牛摩 (都會駅)

營業中

休息中

今日同朋友嚟到調景嶺嘅牛摩食晚餐，餐廳主打牛肉火鍋放題，根據牛肉嘅質素同食物種類分左幾個Lv，同朋友叫左IBP牛板腱放題，$239就可以食到美國IBP牛板腱、特選美國牛肩胛、牛舌，仲有海鮮帆立貝、魷魚仔同青口。火鍋湯底方面係一人一鍋，叫左博多美人骨膠原啫喱雞白湯同沙嗲湯。博多美人骨膠原啫喱雞白湯，賣相好可愛，湯底有滿滿嘅骨膠原，飲落雞湯味濃，清得黎又唔會太淡，好適合用嚟洽蔬菜，可以調味又唔會太油膩！而沙嗲湯底味道濃郁，食材都好容易入味，適合重口味人士！哩度牛肉質素相當唔錯，新鮮而且牛味十足！最好食係美國IBP牛板腱，牛板腱是附在肩胛部位的肉，因為這個部位經常運動，所以脂肪較少，有咬口，牛肉味濃郁。特選美國牛肩胛、牛舌都好好食，同朋友都重叫左好幾盤！牛肉配沙嗲湯底一流！可惜無公仔麵，用左拉麵去代替，自製沙嗲牛麵😋😋😋！除咗火鍋配料可以自己拎之外，仲有甜品、飲品、配料bar、壽司等等，種類繁多！最後自己整咗杯北海道牛乳雪糕，為哩一餐畫上完美嘅句號！整體而言二百幾蚊可以食到咁多樣嘢，牛肉質素亦好好，自己去單買牛肉嘅成本都唔平，呢度幫你整好晒又有湯底，又有好多其他嘢食，性價比好高！推薦！

前排同一位同事推薦呢間位於調景嶺嘅牛肉火鍋放題，話呢度性價比好高喎，一於黎試下啦！餐廳位於大型商場入面，搭地鐵去非常方便。餐廳裝修整潔，店員工作勤快。呢度有個好企理嘅自助火鍋料區域，可以自己夾丸類、菜類、菇類、豆腐、麵等，食材頗新鮮。醬料區都係全自助嘅！湯底選擇好多，除左好多火鍋餐廳都有嘅清湯、麻辣等湯底之外，呢度亦有比較特色嘅選擇，例如我地當晚選擇嘅「博多美人骨膠原啫喱雞白湯」同埋「關東風壽喜燒」。我地當晚食嘅係$199嘅「美國特選牛肩胛」套餐，牛肩胛脂肪分布均勻，牛味十足，而且切得啱啱好，唔會太厚或者太薄，所以口感好好。除左牛肩胛之外，亦可以無限encore羊卷肉、雞腿肉、豚肉等。我特別鍾意羊卷肉，因為好新鮮好juicy！飲品方面，鍾意飲啤酒嘅可以加錢order，我地當晚就無飲啤酒，因為樽裝綠茶、可樂等已經夠曬。甜品方面，呢度嘅雪糕係好高質嘅，好彩有留肚食。

過左中秋，近排夜晚都漸漸轉涼喇～最適合當然係打邊爐啦！今次黎到都會駅嘅牛摩食火鍋放題，呢度唔單只位置好方便，一出地鐵站就係，價錢仲相當抵！我地揀嘅餐係美國牛肩胛，都只係$199一個人！真係抵到不得了🤤🤤🤤而且呢度係一人一窩，多啲人黎食可以叫多幾隻味😋今次我地就叫左壽喜燒窩，仲配一隻無菌蛋，食起牛肉黎特別滑😋😋而另一窩就叫左個招牌博多美人骨膠原啫喱雞白湯，係成個啫喱狀咁上，好cute😍飲落係唔會油但又好夠味嘅雞湯，配番雞肉食更加正😋😋唔好以為價錢平就唔好食，其實質素一d都唔差，牛肉嘅油脂分布好靚，雞肉亦係雞髀肉，滑得黎啖啖肉😍加上任食唔同期間限定主題小食（今次係韓式🇰🇷）、飲品、同埋雪糕，質素仲要唔錯，真係性價比極高👍🏻👍🏻

又一個送物資返將軍澳的晚上，今次去左調景嶺打邊爐。由於湯底選擇上佢有港式同日式選擇，定位佢做大眾邊爐啦。餐廳應該新開，自助區啲野係好新淨同企理。醬料選擇好多，除左一般蒜頭辣椒，都有麻醬/柚子醋。成個自助區最令我surprise嘅係竟然有壽司，味道都正常。唔知大家有無留意到唔少任食火鍋都係每台只提供一個碟畀客人出去拎配料同菜。個人唔鐘意呢個安排，畢竟啲菜體積大，一個碟仔裝完返去一煮得幾啖，跟住又要行一轉。好欣賞呢到無配給碟，可以實現到生菜自由！湯底方面，因為一人一鍋，可以將肉放曬落另一半個蕃茄鍋到煮，我就用清嘅鏗魚清湯煮菜，避免啲菜吸曬肉嘅油。我揀左牛小排個餐，除左肉，仲包左啲海鮮，可以用QR CODE落單。試左幾款牛肉，整體每樣都唔錯，特別出色係牛小排。但唯一建議可以切厚少少，薄切的話牛肉口感唔夠突出，有啲浪費左本身唔錯嘅牛肉。海鮮方面都幾好食，特別係廣島蠔，encore左幾次。而海蝦都係彈牙新鮮。另一個出色位係啲丸！平時好少食丸類，但見佢有好多款特別丸，例如麻辣沙包、皮蛋紅薑貢丸等等，所以都有試。口味上係有驚喜，口感都唔係cheap cheap成口粉嘅丸。由於當日係台灣主題，QR C

湯底有七八款，一定搵到一款啱晒心水，除了多款豬牛羊都好好味，更有10多款蔬菜可供選擇，包括夠矜貴的羽衣甘藍。熟食方面也有熟蝦壽司、韓國泡菜、韓式炸雞、枝豆、炸魚丸和魚餅等，相當出色。飲品款式非常多選擇，除了罐裝汽水、特色韓國飲料、綠茶和解茶，又有沙冰和軟雪糕。甜品有泡芙，不同款式的蛋糕和爆谷。簡直超出預期咁豐富。整體性價比很高的一次放題消費。就算叫最基本的放題餐都好夠食，今次一家三個都食得好飽，很滿足，唯獨放題時間只有90分鐘，未能慢慢嘆。

之前新開張嘅時候嚟試過牛小排餐驚為天人，一直想再嚟，今晚想打邊爐又唔算好餓，就揀咗美國牛肩胛餐。連鎖邊爐好多時唔同餐之間肉嘅質素差好遠，要揀到中間價位先叫入得口，但牛摩完全打破咗我嘅既定印象。 特選美國牛肩胛賣相已經好得，油脂分布平均，食落牛味濃，厚度都足夠，完全唔會輕飄飄咁。 今晚encore咗幾次牛，好欣賞質素好穩定，同第一round差唔多咁靚，定價百幾蚊真係抵到爛。放題仲有得揀豬、雞、黃金花枝棗同牛摩飯，以我專攻牛、加一兩碟豬嚟講都好夠食，豬梅肉幾靚，整體嚟講幾欣賞啲肉，似平時AEON買嗰啲咁有肉味。自助區仲有好多款菜、特別嘅丸同響鈴，飲品特別，出面單點都要十幾蚊一罐，完全滿足晒打邊爐嘅慾望，一定會再嚟。

我多次光顧牛摩，並且我非常喜歡他們提供的美食和服務。首先，讓我說說他們的湯底。我通常會點沙嗲湯和壽喜燒湯。沙嗲湯是一種香辣口味，有著濃郁的香料和辣椒風味，每一口都帶來了獨特的辣味享受。壽喜燒湯則是甜甜的湯底，有著豐富的味道和柔軟的口感。這兩種湯底都非常美味，能夠滿足不同口味的食客。接下來是他們的食材選擇。牛摩一人火鍋店提供了各種新鮮的肉類、海鮮和蔬菜選擇。他們的肉類切片均勻薄片，容易煮熟且保持了肉質的鮮嫩。海鮮選擇也很豐富，無論是鮮嫩的蝦子還是鮮甜的蚌肉，都能滿足我對海鮮的渴望。此外，他們的蔬菜新鮮多樣，提供了豐富的營養選擇。我特別喜歡他們的豆腐和餃子，口感嫩滑，給火鍋增添了豐富的層次感。令我印象深刻的是他們的服務。無論是迎接客人還是點菜服務，服務人員總是友善且專業。他們總是及時補充湯底和飲料，確保客人的用餐體驗無懈可擊。此外，他們樂於回答問題，提供建議，使整個用餐過程更加順暢和愉快。最後，價格方面，我認為牛摩一人火鍋店的價格是合理的。考慮到他們提供的食材選擇、湯底品質和服務水準，我認為這是一個物有所值的選擇。總結來說，牛摩一人火鍋店是我非常喜歡的餐廳之一。他們的湯底選擇豐富，食材新鮮

很久也沒有吃過火鍋了！今次由我住調景嶺的朋友帶我那裡地鐵站附近的牛摩吃火鍋。我們選擇了美國安格斯牛頸脊海鮮90分鐘放題套餐，有美國安格斯牛頸脊，特選牛肩胛，IBP牛板腱，黑豚肉，豚肉，雞肉，羊卷肉，青口，魷魚仔，帆立貝，鴨血，溫泉蛋，溫泉蛋牛摩飯，牛摩飯，任君選擇。飲料吧也有很豐富的飲品種類，不同款式的汽水，解膩的烏龍茶，不同口味的冰沙，鮮甜的果汁，應有盡有。旁邊的甜品更是令人目不暇給，有各式各類的蛋糕仔，泡芙，布丁，雪糕等等。旁邊有不少自取的火鍋材料，魚片，生菜，粉絲，蓮藕等等的多不勝數，令我驚喜的是，在這間韓式火鍋裏有壽司提供。我們點了不少肉，肉質是肉眼可見的鮮美，美國安格斯牛頸脊放進鍋裡八九秒便熟透，再放進口裡，非常爽口彈牙，羊卷肉並沒有那種羊騷味，蘸上自己配好的醬汁，羊卷肉的清脆口感加上醬汁的點綴，味蕾達到了極致的享受。帆立貝，青口和魷魚仔嚐起來很鮮，小食也是很不錯，包括炸餃子，炸雞塊口感十分脆口，還有那些味噌青瓜，甜薯口感也十分爽。 希望下次去到調景嶺能再去吃這間。

在調景嶺站搵嘢食，上網睇到見到有呢間餐廳都好似好唔錯，夜晚打邊爐，放題食牛肉先揀湯底，除咗普通嘅蟲草雞湯底之外，我哋仲升級order了另外一個博多美人骨膠原啫喱雞白湯底，呢個真係未試過，一人一個邊爐，自己take care自己😆我哋用手機落單，餐牌有提供Wi-Fi，除左火鍋料，仲有熟食，另外出面自助區就可以自己整醬料、拎甜品-雪糕、整嘢飲、仲有各種蔬菜、丸類，自助區醬汁調味好多選擇。今晚主食牛，食牛肩胛肉，呢盤好靚，肥瘦相間。仲有羊肉&豬肉，都是一片片的羊肉口感食落幾爽，雞肉都有提供，煮熟既雞肉出乎意料咁滑飲品櫃好多野飲選擇，汽水、茶、果汁嗰啲都唔少，仲有芒果&提子沙冰旁邊仲有甜品 - 雪糕、蛋糕、泡芙、啫喱杯、布甸杯、糯米糍……有一點係食完想講呢間餐廳好好，坐位坐得舒服，唔會好迫。同前晚食飯有關，呢個就係無比較就無傷害🤔

呢日返工忙到lunch都冇食 放工好肚餓就搵咗呢間餐廳食返餐豐富嘅晚餐🍴 嚟咗呢間連鎖火鍋放題店食個90分鐘嘅晚市IBP牛板腱放題🥰湯底友人揀咗豬骨濃湯 而我就試吓特別啲嘅博多美人骨膠原啫喱雞白湯🐥 一上鍋嘅時候就要打卡啦 因為啫喱係有一個樣咁㗎 真係好搞笑 🤣肉類牛肉方面有IBP牛板腱 美國特選牛肩肉 牛舌 牛板腱同牛肩肉嘅肉質較瘦 所以幾重肉味🐮 牛舌薄身彈牙 另外仲有豚肉 雞肉 羊卷肉 魷魚仔 帆立貝 特別鍾意魷魚仔 魷魚有咬口 又唔會腥🦑小食而家餐廳做緊韓國祭 所以會有一啲韓國嘅特色小食😝 例如韓式脆脆無骨炸雞 紫菜粉絲卷 韓國傳統牛肉餅 炸雞醬可以喺出面嘅醬料區度攞 鍾意咩口味都可以 另外我仲叫咗炸日式餃子同炸雞塊 都幾香脆㗎👍🏻自助區出面仲可以攞各式各樣嘅前菜 壽司 蔬菜 飲品同甜品 比較特別嘅係有爆谷🍿 等緊個爐滾嘅時候食就啱晒啦 呢個火鍋放題都幾抵食 有好多食物嘅種類 加上係一人一鍋嘅關係 可以食到自己鍾意嘅湯底 真係食到好滿足😙

約朋友食飯，唔知食乜嘢，諗過打邊爐、食壽司、韓式野，咁啱搵到呢間，好似滿足晒咁多個願望打邊爐唔想就住就住，咁就食呢間放題啦，而且一人一鍋，唔需要同朋友夾定要咩湯底啲肉嚟到，質素都唔錯，落單上菜亦好快。蔬菜同嘢飲選擇好多，特別鍾意食油麥菜除咗出去拎嘢食之外，仲有一個app可以嗌啲小食食，例如炸雞薯條等等，好難唔飽㗎店員收碟速度亦都好快，亦好有禮貌。食物選擇多，價錢好合理，整體體驗唔錯，幾推介👍🏻👍🏻👍🏻

一向都好鐘意食牛摩呢間火鍋店🍲最近見佢喺調景嶺開咗新分店 一於去睇下有冇分別.🌟極盛和牛雜錦套餐 （$488/ 2人份）.我地點左午市定量套餐套餐包括日本和牛🐮、SRF 美國和牛、美國牛小排、黑毛豬🐷同埋海鮮拼盤（海蝦🦐、半殼帆立貝、半殼青口、魷魚仔🦑）.牛肉方面日本和牛肉腍得黎又有啲彈牙😋SRF美國和牛同美國牛小排不相伯仲兩款入口都好甘香 濃郁牛肉味 肉質非常優質不過美國牛小排油脂分布更均勻黑毛豬肥瘦比例完美🫡至於帆立貝同青口都鮮甜 魷魚仔唔韌.各式肉丸、腸仔、午餐肉、流心芝士年糕同蔬菜可以喺自助吧自取☺️仲有前菜例如泡菜、螺頭肉、菠蘿唔夠飽仲可以食韓式公仔麵、韓式粉絲、拉麵適逢韓國祭 仲有個牌教整芝士公仔麵🧀🍜淥完個公仔麵再加上碎芝士同泡菜用餘溫溶化芝士碎就食得 超級惹味.飲品有多種罐裝汽水🥤韓式罐裝飲品、支裝茶仲有果汁機、沙冰同咖啡機☕️.甜品有泡芙、芝士蛋糕、朱古力蛋糕、爆谷等等🍰🍿仲有綠茶軟雪糕 可以加入爆珠、紅豆、棉花糖、朱古力醬加埋一齊食🍨.餐廳裝修以日韓為主題🇯🇵🇰🇷全店掛滿韓國旗仲有一個大鳥居⛩️地方闊落坐得好舒服 職員亦都有禮貌

暑假繼續同小朋友去搵食，小朋友一向都係打邊爐粉絲。大時大節，問佢食咩，一定係打邊爐。今試小朋友想試牛摩。其實打邊爐有好多間，間間好似差唔多，不過牛摩勝在湯底正，夠衛生，會再食😋午市一人一爐，我哋食SRF美國肥牛餐，成人$239，小朋友/長者$189，任食90分鐘。我叫左博多美人骨膠原啫喱雞白湯，小朋友永遠都係番茄薯仔湯。一黎到雞白湯好可愛呀😍小朋友即刻話想試😂推介食物有好多，我同小朋友最愛牛舌，薄薄地，快熟又好味。另外羊肉同美國和牛都推介。羊肉味道酥，豐富羊味，油脂分布平均。美國牛肉重牛味，好少打邊爐，任食都可以有呢個質素。另外我欣賞QR code 落單，方便好多，除咗肉類逐碟上，其他食物逐件計。好似小朋友叫蝦，我叫鴨血，真係一碟有一隻蝦同一件鴨血，唔洗浪費。出去攞既食物種類都多，有菜，有麵，有丸。另外想讚一讚衛生程度高，有十幾種醬汁可以調味。成張檯可以好乾淨，好怕啲醬汁周圍都係，呢度無咁既問題，好乾淨!😋Yummy Yummy: 9/10😋

今日同老豆撐枱腳，知道佢鍾意打邊爐又鍾意食牛肉就帶左佢去調景嶺嘅牛摩。呢間火鍋店嘅特式係一人一鍋，自己鍾意咩湯底就揀邊樣唔洗就人嘅口味🤣湯底款式有好多選擇，我鍾意食辣就加$10叫左麻辣鴨血，我諗呢個係台灣祭特式湯底，另一款就係店員推薦嘅博多美人骨膠原啫喱雞白湯，啫喱個樣係牛摩logo好cute, 水滾後會慢慢融化，令湯底更濃郁。呢度係用QR code落單好方便又唔怕漏人手入單，另設自助區，選擇非常多有魚糕，麻吉燒，獅子狗，面類，蔬菜類......今次叫左個安格斯牛頸脊海鮮放題，每款肉類都係薄切，牛頸脊鮮嫩，牛板腱帶有牛味，豚肉肥瘦適中，雞肉好嫩滑，啖啖肉😋；海鮮方面有青口，帶子，魷魚筒，青口勁大隻，淥煮左都仍然好大漲卜卜，魷魚筒好爽口，食左咁多野緊係要留肚食餐廳嘅雪糕啦，雪糕好軟滑帶有綠茶香味最黎，不得不提店舖嘅員工好有禮貌，不時走埋食客旁睇下有冇吉碟收＆加湯，值得一讚👍

久違的日式打邊爐放題🍲一人一鍋好正呀，咁就可以自己揀中意既湯底，唔洗同朋友爭😆餐廳提供6款免費的湯底👇🏻我地就揀左沙嗲沙同蟲草花雞白湯🔸博多豬骨濃湯🔹港式蕃茄薯仔湯🔸港式特濃沙嗲湯🔹昆布鰹魚清湯🔸關東煮壽喜燒🔹蟲草花雞白湯之後就揀左特選美國牛肩胛放題套餐🐮🔸特選美國牛肩胛🔹羊肉卷🔸豚肉🔹雞肉🔸黃金花枝棗🔹牛摩飯牛肉同豚肉都好好味😋我同朋友都各食左兩碟🤭個牛摩飯就好似肉燥飯咁，而個花枝丸都好彈牙好味👍🏻出面都有好多蔬果類、丸類、麵食類及壽司等等任君選擇最後食埋個抹茶軟雪糕，作為一個美麗的結束🍦食到勁飽飽～正正子😙