牛摩 (都會駅)

營業中

休息中

ShabuShabu店香港有好多間，不過有水準嘅真係唔多。連鎖店黎講，牛摩係我係喺香港食最多次亦係水準最高嘅ShabuShabu店，重點係每一次光顧都無令我失望。最近發現調景嶺開左一間分店，於是今日就又去左幫襯。今次食既係美國安格斯牛頸脊海鮮放題，屬於中間級數。如圖所見，牛肉屬於薄切，安格斯牛頸脊鮮嫩有彈性，牛板腱則帶香濃牛味，各有千秋。唔怕生嘅朋友亦不妨將牛肉淥至半熟直接進食，口感味道更佳。除牛肉要用電話落單之外，其他大部份飲品、配料、沙冰，甜品、醬油都可以喺自助區自取享用。飲品方面，除左，有幾款比較罕有既韓國飲品如雪梨汁、青蘋果汁等等，如果罐裝飲品唔岩你，亦可以係自助區自己斟唔同既果汁飲。配料方面，雖然種類唔算特別多，但可以攞到既配料既質素算唔錯，特別推介麻辣包心丸。可惜既係當日既自助甜品係綠茶雪糕，由於綠茶唔合我口味所以無試到評論唔到，但總括而言係牛摩食到既都屬於非常好，性價比亦超高

今日去調景嶺探朋友，然後順便覓食，在都會駅2樓見到「牛摩」…之前已經網上見過話性價比高，價錢合理，肉質不錯等…於是跟朋友商量後就決定今日lunch 就是它吧😝🤣 湯底有8款選擇，博多美人骨膠原啫喱雞白湯賣相好得意，煮滾後，啫喱馬上溶入湯內，味道濃稠，不錯！ 日本和牛肉質軟嫩、口感多汁但且美國牛小排也不錯，脂肪比例好均勻，肉質軟腍，牛味濃👍黑毛豬都好高質，口感嫩，但不會肥膩！ 海鮮如生蠔、青口、海蝦、扇貝等等，都好夠新鮮！ 其他配菜如丸類菜等也不錯！尤其牛丸，夠多汁！

朋友狂推介將軍澳一間日本自助火鍋食店，於是去了將軍澳調景嶺景嶺路8號都會駅2樓L2-K01A及L2-039號舖～牛摩，港鐵調景嶺站A1出口，步行約4至5分鐘。店內環境寬敞，裝修新朿，牆上卡通壁畫生動可愛，每枱都設有兩個電磁爐，一人一鍋，非常方便衛生。菜譜多以套餐定食為主，亦可追加單點，套餐價格任人客選擇，種類和款式很多。服務員禮貌招待，上菜非常快捷。極盛和牛雜錦套餐$488（二人套餐）先來湯底兩鍋，點了博多豚骨濃湯底和蟲草花雞白湯底。一盤海鮮拼盤內有海蝦兩隻、帆立貝貝兩隻、青口兩隻、帶子兩隻、魷魚桶兩隻，各種海產都非常鮮甜彈牙。一盤和牛共3款，日本和牛、SRF美國和牛、美國牛小排，各款肉質都很淋滑，牛味牛脂極濃，入口鬆化，且份量十足，好食到不能停口。一盤薄切黑毛豬肉，一淥即能入口，肉質非常爽口彈牙，沾上香濃醬汁，更覺惹味可口。還設有多款瓜菜類、丸類、芋絲麵食類、菇菌類、豆腐類等，豐富和新鮮至極，應有盡有，讓客人吃過痛快。小食和甜品也相當齊全，軟雪糕、窩夫、脆脆爆谷等多款精緻甜品和餐前小食有中華沙律、日式螺肉、粟米粒和車厘茄等。飲品繁多，多款罐裝和樽裝飲品、多款果汁機飲品，任君選擇，食過

下午茶時間去食火鍋放題就是我跟朋友的減肥策略🤭最鍾意喺呢個時段，避咗個午餐時間，唔會多人，坐得好舒服。我哋兩個都揀咗安格斯牛頸脊海鮮任食放題～跟個博多美人骨膠原啫喱雞白湯湯底。個骨膠原啫喱好可愛。牛肉，豬肉都可以。我個人最鍾意係羊肉片。我勁鍾意個羊肉片夠臊味，佢哋有個特色辣醬，味道有啲似微辣嘅麻辣醬，用嚟配羊肉片勁有蒙古大汗feel😆個自助醬料吧有成十幾種配料及醬汁，有幾款醬汁配料都冇機會試，暫時推介嘅係特色辣醬。蔬菜瓜果菇類同面類都係自助任食！生菜同油麥菜非常之新鮮好味。麵類都有幾種，甚至有蕎麥麵！老實講最吸引我係佢哋嘅牛奶低脂乳酪，真係好好食! 好香嘅牛奶味，但亦有乳酪嘅健康味道。下次要留肚食多幾杯先得。出奇地佢哋竟然有爆谷！甜度啱啱好仲好脆。另外佢哋有Dry Ginger Ale同埋Ginger Beer! 佢哋竟然有咁特別嘅飲品選擇🤩順帶一提，佢哋男女店員都非常之有禮貌。咁啱呢一個下午茶時段見到有啲家長帶小朋友來做工作體驗，幫手送食材上枱。小朋友有自己嘅廚師帽同牛摩小圍裙，呢個親子活動又真係幾有諗頭幾特別喎🤭

呢間新開冇耐，會員折扣日去食，全場爆滿侍應服務態度非常好，火鍋店特色係設一人一鍋，咁就唔怕跟同行者口味唔夾啦😍揀咗極品美國牛小排盛放題，湯底叫咗博多美人骨膠原啫喱雞白湯，超萌牛摩造型可愛又美味另一個揀咗蟲草花雞白湯，味道鮮甜呢度🈶任食自助區👉🏻多款前菜、壽司、甜品、雪糕及飲品，超多選擇😻見到有爆谷🍿️真係忍唔住要試吓，口感又脆又香甜仲有呍呢嗱味同埋朱古力味小泡芙，乳酪雪糕更加係要留肚食😋飲品除咗有一般嘅汽水及茶飲之外，仲有沙冰同果汁，無論係大人或小朋友都好啱飲用QR code落完單後就好快送到，牛肉方面，我就最鍾意極上美國牛小排、極品美國牛小排➕SRF美國和牛，食落非常嫩滑，唔係一般只有平價肉嘅火鍋店其他火鍋配料例如蟹籽墨魚滑、加拿大翡翠螺、蘑菇芝心堡丸等，都非常美味蔬菜亦好新鮮，熟食嘅日本一口芝士都很不錯👍🏻

今日去左調景嶺站任食火鍋，晚市火鍋放題，一人一鍋，食足90分鐘。餐牌一共有6款套餐選擇，我哋揀左美國IBP牛板腱，脂肪比例平均，鮮嫩軟腍；湯底分別叫左博多美人骨膠原啫喱雞白湯，個啫喱公仔造型超可愛，雞白湯味道濃郁；另一款港式特濃沙嗲湯，又香又惹味。套餐除左牛，仲有豚肉、雞肉、羊卷肉，海鮮就有青口、魷魚仔、帆立貝，全部都可以用QR code落單，任點任食，確保新鮮味美。自助區食物都好豐富，凍櫃有各款新鮮蔬菜、菇類、丸類、粉麵；熟食有壽司、冷盤、爆谷；甜品就有泡芙、啫喱、蛋糕、乳酪雪糕；飲品有即磨咖啡、沙冰、各式罐裝枝裝，應有盡有。總結，環境舒適，上菜快，食物種類多，質素高，店員服務殷勤，值得推薦。

調景嶺新開左一間好可愛，小朋友一定鍾意嘅火鍋店。四周圍嘅裝飾都用動漫風格，湯底仲有好可愛又好味嘅牛摩造型「博多美人骨膠原啫喱雞白湯」湯底 😋火鍋放題一人一鍋，同朋友一齊去，仲可以試唔同味添！我揀咗嘅係美國極品牛小排級別，食5碟就已經回本！不過除咗可以食牛小扒，佢個黃牛同埋個羊肉卷，我覺得都好高質！起哂雪花❄️ 丸類除咗有正常嘅魚蛋貢丸，仲有好多其他特別而好食嘅選擇，有麻香貢丸，皮蛋紅薑貢丸，芝士牛肉貢丸，蘑菇芝心堡等。除咗火鍋之外，出面仲有任食自助區：多款甜品，雪糕，前菜等，每樣食少少，一定可以回本！消費券未諗到點用，都可以嚟呢度打邊爐！佢哋有俾$1000食足$3000推廣，多人食就好抵😍꧁☬小編食左咩☬꧂✅ 牛小排放題(◔◡◔) ♥️ 人均傷害💰：~ $350♥️

今日收工去返以前做野既地方，調景嶺，在商場裡見到新開既火鍋放題店。日本火鍋放題專門店牛摩我選擇了有牛肩胛，豚肉，雞肉$199任食90分鐘湯底選擇了骨膠原雞白湯，加$10十分可愛牛摩造型有兩個雪櫃，擺放了各種新鮮蔬菜粟米🌽，苦瓜，金菇，生菜🥬，芋頭仲有羽衣甘藍各款丸類芝士腸，香菇貢丸，芝士丸粉麵薯粉，芋絲，拉麵，烏冬配料豆腐，台灣蛋餃，血米糕飲品有各種汽水🥤，檸檬茶，沙冰，汽水機，咖啡機☕️同茶包🍵好驚喜有珍珠奶茶同埋冰蕃薯問職員後原來現在是台灣祭所以會提供台灣特色飲品美國牛肩胛🦬牛味重，肉質結實但口感好嫰滑豚肉🐖唔肥好大一片羊肉🐏澳洲羊肉肉質嫩滑羶味少乳酪雪糕可以自行配搭花生，朱古力，棉花糖爆谷焦糖味，好食

熱辣辣真係唔想煮飯 落左樓下行個圈 竟然想打邊爐 有冷氣 why not ?!?!!因為想食牛同海鮮叫左極品美國牛小排set 湯底就叫左博多美人骨膠原啫喱雞白湯 同麻辣鴨血湯 最近台灣祭 好多台灣野食揀 例如麻辣湯底 鹽酥雞 台灣魯肉飯 坐低就去出面拎野食先 有好多選擇 壽司 即整爆谷、響鈴 雪糕乳酪 甜品 同 飲品 另外仲有打邊爐既配料可以自取 蔬菜 、菇、丸、 麵類等 番到黎個湯底同部份肉都到左雞湯好 cute 有牛摩個樣 肉類方面 牛小排必食 油脂分佈幾平均 好香牛味 豚肉 肥瘦適中 食落好嫩雞肉 俾左雞髀肉 食落啖啖肉都幾滑 個餐有海鮮叫當然要試 全部都好質 蠔同蝦特別甜帶子 螺肉 魚下巴 都好大份 佢呢到既丸我覺得都好特別 蘑菇漢堡 瀨尿牛丸 皮蛋香菇 熱食都到左 全部都熱辣辣 又香脆 最欣賞個鹽酥雞 同雞軟骨 雖然打邊爐食飯好奇怪 但強烈建議要食牛摩飯加溫泉蛋 同魯肉飯唔同 出面食唔到 我食晒成碗最後飽到甜品 淨係食左個雪糕乳酪同泡芙就收手了

📍牛摩 (將軍澳)👦🏻又發掘咗一間高質素任食火鍋。一人一鍋，大家都可以食到想食嘅湯底🥰。✨90分鐘極品美國牛小排盛放題$339🔸壽喜燒（附鮮雞蛋一隻）🔸沙爹湯✨極上美國牛小排一份有10片，而且唔會切得太薄。肉質軟嫩唔油膩。同埋真係嗌咗幾round都係咁高質。✨美國極上黑豚肉脂肪唔多，淥完唔會搞到個湯油晒。又嫩又冇豬羶味。✨牛舌肉味幾重，不過👩🏻更鐘意嫩嫩嘅牛小排。✨半殼扇貝、帆立貝半殼扇貝嘅肉會更大隻更甜。✨海蝦細細隻不過肉質算彈牙。✨炸雞軟骨粒新鮮炸完熱辣辣、脆卜卜。✨乳酪雪糕酸酸哋幾清新。有得自己加配料。✨台灣祭 冰蕃薯又甜又軟熟，做甜品一流。🧋台灣祭-珍珠奶茶珍珠唔算煙韌，不過幾啱過口癮。❌蟹籽墨魚滑似有少量墨魚粒嘅魚蛋，同埋都幾鹹下🤨。❌台灣祭-麻辣鴨血鴨血幾滑不過幾乎冇麻辣味。📍牛摩 (將軍澳)將軍澳調景嶺景嶺路8號都會駅2樓L2-K01A及L2-039號舖

調景嶺美食沙漠之中開左間新餐廳，成個月都仲係人頭湧湧，俾左好大信心我去試，估唔到真係好食，值得再去。極品美國牛小排真係值回票價，薄切但係食到肉味好鮮，柔軟幼嫩。 肥膏唔多，平時食肥牛我會咬返好多肥肉出嚟，但呢個牛小排我可以好放心咁一啖食晒。 叫咗好幾round，質素都keep到同第一轉差唔多，食得好過癮。SPF美國和牛我覺得都係好唔錯嘅選擇，平時揀次一個等級，會有種為咗慳錢而忍辱負重嘅感覺，但真心覺得美國和牛lv都唔輸蝕，比起牛涮鍋嘅中價牛好食好多，性價比好高。美國IBP牛板腱瘦啲牛味濃啲，大大塊個滿足感都幾大，但如果打邊爐係為咗狂食肥牛嘅話，揀返美國和牛起跳會好啲。美國極上黑豚肉好柔軟，淥得耐都仲係好腍，有肉味。雞肉平時打邊爐都少食，純粹因為第一轉佢送埋嚟所以試吓。 估唔到有啲驚喜，放咗好耐唔理佢都有彈性有肉汁，重點係真係食到雞味。蟹籽墨魚滑幾彈牙，有encore到。 扇貝都幾新鮮，洗得乾淨，比起一般急凍帶子鮮甜。黃金花枝棗甜甜地、煙煙韌韌幾惹味，食到台灣嘅味道。 海蝦同翡翠螺不過不失，勝在選擇幾多咁，中常水準，但主力都係食肉開心啲。七味炸雞翼係新鮮炸出黎，外脆內嫩，有肉汁，睇黎炸野

今晚調景嶺吃晚飯，這家餐廳生意很好。我們點了極品美國牛小排放題。點了港式番茄薯仔湯和長野蘋果湯。番茄薯仔湯香濃Q彈，蘋果湯清新甘甜，兩種口味各有特色，看個人口味選擇。店內提供許多高品質的肉品,如美國極上黑豚肉、SRF美國和牛、美國牛板腱等，個人最愛的是極品美國牛小排，嫩滑的口感和鮮美的肉味，簡直無法抗拒!另外牛骨濃汁牛丸和鴨血也是我的最愛。除了肉品之外,店內也提供多樣新鮮蔬菜和海鮮，像是羽衣甘藍、金針菇、南瓜、脆皮腸和螺肉等，搭配醬料一起火鍋吃，清爽解油又滿足。最後甜點時間，選擇了熱情的沙冰和Q彈的乳酪，完美結束這次美食放題的體驗。

上星期放工去咗調景嶺搵朋友食飯，見到呢間牛摩做緊新開張優惠就試下。٩(˃̶͈̀௰˂̶͈́)و🍲牛摩晚市90分鐘放題鍾意呢到可以一人一鍋，有六款普通湯底，另外仲有三款精選湯底，我就揀咗 +$10升級博多美人骨膠原雞白湯，佢用牛摩logo 整成雞白湯凍，好得意🥰🥩肉類肉類方面都好多選擇，例如有日本佐賀黑毛和牛、美國牛小排、SRF美國和牛、牛舌、極上黑豚肉等等。推介黑毛和牛同美國牛小排，油花好靚，肉質嫩滑。(⁎⁍̴̛ᴗ⁍̴̛⁎)🦐海鮮海鮮就試咗海蝦同扇貝，兩樣都新鮮，蝦肉爽口彈牙。另外仲有廣島蠔、青口同帆立貝。😆🥬自助區出面嘅自助區都有好多丸類同蔬菜。蔬菜有羽衣甘藍、油麥菜、生菜等。丸類有芝士牛肉丸、黃金花枝棗等出面少見嘅丸類。🥤飲品飲品有好多款，有罐裝茶、汽水、咖啡、果汁等等，我就整咗藍莓沙冰。甜品仲有爆谷同乳酪雪糕，大滿足。🥰

好耐冇食打邊爐放題啦， 今日去咗喺調景嶺分店嘅牛摩， 試咗佢極品美國牛小排套餐($349+1)自助區嘅選擇非常之多， 當中有好多係其他地方見唔到嘅嘢， 例如爆谷，壽司，同埋水果冰沙。湯底係一人鍋， 試咗白湯同埋蕃茄湯極品美國牛小排非常之有肉味， 雖然冇和牛咁多油香， 但係同事亦都唔會太肥膩。估唔到佢放題嘅食物 有唔同嘅儀式小食仲有得飲珍珠奶茶。最推介嘅食法係嗌半熟溫泉蛋， 然後加少少醬油， 淥完牛肉當壽喜燒蛋汁咁樣食， 真係好好味。以佢嘅食物質素同埋價錢，性價比好高非常推介

疫情問題依家出去打邊爐，通常都會首選一人一鍋，呢間新開嘅將軍澳牛摩就可以滿足到我。餐牌裝潢企理雅致，座位寬落，難怪新開張咁多人排隊捧場。可以按價錢、肉類質素選擇套餐，今次試左澳洲黑安格斯套餐，肉質唔錯，好香牛味道，顏色都紅卜卜，有雪花。骨膠原啫喱雞白湯底有成個牛摩公仔，當然相機食先！壽喜燒湯底都唔錯，唔會太甜。自助區選擇豐富，仲有壽司同好少見到既爆谷！溫馨提示壽司好快會俾人攞晒，如果想食就記得要早啲拎～飲品方面，除咗有普通嘅茶同汽水，特別啲仲有沙冰，唔會太甜，一路打邊爐一路飲沙冰，感覺非常好！牛摩的海鮮亦都有水準，岩晒中意食海鮮既朋友！