道唔錯，送飯一流。伴碟仲有半隻滷蛋，一條小棠菜，少少鹹酸菜同蘿蔔漬物。涼拌小菜 （跟餐）跟餐涼拌小菜係蒜蓉雲耳仔，都唔錯。海苔鹽酥雞 加$34 另加一海苔鹽酥雞滿滿一個飯碗。鹽酥雞炸得外皮酥脆而入面嫩滑，味道又唔會太鹹，仲帶微微海苔味。雖然全部係細雞粒，份量黎講幾抵食。特色煎蛋餃 加$28 另加一特色煎蛋餃一客8隻，上面灑上蔥花同少少甜豉油。餃皮煎得有少少脆，好香蛋味，饀係菜同肉。手作冬瓜茶(冷)（跟餐）手作冬瓜茶味道清甜。柚子